Maluko 2
2
Yesu khomopony'aa molwile yunaa apolile
Mateo 9:1-8; Luka 5:17-26
1Nsiko ntiiti panaa alejakela Yesu aleatuwaa kapelanaumu, vantu alevategeela kete aleatuwagaa khonaa khikhalaga. 2Vantu vinki alevijola mukhate ninga nyafasi yaawa khotopo kho molyango. Nanoyo avatengela vantu Mpola Nsoga, 3Ituungo aleloo vantu alevamoleeta molwile yomwii yunaa angile apolile, aleakepolagwaa ne vantu vanee. 4Kho nguno angile khopwale idale ikolo la vantu alevakhonya khomopicha molwile pepi no Yesu. Apenee alevaloma khodola idoli edali la ituntuga panaa Yesu aleapwale. Alevamotelemola molwile oyoo oko agonile kho ketanda cha ngosa. 5Yesu panaa aleawonaa khogoomba khwawe, aleamowelaa molwile oyoo yunaa aleapolile, “Mwanaane, wawochelajwaa mabe gakhoo.” 6Valaangi vamoonga va njaanga ja Musa vanaa angile vikhalaga epoo, alevandya khosiima momeoyo jawe. 7“Kho kee muntu oyo khopalaa gechoo? Epoo khomotokhaa Matuunda! Khotopo muntu yunaa nokhowola khopumya mabe ga vantu, ila topo Matuunda mwenee alemwii!”
8Apaponye Yesu aleamanya kenaa valaangi va njaanga ja Musa alevakhosiima, apenee aleavawela, “Kho kee mokhosiima gechoo momeoyo jenyu? 9Mbi, mpola kee yenaa amba mpelu, Khomoweela muntu oyo yunaa apolile, ‘Wawochelajwa mabe gakhoo,’ ao khomoweela, ‘Imelela, usole ketanda chakhoo opete?’ 10Ila nkhopooga omanye kete Mwana wa Muntu atite olaala wa khowochaa mabe kho vantu va liwelelo.” Yesu aleamowela muntu oyoo yunaa apolile, 11“Nkhokowelaa, imelela, usole ketanda chakhoo opete khokhaye yakhoo!”
12Apaponye vantu vensi panaa alevakhomokuuna, muntu oyoo aleimelela no khosola ketanda chakwe no khowookha, vantu vensi alevakhumyaa no khomokholya Matuunda khwa khopaala, “Khokale khowonage mpola kete eye.”
Yesu khomosagolaa Lawi
Mateo 9:9-13; Luka 5:27-32
13Yesu aleatuwaa khanke khompelo ya ilambo lya Galilaya, idale ikolo la vantu alelamopetela, apenee nanuyo aleandyaa khovaliga. 14Panaa alekhokela, aleamowona Lawi mwana wa Alufayo, ikhalagaa palwande ya khokhonganelya ikodi. Yesu amowela ndondee apenee Lawi aleimelelaa no khomolonda.
15Apenee Yesu panaa angile kholyaa endya mokhaye ya Lawi, vakhongan'yaa kodi vinki palomwi ne vanaa alevatite mabe, angile vakholya palomwi no Yesu ne vahemba vakwe, kho nguno angile khole vantu vinki vanaa angile vakhomoloonda. 16Apenee valaangi vamoonga va njaanga ja Musa angile Mafalisayo panaa alevamowona Yesu kholyaa palomwi ne vantu vanaa alevatite mabe ne vakhongan'yaa kodi alevavawolya vahemba vakhwe, “Kho kee Yesu kholyaa palomwi ne vakhongan'yaa kodi palomwi ne vantu wa mabe?”
17Yesu panaa aleategela egoo, aleavawelaa, “Vantu vanaa nkha valwile vakhamoloma mogaanga, ila vanaa valwile topo. Alenkiija kho nguno ya khoveeta vantu vanaa vatokhola mabe, ila vantu vanaa vatite mabe.”
Yesu khowolwaa mpola ja khwiyiima kholya
Mateo 9:14-17; Luka 5:33-39
18Vahemba va Yohana ne vahemba va Mafalisayo angile vakhwiyiima kholya. Apene vantu vaange aleviija vamowolya Yesu, “Kho kee vahemba va Yohana ne Mafalisayo vakhwiyiima kholya, ila vahemba vakhoo vakhavakhwiyiima kholya?” 19Yesu aleavawolya, “Vahenja va mwenga wa kegwisha aviyiima mbi kholya oko vapwale no mwenga wa kegwisha? Ituungo lensi panaa valaawa no mwenga wa kegwisha khotopo viyiime kholya. 20Ila ituungo lelapikha panaa mwenga wa kegwisha alalejwa khwawe, epoo papene valiyiima kholya.”
21Khotopo muntu yunaa khodomula kelakha cha mwenda mopyaa no khokesunela pa mwenda mosakhalu. Mbe khanoja gechoo, kelakha echoo keladewokha, no mwenda ogoo golongelekha khodewokha. 22Avivyoo khotopo muntu yunaa alatole divai mpyaa kho mefukho mesakhalu ja ntila, mbe khanoja gechoo, divai mpyaa elademola mefukho eyoo, divai eliitekha ne mefukho ja ntila ilanonekha, ila divai mpyaa ketolwaa kho mefukho mepyaa ja ntila.
Yesu khowolwaa mpola ya Nsiko ya Khosuupa
Mateo 12:1-8; Luka 6:1-5
23Nsiko yemwi ya Khosuupa, Yesu palomwi ne vahemba vakwe angile vakhokela pakhate ya mogoonda gwa ngano. Panaa angile vakhokela momogoonda, vahemba vakwe alevandya khowuna mateende ga ngano ili valye. 24Mafalisayo alevamowolya Yesu, “Kunaa, kho kee vahemba vakhoo vakhotomama melemo jenaa jekhalomwa khotomamwa Nsiko ya Khosuupa?”
25Yesu avawelaa, “Mbi, mokhasoma venaa aleanojaa Daudi palomwi ne vayaakwe panaa alevatite njala? 26Abiasali panaa alemopumya matambekho molaala wa Matuunda, Daudi aleingelaa mo nyoomba ya Matuunda alya mekhate eyoo yenaa angile avalyaga vapumya matambekho valaala va Matuunda topo, ila Daudi angile alyaa no khovapeela vayaakwe.”
27Apenee Yesu avawelaa, “Nsiko ya Khosuupa aleyatolwaa kho nguno ya vantu, ila nkha Nsiko ya Khosuupa kho nguno ya vantu. 28Kho gechoo, Mwana wa Muntu amwene molaala wa Nsiko ya Khosuupa.”
Chwazi Kounye ya:
Maluko 2: NTKIBL2025
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Kimbu @The Word for The World International and Kimbu Language translation, 2025. All rights reserved.
Maluko 2
2
Yesu khomopony'aa molwile yunaa apolile
Mateo 9:1-8; Luka 5:17-26
1Nsiko ntiiti panaa alejakela Yesu aleatuwaa kapelanaumu, vantu alevategeela kete aleatuwagaa khonaa khikhalaga. 2Vantu vinki alevijola mukhate ninga nyafasi yaawa khotopo kho molyango. Nanoyo avatengela vantu Mpola Nsoga, 3Ituungo aleloo vantu alevamoleeta molwile yomwii yunaa angile apolile, aleakepolagwaa ne vantu vanee. 4Kho nguno angile khopwale idale ikolo la vantu alevakhonya khomopicha molwile pepi no Yesu. Apenee alevaloma khodola idoli edali la ituntuga panaa Yesu aleapwale. Alevamotelemola molwile oyoo oko agonile kho ketanda cha ngosa. 5Yesu panaa aleawonaa khogoomba khwawe, aleamowelaa molwile oyoo yunaa aleapolile, “Mwanaane, wawochelajwaa mabe gakhoo.” 6Valaangi vamoonga va njaanga ja Musa vanaa angile vikhalaga epoo, alevandya khosiima momeoyo jawe. 7“Kho kee muntu oyo khopalaa gechoo? Epoo khomotokhaa Matuunda! Khotopo muntu yunaa nokhowola khopumya mabe ga vantu, ila topo Matuunda mwenee alemwii!”
8Apaponye Yesu aleamanya kenaa valaangi va njaanga ja Musa alevakhosiima, apenee aleavawela, “Kho kee mokhosiima gechoo momeoyo jenyu? 9Mbi, mpola kee yenaa amba mpelu, Khomoweela muntu oyo yunaa apolile, ‘Wawochelajwa mabe gakhoo,’ ao khomoweela, ‘Imelela, usole ketanda chakhoo opete?’ 10Ila nkhopooga omanye kete Mwana wa Muntu atite olaala wa khowochaa mabe kho vantu va liwelelo.” Yesu aleamowela muntu oyoo yunaa apolile, 11“Nkhokowelaa, imelela, usole ketanda chakhoo opete khokhaye yakhoo!”
12Apaponye vantu vensi panaa alevakhomokuuna, muntu oyoo aleimelela no khosola ketanda chakwe no khowookha, vantu vensi alevakhumyaa no khomokholya Matuunda khwa khopaala, “Khokale khowonage mpola kete eye.”
Yesu khomosagolaa Lawi
Mateo 9:9-13; Luka 5:27-32
13Yesu aleatuwaa khanke khompelo ya ilambo lya Galilaya, idale ikolo la vantu alelamopetela, apenee nanuyo aleandyaa khovaliga. 14Panaa alekhokela, aleamowona Lawi mwana wa Alufayo, ikhalagaa palwande ya khokhonganelya ikodi. Yesu amowela ndondee apenee Lawi aleimelelaa no khomolonda.
15Apenee Yesu panaa angile kholyaa endya mokhaye ya Lawi, vakhongan'yaa kodi vinki palomwi ne vanaa alevatite mabe, angile vakholya palomwi no Yesu ne vahemba vakwe, kho nguno angile khole vantu vinki vanaa angile vakhomoloonda. 16Apenee valaangi vamoonga va njaanga ja Musa angile Mafalisayo panaa alevamowona Yesu kholyaa palomwi ne vantu vanaa alevatite mabe ne vakhongan'yaa kodi alevavawolya vahemba vakhwe, “Kho kee Yesu kholyaa palomwi ne vakhongan'yaa kodi palomwi ne vantu wa mabe?”
17Yesu panaa aleategela egoo, aleavawelaa, “Vantu vanaa nkha valwile vakhamoloma mogaanga, ila vanaa valwile topo. Alenkiija kho nguno ya khoveeta vantu vanaa vatokhola mabe, ila vantu vanaa vatite mabe.”
Yesu khowolwaa mpola ja khwiyiima kholya
Mateo 9:14-17; Luka 5:33-39
18Vahemba va Yohana ne vahemba va Mafalisayo angile vakhwiyiima kholya. Apene vantu vaange aleviija vamowolya Yesu, “Kho kee vahemba va Yohana ne Mafalisayo vakhwiyiima kholya, ila vahemba vakhoo vakhavakhwiyiima kholya?” 19Yesu aleavawolya, “Vahenja va mwenga wa kegwisha aviyiima mbi kholya oko vapwale no mwenga wa kegwisha? Ituungo lensi panaa valaawa no mwenga wa kegwisha khotopo viyiime kholya. 20Ila ituungo lelapikha panaa mwenga wa kegwisha alalejwa khwawe, epoo papene valiyiima kholya.”
21Khotopo muntu yunaa khodomula kelakha cha mwenda mopyaa no khokesunela pa mwenda mosakhalu. Mbe khanoja gechoo, kelakha echoo keladewokha, no mwenda ogoo golongelekha khodewokha. 22Avivyoo khotopo muntu yunaa alatole divai mpyaa kho mefukho mesakhalu ja ntila, mbe khanoja gechoo, divai mpyaa elademola mefukho eyoo, divai eliitekha ne mefukho ja ntila ilanonekha, ila divai mpyaa ketolwaa kho mefukho mepyaa ja ntila.
Yesu khowolwaa mpola ya Nsiko ya Khosuupa
Mateo 12:1-8; Luka 6:1-5
23Nsiko yemwi ya Khosuupa, Yesu palomwi ne vahemba vakwe angile vakhokela pakhate ya mogoonda gwa ngano. Panaa angile vakhokela momogoonda, vahemba vakwe alevandya khowuna mateende ga ngano ili valye. 24Mafalisayo alevamowolya Yesu, “Kunaa, kho kee vahemba vakhoo vakhotomama melemo jenaa jekhalomwa khotomamwa Nsiko ya Khosuupa?”
25Yesu avawelaa, “Mbi, mokhasoma venaa aleanojaa Daudi palomwi ne vayaakwe panaa alevatite njala? 26Abiasali panaa alemopumya matambekho molaala wa Matuunda, Daudi aleingelaa mo nyoomba ya Matuunda alya mekhate eyoo yenaa angile avalyaga vapumya matambekho valaala va Matuunda topo, ila Daudi angile alyaa no khovapeela vayaakwe.”
27Apenee Yesu avawelaa, “Nsiko ya Khosuupa aleyatolwaa kho nguno ya vantu, ila nkha Nsiko ya Khosuupa kho nguno ya vantu. 28Kho gechoo, Mwana wa Muntu amwene molaala wa Nsiko ya Khosuupa.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Kimbu @The Word for The World International and Kimbu Language translation, 2025. All rights reserved.