Knk 13
13
Ndil kïkunjðang køt Barnabas kï Sool kïta kïla lo Bïraþe
1Kam ngékawnat kï Antiosï, ngékelta kï ta Luwaht, kï ngéndoo deg madg ndïnt nõ. I Barnabas, kï Simõ'n a kunïna Nijer, kï Lukius'n i de kï døning Sirent, kï Manahen'n tøgïn nat kïðabe kï ngar Herod Antipas'n õþe dø Galilet, nat kï Sool ho. 2Ndø mad lon ndï øsïngon Bïraþe ho, ndï øgïn rod nyasa ho tø ye, Ndil kïkunjðang eld an: Ørrïn Barnabas kï Sool i ndand køt ko kïða kïtakad ðan kïla'n m'kund kïtatø.
3Got'n øgïn rod nyasa ho, elïn ta kï Luwah woi ye, ndan jid dødt, nyand ad awïn.
Barnabas kï Sool lan mber Hoita kïmaj kam døning Siprït
4Ndil kïkunjðang la Barnabas kï Sool ad'd awïn. Awïn þebo Selesit, nõbe unïn too kïbo awïn døning Siprït. 5Lon aw teen takumkaat kï Salamint ye, lan mber ta lo Luwah kam kuj kawnat lo Juipg. Jã Mark i nat sed kad ða sed kam kïlat. 6Lon lan go koorlo kï Siprït tube aw teen Papos ye, ndødïn ngeyo mad i Juip kï tøa i Barteen Jeju. 7De'n non ndï nat kï Serjius Polus kï i de kï ngégoosï. Serjus Polus ad kunïn Barnabas kï Sool kad elïnïn ta lo Luwah. 8Na ngeyo'n non tøa i Elymas, kï ta grek i tø de kï ngeðayo, ndoor Barnabas kï Sool, ndig kad'n tur dø Serjius kad tel ngetaata lo Krist al. 9Na Sool'n a kunïna Pol ye, Ndil kïkunjðang þaakot, ad nda kumïn kï dø Elymast ndã. 10An: Î de kï ðoosï kï gool deg, ndokum deg ðoosï kami tap, î madngeta nyaða kïdenesew tube, î ngon sitan, i ndï i sah ðob kad i tuj ðobg kïdenesew lo Bïraþe, maj kad i nya taa. 11Tajigla oo maj. Ji Bïraþe i døit, a i tel mundo, a oo kum kàd al asï tat be. Tentenbe Elymas mba girr mom lo, a sah de kad ørrïn ta kag. 12Lon ngekõþe oo nya'n ða nya nõ ye, taa ta lo Krist, kïta nyandoo lo Bïraþe dum døa kï dumbit.
Pol kï Barnabas lan mber hoita kam þebot kï Antiosï kam døningt kï Pisidi
13Pol kï deg'n în nat sia ye, alïn kam toot kïbo þebot kï Papos awïn þebot kï Perje kam døning Pampylit. Jã-Mark nyad nõbe, na tel aw gog Jerusalemt. 14Kamla, Pol kï Barnabas kï deg'n în nat sia þãin þebot kï Perje aw teen þebot kï Antiosï kï Pisidit. Lon ndø taakò lo Juipg asï ye, andïn kam kuj kawnat lo Juipg, na ndïn ber ku degt. 15Lon dan maktub mberkïnda kï maktub lo ngékelta kï ta Luwaht woi ye, kïbog kï dø kuj kawnat lo Juipg elïn Pol kï Barnabas anan: Ngankõg îla awïn kï ta mad kad i lan ne dingam kam degt ho, i sølïn ne kam deg ho a ne, j'adsï ta kad i elïn.
16Taa ne, Pol þai ða dõ, mbøj deg kï jin an: În deg kï Israel kï ngéþool Luwah, i nelïn mbisï. 17Luwah lo girrdeg'n ðan, Luwah lo Israel'n mbed bøwjg ye, ad girrdeg lon bïlan kï døt døt lon ndin ne døningt kï Ejipt't. Kamla Luwah tee sed kï tïga kï tøg jin. 18Luwah ndï sed døt mbã þal døsøø kam dïlalot. 19Lon Luwah tø koh girrdeg kïdangdang tanãimïta kam døning Kanaat ye, ad'd døning lo deg'n non nyakagþet. 20Go nyagt 'nten asï þal þu søø kï dø mi, Luwah ad'd ngégangtag mbã teen kaglot lo Samuel. 21Kamla Bøwjg ndïjen ngar, Luwah kaa ne, ad'd Sool ngon Kis ko girrkoojt lo Benjamin. Sool õþe þal døsøø.
22Go kõþet loa, Luwah ørra kø, na ndah Dabid ngart ad bøwjg, na manaj døat an: M'ngah Dabid ngon Jese, i de kïgo kam ndigt lom, îla a ða nyag tube kïgo ndigt lom ye. 23Ko kam ngaka Dabidt la Luwah þai kï ngekaj ad Israelag kïgo kunkøt lon ad i Jeju. 24Lon Jeju ðe al þaitø ye, Jã kï ngeða baptem deg la mber deg kï Israelt tube kad tørrïn ndid dø majalgt, na kï ðan baptem. 25Na lon Jã ndï tølkon kïla lon ye an: Oon a anan mî nõ a? Mî Krist al. Na oon de mad ndï ðe gomt nõ, na mî m'asï kad m'tut sa kï njat al. Pol eld tø an: 26Ngankõ, în deg kï girrkooj Abrahamt, kï deg kï ngéþool Luwah, i kïtatøj la Luwah laan kï ta 'nten kad n'aj'jïn ye. 27Kïtø ngendï þebot kï Jerusalem kï kïbog lo Juipg gerïn Jeju i Ngekaj deg al, gerïn tag lo ngékelta kï ta Luwaht'n ða dan kï ndø taakò lo Juipg al tø. Na tølïn Jeju. 28Ke neni ngahn nya mad kï asï gangta koi døat al kaa ne, ndïjen Pilat kad tøla kø. 29Lo'n tølïn kon nyag tube'n ndangïn kam maktubgt lo Luwah dan ne dø Jeju ye, got disïn sia dø sor kagt lana kam þe nint. 30Na Luwah ada þai ku ngékoit. 31Ndøg ngãibe Jeju øj ron kï ro degt'n þain sia Galilet mbã kï þebot kï Jerusalem. Tajigla, deg'n non, în ngémanaj lo Jeju nõ koosïdegt. 32Na jî taa, ndï kï lasï mber hoita kïmaj: Nya'n Luwah unïn køn ad bøwjg. 33Luwah tøl kõna kïtatøj jî ngandg, ad Jeju þai lo koit; tit'n ndangïn ne kam maktub pa psomt kïjoo: Î ngonïm. M'ooji þone. 34Ta dø þait kï Luwah ad Jeju þai lo koit, kï dãroa kï a tel kï lo ndumt gog al ye, Luwah el titbe: M'a m'adsï njang dø kïjaþat ho, kï jeje ho, tit'n m'unïn køm m'ad Dabid. 35Kïtø 'nten elïn kam maktub Psomt mad an: A i nya Ngekunjðang loi ad ndum kam þe nint al.
36Lon Dabid i kï døn dõ ye, ða kïla þer lo Luwah, ða ndig lo Luwah kamla oi, ad awïn sia duwïna kad bøwagt, ad dãroa ndum kam þe nint. 37Na Jeju taa ne, Luwah ada þai, ndum kam þe nînt al, na þai lo koit. 38Kïtø 'nten ngankõ maj kad i gerïn, i kïtakul Jeju la lasïn ne mber nyàgo majalg kø ye. 39Kïtakula tø dekïðen ndï taa ta lo Jeju a ne, takïgang goto døat. 40Kïtø 'nten oon go rosï maj, na þeta nya'n ngékelta kï ta Luwaht ndangïn ye, tee døsït, anan:
41În ngékid deg, oon maj.
Adïn ta yasï, mbã kad i goton kø,
kïta m'a m'ða kïla mad kam ndïsït kï dødõ,
ke neni de mad ørrsï hoia kaa ne,
a adïn kamsï al bat.
42Lon Pol kï Barnabas ndï teen kam kuj kawnat lo Juipg ye, ndïjend kad tel ðen ndø taakòt lo Juipg'n a ðe nõ, kad elïnd ta 'nten gog.
43Lon kawna tïga ye, Juipg ngãibe, kï deg ngétel rod go mberkïndat lo Moij ndulon go Pol kï Barnabas, elïn sed ta, adïnd køj kad høn tøgd bá kam tart lo Luwah. 44Ndø taakòt lo Juipg kï øsï go în tøi ye, deg tube kï kam þet kï Antiosï kawïn na kïta koo dø ta lo Luwah.
Pol kï Barnabas awïn kï ro girrdegt kïdangdang
45Lon Juipg oon koosïdeg ye, ni tøld søkïrr, ad majïn tag'n Pol el nõ ho, na tajïna tø ho. 46Taa ne, Pol kï Barnabas elïn deg kï kam kï misïmisï anan: Kari na în Juipg la maj kad kï la mber hoita lo Luwah kusït dasa ye. Na tit'n i mbetïn ye, i telïn rosï deg kï asïn taa kumkajir kï mbãkïnõt lo Luwah al. Kïtø 'nten oon tajigla kï ndï kï tel roj kï ro girrdegt kïdangdang. 47Kïtø Bïraþe ndaj mber an: M'ndai kad î kunj kad unj girrdeg kïdangdang, a i la mbera mbã døngoi dunia kad Luwah i ngekaj deg.
48Lon deg'n în Juipg al oon dø ta 'nten ye, ðan ronel, øsïngon ta lo Bïraþe. Deg tube'n Luwah mbed'd kete woi kïta kumkajir kï mbãkïnõt ye, taan ta lo Krist.
49Ta lo Bïraþe ørr lo wom kam døningt kïtaagbe. 50Na Juipg sïlan dekïdëg kï ngétel rod go mberkïndat lo Moij, na în Juipg al. Dekïdëg'n non în ngan ngéþeg kï Antiosï kam døning Pisidit. Juipg sïlan kïbog kï kamþet tø, ndun deg, ad dan kum Pol kï Barnabas ndo, kamla tuþand kam døningt lod kø. 51Pol kï Barnabas ndan bu njad kï dødt, na tøi awïn kam þebot kï Ikonium. 52Kam þet kï Antiosï taa ne, ngéndoog lo Jeju în kï ronel kï ðoosï kamd ho, þankot kï Ndil kïkunjðang ho tø.
Chwazi Kounye ya:
Knk 13: MB80
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
BIBLE MBAÏ © 1980 Alliance Biblique du Tchad.