Ruta 3
3
Ruta chùw ndèy dho dza-dja
1Ddì nì ddu ó Ruta mí djîyà-nì Nawumi tdrà à dho, “Màtsá dhànì, à jì ma chǔw dza nyi dhò, cha nyi rà dey ǒmá lǎní ndèymí à bbú nyi dhò cha nyi rà jì nì ddiy. 2À ní ngǎ Bowaz, nděyngá noyi nà ndèy tdè nì, mà làyi ní? Ndu nì kúw ó à rà dey nděyngá ngǎnù rónga lídha mí tdúgi djú. 3Gbú nyi rónga ndèymí vǐy chìy, ndèymí thó lǎní rù. Nyi rá bbiy ngǎnù mí tdúgi djò, chú nzǐ léy à tsǐ ya nyi nì fungá ddiy pbǔw à sî ddiy nyùdha ndèymí ddiy mbùdha ro. 4À rà ɦiy gudjò ro, tsi cha à nì ddǔ mí nga. À nì ddǔ ro, ra à djú tss̀dha ní ddiy tsò tduw à-koko róddù ndèymí nyi ká ɦiy fungá. À rà tdrà nyi dhò ya ddu nyi njěy ddiy.”
5Ruta kâ lò dziydjò ngù, “Ma rà ddiy wánì njèy cha nyi tdrà nì.” 6Fú ddiy dhò à rà tdè bbiy ngǎnù ka nì tey mí tdúgi djò ndèymí à njèy ddiy wá cha djîyà-nì jà tdè ndèy njěy nì.
7Bowaz sî nyû nyùdha ndèymí ddiy mbrdha nà ddiy-dzzdjú à tdè hwî nà ro, à kâ rà ɦiy ndìy cha ngǎnù tsò ka njûw mí nga tsò ro. Ruta kâ rà chíy-chìy ní Bowaz dè. À tdûw li djúnga tss̀dha mí ddiy tsò li koko róddù ro ndèymí à kâ ɦiy gudjò. 8Kúw chir nà Bowaz chîy, à lî ndèy rónga ro, ndèy rónga nì bbǐy ddiy nà, à chùw sǐngba ní li ɦîy ndèy ko-téy. 9À dhîy, “Nyi ní yì?” Ruta kâ lò-dzzdjò ngù, “Manì nyǐngá noyi, Ruta. Gbè màtsá dza-dja cha ndèy dhì nì tdè nyi làyi níchú, tss ma djúnga nyǐngá li djúnga tss̀dha mí ddiy tsò nà. Fú ddiy dhò zz ma.”
10Bowaz ngù lò-dzzdjò, “Màtsá dhànì, Ddrǒngóli bbú nyi dhò bû. Nyìmí njanja nì zòw-lò dà nji nyi njèy tdè djîyà-nyi dhò nì djòluw, ddiydhò nyi mèy nzá ì thokpa ó ddiy nà yàddá ǐngí ngǎ ì thokpa ó ddiy nà nì yàddá. 11Njanja màtsá dhànì, nzǐ déy do nà. Ma rà nyi dhò wánì ddiy njèy cha nyi dhîy nì, ddiydhò ddrǒngó ní bba ó bbalè wá tsì nyi nì lǎní li. 12Yakpe ma dho nyi ngù, njàddí chow nì wéy-nyí nì ney cha ì da manì. 13Déy ingá í kúw nà, bbǔw-bbúw nga nà ya à jì ndèy ngǔ nyi, lǎní, bba à ngǔ. Chú ya à jì nzá, gbè dìchú Ddrà nì djiy ní, ma rà nyi ngù. Ddu ǐngá pbǔw bbǔw-bbúw nga ò.” 14Fú ddiy dhò à ɦîy Bowaz ko-téy pbǔw bbǔw-bbúw nga ò, chú à ngbîy ndèy děy nzǐ bbalè dho li jì njà mí nga nà, ndèymí à kâ tdrà, “Nzǐy léy njàddí li tsǐ ya sǐngba ní li shì ingá ngǎnù téydha mí tdúgi djúddù ddiy.” 15Bowaz kâ tdrà, “Bbú nyǐngá bblàdha ní rù nyi wí ǒnga ingá.” À njèy fǔchú ro, Boaz rù ngǎnù kílò drì-drínga rwo ndèymí à kâ ley à djú. Ruta kâ ngu ndanà ddrǒngó ní bba ò. 16Ruta shì djîyà-nì dè ro, Nawumi kâ dhiy, “Màtsá dhànì, ddiy tdě ŋǎchú fulè?” À kâ ddiy wánì tdrà cha Bowaz njèy tdè ndèy dho nì, 17“Ndèymí à kâ tdrà, Bowaz bbû ngǎnù kílò drì-drínga rwo. À tdrà, ‘Nzǐ ngú djîyà-nyi dè ngǎ nyi thokpa ó ddiy ní.’” 18Nawumi kâ tdrà, “Pbo, màtsá dhànì, pbǔw nyi rà chùw ddu njèy ndèy ddiy. Fú kpatss̀ jùw rà djòw nzǐ pbǔw fú lò rà ndèy si ndu ddiy ò.”
Chwazi Kounye ya:
Ruta 3: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Ruta 3
3
Ruta chùw ndèy dho dza-dja
1Ddì nì ddu ó Ruta mí djîyà-nì Nawumi tdrà à dho, “Màtsá dhànì, à jì ma chǔw dza nyi dhò, cha nyi rà dey ǒmá lǎní ndèymí à bbú nyi dhò cha nyi rà jì nì ddiy. 2À ní ngǎ Bowaz, nděyngá noyi nà ndèy tdè nì, mà làyi ní? Ndu nì kúw ó à rà dey nděyngá ngǎnù rónga lídha mí tdúgi djú. 3Gbú nyi rónga ndèymí vǐy chìy, ndèymí thó lǎní rù. Nyi rá bbiy ngǎnù mí tdúgi djò, chú nzǐ léy à tsǐ ya nyi nì fungá ddiy pbǔw à sî ddiy nyùdha ndèymí ddiy mbùdha ro. 4À rà ɦiy gudjò ro, tsi cha à nì ddǔ mí nga. À nì ddǔ ro, ra à djú tss̀dha ní ddiy tsò tduw à-koko róddù ndèymí nyi ká ɦiy fungá. À rà tdrà nyi dhò ya ddu nyi njěy ddiy.”
5Ruta kâ lò dziydjò ngù, “Ma rà ddiy wánì njèy cha nyi tdrà nì.” 6Fú ddiy dhò à rà tdè bbiy ngǎnù ka nì tey mí tdúgi djò ndèymí à njèy ddiy wá cha djîyà-nì jà tdè ndèy njěy nì.
7Bowaz sî nyû nyùdha ndèymí ddiy mbrdha nà ddiy-dzzdjú à tdè hwî nà ro, à kâ rà ɦiy ndìy cha ngǎnù tsò ka njûw mí nga tsò ro. Ruta kâ rà chíy-chìy ní Bowaz dè. À tdûw li djúnga tss̀dha mí ddiy tsò li koko róddù ro ndèymí à kâ ɦiy gudjò. 8Kúw chir nà Bowaz chîy, à lî ndèy rónga ro, ndèy rónga nì bbǐy ddiy nà, à chùw sǐngba ní li ɦîy ndèy ko-téy. 9À dhîy, “Nyi ní yì?” Ruta kâ lò-dzzdjò ngù, “Manì nyǐngá noyi, Ruta. Gbè màtsá dza-dja cha ndèy dhì nì tdè nyi làyi níchú, tss ma djúnga nyǐngá li djúnga tss̀dha mí ddiy tsò nà. Fú ddiy dhò zz ma.”
10Bowaz ngù lò-dzzdjò, “Màtsá dhànì, Ddrǒngóli bbú nyi dhò bû. Nyìmí njanja nì zòw-lò dà nji nyi njèy tdè djîyà-nyi dhò nì djòluw, ddiydhò nyi mèy nzá ì thokpa ó ddiy nà yàddá ǐngí ngǎ ì thokpa ó ddiy nà nì yàddá. 11Njanja màtsá dhànì, nzǐ déy do nà. Ma rà nyi dhò wánì ddiy njèy cha nyi dhîy nì, ddiydhò ddrǒngó ní bba ó bbalè wá tsì nyi nì lǎní li. 12Yakpe ma dho nyi ngù, njàddí chow nì wéy-nyí nì ney cha ì da manì. 13Déy ingá í kúw nà, bbǔw-bbúw nga nà ya à jì ndèy ngǔ nyi, lǎní, bba à ngǔ. Chú ya à jì nzá, gbè dìchú Ddrà nì djiy ní, ma rà nyi ngù. Ddu ǐngá pbǔw bbǔw-bbúw nga ò.” 14Fú ddiy dhò à ɦîy Bowaz ko-téy pbǔw bbǔw-bbúw nga ò, chú à ngbîy ndèy děy nzǐ bbalè dho li jì njà mí nga nà, ndèymí à kâ tdrà, “Nzǐy léy njàddí li tsǐ ya sǐngba ní li shì ingá ngǎnù téydha mí tdúgi djúddù ddiy.” 15Bowaz kâ tdrà, “Bbú nyǐngá bblàdha ní rù nyi wí ǒnga ingá.” À njèy fǔchú ro, Boaz rù ngǎnù kílò drì-drínga rwo ndèymí à kâ ley à djú. Ruta kâ ngu ndanà ddrǒngó ní bba ò. 16Ruta shì djîyà-nì dè ro, Nawumi kâ dhiy, “Màtsá dhànì, ddiy tdě ŋǎchú fulè?” À kâ ddiy wánì tdrà cha Bowaz njèy tdè ndèy dho nì, 17“Ndèymí à kâ tdrà, Bowaz bbû ngǎnù kílò drì-drínga rwo. À tdrà, ‘Nzǐ ngú djîyà-nyi dè ngǎ nyi thokpa ó ddiy ní.’” 18Nawumi kâ tdrà, “Pbo, màtsá dhànì, pbǔw nyi rà chùw ddu njèy ndèy ddiy. Fú kpatss̀ jùw rà djòw nzǐ pbǔw fú lò rà ndèy si ndu ddiy ò.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved