Matayo 1
1
Mbari yakwe Yesu Kiristo
Luka 3:23-38
1Mburi ja mbari yakwe Yesu Kiristo Muinyi wa mbari yakwe dilao Daudi nawa mbari yakwe Ibrahimu. 2Ibrahimu niu igii Isaka, Isaka nau ni igii Yakobo, Yakobo nau ni igii Yuda na vabakhu kuu, 3Yuda nau ni igii Peresi ne Zera, alhii kini ni Tamari, Peresi nau ni igii Hezroni, Hezroni nau ni igii Rami. 4Rami nau ni igii Aminadabu, Aminadabu nau ni igii Nashoni, Nashoni nau ni igii Salimoni, 5Salimoni nau ni igii Boazi, alhii kini ni Rahabu, Boazi ne Rutu niu vemuakho Obedi, Obedi niu igii Yese, 6naho ka Yese niu igii Dilao Daudi, nau ni igii Solomoni, alhii Solomoni esewa Batisheba nee mlage wakwe Uria. 7Solomoni niu igii Rehoboamu, Rehoboamu nau ni igii Abiya, Abiya nau ni igii Asa, 8Asa niu igii Yehoshafati, Yehoshafati niu igii Yoramu, Yoramu niu igii Uzia, 9Uzia niu igii Yosamu, Yosamu niu igii Ahazi, Ahazi niu igii Hezekia, 10Hezekia niu igii Manase, Manase niu igii Amoni, Amoni niu igii Yosia, 11Yosia niu kakare Yekonia hawe na vabakhu kuu. Ka nee maaze yo Vayahudi veebalejwe kuso idi la Babeli. 12Heka madamo Vayahudi vareabalejwa kuso idi la Babeli, Yekonia ekamsa Shetieli, Shetieli nau ekamsa Zerubabeli, 13Zerubabeli ekamsa Abiudi, Abiudi ekamsa Eliakimu, Eliakimu ekamsa Azori, 14Azori ekamsa Zadoki, Zadoki ekamsa Akimu, Akimu ekamsa Eliudi, 15Eliudi ekamsa Eliazari, Matani ekamsa Yakobo, 16Yakobo nau ekamsa Josefu, mwagiru wakwe Maria alhii Yesu, naka Yesu niu esewa Kiristo. 17Heelo makolwa ikado na hai kuli he Ibrahimu sari dilao Daudi. Naho kuli he dilao Daudi heelo makolwa ikado na mahai he kubalejwa kuso Babeli sa vahaye sari madamo Yesu areakhoka.
Kuakhoika kwakwe Yesu
Luka 2:1-7
18Kuakhoika kwakwe Yesu kweetoe to, Maria alhii Yesu, eehashiwe ni Josefu. Mira ii vesina zokho hawe sa muhe na mlage kuu, Maria ekailika ite aatii maso kwa umuruisho wa Saa wa Kiumbi. 19Kwaite Josefu nee mhe elo swaho kulho, ekatoti amro ilai ekudumu vahe vasiile, eedumue kuboi to kwaite teedumue kumbutu susune he vahe. 20Areakhwa echeri toti kuboi to, ekadarwa ni luireno, Mzasughawa wa are ana he Kiumbi ekamlianyija he makhala, ekamba, “Josefu, kakare Daudi, usibughenu kumdori Maria akhwa mlage kechi, kwaite elo maso kwa umuruisho wa Saa wa Kiumbi. 21Maria enesa muinyi wa kiagiru, naho unemse Yesu kwaite niu enevakaa vahe kuli he makusa kini.” 22Ya makhabuna yeelijanye kalo hu kiome cheeyoiwe ni Dilao kutakhoiya he mroto wa Kiumbi chiliijanye.
23“Mualeta esinaraabodi na muagiru enetii maso,
Enesa muinyi wa kiagiru
Navo venemse Imanueli” Nikuba, “Kiumbi eahaa hawe na nne.”
24Kwato Josefu areaka he luireno, ekaboi sakigi eesughawe ni Mzasughawe wa are ana he Kiumbi, ekamdori maria kukhwa mlage kuu. 25Mira teveebodie sa muagiru na mlage kuu sari to Maria aremsa muinyi kuu wa kiagiru, niho Josefu ekamse ilhe kuu Yesu.
Chwazi Kounye ya:
Matayo 1: NTMBL2025
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Mbugu @The Word for The World International and Mbugu Language translation, 2025. All rights reserved.