Marko 5
5
Yesu djì che thíy nà nì kpatss̀ rónga
(Mat 8:28-34; Lwk 8:26-39)
1Yesu mà ndèy kodjú kpa nà dà Galilaya mí ju-ddà djòluw, Gerasa mí ngòw ò. 2Yesu tdè thu ngǒ óddù ro, ndèy ó che thíy nà nì kpatss̀ shì ngòw ó ka glùw nì tdôw-dzì óddù, ndèy njúw ndèy à nà. 3Í kpatss̀ dêy dey tdôw-dzì òluw. Li rò tdè ngǎ cha ndèy kà ndèy chěy à nyòrr̀ nà ddíyàchú nì. 4Wá nì nga nà, fú kpatss̀ dhokpa ndèymí à-koko ka dêy chěy ro, à dêy fú nyòrr̀ ónga pbrř wá pbrr̀dha ní. Li rò tdè ngǎ cha ndèymí klôw dà àmí djòluw nì. 5Kúw ndèymí itsś ónga nà à dêy bbiy tdôw-dzì kàòluw ndèymí ngòw kàòluw, swádha nà ndèymí ndèy-rónga jìdha nà djuw nà.
6Fú kpatss̀ njà Yesu ndì nì nga óddù ro, à kòw à dè, à kwò ndèy à nyú djú. 7À kâ swa rí ní ndèy chuw nà, “Yesu, ru pléy ní Ddrà mí Ddùwnì! Nyi jǐ ddu ma nà? Ddrà mí lò dhò, ma nì nyi kwo, nzǐ bbú ma dhò nzadha!” 8À tdrà tdè í ddiy, ddiydhò Yesu dêy tdrǎ, “Che thíy shi í kpatss̀ óddù!”
9Yesu dhîy à, “Nyi ró dho ní áyì?” Fú kpatss̀ kâ lò ngù, “Ma ró dho nì bíy-kpà, ddiydhò mà nì bíy.” 10À dêy kwo Yesu tsò ró nzǐ à dǐy ì fungá ddù.
11Fungá tdè bíy ní djòw mí njuw cha ì tdè nga nyǔ fú ngòw la ròluw. 12Fú nga nà, che thíy kâ kwo Yesu tsò ró, “Chó mà djòw kàò ndèymí uw mà tsǔw ndrǔ ò.” 13À ùw ndrǔ dhò ndèymí che thíy shì fú kpatss̀ óddù, ndrǔ kâ tsùw djòw ò. Djòw tdè bíy chow lówfù rwo. Ndrǔ kòw bbi ngòw djúddù ju-ddà ò ndèymí ndrǔ kâ pbù ju-ddà ò.
14Fú djòw rónga ì dêy pbǒ nì kpa kâ kòw fú lò-ɦéy tdràdha nà ddrǒngó ní bba òluw ndèymí dùdú ní bba nà. Fú bba ó bbalè rà cha ndèy njèy ndèy nì ddiy njà. 15Ndrǔ shì Yesu dè ro, ndrǔ chùw cha bíy ní che thíy dêy ndèy nza nì kpatss̀. À dòw tdè fungá, ndèy ró rù na, ndèymí àmí nga ddéydha ngû lǎní ddiy nà ndèymí ndrǔ wánì nyí lòw. 16Ì njà fú ddiy nì ndrǔ, tdrà fú lò-ɦéy njàddí ndrǔ dhò ndèymí cha ndèy njèy tdè ndèy djòw ró nì ddiy nà ddí. 17Fú ddiy dhò, ndrǔ kwô Yesu, à bbǎ ìdhí bba.
18Yesu tdè tsǔw ngǒ ò mí nga nà, che thíy tdè ndèy ó nì kpatss̀ kwô Yesu tsò ró, “Bba ma rǎ nyi nà!” 19Chú, Yesu gù à dhò, à kâ tdrà, “Ra bba nyìdhí ngá bbalè dè, ndaní nyi tdrǎ ndrǔ dhò ya ŋàbùkà Ddrǒngóli njèy nyi dhò nì ddiy ndèymí ŋǎchú ní zòw-lò nà à tdè ndanà nyi dhò nì.” 20Fú ddiy dhò, à rà, à lòw dey tdrà Dekapoli mí ngòw ó, ya ŋàbùkà Yesu njèy ndèy dho nì ddiy ɦuwdjò. Bbalè wá cha ì rr̀ mí lò nì ónga ꞌwìy.
Yayiro mí dhànì ndèymí ndèy lôw Yesu ró rù rónga nì ɦìytss-ní-li
(Mat 9:18-26; Lwk 8:40-56)
21Yesu dà ddíyàchú ngǒ nà Galilaya mí ju-ddà djòluw dzisángó nga là djò. Fungá bíy ní bbalè njûw ì Yesu ròluw cha à tdè ju-ddà tsò ró ro. 22Yayiro ní kpatss̀ cha ndèy tdè li-djùkpa ddàdha-dja Yahuddi-ddúw dhí njuwdha-dzà ó nì, shì tdè fungá. À njà Yesu ro, à kwò ndèy gudjò Yesu nyú djú. 23À kwô à ndèy thíy nà wá. À tdrà, “Krŕ-krr̀, màtsá dhànì nì chow-chow dhìdha nà! Ra nyi dhokpa ley à ró, ndaní à rónga ngú lǎní ndèymí à déy djiy ní.”
24Yesu mà kâ rà à nà. Bíy ní bbalè ddí dêy rǎ Yesu mà nà ndèymí ndrǔ dêy à kprǎ wánì nga là djúddù. 25Fú bíy ní bbalè kàó, ɦìytss-ní-li rò tdè ney cha ndèy nzâ tdè ndèy, ndèy ró jǔw nì pběy ddiy nà cho dri ndèy djú rwo nì nà nì dhò. 26Fú ɦìytss-ní-li bbîy bíy ní li-rónga djìdha-djá dè luw. À sà tdè ndèy dhokpa ó ddiy wá ndèy ró dhi djìdha dhò. Chú, cha dhi kà tdè ndèy ngú lǎní ddiy rr̀dja ó, dhi ngû dey ndèy nya nyádha ní. 27À rr̀ tdè Yesu ɦuwdjò ndèymí à kâ rà à dè fú bíy ní bbalè kàòluw à dzzdjú ddù. 28À dêy tdrǎ ndèy dhò ndèyníddù, “Ya ma lôw nú Yesu ró rù tsò rónga, ma rónga rà ngu lǎní.” 29Fú ɦìytss-ní-li lôw Yesu ró rù tsò rónga mí nga nà, ndùw à ró jǔw dèy, à tsì ddí ndùw ndèy-rónga djì ŋà ndèymí nzadha óddù.
30Fú nga nà ndùw Yesu tsì tdè ndèy ró klôw rò ddâ ndèy gu. À kâ ndèy nyú li bbalè dè ndèymí à kâ dhiy, “Áyì lów ndey màtsá rù?” 31Yesu kodjú kpa kâ lò ngù à dho, “Nja í bíy ní bbalè ì nì ì djiy nyi ròluw nì! Ŋǎchú nyi ní dhiy áyì lów ndey nyi rónga?”
32Chú, Yesu kâ dey nga njà gbrǔ, ndaní ndèy njǎ ya áyì lòw ndey ndèy-rónga ddiy. 33Fú ɦìytss-ní-li tsì tdè cha ndèy ró ndèy njèy ndèy nì ddiy. À shì ndèy-rónga tdè bbǐy nyí nà ddiy nà, ndèymí à kâ ndèy kwò gudjò Yesu kotéy. Ndèymí à kâ à dho ddiy wánì tdrà cha ndèy njèy ndèy nì. 34Yesu kâ tdrà à dho, “Màtsá dhànì, nyìmí ùwdha lêy nyi rónga djì ŋà. Ra shú ní thíy nà ndèymí nyi pâ nyìmí nzádha óddù.”
35Yesu tdè í ddiy tdrǎ mí nga nà, njàddí kpa rò shì tdè Yayiro ngà dzá ddù, Yahuddi-ddúw dhí njuwdha-dzà djùkpa ddàdha-dja ndèymí ndrǔ kâ tdrà à dhò, “Dhànyi dhì ŋà! Ddudhò nyi ní li-gwíydha-dja nza?” 36Yesu ddêy tdè nzá ndrǔ dêy tdrǎ nì lò djú, chú à kâ tdrà njuwdha-dzà djùkpa ddàdha-dja dhò, “Nzǐ nyi ónga tdǒ, déy ùwdha nà chúddì!”
37Yesu ùw nzá li rò rǎ ndèy nà, chú Petro, Yakobbo ndèymí djûnì Yohana nà. 38Ndrǔ shì njuwdha-dzà djùkpa ddàdha-dja bbâ ro, Yesu njà nga ngbùwdha, bbalè nì dzž rí ní ì chuw nà ndèymí jǔ kúwdha nà. 39À kâ tsùw dzá ndèymí à kâ tdrà ndrǔ dhò, “Ddudhò nyì ní nga tǔw ǐchú? Ddudhò nyì ní dzž? Fú ngba dhì nzá, à nì ddǔ ddùdha ní!” 40Bbalè lòw dey Yesu gbu, fúddiy dhò à ddâ ndrǔ wá rúgò. À kâ ngba mí djǎnì ndèymí yânì nà tduw ndèymí ndèy kodjú kpa gbòw nì nà, ndrǔ kâ rà cha ngba tdè mí nga ò. 41Yesu lòw ngba dhokpa mí nga nà, à kâ tdrà à dhò, “Talita kumi!” Mí lò-tey nì, “Sǐngba-ní-ngba, ma nì tdrǎ nyi dhò, ngbí nyi ru!”
42À kâ ndèy ngbi ru, à lòw dey bbiy. Àmí cho tdè dri ndèy djú rwo nà. Í ddiy njèy tdè ndèy ro, bbalè wánì ónga ꞌwìy. 43Chú, Yesu tdrà ndrǔ dhò, “Nzǐ nyì tdrǎ ndèy njèy ndèy nì ddiy áyì dhò ddí kpe.” Fú nga nà, Yesu kâ tdrà, “Nyì bbú ddiy rò fú li nyǔ.”
Chwazi Kounye ya:
Marko 5: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Marko 5
5
Yesu djì che thíy nà nì kpatss̀ rónga
(Mat 8:28-34; Lwk 8:26-39)
1Yesu mà ndèy kodjú kpa nà dà Galilaya mí ju-ddà djòluw, Gerasa mí ngòw ò. 2Yesu tdè thu ngǒ óddù ro, ndèy ó che thíy nà nì kpatss̀ shì ngòw ó ka glùw nì tdôw-dzì óddù, ndèy njúw ndèy à nà. 3Í kpatss̀ dêy dey tdôw-dzì òluw. Li rò tdè ngǎ cha ndèy kà ndèy chěy à nyòrr̀ nà ddíyàchú nì. 4Wá nì nga nà, fú kpatss̀ dhokpa ndèymí à-koko ka dêy chěy ro, à dêy fú nyòrr̀ ónga pbrř wá pbrr̀dha ní. Li rò tdè ngǎ cha ndèymí klôw dà àmí djòluw nì. 5Kúw ndèymí itsś ónga nà à dêy bbiy tdôw-dzì kàòluw ndèymí ngòw kàòluw, swádha nà ndèymí ndèy-rónga jìdha nà djuw nà.
6Fú kpatss̀ njà Yesu ndì nì nga óddù ro, à kòw à dè, à kwò ndèy à nyú djú. 7À kâ swa rí ní ndèy chuw nà, “Yesu, ru pléy ní Ddrà mí Ddùwnì! Nyi jǐ ddu ma nà? Ddrà mí lò dhò, ma nì nyi kwo, nzǐ bbú ma dhò nzadha!” 8À tdrà tdè í ddiy, ddiydhò Yesu dêy tdrǎ, “Che thíy shi í kpatss̀ óddù!”
9Yesu dhîy à, “Nyi ró dho ní áyì?” Fú kpatss̀ kâ lò ngù, “Ma ró dho nì bíy-kpà, ddiydhò mà nì bíy.” 10À dêy kwo Yesu tsò ró nzǐ à dǐy ì fungá ddù.
11Fungá tdè bíy ní djòw mí njuw cha ì tdè nga nyǔ fú ngòw la ròluw. 12Fú nga nà, che thíy kâ kwo Yesu tsò ró, “Chó mà djòw kàò ndèymí uw mà tsǔw ndrǔ ò.” 13À ùw ndrǔ dhò ndèymí che thíy shì fú kpatss̀ óddù, ndrǔ kâ tsùw djòw ò. Djòw tdè bíy chow lówfù rwo. Ndrǔ kòw bbi ngòw djúddù ju-ddà ò ndèymí ndrǔ kâ pbù ju-ddà ò.
14Fú djòw rónga ì dêy pbǒ nì kpa kâ kòw fú lò-ɦéy tdràdha nà ddrǒngó ní bba òluw ndèymí dùdú ní bba nà. Fú bba ó bbalè rà cha ndèy njèy ndèy nì ddiy njà. 15Ndrǔ shì Yesu dè ro, ndrǔ chùw cha bíy ní che thíy dêy ndèy nza nì kpatss̀. À dòw tdè fungá, ndèy ró rù na, ndèymí àmí nga ddéydha ngû lǎní ddiy nà ndèymí ndrǔ wánì nyí lòw. 16Ì njà fú ddiy nì ndrǔ, tdrà fú lò-ɦéy njàddí ndrǔ dhò ndèymí cha ndèy njèy tdè ndèy djòw ró nì ddiy nà ddí. 17Fú ddiy dhò, ndrǔ kwô Yesu, à bbǎ ìdhí bba.
18Yesu tdè tsǔw ngǒ ò mí nga nà, che thíy tdè ndèy ó nì kpatss̀ kwô Yesu tsò ró, “Bba ma rǎ nyi nà!” 19Chú, Yesu gù à dhò, à kâ tdrà, “Ra bba nyìdhí ngá bbalè dè, ndaní nyi tdrǎ ndrǔ dhò ya ŋàbùkà Ddrǒngóli njèy nyi dhò nì ddiy ndèymí ŋǎchú ní zòw-lò nà à tdè ndanà nyi dhò nì.” 20Fú ddiy dhò, à rà, à lòw dey tdrà Dekapoli mí ngòw ó, ya ŋàbùkà Yesu njèy ndèy dho nì ddiy ɦuwdjò. Bbalè wá cha ì rr̀ mí lò nì ónga ꞌwìy.
Yayiro mí dhànì ndèymí ndèy lôw Yesu ró rù rónga nì ɦìytss-ní-li
(Mat 9:18-26; Lwk 8:40-56)
21Yesu dà ddíyàchú ngǒ nà Galilaya mí ju-ddà djòluw dzisángó nga là djò. Fungá bíy ní bbalè njûw ì Yesu ròluw cha à tdè ju-ddà tsò ró ro. 22Yayiro ní kpatss̀ cha ndèy tdè li-djùkpa ddàdha-dja Yahuddi-ddúw dhí njuwdha-dzà ó nì, shì tdè fungá. À njà Yesu ro, à kwò ndèy gudjò Yesu nyú djú. 23À kwô à ndèy thíy nà wá. À tdrà, “Krŕ-krr̀, màtsá dhànì nì chow-chow dhìdha nà! Ra nyi dhokpa ley à ró, ndaní à rónga ngú lǎní ndèymí à déy djiy ní.”
24Yesu mà kâ rà à nà. Bíy ní bbalè ddí dêy rǎ Yesu mà nà ndèymí ndrǔ dêy à kprǎ wánì nga là djúddù. 25Fú bíy ní bbalè kàó, ɦìytss-ní-li rò tdè ney cha ndèy nzâ tdè ndèy, ndèy ró jǔw nì pběy ddiy nà cho dri ndèy djú rwo nì nà nì dhò. 26Fú ɦìytss-ní-li bbîy bíy ní li-rónga djìdha-djá dè luw. À sà tdè ndèy dhokpa ó ddiy wá ndèy ró dhi djìdha dhò. Chú, cha dhi kà tdè ndèy ngú lǎní ddiy rr̀dja ó, dhi ngû dey ndèy nya nyádha ní. 27À rr̀ tdè Yesu ɦuwdjò ndèymí à kâ rà à dè fú bíy ní bbalè kàòluw à dzzdjú ddù. 28À dêy tdrǎ ndèy dhò ndèyníddù, “Ya ma lôw nú Yesu ró rù tsò rónga, ma rónga rà ngu lǎní.” 29Fú ɦìytss-ní-li lôw Yesu ró rù tsò rónga mí nga nà, ndùw à ró jǔw dèy, à tsì ddí ndùw ndèy-rónga djì ŋà ndèymí nzadha óddù.
30Fú nga nà ndùw Yesu tsì tdè ndèy ró klôw rò ddâ ndèy gu. À kâ ndèy nyú li bbalè dè ndèymí à kâ dhiy, “Áyì lów ndey màtsá rù?” 31Yesu kodjú kpa kâ lò ngù à dho, “Nja í bíy ní bbalè ì nì ì djiy nyi ròluw nì! Ŋǎchú nyi ní dhiy áyì lów ndey nyi rónga?”
32Chú, Yesu kâ dey nga njà gbrǔ, ndaní ndèy njǎ ya áyì lòw ndey ndèy-rónga ddiy. 33Fú ɦìytss-ní-li tsì tdè cha ndèy ró ndèy njèy ndèy nì ddiy. À shì ndèy-rónga tdè bbǐy nyí nà ddiy nà, ndèymí à kâ ndèy kwò gudjò Yesu kotéy. Ndèymí à kâ à dho ddiy wánì tdrà cha ndèy njèy ndèy nì. 34Yesu kâ tdrà à dho, “Màtsá dhànì, nyìmí ùwdha lêy nyi rónga djì ŋà. Ra shú ní thíy nà ndèymí nyi pâ nyìmí nzádha óddù.”
35Yesu tdè í ddiy tdrǎ mí nga nà, njàddí kpa rò shì tdè Yayiro ngà dzá ddù, Yahuddi-ddúw dhí njuwdha-dzà djùkpa ddàdha-dja ndèymí ndrǔ kâ tdrà à dhò, “Dhànyi dhì ŋà! Ddudhò nyi ní li-gwíydha-dja nza?” 36Yesu ddêy tdè nzá ndrǔ dêy tdrǎ nì lò djú, chú à kâ tdrà njuwdha-dzà djùkpa ddàdha-dja dhò, “Nzǐ nyi ónga tdǒ, déy ùwdha nà chúddì!”
37Yesu ùw nzá li rò rǎ ndèy nà, chú Petro, Yakobbo ndèymí djûnì Yohana nà. 38Ndrǔ shì njuwdha-dzà djùkpa ddàdha-dja bbâ ro, Yesu njà nga ngbùwdha, bbalè nì dzž rí ní ì chuw nà ndèymí jǔ kúwdha nà. 39À kâ tsùw dzá ndèymí à kâ tdrà ndrǔ dhò, “Ddudhò nyì ní nga tǔw ǐchú? Ddudhò nyì ní dzž? Fú ngba dhì nzá, à nì ddǔ ddùdha ní!” 40Bbalè lòw dey Yesu gbu, fúddiy dhò à ddâ ndrǔ wá rúgò. À kâ ngba mí djǎnì ndèymí yânì nà tduw ndèymí ndèy kodjú kpa gbòw nì nà, ndrǔ kâ rà cha ngba tdè mí nga ò. 41Yesu lòw ngba dhokpa mí nga nà, à kâ tdrà à dhò, “Talita kumi!” Mí lò-tey nì, “Sǐngba-ní-ngba, ma nì tdrǎ nyi dhò, ngbí nyi ru!”
42À kâ ndèy ngbi ru, à lòw dey bbiy. Àmí cho tdè dri ndèy djú rwo nà. Í ddiy njèy tdè ndèy ro, bbalè wánì ónga ꞌwìy. 43Chú, Yesu tdrà ndrǔ dhò, “Nzǐ nyì tdrǎ ndèy njèy ndèy nì ddiy áyì dhò ddí kpe.” Fú nga nà, Yesu kâ tdrà, “Nyì bbú ddiy rò fú li nyǔ.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved