Mark 14
14
Shɔ pẽni yahudawa i ma nya aɗɔɔ lutɔ nɛi nyo Yesɔ vɔrɔ
1Si rotɛ dɔɔ ziti shɔ Yahudiyayi i musiyuu aruu pasika a vishaanɛ, borodi gbete vuri ɓa ɗɔnɓa yɛ, shɔyupẽni nyawaanɛyi a jaa Ɗa a shɔmala nya ãsinɛ Musa i kã nyaba gbete i sã Yesɔ nɛi nyo vɔrɔ. 2I shanɛ,<<Ama ɓa ɗāā yumusinɛ pasika ɓa, aruu i nta seti nɛ mɔɔyi i yɛ yusu nyarɛ.>>
Shɔ pnri Yesɔ nɔɔ ayuu a Betani
3Aɗagbete Yesɔ u si a betani a Siman wɛrɛ shɔgbete vibii tasiu raa yɛ, Yesɔ usi ɗɔɔ vi shaanɛ, suwɔɔ au ɗɔbii a jakɔtɔrɔ nɔɔ naa koluba sũrũ-sũrũ gbete shɔ ɓanɛ tolari u saa ayuuni, kɛɗɔn suu kɔnya kɔtɔrɔ nɔɔurɛ a tatti Yesɔ nɔɔu ayuu.
4Shɔgbete isi aɗɔuni i lɛsirɛ sisɨn i geli zɔɔnɛ, <<shɔ lɛsi nɔɔm pi ruviɗɔkɔ viya?>> 5I shanɛ<<shɔ si mɛli nɔɔu vigbete tɛɛ saa laa maani-maani ɓa taati (300) a tuu saau a ã shɔ raayi. i lasi suurɛ wàànɛ.>>
6Ama Yesɔ risiyinyanɛ<<Ɔ ya suu weze, ɔ yɔriunɛ piviya? Pɛlinpɛ vitɔ̃vɨng ang ɗɔbiini. 7Ɔ ji a shɔ raayini alee-lee ɔyɛ ãi vitɔ aɗagbete ɔ kasiyɛ. Ama ɔyɛ zɛmɓa alee-lee niɓa. 8Suum Pɛlin vigbete yɛ zɛnɔ pɛlinɛ tɛttɔ, sum tatti nɔɔ ayuu naa shɔ si tatti ang lee vɔrɔyɛ gbãntɛ gbɔ̃ti. 9N gelɔɔtɛ nizɛ, aɗagbete shɔyɛ wàánya a Ɗa nya ruubii a koo piti, vigbete suum pɛli yɛ shɔyɛ kpasisɨntɔ au knti vɔrɔni.>>
10Kɛɗɔn Yahuza gbete shɔ ɓaunɛ Iskariyoti atette Yesɔ jadɔyi kopi tu ziti, yɛ shɔyupɛ̃ni nyawàánɛ a jaa Ɗa ɗɔbii aruu u mɛlinɛ Yesɔ ai ɗɔbii. 11Naa shɔyupẽni nyawàánɛ a jaa Ɗa i ntatɛ i nta sisɨn puru waanɛ ai geliunɛ iyɛ ãu saa. kɛɗɔn Yahuza Iskarayoti kãkɛ nyaba gbete yɛ ãi Yesɔ i nyo vɔrɔ.
Yesɔ shaa vishaanɛ yumusinɛ pasika au jaɗɔyi
12A dii gbete shɔ ga vi shaanɛ yumusinɛ gbete vuri ɓa ɗɔnɓa yɛ, a Yahudiyayi nakoo kɛ diigbete shɔ yee jamɛrɛɛ yumusinɛ pasika yɛ, Yesɔ jadɔyi i hɨunɛ, <<A kasinɛ u tɔraa dɔ vi shaanɛ yumusinɛ pasika pi ɗɔpiya?>>
13Kɛɗɔn Yesɔ sho u jadɔyi ziti yɛnɛ Urushalima a ãsii-nyanɛ,<< Ɔ to yɛti komɔɔ ɔyɛ kpaa jawɔɔ tuu jakpari miitɛ ayuu ɔ gɨu akntini. 14A wɛrɛ gbete jaukɛ tonɛ piti, ɔ geli shɔwɛrɛunɛ, <shɔmala hɨ nɛ: jaa gbete nɛn yɛ shaa vi aɗɔn au jaɗɔyini piya?> 15Jau yɛ tasɔɔ jaa pẽniba wɔɔ shɔ yisiu ɓuzɨng tɔ̃rinɛ tɛttɔ. Ɔ tɔ̃riu ɗɔɔ vi shaanɛ a ɗɔukɔ.>>
16Kɛɗɔn Yesɔ jadɔyi i to yɛti komɔɔrɛ i kpaajo nagbete Yesɔ geliyi kɔ, i tɔ̃ri ɗɔɔ vi shaanɛu rɛ.
17Aɗaɗɗarɛ Yesɔ arɛ au jadɔyi kopi tu zitini. 18Aɗagbete Yesɔ au jaɗɔyi kopi atu ziti i ɗɔɔ vi shaanɛ, Yesɔ geliyinɛ, <<N gelɔɔtɛ, shɔwɔɔ awɔ tettemkɔ yɛ mɛlintɔ-- shɔgbete u ɗɔɔ vi shanɛ awunim.>>
19Kɛɗɔn Yesɔ jaɗɔyi i sisɨn lɛsirɛ i ga hɨnɛ gbete-gbete nɛ, <<A sha pɛ nkɔ ya?>>
20Yesɔ kasiyinya nɛ,<<Shɔzɛ gbete a tette kopi tu ziti miyikɔ, gbete u shaa vishaanɛ pii gbete awunim.>> 21Ɔ̃rii Yesɔ shɔzɛjatɛ a kɔrɔ u vɔɔrɛ nagbete Ɗalapa sha au laabeenɛ si tɛ̃ɛtɛ̃ɛ. Shɔgbete mɛli Yesɔ, yɛ ɔri shɔgbeteu mɛli jashɔzɛm kɛvi yukɔnɛǃ yɛ ɔ̃riukɛ naa shɔ siji yeeu kɔɓa.
22Aɗagbete isi ɗɔɔ vi shaanɛ Yesɔ tuu borodi, a dɔ̃ri Ɗa kɛɗɔn ɗalirɛ, a ãu jadɔyi shanɛ, <<Ɔ tɛnɛ; shompɛ n bii.>>
23Kɛɗɔn Yesɔ tuu jawamii Inabi a ɗɔ̃ri Ɗa a ãu jadɔyi i ɓoorɛ piti kpai.
24Yesɔ geliyi nɛ,<<shompɛ n kpaa gbete shɔ tɛ̃ɛ̃ aruu maanɛ tette Ɗalapa a shɔzɛ waanɛ iyuu.>> 25<< N gelɔɔtɛ nizɛ, n yɛn ɓoo mii Inabi tɔtti ɓa, see leegbete n ɓoo mii Inabi sɔɔ aɗɔgbete Ɗa roo kpati yɛ.>>
26Naa i tɔ̃ soo Ɗalapa bɛlinɛtɛ i yɛkɛ kɔpɔ zeentung.
Bituru maasi Yesɔ nya
27Yesɔ geliyinɛ,<<Ɔ piti kpai ɔ yurɛ ɔ yantɔ,>> aruugbete Ɗa shatɛttɔ au laabeenɛː
nyɛn nyo jagavivaayi vɔrɔtɔ
mɛrɛɛyi piti kpai iyɛ sãtitɔ.
28<<Ama aɗagbete nkɛ yunɛ sàà asuruni, nyɛn yɛ awɔ ɗekn yɛnɛ tipi Urushalima ɔ yɛ kpang aɗɔwakɔ.>>
29Bituru geliu nɛ, <<ikɛ nwesinɛ piti kpai, n yɛn nwesi ɓɛɛjo ɓa!>>
30Yesɔ risi Bituru nyanɛ, << N gelɔɔ tɛ nizɛ, nɛ̀m a zɨmbankɔ kɔ̃ɔ̃ u ɓɛɛ nya ɓaanɛ ɓa ziti a yɛ masing nya ɓa taati.>>
31Ama Bituru risinya akakaani a shanɛ, <<ko shɔyɛ nyɔng vɔrɔ asàà a mɔkɔni n yɛn bɛɛ aruu bii ɓa.>>
Yesɔ jadɔyi gãsiyi i shajo vigbetenkɔ piti.
Yesɔ gakki Ɗa a Jesimani
32Yesɔ au jaɗɔyi i yɛ ɗɔwɔɔ shɔ ɓanɛ Jesimani, kɛɗɔn Yesɔ geliu jadɔyi nɛ,<< ɔ ɔ̃nɛ aɗɔnkɔ n gakki Ɗa pɛ.>> 33Yesɔ tuu Bituru, Yakubu a Yɔhana a yɛ ɗɔu ayini, kɛɗɔn ga yukɔnɛ kpanɛ a raa ɓoonɛ ni au suru waanɛ. 34Yesɔ geliyi nɛ,<<N suru bii aɗɔ raa ɓoonɛ naa n yɛn vɔtɔ, ɔ ɔ̃ ɗɔnkɔ ɔkɔɔ roo-nɔrɔɔnɛ.>>
35Naa gisitɛ ɗekn Yesɔ ta a yugbot atipi, a gakki Ɗa a shanɛ, kɛ pɛlinɛtɔ, shɛshing pɛ ang raa ɓoonɛni. 36Yesɔ gaki Ɗa nɛ,<<Abba, maye! Viwɔɔ lɛraa kakaa ɓa. tusun raa ɓoonɛm kati. ɓang kasinɛ ɓa, ama vigbete a kasiyɛ.>>
37Kɛɗɔn Yesɔ sɔu jadɔyi i ɗɔbii a kpai anɔrɔɔ. A hɨ Bituru nɛ,<<Siman, adoo ɗɔɔ nɔrɔɔ-roonɛ ya? Ɔ zɛnɔɔ ɔ̃nɛ ɓa nɔkãkãari dɔɗaa gbete ɓaya?>> 38A Yesɔ geliyi nɛ, ɔ ɔ̃ nɔkãkãari, ɔ gakki Ɗa, nɔgbete ɔyɛ nwesi ɓa a japẽpẽẽ nani ɓa. suru bii kasi tɛ ama biiji laki ɓa.
39Kɛɗɔn Yesɔ yau jadɔyirɛ a sɔɔ ɗɔɔ Ɗa gakkinɛ sɔ̃nrɛ, arɛ a kpai sɔ̃n anɔrɔɔ a geliyi sɔ̃nji vigbete geliyi siyɛ. 40Naa sɔɔ sɔ̃ntɛ kpai sɔ̃nji anɔrɔɔ, aruu siinɔɔ kpetitɛ a nɔrɔɔni. iji zɛ vigbete iyɛ geliu yɛɓa.
41Naa Yesɔ sɔtɛ ɓa taati a geliyinɛ,<<ɔ doo ɗɔɔ susunɛ anɔrɔɔ-roonɛ ya? Tesitɛ-nankɔǃ Ɗaa-pɛlitɛ! Ɔ zɛpɛ! Shɔzɛja shɔ mɛliutɛ a shɔ ruuviniyi naa.>> 42Ɔ yunɛ u yarɛǃ shɔgbete mɛlin yɛ u yɛm.
Shɔ sã Yesɔ tɛ
43Aɗagbete Yesɔ siu doo ɗɔɔ nyanwanɛ, shɔzɛ gbete atette Yesɔ jadɔyi kopi tu ziti Yahuza shɛrɛ au bii a shɔwɔyini waanɛ, i sãli zààli a naa a laabāāni pẽniba gbete u yuu pẽniba, shɔyupẽni nyawàànɛ a jaa Ɗa a shɔmala nya-ãsinɛ Musa wɔsɔ̃n shɔpẽni ɗɔlaa ikɔi shɔirɛ a Yesɔ ɗɔbii.
44Shɔgbete mɛli Yesɔu si ma ruu tɛttɔ a mɔɔyini nɔgbete yɛ tasiyi shɔgbeteyi iyɛ sãuyɛː <<Shɔgbete nkɛ kɔ̃tiu nanɛ abiiyɛ si ukɔ; Ɔ sãurɛ ɔyɛ awuni ɔ ã sɔjayi naa.>> 45Naa Yahuza tottɛ tɛɛ bɛɛjo Yesɔ ɗɔbii, a shanɛ,<< shɔmalaǃ>> a kɔ̃tiu naarɛ bii. 46Kɛɗɔn shɔ sã Yesɔ rɛ a maurɛ. 47Ama shɔzɛ gbete atette Yesɔ jadɔyi shɛshi zāāli a ko shɔyupẽni nyawaanɛ jaa Ɗa jawɛrɛ shoo.
48Yesɔ shanɛ<<Ɔ ang ɗɔ sãnɛ a laabàà a zāālini naa, naa ɓɔɔ ya? 49Ji lee-lee nji ɔkɔni a ɗɔɔzɔɔ, n ɗɔɔ shɔvi matinɛ a jaa Ɗa ɔji sãn ɓa. Ama ɔtɛ a kɔrɔ vigbete Ɗalapa shayɛ u pɛlitɔ.>> 50Kɛɗɔn Yesɔ jaɗɔyi piti kpai i lokiurɛ i yurɛ i yaurɛ yɔbm.
51Aɗagbete shɔ sã Yesɔ yɛ jakasa wɔɔ siɗɔn u viwɔɔɓa see fãrã biizunɛ gbete u saa yuu bang, gɨng Yesɔ a knti aɗagbete shɔ kasiu sãnɛ yɛ.
52Jau yuu bii-wati a yau fãrã biizunɛ a knti.
Yesɔ a kn shɔyupẽni dɔlayi dekn
53I tuu Yesɔ i n-tiu a shɔyupɛ̃ni nyanwaanɛ jaa Ɗa a shɔmala nya ãsinɛ wɔsɔ̃n shɔyupẽni dɔlayi i dekn, i piti kpai i toli nya aɗɔukɔ. 54Bituru gn Yesɔ kpɛlɛ awuni, a to shɔyupẽni nyawaanɛ jaa Ɗa wɛrɛ, aɗɔukɔ ɔ̃ a sɔjayini i ɗɔ yaa wɔɔnɛ aɗɔɔzɔɔ.
55Shɔyupẽniyi nya waanɛ jaa Ɗa a kn shɔyupẽni dɔlayini kpai i kãli nyaba ruu kɔ̃linɛ gbete iyɛ sã Yesɔ awuniyɛ nɔgbete iyɛ nyou vɔrɔyɛ, ama iji kpaa ɓa. 56Shɔzɛ waanɛ i yeri Yesɔ nya ayuu ama i nya ji ɔ̃ ɓa gbete niɓa.
57Akntiuni kpai shɔgãsiyi i yure i yeri Yesɔ nya ayuu i shanɛː 58<<U ntarɛ kɛ shanɛ nɛn, <N yɛn zɨɨli jaa Ɗa gbete shɔzɛ maarɛn, n maasɔ̃n alee taati, ɓa shɔwɔɔ naa pɔ̃nɛni ɓa.> >> 59Ama i nya yelinɛ a Yesɔ yuu ji a ɓa gbete niɓa.
60Kɛɗɔn shɔyupẽni nyanwaanɛ jaa Ɗa yulaparɛ, a mɔɔyi i ɗekn a hɨ Yesɔ nɛ, <<A yɛ kasing nya ɓaya? A sha ɓɛɛnɛ ivi aruugbete shɔmiyi shali āā yuumini viya?>> 61Ama Yesɔ ɔ̃ a nyani ji risinya ɓa.
Shɔyupẽni nyanwaanɛ jaa Ɗa hɨ Yesɔ ruu sɔ̃n nɛ,<<Mɔkaa kirisi yaa? Ɗa jaa gbete u gn yɛ ya?>>
62Yesɔ kasinyanɛ,<<Nn nkɔ, ɔ yɛ zɛ shɔzɛja ɔ̃tɛ a ɓeye nakn Ɗalapa gbete vi tɛu kakaa ɓa, ɔ yɛ zɛng sɔ̃n aɗɔɔ anɛ a nyasi aɗɔgbete Ɗalapa ɔ̃ ɗɔnyɛ.>>
63Kɛɗɔn shɔyupẽni nyanwaanɛ jaa Ɗa tãsiu fãrã biirɛ a shanɛ, <<Ɔ kã sɔ̃n kɛpi shɔ shinɛ shopiya?>> 64<<Ɔ nta nɔgbete lɛsi Ɗalapa nii yɛtɛ.>>Ɔ shakɛnɛ iviya?
I piti kpai i shanɛ jam yɛtɛ nɔgbete shɔyɛ nyou vɔrɔ yɛ. 65Kɛɗɔn shɔwɔyi tuliu susãri bii, i mau nɔɔ i waurɛ, i shanɛ,<< Akɛ ɔ̃nɛ Ɗa jaa shɔnɛ geliunɛ pi waa piyaǃ>> kɛɗɔn Sɔjayi i sã Yesɔ rɛ i waurɛ.
Bituru masi Yesɔ nya
66Aɗauni si Bituru u ɗɔɔ ɔ̃nɛ a nye yaa a shɔyupẽni nyanwaanɛ jaa Ɗa wɛrɛ, jasuu wɛrɛu wɔɔ arɛ au ɗɔbii. 67Naa jasuu zɛ Bituru tɛ u ɗɔɔ yaa wɔɔnɛ, jasuu a māāni a tẽẽri Bituru nɔɔ bii a shanɛ.
<< A ji nyazɔ a Yesɔ, shɔ nazara ni.>>
68Ama Bituru masi nya ɗɔn, <<N ji zɛ ɓa, n ji zɛ ruugbete a nwanya au yuuni yɛ ɓa,>>Nya gbete Bituru risi yɛ, kɛɗɔn shɛ bili kɛ a nyaba tonɛ.
69Naa jasuu wɛrɛu zɛ Bituru sɔ̃ntɛ ageli shɔgbete shi a Bituru ni nɛ,<<Jam u pɛ Yesɔ jaɗɔ.>> 70Ama Bituru masiyi nya sɔ̃ntot.
Akntiu ni tɔtti, shɔgbete i shi a Bituru ni māāni i geliunɛ,<< A masi nya dooɓa a pɛ Yesɔ jadɔ, aruugbete a pɛ shɔ Galili.>>
71Kɛɗɔn Bituru shanɛ, <<N teetɛ n gelɔɔ pɛ nizɛǃ Ɗalapa u gɔ̃n yuushotɔ nkɛ yeenɛ nya, n ji zɛ jagbete ɔ nwa nya au yuunim ɓa.>>
72Bituru u bɛɛ shanɛ nam tɛ̃ɛ̃ti kpasi kɔ̃ɔ̃ ɓaa nya rɛ ɓaa ziti, Kɛɗɔn Bituru kpai sisɨn aruugbete Yesɔ geliyi yɛ nɛ,<< Kɔ̃ɔ̃ bɛɛ nya ɓanɛ ɓa ziti ayɛ masing nya ɓa taati.>> kɛɗɔn Bituru shi bili a nwesirɛ u ɗɔɔ nyavɔ sɨnɛ.
Chwazi Kounye ya:
Mark 14: Laa
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria
Mark 14
14
Shɔ pẽni yahudawa i ma nya aɗɔɔ lutɔ nɛi nyo Yesɔ vɔrɔ
1Si rotɛ dɔɔ ziti shɔ Yahudiyayi i musiyuu aruu pasika a vishaanɛ, borodi gbete vuri ɓa ɗɔnɓa yɛ, shɔyupẽni nyawaanɛyi a jaa Ɗa a shɔmala nya ãsinɛ Musa i kã nyaba gbete i sã Yesɔ nɛi nyo vɔrɔ. 2I shanɛ,<<Ama ɓa ɗāā yumusinɛ pasika ɓa, aruu i nta seti nɛ mɔɔyi i yɛ yusu nyarɛ.>>
Shɔ pnri Yesɔ nɔɔ ayuu a Betani
3Aɗagbete Yesɔ u si a betani a Siman wɛrɛ shɔgbete vibii tasiu raa yɛ, Yesɔ usi ɗɔɔ vi shaanɛ, suwɔɔ au ɗɔbii a jakɔtɔrɔ nɔɔ naa koluba sũrũ-sũrũ gbete shɔ ɓanɛ tolari u saa ayuuni, kɛɗɔn suu kɔnya kɔtɔrɔ nɔɔurɛ a tatti Yesɔ nɔɔu ayuu.
4Shɔgbete isi aɗɔuni i lɛsirɛ sisɨn i geli zɔɔnɛ, <<shɔ lɛsi nɔɔm pi ruviɗɔkɔ viya?>> 5I shanɛ<<shɔ si mɛli nɔɔu vigbete tɛɛ saa laa maani-maani ɓa taati (300) a tuu saau a ã shɔ raayi. i lasi suurɛ wàànɛ.>>
6Ama Yesɔ risiyinyanɛ<<Ɔ ya suu weze, ɔ yɔriunɛ piviya? Pɛlinpɛ vitɔ̃vɨng ang ɗɔbiini. 7Ɔ ji a shɔ raayini alee-lee ɔyɛ ãi vitɔ aɗagbete ɔ kasiyɛ. Ama ɔyɛ zɛmɓa alee-lee niɓa. 8Suum Pɛlin vigbete yɛ zɛnɔ pɛlinɛ tɛttɔ, sum tatti nɔɔ ayuu naa shɔ si tatti ang lee vɔrɔyɛ gbãntɛ gbɔ̃ti. 9N gelɔɔtɛ nizɛ, aɗagbete shɔyɛ wàánya a Ɗa nya ruubii a koo piti, vigbete suum pɛli yɛ shɔyɛ kpasisɨntɔ au knti vɔrɔni.>>
10Kɛɗɔn Yahuza gbete shɔ ɓaunɛ Iskariyoti atette Yesɔ jadɔyi kopi tu ziti, yɛ shɔyupɛ̃ni nyawàánɛ a jaa Ɗa ɗɔbii aruu u mɛlinɛ Yesɔ ai ɗɔbii. 11Naa shɔyupẽni nyawàánɛ a jaa Ɗa i ntatɛ i nta sisɨn puru waanɛ ai geliunɛ iyɛ ãu saa. kɛɗɔn Yahuza Iskarayoti kãkɛ nyaba gbete yɛ ãi Yesɔ i nyo vɔrɔ.
Yesɔ shaa vishaanɛ yumusinɛ pasika au jaɗɔyi
12A dii gbete shɔ ga vi shaanɛ yumusinɛ gbete vuri ɓa ɗɔnɓa yɛ, a Yahudiyayi nakoo kɛ diigbete shɔ yee jamɛrɛɛ yumusinɛ pasika yɛ, Yesɔ jadɔyi i hɨunɛ, <<A kasinɛ u tɔraa dɔ vi shaanɛ yumusinɛ pasika pi ɗɔpiya?>>
13Kɛɗɔn Yesɔ sho u jadɔyi ziti yɛnɛ Urushalima a ãsii-nyanɛ,<< Ɔ to yɛti komɔɔ ɔyɛ kpaa jawɔɔ tuu jakpari miitɛ ayuu ɔ gɨu akntini. 14A wɛrɛ gbete jaukɛ tonɛ piti, ɔ geli shɔwɛrɛunɛ, <shɔmala hɨ nɛ: jaa gbete nɛn yɛ shaa vi aɗɔn au jaɗɔyini piya?> 15Jau yɛ tasɔɔ jaa pẽniba wɔɔ shɔ yisiu ɓuzɨng tɔ̃rinɛ tɛttɔ. Ɔ tɔ̃riu ɗɔɔ vi shaanɛ a ɗɔukɔ.>>
16Kɛɗɔn Yesɔ jadɔyi i to yɛti komɔɔrɛ i kpaajo nagbete Yesɔ geliyi kɔ, i tɔ̃ri ɗɔɔ vi shaanɛu rɛ.
17Aɗaɗɗarɛ Yesɔ arɛ au jadɔyi kopi tu zitini. 18Aɗagbete Yesɔ au jaɗɔyi kopi atu ziti i ɗɔɔ vi shaanɛ, Yesɔ geliyinɛ, <<N gelɔɔtɛ, shɔwɔɔ awɔ tettemkɔ yɛ mɛlintɔ-- shɔgbete u ɗɔɔ vi shanɛ awunim.>>
19Kɛɗɔn Yesɔ jaɗɔyi i sisɨn lɛsirɛ i ga hɨnɛ gbete-gbete nɛ, <<A sha pɛ nkɔ ya?>>
20Yesɔ kasiyinya nɛ,<<Shɔzɛ gbete a tette kopi tu ziti miyikɔ, gbete u shaa vishaanɛ pii gbete awunim.>> 21Ɔ̃rii Yesɔ shɔzɛjatɛ a kɔrɔ u vɔɔrɛ nagbete Ɗalapa sha au laabeenɛ si tɛ̃ɛtɛ̃ɛ. Shɔgbete mɛli Yesɔ, yɛ ɔri shɔgbeteu mɛli jashɔzɛm kɛvi yukɔnɛǃ yɛ ɔ̃riukɛ naa shɔ siji yeeu kɔɓa.
22Aɗagbete isi ɗɔɔ vi shaanɛ Yesɔ tuu borodi, a dɔ̃ri Ɗa kɛɗɔn ɗalirɛ, a ãu jadɔyi shanɛ, <<Ɔ tɛnɛ; shompɛ n bii.>>
23Kɛɗɔn Yesɔ tuu jawamii Inabi a ɗɔ̃ri Ɗa a ãu jadɔyi i ɓoorɛ piti kpai.
24Yesɔ geliyi nɛ,<<shompɛ n kpaa gbete shɔ tɛ̃ɛ̃ aruu maanɛ tette Ɗalapa a shɔzɛ waanɛ iyuu.>> 25<< N gelɔɔtɛ nizɛ, n yɛn ɓoo mii Inabi tɔtti ɓa, see leegbete n ɓoo mii Inabi sɔɔ aɗɔgbete Ɗa roo kpati yɛ.>>
26Naa i tɔ̃ soo Ɗalapa bɛlinɛtɛ i yɛkɛ kɔpɔ zeentung.
Bituru maasi Yesɔ nya
27Yesɔ geliyinɛ,<<Ɔ piti kpai ɔ yurɛ ɔ yantɔ,>> aruugbete Ɗa shatɛttɔ au laabeenɛː
nyɛn nyo jagavivaayi vɔrɔtɔ
mɛrɛɛyi piti kpai iyɛ sãtitɔ.
28<<Ama aɗagbete nkɛ yunɛ sàà asuruni, nyɛn yɛ awɔ ɗekn yɛnɛ tipi Urushalima ɔ yɛ kpang aɗɔwakɔ.>>
29Bituru geliu nɛ, <<ikɛ nwesinɛ piti kpai, n yɛn nwesi ɓɛɛjo ɓa!>>
30Yesɔ risi Bituru nyanɛ, << N gelɔɔ tɛ nizɛ, nɛ̀m a zɨmbankɔ kɔ̃ɔ̃ u ɓɛɛ nya ɓaanɛ ɓa ziti a yɛ masing nya ɓa taati.>>
31Ama Bituru risinya akakaani a shanɛ, <<ko shɔyɛ nyɔng vɔrɔ asàà a mɔkɔni n yɛn bɛɛ aruu bii ɓa.>>
Yesɔ jadɔyi gãsiyi i shajo vigbetenkɔ piti.
Yesɔ gakki Ɗa a Jesimani
32Yesɔ au jaɗɔyi i yɛ ɗɔwɔɔ shɔ ɓanɛ Jesimani, kɛɗɔn Yesɔ geliu jadɔyi nɛ,<< ɔ ɔ̃nɛ aɗɔnkɔ n gakki Ɗa pɛ.>> 33Yesɔ tuu Bituru, Yakubu a Yɔhana a yɛ ɗɔu ayini, kɛɗɔn ga yukɔnɛ kpanɛ a raa ɓoonɛ ni au suru waanɛ. 34Yesɔ geliyi nɛ,<<N suru bii aɗɔ raa ɓoonɛ naa n yɛn vɔtɔ, ɔ ɔ̃ ɗɔnkɔ ɔkɔɔ roo-nɔrɔɔnɛ.>>
35Naa gisitɛ ɗekn Yesɔ ta a yugbot atipi, a gakki Ɗa a shanɛ, kɛ pɛlinɛtɔ, shɛshing pɛ ang raa ɓoonɛni. 36Yesɔ gaki Ɗa nɛ,<<Abba, maye! Viwɔɔ lɛraa kakaa ɓa. tusun raa ɓoonɛm kati. ɓang kasinɛ ɓa, ama vigbete a kasiyɛ.>>
37Kɛɗɔn Yesɔ sɔu jadɔyi i ɗɔbii a kpai anɔrɔɔ. A hɨ Bituru nɛ,<<Siman, adoo ɗɔɔ nɔrɔɔ-roonɛ ya? Ɔ zɛnɔɔ ɔ̃nɛ ɓa nɔkãkãari dɔɗaa gbete ɓaya?>> 38A Yesɔ geliyi nɛ, ɔ ɔ̃ nɔkãkãari, ɔ gakki Ɗa, nɔgbete ɔyɛ nwesi ɓa a japẽpẽẽ nani ɓa. suru bii kasi tɛ ama biiji laki ɓa.
39Kɛɗɔn Yesɔ yau jadɔyirɛ a sɔɔ ɗɔɔ Ɗa gakkinɛ sɔ̃nrɛ, arɛ a kpai sɔ̃n anɔrɔɔ a geliyi sɔ̃nji vigbete geliyi siyɛ. 40Naa sɔɔ sɔ̃ntɛ kpai sɔ̃nji anɔrɔɔ, aruu siinɔɔ kpetitɛ a nɔrɔɔni. iji zɛ vigbete iyɛ geliu yɛɓa.
41Naa Yesɔ sɔtɛ ɓa taati a geliyinɛ,<<ɔ doo ɗɔɔ susunɛ anɔrɔɔ-roonɛ ya? Tesitɛ-nankɔǃ Ɗaa-pɛlitɛ! Ɔ zɛpɛ! Shɔzɛja shɔ mɛliutɛ a shɔ ruuviniyi naa.>> 42Ɔ yunɛ u yarɛǃ shɔgbete mɛlin yɛ u yɛm.
Shɔ sã Yesɔ tɛ
43Aɗagbete Yesɔ siu doo ɗɔɔ nyanwanɛ, shɔzɛ gbete atette Yesɔ jadɔyi kopi tu ziti Yahuza shɛrɛ au bii a shɔwɔyini waanɛ, i sãli zààli a naa a laabāāni pẽniba gbete u yuu pẽniba, shɔyupẽni nyawàànɛ a jaa Ɗa a shɔmala nya-ãsinɛ Musa wɔsɔ̃n shɔpẽni ɗɔlaa ikɔi shɔirɛ a Yesɔ ɗɔbii.
44Shɔgbete mɛli Yesɔu si ma ruu tɛttɔ a mɔɔyini nɔgbete yɛ tasiyi shɔgbeteyi iyɛ sãuyɛː <<Shɔgbete nkɛ kɔ̃tiu nanɛ abiiyɛ si ukɔ; Ɔ sãurɛ ɔyɛ awuni ɔ ã sɔjayi naa.>> 45Naa Yahuza tottɛ tɛɛ bɛɛjo Yesɔ ɗɔbii, a shanɛ,<< shɔmalaǃ>> a kɔ̃tiu naarɛ bii. 46Kɛɗɔn shɔ sã Yesɔ rɛ a maurɛ. 47Ama shɔzɛ gbete atette Yesɔ jadɔyi shɛshi zāāli a ko shɔyupẽni nyawaanɛ jaa Ɗa jawɛrɛ shoo.
48Yesɔ shanɛ<<Ɔ ang ɗɔ sãnɛ a laabàà a zāālini naa, naa ɓɔɔ ya? 49Ji lee-lee nji ɔkɔni a ɗɔɔzɔɔ, n ɗɔɔ shɔvi matinɛ a jaa Ɗa ɔji sãn ɓa. Ama ɔtɛ a kɔrɔ vigbete Ɗalapa shayɛ u pɛlitɔ.>> 50Kɛɗɔn Yesɔ jaɗɔyi piti kpai i lokiurɛ i yurɛ i yaurɛ yɔbm.
51Aɗagbete shɔ sã Yesɔ yɛ jakasa wɔɔ siɗɔn u viwɔɔɓa see fãrã biizunɛ gbete u saa yuu bang, gɨng Yesɔ a knti aɗagbete shɔ kasiu sãnɛ yɛ.
52Jau yuu bii-wati a yau fãrã biizunɛ a knti.
Yesɔ a kn shɔyupẽni dɔlayi dekn
53I tuu Yesɔ i n-tiu a shɔyupɛ̃ni nyanwaanɛ jaa Ɗa a shɔmala nya ãsinɛ wɔsɔ̃n shɔyupẽni dɔlayi i dekn, i piti kpai i toli nya aɗɔukɔ. 54Bituru gn Yesɔ kpɛlɛ awuni, a to shɔyupẽni nyawaanɛ jaa Ɗa wɛrɛ, aɗɔukɔ ɔ̃ a sɔjayini i ɗɔ yaa wɔɔnɛ aɗɔɔzɔɔ.
55Shɔyupẽniyi nya waanɛ jaa Ɗa a kn shɔyupẽni dɔlayini kpai i kãli nyaba ruu kɔ̃linɛ gbete iyɛ sã Yesɔ awuniyɛ nɔgbete iyɛ nyou vɔrɔyɛ, ama iji kpaa ɓa. 56Shɔzɛ waanɛ i yeri Yesɔ nya ayuu ama i nya ji ɔ̃ ɓa gbete niɓa.
57Akntiuni kpai shɔgãsiyi i yure i yeri Yesɔ nya ayuu i shanɛː 58<<U ntarɛ kɛ shanɛ nɛn, <N yɛn zɨɨli jaa Ɗa gbete shɔzɛ maarɛn, n maasɔ̃n alee taati, ɓa shɔwɔɔ naa pɔ̃nɛni ɓa.> >> 59Ama i nya yelinɛ a Yesɔ yuu ji a ɓa gbete niɓa.
60Kɛɗɔn shɔyupẽni nyanwaanɛ jaa Ɗa yulaparɛ, a mɔɔyi i ɗekn a hɨ Yesɔ nɛ, <<A yɛ kasing nya ɓaya? A sha ɓɛɛnɛ ivi aruugbete shɔmiyi shali āā yuumini viya?>> 61Ama Yesɔ ɔ̃ a nyani ji risinya ɓa.
Shɔyupẽni nyanwaanɛ jaa Ɗa hɨ Yesɔ ruu sɔ̃n nɛ,<<Mɔkaa kirisi yaa? Ɗa jaa gbete u gn yɛ ya?>>
62Yesɔ kasinyanɛ,<<Nn nkɔ, ɔ yɛ zɛ shɔzɛja ɔ̃tɛ a ɓeye nakn Ɗalapa gbete vi tɛu kakaa ɓa, ɔ yɛ zɛng sɔ̃n aɗɔɔ anɛ a nyasi aɗɔgbete Ɗalapa ɔ̃ ɗɔnyɛ.>>
63Kɛɗɔn shɔyupẽni nyanwaanɛ jaa Ɗa tãsiu fãrã biirɛ a shanɛ, <<Ɔ kã sɔ̃n kɛpi shɔ shinɛ shopiya?>> 64<<Ɔ nta nɔgbete lɛsi Ɗalapa nii yɛtɛ.>>Ɔ shakɛnɛ iviya?
I piti kpai i shanɛ jam yɛtɛ nɔgbete shɔyɛ nyou vɔrɔ yɛ. 65Kɛɗɔn shɔwɔyi tuliu susãri bii, i mau nɔɔ i waurɛ, i shanɛ,<< Akɛ ɔ̃nɛ Ɗa jaa shɔnɛ geliunɛ pi waa piyaǃ>> kɛɗɔn Sɔjayi i sã Yesɔ rɛ i waurɛ.
Bituru masi Yesɔ nya
66Aɗauni si Bituru u ɗɔɔ ɔ̃nɛ a nye yaa a shɔyupẽni nyanwaanɛ jaa Ɗa wɛrɛ, jasuu wɛrɛu wɔɔ arɛ au ɗɔbii. 67Naa jasuu zɛ Bituru tɛ u ɗɔɔ yaa wɔɔnɛ, jasuu a māāni a tẽẽri Bituru nɔɔ bii a shanɛ.
<< A ji nyazɔ a Yesɔ, shɔ nazara ni.>>
68Ama Bituru masi nya ɗɔn, <<N ji zɛ ɓa, n ji zɛ ruugbete a nwanya au yuuni yɛ ɓa,>>Nya gbete Bituru risi yɛ, kɛɗɔn shɛ bili kɛ a nyaba tonɛ.
69Naa jasuu wɛrɛu zɛ Bituru sɔ̃ntɛ ageli shɔgbete shi a Bituru ni nɛ,<<Jam u pɛ Yesɔ jaɗɔ.>> 70Ama Bituru masiyi nya sɔ̃ntot.
Akntiu ni tɔtti, shɔgbete i shi a Bituru ni māāni i geliunɛ,<< A masi nya dooɓa a pɛ Yesɔ jadɔ, aruugbete a pɛ shɔ Galili.>>
71Kɛɗɔn Bituru shanɛ, <<N teetɛ n gelɔɔ pɛ nizɛǃ Ɗalapa u gɔ̃n yuushotɔ nkɛ yeenɛ nya, n ji zɛ jagbete ɔ nwa nya au yuunim ɓa.>>
72Bituru u bɛɛ shanɛ nam tɛ̃ɛ̃ti kpasi kɔ̃ɔ̃ ɓaa nya rɛ ɓaa ziti, Kɛɗɔn Bituru kpai sisɨn aruugbete Yesɔ geliyi yɛ nɛ,<< Kɔ̃ɔ̃ bɛɛ nya ɓanɛ ɓa ziti ayɛ masing nya ɓa taati.>> kɛɗɔn Bituru shi bili a nwesirɛ u ɗɔɔ nyavɔ sɨnɛ.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria