Mark 13
13
Yesɔ nwanya ayuu Jaa Ɗa zɨnlinɛ
1A ɗagbete Yesɔ kɛ shɛnɛ jaa Ɗa ni, shɔzɛ gbete au tette jadɔyi shanɛ, <<Shɔmala, kn noopɛ jawaa nɔgbete shɔ kɔri maanɛ a tari yɛ! >>
2<<Yesɔ risinya nɛ, ɔ zɛ ɗɔ pɛ̃niba gbete shɔ maan tɛ ya? Ama i piti iyɛ zɨlitɔ tari wɔɔ yɛ ɔ̃ ɓa ɓɛzɔɔ wɔɔ yuuni ɓa.>>
Yuu kɔnɛ a raa ɓonɛ
3A kntiu naa Yesɔ gẽtɛ a yuu kɔpɔ zeetung ɔ̃ ɗɔn mààni a jaa Ɗa , Bituru, Yakubu, Yɔhana a Anduru i au ɗɔbii kaali i hɨu nɛ, 4I shanɛ<<Geliu pɛ vim piti kpai yɛ api ɗaviya? Kɛ iviya yɛ tasi i ɗaa pɛlinɛ atɛ viya?>>
5Yesɔ risiyi nya nɛ: ɔ kɔyuutɔ ɔkɔɔ yanɛ shɔu ɗakɔɔrɛ. 6Shɔzɛ waanɛ iyɛ pɛli vishone a kirisi nii, iyɛ ɗaki shɔ nɛ << ikɔyi kirisi,>> 7Naa ɔkɛ nta ruu sɨng nɛ ko nya dotinɛ aruu sɨng, ɔkɔɔ nta seti nɛ. Vim piti u dii yɛ atɔ nizɛ, ama u yisinɛ ji aa pɛ̃niɓa. 8Laduru iyɛ waa baa a laduru, Shɔgbeteyi a kpati wɔɔ dɔɔlaa iyɛ waa baa a shɔ kpati wɔɔ dɔɔlaa. Tipi ɓɛlinɛ yɛ ɔ̃ a koo waanɛ dɔɔ wɔsɔ̃n wɔ̃ yɛ ɔ̃ a koo ni piti kpai. ama vim piti kpai yɛ ɔ̃ naa nɔgbete jaa yeenɛ kɔ soroyi yɛ.
9<<Naa vim gaa anɛtɛ, ɔkɔɔ yuutɔ shɔyɛ tuu ɔrɛ a ã shɔ yupɛ̃ni jaa Ɗa gakinɛ naa, iyɛ waaɔrɛ ang yuu.>> shɔyɛ ntɔ gɔmna a kpatiyi ɗekn nɛ aruugbete ɔpɛ n jaɗɔyi. ama ɔ̃riu kɛ nyaba gbete ɔ nwariyi nya ang ruubii. 10Ama siu ɗaa yisinɛ ji a ɓa, n nya ruubii yɛ ɔ̃ vigbete ɔ nwari shɔ a koo piti kpai yɛ. 11Ama naa shɔ kɛ sãwɔnɛ a n-tiɔ a shɔ ruu hɨlinɛyi ɗekn, ɔkɔɔ yɔri yuu nɛ aruu vigbete ɔyɛ shayɛni. Ɔ shajo vigbete Dalapa suru bii gelɔɔ nɛ ɔ sha aɗauni, ɓa ɔkɔ nwanya awɔ yuu ɓa ama pɛ Ɗalapa suru bii yɛ nwarɛ.
12Shɔwɔ yɛ ã ɓɛzɔ nɛ shɔ nyotɔ, jaa ɓeye yɛ ãtɔ nɛ shɔu sãunɛ, jaayi iyɛ ɔ̃kɛ ai shɔ yeenɛ ni shɔ nopɔ̃ iyɛ ãi nɛ shɔ nyoi vɔrɔ. 13Shɔzɛ piti iyɛ bɛ̃ɛ̃ ɔ ruubii ang yuu, ama shɔgbete kɛ shinɛ a dɔɔ kaziti anɛ au lee yisi n yɛ rautɔ.
Raaɓoonɛ pẽniɓa
14<<Ɔ yɛ zɛ visuubũ gbete pɔ̃rɛ shɔ vɔrɛ,>> shitɛ aɗɔgbete ji tɔ̃ɓa u ɔ̃ aɗɔnyɛ ɓa, (shɔ laa ɓalinɛ u kpaa sisɨntɔ nɔgbete ruu dɔɔ tanɛ ɔ̃yɛ) kɛɗɔn shɔgbete i a tipi Yahuda i yurɛ i gẽkɛ yukɔpɔ. 15Shɔgbete kɛ ɔ̃nɛ au yuujaa lapa ukɔ notipinɛ nɛn tuu viwɔɔ ang yɛti wɛrɛ. 16Shɔgbete kɛ ɔ̃nɛ a jāā ukɔ sɔ wɛrɛ nɛ nɛn tuu fãrã bii zunɛ. 17Leeu yɛ ɔ̃ yukɔnɛ waanɛ a suu jaa yɛti a suu gbete i a ɗɔɔ jaa mii ãnɛ i ɗɔbii, jajjaayi ai ɓiniyi ni iyɛ ɓooraa waanɛ a leewuni. 18Ɔ gaki Ɗalapa tɔ yukɔnɛm ukɔ ɔnɛ a ɗaa pmti, 19Aruumkɔ leeu yɛ ɔ̃ lee yukɔnɛ pẽniba gbete shɔ ji zɛɓa yunɛ aɗagbete Ɗalapa kɔri koo yɛ anɛ nɛm, dang- dang irivim shɔyɛ pɛli tokn ɓa. 20Ama Ubeyelapa zɔ̃diiu gãsi tɛ, si ɓa ɗɔkɔ ɓa, shɔwɔ si raa naa ɓa, ama aruu shɔ tɔ̃vɨng gbete lɔyi yɛ zɔ̃diiu kɛjo ai yuukɔ. 21<<Aɗauni shɔgbete kɛ gelɔɔ nɛ, < kn nɔɔpɛ, nkɔ kirisi u yɛm!> Ko, kn nɔɔpɛ, u yɛwa!>> Ɔkɔɔ weshonɛ ɗɔn. 22Aruumkɔ kirisi nya yelinɛ a Ɗa jashonɛ nya yelinɛ i yɛ shɛtɔ. I pɛli vibii zaanɛ waanɛ aruu i ɗaki shɔ tɔ̃vɨng gbete Ɗalapa lɔyɛ, ikɛ zɛnɔɔ nɛtɔ. 23Ɔ shi doo kaziti! N gelɔɔtɛ ɔ kpaa sisɨn tɔ n gɔɔ yuushotɛ aruu vi piti kpai nɗa diu yɛ ayɛ.
Ɗalapa jaa anɛ
24Ama a knti lee yukɔnɛu,
<< Ɗaa yɛ tɔɓa,
shɛllɛ yɛ tasi ɓa;
25Sɛyi yɛ ɗɔlitɔ a lapa anɛ tipi,
Ɗalapa yɛ zɨti vi kakaa piti kpai a nyasini.>>
26Kɛdɔn adauni kopiya yɛ zɛ Yesɔ shɔzɛja shɛtɛ, aɗɔɔ anɛ a sabu a kakani pɛ̃niba a bassinɛni. 27Yesɔ yɛ sho Ɗa jashone lapa aruu i toli shɔ tɔ̃vɨng gbete Ɗalapa lɔyi yɛ ko a tipi shopiya, yunɛ ɗɔgbete koo tipi doonya yɛ yɛnɛ wɔyi piti kpai.
Vimati a laa sɨnti
28<<Dɔddɔrim ɔ kn noopɛ a laa sɨnti biiː naa u nalaa kɛ ɔ̃nɛ naa galaa gbete gaa tanɛ dootɛyɛ, gaa kɛ gappa sɔɔ tanɛ, ɔ zɛtɔ nɛ gosi ɓatɛ māāni. 29Ji nankɔ ɔ kɛ zɛ vi gbete n gelɔɔmi kpai aɗɔɔ pɛlinɛ, ɔ yɛ kpaa sisɨn tɔ nɛ ɗau atɛ māāni, si atɛ nyeja gbot. 30N gelɔɔtɛ ɔ kpaa sisɨntɔ shɔgbete ɔ doo asuruni dɔddɔrim i yɛ vɔɓa setɛ vim piti kpai pɛlitɛ. 31Koo tipi a kolapani iyɛ tɛɛtɔ, ama n nya ruubii yɛ sɔ̃ɔ̃ nyaɓa.
Shɔwɔɔ ji zɛ ɗiiu ɓa ko ɗauni ɓa
32<< Shɔwɔ ji zɛ ɓa, dii ko ɗaa gbete yɛ ayɛ ɓa, ko Ɗa jashonɛ lapa ko shɔzɛja, ama jo ɓeye gbete u kolapa ukɔ zɛ diiu jo sheeli. 33Ɔkɔɔ yuutɔ, ɔ ɔ̃ nokãkkãriǃ aruugbete ɔ ji zɛ ɗagbete diiu yɛ ayɛ ɓa. 34dii yukɔnɛ anɛ yɛ ɔ̃ naa Jaa gbete yɛ zati a ãu jawɛrɛyi vishonɛ a naa nɛyi pɛlitɔ, ama knti gbete vɔsi u jawɛrɛyi i vishonɛtɛ nɛi pɛlitɔ a shɔgbete ga wɛrɛu nɛu gatɔ.
35<< Aruu nankɔ ɔ ɔ̃ nɔkãkãri, aruu ɔ ji zɛ ɗagbete shɔwɛrɛ yɛ a wɛrɛ yɛ ɓa, a ɗarɛ ya ko a zɨnba ya ko a nogadii ya ko a shɛn ɗaa gadii. 36Ɔkɔɔ yanɛ u a gbusu u kpawɔ a nɔroo.>> 37<<Vigbete nkɛ gelɔɔ nɛm, n geli kopiya jo piti kpai i pɛli vishonɛ awuniː ɔ ɔ̃ nokãkãri!>>
Chwazi Kounye ya:
Mark 13: Laa
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria
Mark 13
13
Yesɔ nwanya ayuu Jaa Ɗa zɨnlinɛ
1A ɗagbete Yesɔ kɛ shɛnɛ jaa Ɗa ni, shɔzɛ gbete au tette jadɔyi shanɛ, <<Shɔmala, kn noopɛ jawaa nɔgbete shɔ kɔri maanɛ a tari yɛ! >>
2<<Yesɔ risinya nɛ, ɔ zɛ ɗɔ pɛ̃niba gbete shɔ maan tɛ ya? Ama i piti iyɛ zɨlitɔ tari wɔɔ yɛ ɔ̃ ɓa ɓɛzɔɔ wɔɔ yuuni ɓa.>>
Yuu kɔnɛ a raa ɓonɛ
3A kntiu naa Yesɔ gẽtɛ a yuu kɔpɔ zeetung ɔ̃ ɗɔn mààni a jaa Ɗa , Bituru, Yakubu, Yɔhana a Anduru i au ɗɔbii kaali i hɨu nɛ, 4I shanɛ<<Geliu pɛ vim piti kpai yɛ api ɗaviya? Kɛ iviya yɛ tasi i ɗaa pɛlinɛ atɛ viya?>>
5Yesɔ risiyi nya nɛ: ɔ kɔyuutɔ ɔkɔɔ yanɛ shɔu ɗakɔɔrɛ. 6Shɔzɛ waanɛ iyɛ pɛli vishone a kirisi nii, iyɛ ɗaki shɔ nɛ << ikɔyi kirisi,>> 7Naa ɔkɛ nta ruu sɨng nɛ ko nya dotinɛ aruu sɨng, ɔkɔɔ nta seti nɛ. Vim piti u dii yɛ atɔ nizɛ, ama u yisinɛ ji aa pɛ̃niɓa. 8Laduru iyɛ waa baa a laduru, Shɔgbeteyi a kpati wɔɔ dɔɔlaa iyɛ waa baa a shɔ kpati wɔɔ dɔɔlaa. Tipi ɓɛlinɛ yɛ ɔ̃ a koo waanɛ dɔɔ wɔsɔ̃n wɔ̃ yɛ ɔ̃ a koo ni piti kpai. ama vim piti kpai yɛ ɔ̃ naa nɔgbete jaa yeenɛ kɔ soroyi yɛ.
9<<Naa vim gaa anɛtɛ, ɔkɔɔ yuutɔ shɔyɛ tuu ɔrɛ a ã shɔ yupɛ̃ni jaa Ɗa gakinɛ naa, iyɛ waaɔrɛ ang yuu.>> shɔyɛ ntɔ gɔmna a kpatiyi ɗekn nɛ aruugbete ɔpɛ n jaɗɔyi. ama ɔ̃riu kɛ nyaba gbete ɔ nwariyi nya ang ruubii. 10Ama siu ɗaa yisinɛ ji a ɓa, n nya ruubii yɛ ɔ̃ vigbete ɔ nwari shɔ a koo piti kpai yɛ. 11Ama naa shɔ kɛ sãwɔnɛ a n-tiɔ a shɔ ruu hɨlinɛyi ɗekn, ɔkɔɔ yɔri yuu nɛ aruu vigbete ɔyɛ shayɛni. Ɔ shajo vigbete Dalapa suru bii gelɔɔ nɛ ɔ sha aɗauni, ɓa ɔkɔ nwanya awɔ yuu ɓa ama pɛ Ɗalapa suru bii yɛ nwarɛ.
12Shɔwɔ yɛ ã ɓɛzɔ nɛ shɔ nyotɔ, jaa ɓeye yɛ ãtɔ nɛ shɔu sãunɛ, jaayi iyɛ ɔ̃kɛ ai shɔ yeenɛ ni shɔ nopɔ̃ iyɛ ãi nɛ shɔ nyoi vɔrɔ. 13Shɔzɛ piti iyɛ bɛ̃ɛ̃ ɔ ruubii ang yuu, ama shɔgbete kɛ shinɛ a dɔɔ kaziti anɛ au lee yisi n yɛ rautɔ.
Raaɓoonɛ pẽniɓa
14<<Ɔ yɛ zɛ visuubũ gbete pɔ̃rɛ shɔ vɔrɛ,>> shitɛ aɗɔgbete ji tɔ̃ɓa u ɔ̃ aɗɔnyɛ ɓa, (shɔ laa ɓalinɛ u kpaa sisɨntɔ nɔgbete ruu dɔɔ tanɛ ɔ̃yɛ) kɛɗɔn shɔgbete i a tipi Yahuda i yurɛ i gẽkɛ yukɔpɔ. 15Shɔgbete kɛ ɔ̃nɛ au yuujaa lapa ukɔ notipinɛ nɛn tuu viwɔɔ ang yɛti wɛrɛ. 16Shɔgbete kɛ ɔ̃nɛ a jāā ukɔ sɔ wɛrɛ nɛ nɛn tuu fãrã bii zunɛ. 17Leeu yɛ ɔ̃ yukɔnɛ waanɛ a suu jaa yɛti a suu gbete i a ɗɔɔ jaa mii ãnɛ i ɗɔbii, jajjaayi ai ɓiniyi ni iyɛ ɓooraa waanɛ a leewuni. 18Ɔ gaki Ɗalapa tɔ yukɔnɛm ukɔ ɔnɛ a ɗaa pmti, 19Aruumkɔ leeu yɛ ɔ̃ lee yukɔnɛ pẽniba gbete shɔ ji zɛɓa yunɛ aɗagbete Ɗalapa kɔri koo yɛ anɛ nɛm, dang- dang irivim shɔyɛ pɛli tokn ɓa. 20Ama Ubeyelapa zɔ̃diiu gãsi tɛ, si ɓa ɗɔkɔ ɓa, shɔwɔ si raa naa ɓa, ama aruu shɔ tɔ̃vɨng gbete lɔyi yɛ zɔ̃diiu kɛjo ai yuukɔ. 21<<Aɗauni shɔgbete kɛ gelɔɔ nɛ, < kn nɔɔpɛ, nkɔ kirisi u yɛm!> Ko, kn nɔɔpɛ, u yɛwa!>> Ɔkɔɔ weshonɛ ɗɔn. 22Aruumkɔ kirisi nya yelinɛ a Ɗa jashonɛ nya yelinɛ i yɛ shɛtɔ. I pɛli vibii zaanɛ waanɛ aruu i ɗaki shɔ tɔ̃vɨng gbete Ɗalapa lɔyɛ, ikɛ zɛnɔɔ nɛtɔ. 23Ɔ shi doo kaziti! N gelɔɔtɛ ɔ kpaa sisɨn tɔ n gɔɔ yuushotɛ aruu vi piti kpai nɗa diu yɛ ayɛ.
Ɗalapa jaa anɛ
24Ama a knti lee yukɔnɛu,
<< Ɗaa yɛ tɔɓa,
shɛllɛ yɛ tasi ɓa;
25Sɛyi yɛ ɗɔlitɔ a lapa anɛ tipi,
Ɗalapa yɛ zɨti vi kakaa piti kpai a nyasini.>>
26Kɛdɔn adauni kopiya yɛ zɛ Yesɔ shɔzɛja shɛtɛ, aɗɔɔ anɛ a sabu a kakani pɛ̃niba a bassinɛni. 27Yesɔ yɛ sho Ɗa jashone lapa aruu i toli shɔ tɔ̃vɨng gbete Ɗalapa lɔyi yɛ ko a tipi shopiya, yunɛ ɗɔgbete koo tipi doonya yɛ yɛnɛ wɔyi piti kpai.
Vimati a laa sɨnti
28<<Dɔddɔrim ɔ kn noopɛ a laa sɨnti biiː naa u nalaa kɛ ɔ̃nɛ naa galaa gbete gaa tanɛ dootɛyɛ, gaa kɛ gappa sɔɔ tanɛ, ɔ zɛtɔ nɛ gosi ɓatɛ māāni. 29Ji nankɔ ɔ kɛ zɛ vi gbete n gelɔɔmi kpai aɗɔɔ pɛlinɛ, ɔ yɛ kpaa sisɨn tɔ nɛ ɗau atɛ māāni, si atɛ nyeja gbot. 30N gelɔɔtɛ ɔ kpaa sisɨntɔ shɔgbete ɔ doo asuruni dɔddɔrim i yɛ vɔɓa setɛ vim piti kpai pɛlitɛ. 31Koo tipi a kolapani iyɛ tɛɛtɔ, ama n nya ruubii yɛ sɔ̃ɔ̃ nyaɓa.
Shɔwɔɔ ji zɛ ɗiiu ɓa ko ɗauni ɓa
32<< Shɔwɔ ji zɛ ɓa, dii ko ɗaa gbete yɛ ayɛ ɓa, ko Ɗa jashonɛ lapa ko shɔzɛja, ama jo ɓeye gbete u kolapa ukɔ zɛ diiu jo sheeli. 33Ɔkɔɔ yuutɔ, ɔ ɔ̃ nokãkkãriǃ aruugbete ɔ ji zɛ ɗagbete diiu yɛ ayɛ ɓa. 34dii yukɔnɛ anɛ yɛ ɔ̃ naa Jaa gbete yɛ zati a ãu jawɛrɛyi vishonɛ a naa nɛyi pɛlitɔ, ama knti gbete vɔsi u jawɛrɛyi i vishonɛtɛ nɛi pɛlitɔ a shɔgbete ga wɛrɛu nɛu gatɔ.
35<< Aruu nankɔ ɔ ɔ̃ nɔkãkãri, aruu ɔ ji zɛ ɗagbete shɔwɛrɛ yɛ a wɛrɛ yɛ ɓa, a ɗarɛ ya ko a zɨnba ya ko a nogadii ya ko a shɛn ɗaa gadii. 36Ɔkɔɔ yanɛ u a gbusu u kpawɔ a nɔroo.>> 37<<Vigbete nkɛ gelɔɔ nɛm, n geli kopiya jo piti kpai i pɛli vishonɛ awuniː ɔ ɔ̃ nokãkãri!>>
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria