Ruta 4
4
Bowaz kòw Ruta
1Bowaz rà tdè ru ddrǒngó ní bba mí kaley-tsò rò ro, à dòw fungá. Li rò cha Bowaz tdrà tdè ndèy ɦuwdjò nì tdè dǎ ro, Bowaz kâ tdrà, “Ra ingá, màtsá dyànìsi ndèymí dow ingá gudjú.” Fú ddiy dhò à kâ rà ndèymí à dòw gudjú. 2Bowaz kâ ddrǒngó ní bba ó drò-dró ní kpa dri nì tsò njuw ndèymí à kâ tdrà ndrǔ dhò, “Nyì ddí dow ingá,” Ndrǔ dòw tdè ro, 3à kâ tdrà ndèy làyi dhò, “Njanja Nawumi ngû ŋà Mowab mí dziylíy óddù, à nì jǐ ndèy dzź màdhí djûnì Alimalek ngá nza ónga, 4ma ddêy nyì ddí tsǐ mí lò. Njanja ya nyi jì, dzz í ngá ì dòw nì drò-dró ní ndrǔ nyú djú. Chú ya nyi jì nzá, tdra ma dhò, ndaní ma tsǐ. Li rò nì ngǎ cha ndèy dho fú ddiy njèy nì, à nì nú nyi, ndèymí ma nà.” À kâ tdrà, “Ma rà dzz̀.”
5Bowaz kâ tdrà, “Nyi rà í nza dzz̀ Nawumi dèddù mí ddu ó. Nyi rà Ruta ddí ngù cha ndèymí dza-dja dhì tdè nì Mowab síngba. Nyi rà léy ndèy dhì tdè nì li ró dho ndrŕ ndèy sǔw nděyngá ddiy nà à ngùdha òluw.” 6Fú nga nà cha ndèynì ngùdha mí klǒw nà nì Bowaz làyi kâ tdrà, “Ma kà nzá ma ngǔ fú li, nzánà ma sǎ màtsá ddiy fú li ngùdha nà. Gbè nzǐ ma dho màtsá fú li ngùdha mí klǒw nà njí njèy níchú, ngu fú li nú nyi, nyi dhò.”
7Njanja fú ddu-kpà ó, à tdè Israeli mí bba ó lò li ngùdha mî ndèymí ddiy lídha mî à ngú ndanà njàddí li mí ní. Cha ndèynì fú ddiy ónga dzz nì li rà ndèy-koko ró shí klo ddì ka bbu cha ndèynì fú ddiy dzž nì li dè. Fú nì tdè ddiy ónga dzźdha mí tuw Israeli kàó. 8Fú ddiy dhò, Bowaz làyi kâ tdrà Bowaz dho, “Dzz fú nza nú nyi.” Ndèymí à kâ ndèy-koko ró shí klo ddì à kâ bbu Bowaz dè. 9Bowaz kâ tdrà drò-dró í ndrǔ dhò ndèymí ngéy ní bbalè nà wá. “Ndu nyì nì ì tsì í lò ró lò nì kpa cha ì tsì ma dzz̀ Nawumi dèddù Alimalek ngá ddiy wá Kiliyon ndèymí Malon ngá nà.” 10Ma ngù Ruta ddí Mowab síngba, cha ndèy dhì nì Malon ngá ngǎ-kpa-ɦíy ma dhò dza-yà ní. Fú ddiy rà ley ndèy dhì nì li ɦuwdjò rà víy nzǐ djúní kà-óddù, ǐngí ìdhí ngá bba ó nì ndrǔ kà-óddù. Ndu nyì nì fú lò ró lò ì tsì nì ndrǔ. 11Drò-dró ní ndrǔ ndèymí cha ì tdè kaley-tsò ró bbalè nà wá kâ tdrà, “Mà nì fú lò ró lò ì tsì nì ndrǔ. Bba Ddrǒngóli léy nyǐngá dza-yà ngú ngbè Rahel ndèymí Leya níchú, cha ì gòw nzòw ì ss̀ ndanà Israeli nì. Déy ndèy thokpa ó ddiy nà bíy nì li ní Efrata ó ndèymí bba nyi ró dho drř Betelehemu mí bba ó. 12Nzòw cha Ddrà rà bbu nyi dhò fú dza-yà ngòdjú nì òluw, bba nyǐngá dza déy gbè Pereza ngá dza níchú, cha Tamara gòw Yudda dho nì.” 13Fú ddiy dhò Bowaz kòw Ruta ndèy dho dza-yà ní. Ndrǔ děy tdè ddìngaó ro, Ddrǒngóli Ddrà lêy Ruta chùw ndèy zz̀ ndèymí à gòw kpatss̀-ní-ngba.
14Betelehemu mí bba ó dhì kâ tdrà Nawumi dhò, “Madha déy Ddrǒngóli dhò! Ndu à bbú nyi dhò nyi ó ddèy cha ndèy rà nyi rónga pbò Israeli kàó nì. À ɦuwdjò ngú ddrǒngó Israeli kàó. 15Fú ngba rà dey ndèy rà djiy ngù nì li ní ndèymí ndèy rà nyi rónga pbò nyìmí ngwó ó nì li ní. Ddùw-nyi-dhi cha ndèy jì nyi nì gòw fú li ndey. À nì lǎní à da kpa-ní-nzòw zarr̀gbòw nì djòluw.” 16Nawumi kâ ngba tduw ndèymí à kâ à ley ndèy dzu djú, ndèymí à kâ à rónga pbò. 17Fungá ì tdè dey Nawumi kàtéy nì bbalè kâ tdrà, “Nawumi dho ka gòw ddùwnyi.” Ndèymí ndrǔ kâ à ró dho ley Obed, cha ndèy tdè Yese mí djǎnì nì, ndèymí Dawuddi mí djǎnì.
Dawuddi ngá pbúw tey
18Í nì Pereza ngá ddèy, Pereza gòw Hezroni, 19Hezroni gòw Ram, Ram gòw Aminadabu, 20Aminadabu gòw Nason, Nason gòw Salimoni, 21Salimoni gòw Bowaz, Bowaz gòw Obed, 22Obed gòw Yese ndèymí Yese gòw Dawuddi.
Chwazi Kounye ya:
Ruta 4: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Ruta 4
4
Bowaz kòw Ruta
1Bowaz rà tdè ru ddrǒngó ní bba mí kaley-tsò rò ro, à dòw fungá. Li rò cha Bowaz tdrà tdè ndèy ɦuwdjò nì tdè dǎ ro, Bowaz kâ tdrà, “Ra ingá, màtsá dyànìsi ndèymí dow ingá gudjú.” Fú ddiy dhò à kâ rà ndèymí à dòw gudjú. 2Bowaz kâ ddrǒngó ní bba ó drò-dró ní kpa dri nì tsò njuw ndèymí à kâ tdrà ndrǔ dhò, “Nyì ddí dow ingá,” Ndrǔ dòw tdè ro, 3à kâ tdrà ndèy làyi dhò, “Njanja Nawumi ngû ŋà Mowab mí dziylíy óddù, à nì jǐ ndèy dzź màdhí djûnì Alimalek ngá nza ónga, 4ma ddêy nyì ddí tsǐ mí lò. Njanja ya nyi jì, dzz í ngá ì dòw nì drò-dró ní ndrǔ nyú djú. Chú ya nyi jì nzá, tdra ma dhò, ndaní ma tsǐ. Li rò nì ngǎ cha ndèy dho fú ddiy njèy nì, à nì nú nyi, ndèymí ma nà.” À kâ tdrà, “Ma rà dzz̀.”
5Bowaz kâ tdrà, “Nyi rà í nza dzz̀ Nawumi dèddù mí ddu ó. Nyi rà Ruta ddí ngù cha ndèymí dza-dja dhì tdè nì Mowab síngba. Nyi rà léy ndèy dhì tdè nì li ró dho ndrŕ ndèy sǔw nděyngá ddiy nà à ngùdha òluw.” 6Fú nga nà cha ndèynì ngùdha mí klǒw nà nì Bowaz làyi kâ tdrà, “Ma kà nzá ma ngǔ fú li, nzánà ma sǎ màtsá ddiy fú li ngùdha nà. Gbè nzǐ ma dho màtsá fú li ngùdha mí klǒw nà njí njèy níchú, ngu fú li nú nyi, nyi dhò.”
7Njanja fú ddu-kpà ó, à tdè Israeli mí bba ó lò li ngùdha mî ndèymí ddiy lídha mî à ngú ndanà njàddí li mí ní. Cha ndèynì fú ddiy ónga dzz nì li rà ndèy-koko ró shí klo ddì ka bbu cha ndèynì fú ddiy dzž nì li dè. Fú nì tdè ddiy ónga dzźdha mí tuw Israeli kàó. 8Fú ddiy dhò, Bowaz làyi kâ tdrà Bowaz dho, “Dzz fú nza nú nyi.” Ndèymí à kâ ndèy-koko ró shí klo ddì à kâ bbu Bowaz dè. 9Bowaz kâ tdrà drò-dró í ndrǔ dhò ndèymí ngéy ní bbalè nà wá. “Ndu nyì nì ì tsì í lò ró lò nì kpa cha ì tsì ma dzz̀ Nawumi dèddù Alimalek ngá ddiy wá Kiliyon ndèymí Malon ngá nà.” 10Ma ngù Ruta ddí Mowab síngba, cha ndèy dhì nì Malon ngá ngǎ-kpa-ɦíy ma dhò dza-yà ní. Fú ddiy rà ley ndèy dhì nì li ɦuwdjò rà víy nzǐ djúní kà-óddù, ǐngí ìdhí ngá bba ó nì ndrǔ kà-óddù. Ndu nyì nì fú lò ró lò ì tsì nì ndrǔ. 11Drò-dró ní ndrǔ ndèymí cha ì tdè kaley-tsò ró bbalè nà wá kâ tdrà, “Mà nì fú lò ró lò ì tsì nì ndrǔ. Bba Ddrǒngóli léy nyǐngá dza-yà ngú ngbè Rahel ndèymí Leya níchú, cha ì gòw nzòw ì ss̀ ndanà Israeli nì. Déy ndèy thokpa ó ddiy nà bíy nì li ní Efrata ó ndèymí bba nyi ró dho drř Betelehemu mí bba ó. 12Nzòw cha Ddrà rà bbu nyi dhò fú dza-yà ngòdjú nì òluw, bba nyǐngá dza déy gbè Pereza ngá dza níchú, cha Tamara gòw Yudda dho nì.” 13Fú ddiy dhò Bowaz kòw Ruta ndèy dho dza-yà ní. Ndrǔ děy tdè ddìngaó ro, Ddrǒngóli Ddrà lêy Ruta chùw ndèy zz̀ ndèymí à gòw kpatss̀-ní-ngba.
14Betelehemu mí bba ó dhì kâ tdrà Nawumi dhò, “Madha déy Ddrǒngóli dhò! Ndu à bbú nyi dhò nyi ó ddèy cha ndèy rà nyi rónga pbò Israeli kàó nì. À ɦuwdjò ngú ddrǒngó Israeli kàó. 15Fú ngba rà dey ndèy rà djiy ngù nì li ní ndèymí ndèy rà nyi rónga pbò nyìmí ngwó ó nì li ní. Ddùw-nyi-dhi cha ndèy jì nyi nì gòw fú li ndey. À nì lǎní à da kpa-ní-nzòw zarr̀gbòw nì djòluw.” 16Nawumi kâ ngba tduw ndèymí à kâ à ley ndèy dzu djú, ndèymí à kâ à rónga pbò. 17Fungá ì tdè dey Nawumi kàtéy nì bbalè kâ tdrà, “Nawumi dho ka gòw ddùwnyi.” Ndèymí ndrǔ kâ à ró dho ley Obed, cha ndèy tdè Yese mí djǎnì nì, ndèymí Dawuddi mí djǎnì.
Dawuddi ngá pbúw tey
18Í nì Pereza ngá ddèy, Pereza gòw Hezroni, 19Hezroni gòw Ram, Ram gòw Aminadabu, 20Aminadabu gòw Nason, Nason gòw Salimoni, 21Salimoni gòw Bowaz, Bowaz gòw Obed, 22Obed gòw Yese ndèymí Yese gòw Dawuddi.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved