Ruta Í bǔkù ó ndèy chùw ndèynì lò-kpà òluw nì drò-dró ní lò.
Í bǔkù ó ndèy chùw ndèynì lò-kpà òluw nì drò-dró ní lò.
Shú ní thíy mí ngèy cha ka nì mí lò tdrǎ Ruta mí bǔkù ó nì njèy ndèy cha Lò-ndòdha mí bǔkù ó ka ndîy nì zòw ndèymí ngǎjìní ddiy njèy ndèy ro. Ruta, Mowab sǐngba kòw tdè ndèy Israeli ó li dhò. Kpatss̀ dhì tdè ro, à pbà sǔw djîyà-nì ró cha ndèy tdè Israeli síngba nì ndèymí Israeli mí Ddrà ró. Fú ddiy dhò àmí djiy ó ngéy ní wèy-nì ngù à. Fú ków mí tuw òluw, à ngû Dawuddi mí djîyà-nì ní, cha ndèy tdè Israeli mí ddrǒngó ní pey nì.
Lò-ndòdha djá dhí ngèy nì ngéy-ngéy ní ngǎjìní lò dhǒ, cha ndèy njèy tdè ndèy bbalè ró nì, cha ndrǔ gù tdè Ddrà ro. Chú Ruta ngá ngèy nì dhǒ, Ruta chùw bû fú cho nà cha à lî tdè ndèy Israeli dhí Ddrà dè ro, ndèymí à ngû Israeli mí pbúw kàó ddì li ní.
Mí ngèy ónga ndò ndèy ddiy
Nawumi mà ngû Betelehemu mí bba ò Ruta nà 1:1-22.
Ruta mà njûw ì Bowaz nà.
Bowaz ngù Ruta 4:1-22.
Chwazi Kounye ya:
Ruta Í bǔkù ó ndèy chùw ndèynì lò-kpà òluw nì drò-dró ní lò.: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved