Marko 6
6
Nazareti ó bbalè gù Yesu
(Mat 13:53-58; Lwk 4:16-30)
1Yesu bbà fú bba mí nga nà, à ngû ndèymí ddrǒngó ní bba Nazareti ò ndèy kodjú kpa nà. 2Sabato ddù shì tdè ro, à lòw dey bbalè gwiy Yahuddi-ddúw dhí njuwdha-dzà ó. Bíy ní bbalè tdè fungá ndèymí cha ì rr̀ à tdrà tdè nì lò nì ndrǔ ónga ꞌwìy wá. Ndrǔ dhîy, “Í li chǔw í nyǔꞌwiy ndèymí klôw nà ŋangá ddù ndèy nì ndanà ddùw njěy nì? 3Í ní ngǎ bǎw ndèy tdè chó nì li, Mariya mí ddùwnì ndèymí Yakobbo, Yusufu,#6:3 Yusufu. Griki Yose. Fú rwo nì dho nì wá ddìkàddì. Yudda, ndèymí Simoni màdhí djûnì? Àmí víní déy ní ngǎ ingá?” Fú ddiy dhò, ndrǔ gù à.
4Yesu kâ tdrà ndrǔ dhò, “Ka njey nì nabi dò wánì nga òluw, chú ngǎ ìdhíngá ddrǒngó ní bba ó, ndèymí déy ní ì làyi ǐngí ǎngá déy ní dza ó bbalè.” 5Fungá Yesu njèy ddùw rò nzá, chú à djì drá ní bbalè ró dhi ndèy dhokpa léydha nà ndrǔ ró. 6Yesu ónga ꞌwìy wá, ddiydhò fú bbalè tdè ngǎ ùwdha ní.
Yesu chô dri ndey djú rwo nà nì ndèy kodjú kpa
(Mat 10:5-15; Lwk 9:1-6)
Yesu kâ rà fungá nì bba òluw bbalè gwíydha nà. 7À îy tdè ndèy kodjú dri ndèy djú rwo nà nì kpa ddìngaó ndèymí à kâ ndrǔ cho rwo rwo. À bbû ndrǔ dhò che thíy ddádha mí klôw. 8Yesu tdrà ndrǔ dhò, “Nzǐ nyì tdúw ddiy rò ya nyì nì rǎ ro, lotèy chúddì. Nzǐ nyì tdúw nyùdha ní ddiy, bbiydha mí kpǔ, ǐngí mb nyìdhí kpǔ ó. 9Nyì kpi nyì-koko ró shí, chú nzǐ nyì tdúw njàddí rù ngòtsò.” 10À ddí tdrà ndrǔ dhò, “Nyì ka rà kwo mí dza ó, nyì déy fungá pbǔw nyì rà fú nga bbà mí nga djò. 11Ya nyì shì nzá ka kwô nyì mí ddrǒngó ní bba ó ǐngí nzá ndrǔ rr̀ nyì dhí lò mí nga ó, nyì bba fú nga ndèymí nyì ja nyì-koko ró ɦôw. Fúnì rà dey ndrǔ nyú ddùdha ní!”
12Yesu kodjú kpa rà ndèymí ndrǔ tdrà tdè bbalè lí ì dhà rónga ìdhí cherr óddù. 13Ndrǔ ddâ bíy ní che thíy, ndèymí ndrǔ vìy chì ì tdè dhi nà nì bíy ní bbalè ró ndèymí ndrǔ rónga djì.
Yohana Bàtízò bbúdha-dja mí dhi
(Mat 14:1-12; Lwk 9:7-9)
14Bbalè tsì tdè Yesu dàní dà wánì bbalè djòluw. Fú ddiy lêy Pey Herodde Antipas#6:14 Herodde Antipas. Fú lò hó dhò nja drò-dró ní lò nì ndèy tey nà mí nga. rr̀ Yesu ɦuwdjò. Njàddí bbalè dêy tdrǎ, “Í kpatss̀ nì Yohana Bàtízò bbúdha-dja. À ngû ví djiy ní dhi óddù. Fú ddiy lêy à nì klôw nà ddùw njèydha mî.” 15Njàddí ndrǔ dêy tdrǎ, “À nì Eliya.” Njàddí ndrǔ dêy tdrǎ, “À nì nabi, gbè njàddí ndruní nabi-kpà níchú.”
16Chú Herodde rr̀ tdè Yesu ɦuwdjò ro, à kâ tdrà, “Í nì Yohana Bàtízò bbúdha-dja! Ma tdèy tdè à djùkpa ndèymí njanja à ngû djiy ní dhi óddù.”
17Fú ddiy njíò, Herodde ndèyníddù jà tdè ka lǒw Yohana. Ka chèy à ndèymí ka lêy à ngiy-dzà ò. Herodde njèy tdè í ddiy, ddiydhò à kòw tdè Heroddiya, djûnì Filipo ngá dza-yà. 18Yohana Bàtízò bbúdha-dja dêy tdrǎ Herodde dhò, “Musa-ngá yǎdha ùw nzá nyi dhò nyi kǒw djû-nyi ngá dza-yà.”#6:18 Lawi 18:16, 20:21. 19Fú ddiy lêy tdè Heroddiya ndrò tdè Yohana, à jì tdè ndèy hwǐ à, chú ddiy kâ tdè nzá à dhò. 20Herodde tdè Yohana nyǐ ndèymí à pbò tdè à rónga lǎní, ddiydhò à tsì tdè à nì chǒw ní li ndèymí thí ní li. Yakpe à djùkpa ónga ngbùw tdè ndèy Yohana dêy tdrǎ nì lò nà, à dêy sǔw à nì tdrǎ nì lò rř ndèy ró ꞌwíy nì nà.
21Ddì ní Heroddiya chùw Yohana hwìdha mí tuw. À tdè Herodde ka gòw mí ddu cha à bbû tdè madha mí nyû wánì gamente mí drò-dró ní ndrǔ dhò, la-dzàdha-djá dhí drò-dró ní ndrǔ ndèymí Galilaya ó li-djùkpa ddàdha-djá dhò. 22Fú nga nà Heroddiya mí dhànì tsùw tdè dzá ro, à kâ dyì bì cha ndèy thò pey Herodde nyú ndèymí ndrǔ dòw tdè ì nà nyû tsò ró nì nděyngá lu nà ddí. Fú ddiy-dzzdjú pey Herodde kâ tdrà à dhò, “Dhíy cha nyi jì nì ddiy ma dè, ma rà bbu nyi dhò.” 23Ju tsódha nà, à tdrà à dhò, “Ddiy wá cha nyi rà dhiy ma tsò ró nì, ma rà bbu nyi dhò, kpe màtsá Pey-mí-nga la rò ddì, ya nyi jì ro.”
24Heroddiya mí dhànì rà rúgò yânì dè mí nga nà, à dhîy, “Nyi jǐ ddu ma dhíy?” Yânì kâ lò ngù, “Yohana Bàtízò bbúdha-dja djùkpa!”
25Heroddiya mí dhànì ngû mí nga nà, à kâ tdrà pey Herodde dho, “Ma nì Yohana Bàtízò bbúdha-dja djùkpa jǐ ingá í swǎnì djú.”
26Í ddiy lêy zòw lòw pey Herodde, chú à dho gù nzǐ, ddiydhò à tsô tdè ju nděyngá lu nyú djú nì lò dho. 27Fú nga nà ndùw à kâ jà nděyngá la-dzàdha-dja dhò, “Ra Yohana djùkpa tdèy.” La-dzàdha-dja rà ngiy-dzà ò ndèymí à tdèy Yohana djùkpa, 28à mbà swǎnì djú. À bbû fú sǐngba ní ngba dè, à kâ mbà ndèymí yânì dè. 29Yohana kodjú kpa rr̀ tde í lò-ɦéy mí nga nà, ndrǔ rà àmí bu tduw ndèymí ndrǔ rà tdòw.
Yesu bbû nyû bbalè lówfù mbu nì dho
(Mat 14:13-21; Lwk 9:10-17; Yoh 6:1-14)
30Yesu ngá dyòw-djá ngû à dè mí nga nà, ndrǔ tdrà à dho ddiy wá cha ì njèy nì ndèymí ì gwîy nì nà. 31Chú bíy ní bbalè dêy shǐ ndèymí ndrǔ dêy rǎ Yesu mà dè ndèy kodjú kpa nà, fú ddiy lêy nga rò tdè ddí ngǎ ndrǔ dhò nyû nyùdha mî. Yesu kâ tdrà, “Mà ra ingá ddù ɦiy ní nga ò màníddù, ndaní mà shǔ mà rónga drá ní nga dhò.” 32Ndrǔ tsùw ngǒ ò ndèymí ndrǔ rà ɦiy ní nga ò ìníddù. 33Chú, bíy ní bbalè njà tdè ndrǔ nì rǎ, ndùw ndrǔ tsì áyì ndrǔ nì ddiy. Fú ddiy dhò ndrǔ rà wánì drò-dró ní bbà òluw ndèymí ndrǔ kòw tdè ì-koko nà ndèymí ndrǔ shì nji Yesu dhò ndèy kodjú kpa nà mí nga ò. 34Yesu thû ngǒ óddù ro, à njà bíy ní bbalè ndèymí ndrǔ dhí zòw njèy à, ddiydhò ndrǔ tdè towmbù níchú ngǎ ì rónga pbòdha-dja ní nì. À lòw dey ndrǔ gwiy bíy ní lò nà.
35Fú nga nà, itsś tde chow chèydha nà, à kodjú kpa shì ndèymí ndrǔ tdrà, “Í nga nì ɦiy ní nga, nga ddí nì rǎ tey njanja. 36Chó í bbalè gu i nga ddù, ndaní ndrǔ rǎ chow nì dùdú ní bba òluw ndèymí nza nà, ndaní ndrǔ dzž nyû ì dhò.”
37Yesu ngù lò ndrǔ dhò, “Nyì bbú ndrǔ dhò ddiy rò ndrǔ nyǔ.”
Chú ndrǔ dhîy à, “Nyi tsǐ nzá à dho bíy ní bǐy mí njí kobì tduw mà dzž ndanà nyû í bbalè wánì dhò à nyǔ?”
38Yesu kâ kpa dhiy, “Nyì ní mùkátì nà thi? Nyì ra njà.”
Ndrǔ njà mí nga nà, ndrǔ tdrà, “Mùkátì mbu ndèymí bbì nà rwo.”
39Yesu kâ tdrà ndèy kodjú kpa dhò, ndrǔ léy bbalè wánì dǒw ngúw òluw tsó djú. 40Fú ddiy dhò, ndrǔ dòw ngúw òluw. Njàddí ngúw ó drì-drínga mbu, njàddí ó dàkì ddì. 41Yesu tdûw mùkátì mbu ndèymí bbì rwo nì nà, à njà nga ru rakpa ò, ndèymí à kâ madha bbu Ddrà dhò. À pbrr̀ mùkátì ónga ndèymí à bbû ndèy kodjú kpa dè, ndrǔ bbú bbalè dhò. À ndò ddí bbì rwo nì ónga ndrǔ wánì dhò. 42Ndrǔ wá nyù ndèymí ndrǔ zz̀ kì. 43Yesu kodjú kpa njûw nyû gògò cha ndèy mànì tdyǔw dri ndèy djú rwo nì nà. 44Cha ì nyù tdè mí nyû nì kpa tdè lówfù mbu.
Yesu bbîy dda djòluw
(Mat 14:22-33; Yoh 6:15-21)
45Fú ddiy-dzzdjú, ndùw Yesu lêy ndèy kodjú kpa tsǔw ngǒ ò ndèymí ndrǔ dǎ nji ju-ddà djòluw ndèy dhò Betsayidda mí bba ò, děy ndèy nì bbalè dha ro. 46À tdrà, “Nyì bbíy lǎní” ddiy-dzzdjú, à kâ rà ngòw djò Ddrà nzz̀. 47Nga ngû ngítss̀ djú mí nga nà, ngǒ tdè děy ju-ddà chíykàó. Yesu tdè ddǐ-ddi ní dziylíy djò. 48Yesu njà ndèy kodjú kpa dêy ddey ì rǎ ngǒ nà, chú ndrǔ tdè ddrǒngó ní nzadha ó, ddiydhò vi dêy shǐ ndrǔ njì óddù. Fú ddiy dho, sâ ddrrdhiy kúw ó nga mî, Yesu rà ndrǔ dè, ndèy nì bbiy ju-ddà djòluw ddiy nà. Yesu tdè chow dàdha nà ndrǔ ròluw, 49chú, ndrǔ kâ à njà à nì bbiy ju-ddà djòluw. Ndrǔ ddêy fúnì tdè rr ndèymí ndrǔ kâ swa. 50Ndrǔ tdè wá nyí nà cha ndrǔ njà à mí nga nà.
Ndùw fú nga nà Yesu kâ lò tèy ndrǔ dè, ndèymí à tdrà, “Nyì thíy déy klǒw. Í nì ma. Nzǐ nyì njey nyí.” 51Yesu kâ djèy ndrǔ dè ngǒ ò mí nga nà, vi kâ dèy ndùw. Ndrǔ ónga ꞌwìy wá, 52ddiydhò ndrǔ tsì tdè nzá mùkátì mí ddùw cha Yesu njèy tdè nì. Ndrǔ thíy tdè ndǐy.
53Ndrǔ dà tdè ju-ddà djòluw mí nga nà, ndrǔ rà dèy Genesareti mí bba ó. Ndrǔ kâ ìdhí ngǒ pbìy dda tsò rò. 54Ndrǔ thûw tdè ngǒ óddù mí nga nà, ndùw bbalè tsì tdè Yesu nì ndey. 55Fú nga nà bbalè lòw dey kòw fú bba òluw wá, ndèymí ndrǔ tdûw dhi nà nì ndrǔ ìdhí ɦíydha mí ddiy djú cha ì rr̀ tdè Yesu nì mí nga ò. 56Dùdú ní bba, drò-dró ní bba ǐngí nza cha Yesu dêy rǎ òmà nì wá, bbalè dêy ìdhí dhi nà nì bbalè ley sǒkò òluw. Ndrǔ dêy kwo Yesu tsò ró à bbǎ ndrǔ mbrr nú à ró rù tsò, ndèymí wánì ndrǔ cha ì mbrr̂ Yesu rónga nì, ró dhi djì.
Chwazi Kounye ya:
Marko 6: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Marko 6
6
Nazareti ó bbalè gù Yesu
(Mat 13:53-58; Lwk 4:16-30)
1Yesu bbà fú bba mí nga nà, à ngû ndèymí ddrǒngó ní bba Nazareti ò ndèy kodjú kpa nà. 2Sabato ddù shì tdè ro, à lòw dey bbalè gwiy Yahuddi-ddúw dhí njuwdha-dzà ó. Bíy ní bbalè tdè fungá ndèymí cha ì rr̀ à tdrà tdè nì lò nì ndrǔ ónga ꞌwìy wá. Ndrǔ dhîy, “Í li chǔw í nyǔꞌwiy ndèymí klôw nà ŋangá ddù ndèy nì ndanà ddùw njěy nì? 3Í ní ngǎ bǎw ndèy tdè chó nì li, Mariya mí ddùwnì ndèymí Yakobbo, Yusufu,#6:3 Yusufu. Griki Yose. Fú rwo nì dho nì wá ddìkàddì. Yudda, ndèymí Simoni màdhí djûnì? Àmí víní déy ní ngǎ ingá?” Fú ddiy dhò, ndrǔ gù à.
4Yesu kâ tdrà ndrǔ dhò, “Ka njey nì nabi dò wánì nga òluw, chú ngǎ ìdhíngá ddrǒngó ní bba ó, ndèymí déy ní ì làyi ǐngí ǎngá déy ní dza ó bbalè.” 5Fungá Yesu njèy ddùw rò nzá, chú à djì drá ní bbalè ró dhi ndèy dhokpa léydha nà ndrǔ ró. 6Yesu ónga ꞌwìy wá, ddiydhò fú bbalè tdè ngǎ ùwdha ní.
Yesu chô dri ndey djú rwo nà nì ndèy kodjú kpa
(Mat 10:5-15; Lwk 9:1-6)
Yesu kâ rà fungá nì bba òluw bbalè gwíydha nà. 7À îy tdè ndèy kodjú dri ndèy djú rwo nà nì kpa ddìngaó ndèymí à kâ ndrǔ cho rwo rwo. À bbû ndrǔ dhò che thíy ddádha mí klôw. 8Yesu tdrà ndrǔ dhò, “Nzǐ nyì tdúw ddiy rò ya nyì nì rǎ ro, lotèy chúddì. Nzǐ nyì tdúw nyùdha ní ddiy, bbiydha mí kpǔ, ǐngí mb nyìdhí kpǔ ó. 9Nyì kpi nyì-koko ró shí, chú nzǐ nyì tdúw njàddí rù ngòtsò.” 10À ddí tdrà ndrǔ dhò, “Nyì ka rà kwo mí dza ó, nyì déy fungá pbǔw nyì rà fú nga bbà mí nga djò. 11Ya nyì shì nzá ka kwô nyì mí ddrǒngó ní bba ó ǐngí nzá ndrǔ rr̀ nyì dhí lò mí nga ó, nyì bba fú nga ndèymí nyì ja nyì-koko ró ɦôw. Fúnì rà dey ndrǔ nyú ddùdha ní!”
12Yesu kodjú kpa rà ndèymí ndrǔ tdrà tdè bbalè lí ì dhà rónga ìdhí cherr óddù. 13Ndrǔ ddâ bíy ní che thíy, ndèymí ndrǔ vìy chì ì tdè dhi nà nì bíy ní bbalè ró ndèymí ndrǔ rónga djì.
Yohana Bàtízò bbúdha-dja mí dhi
(Mat 14:1-12; Lwk 9:7-9)
14Bbalè tsì tdè Yesu dàní dà wánì bbalè djòluw. Fú ddiy lêy Pey Herodde Antipas#6:14 Herodde Antipas. Fú lò hó dhò nja drò-dró ní lò nì ndèy tey nà mí nga. rr̀ Yesu ɦuwdjò. Njàddí bbalè dêy tdrǎ, “Í kpatss̀ nì Yohana Bàtízò bbúdha-dja. À ngû ví djiy ní dhi óddù. Fú ddiy lêy à nì klôw nà ddùw njèydha mî.” 15Njàddí ndrǔ dêy tdrǎ, “À nì Eliya.” Njàddí ndrǔ dêy tdrǎ, “À nì nabi, gbè njàddí ndruní nabi-kpà níchú.”
16Chú Herodde rr̀ tdè Yesu ɦuwdjò ro, à kâ tdrà, “Í nì Yohana Bàtízò bbúdha-dja! Ma tdèy tdè à djùkpa ndèymí njanja à ngû djiy ní dhi óddù.”
17Fú ddiy njíò, Herodde ndèyníddù jà tdè ka lǒw Yohana. Ka chèy à ndèymí ka lêy à ngiy-dzà ò. Herodde njèy tdè í ddiy, ddiydhò à kòw tdè Heroddiya, djûnì Filipo ngá dza-yà. 18Yohana Bàtízò bbúdha-dja dêy tdrǎ Herodde dhò, “Musa-ngá yǎdha ùw nzá nyi dhò nyi kǒw djû-nyi ngá dza-yà.”#6:18 Lawi 18:16, 20:21. 19Fú ddiy lêy tdè Heroddiya ndrò tdè Yohana, à jì tdè ndèy hwǐ à, chú ddiy kâ tdè nzá à dhò. 20Herodde tdè Yohana nyǐ ndèymí à pbò tdè à rónga lǎní, ddiydhò à tsì tdè à nì chǒw ní li ndèymí thí ní li. Yakpe à djùkpa ónga ngbùw tdè ndèy Yohana dêy tdrǎ nì lò nà, à dêy sǔw à nì tdrǎ nì lò rř ndèy ró ꞌwíy nì nà.
21Ddì ní Heroddiya chùw Yohana hwìdha mí tuw. À tdè Herodde ka gòw mí ddu cha à bbû tdè madha mí nyû wánì gamente mí drò-dró ní ndrǔ dhò, la-dzàdha-djá dhí drò-dró ní ndrǔ ndèymí Galilaya ó li-djùkpa ddàdha-djá dhò. 22Fú nga nà Heroddiya mí dhànì tsùw tdè dzá ro, à kâ dyì bì cha ndèy thò pey Herodde nyú ndèymí ndrǔ dòw tdè ì nà nyû tsò ró nì nděyngá lu nà ddí. Fú ddiy-dzzdjú pey Herodde kâ tdrà à dhò, “Dhíy cha nyi jì nì ddiy ma dè, ma rà bbu nyi dhò.” 23Ju tsódha nà, à tdrà à dhò, “Ddiy wá cha nyi rà dhiy ma tsò ró nì, ma rà bbu nyi dhò, kpe màtsá Pey-mí-nga la rò ddì, ya nyi jì ro.”
24Heroddiya mí dhànì rà rúgò yânì dè mí nga nà, à dhîy, “Nyi jǐ ddu ma dhíy?” Yânì kâ lò ngù, “Yohana Bàtízò bbúdha-dja djùkpa!”
25Heroddiya mí dhànì ngû mí nga nà, à kâ tdrà pey Herodde dho, “Ma nì Yohana Bàtízò bbúdha-dja djùkpa jǐ ingá í swǎnì djú.”
26Í ddiy lêy zòw lòw pey Herodde, chú à dho gù nzǐ, ddiydhò à tsô tdè ju nděyngá lu nyú djú nì lò dho. 27Fú nga nà ndùw à kâ jà nděyngá la-dzàdha-dja dhò, “Ra Yohana djùkpa tdèy.” La-dzàdha-dja rà ngiy-dzà ò ndèymí à tdèy Yohana djùkpa, 28à mbà swǎnì djú. À bbû fú sǐngba ní ngba dè, à kâ mbà ndèymí yânì dè. 29Yohana kodjú kpa rr̀ tde í lò-ɦéy mí nga nà, ndrǔ rà àmí bu tduw ndèymí ndrǔ rà tdòw.
Yesu bbû nyû bbalè lówfù mbu nì dho
(Mat 14:13-21; Lwk 9:10-17; Yoh 6:1-14)
30Yesu ngá dyòw-djá ngû à dè mí nga nà, ndrǔ tdrà à dho ddiy wá cha ì njèy nì ndèymí ì gwîy nì nà. 31Chú bíy ní bbalè dêy shǐ ndèymí ndrǔ dêy rǎ Yesu mà dè ndèy kodjú kpa nà, fú ddiy lêy nga rò tdè ddí ngǎ ndrǔ dhò nyû nyùdha mî. Yesu kâ tdrà, “Mà ra ingá ddù ɦiy ní nga ò màníddù, ndaní mà shǔ mà rónga drá ní nga dhò.” 32Ndrǔ tsùw ngǒ ò ndèymí ndrǔ rà ɦiy ní nga ò ìníddù. 33Chú, bíy ní bbalè njà tdè ndrǔ nì rǎ, ndùw ndrǔ tsì áyì ndrǔ nì ddiy. Fú ddiy dhò ndrǔ rà wánì drò-dró ní bbà òluw ndèymí ndrǔ kòw tdè ì-koko nà ndèymí ndrǔ shì nji Yesu dhò ndèy kodjú kpa nà mí nga ò. 34Yesu thû ngǒ óddù ro, à njà bíy ní bbalè ndèymí ndrǔ dhí zòw njèy à, ddiydhò ndrǔ tdè towmbù níchú ngǎ ì rónga pbòdha-dja ní nì. À lòw dey ndrǔ gwiy bíy ní lò nà.
35Fú nga nà, itsś tde chow chèydha nà, à kodjú kpa shì ndèymí ndrǔ tdrà, “Í nga nì ɦiy ní nga, nga ddí nì rǎ tey njanja. 36Chó í bbalè gu i nga ddù, ndaní ndrǔ rǎ chow nì dùdú ní bba òluw ndèymí nza nà, ndaní ndrǔ dzž nyû ì dhò.”
37Yesu ngù lò ndrǔ dhò, “Nyì bbú ndrǔ dhò ddiy rò ndrǔ nyǔ.”
Chú ndrǔ dhîy à, “Nyi tsǐ nzá à dho bíy ní bǐy mí njí kobì tduw mà dzž ndanà nyû í bbalè wánì dhò à nyǔ?”
38Yesu kâ kpa dhiy, “Nyì ní mùkátì nà thi? Nyì ra njà.”
Ndrǔ njà mí nga nà, ndrǔ tdrà, “Mùkátì mbu ndèymí bbì nà rwo.”
39Yesu kâ tdrà ndèy kodjú kpa dhò, ndrǔ léy bbalè wánì dǒw ngúw òluw tsó djú. 40Fú ddiy dhò, ndrǔ dòw ngúw òluw. Njàddí ngúw ó drì-drínga mbu, njàddí ó dàkì ddì. 41Yesu tdûw mùkátì mbu ndèymí bbì rwo nì nà, à njà nga ru rakpa ò, ndèymí à kâ madha bbu Ddrà dhò. À pbrr̀ mùkátì ónga ndèymí à bbû ndèy kodjú kpa dè, ndrǔ bbú bbalè dhò. À ndò ddí bbì rwo nì ónga ndrǔ wánì dhò. 42Ndrǔ wá nyù ndèymí ndrǔ zz̀ kì. 43Yesu kodjú kpa njûw nyû gògò cha ndèy mànì tdyǔw dri ndèy djú rwo nì nà. 44Cha ì nyù tdè mí nyû nì kpa tdè lówfù mbu.
Yesu bbîy dda djòluw
(Mat 14:22-33; Yoh 6:15-21)
45Fú ddiy-dzzdjú, ndùw Yesu lêy ndèy kodjú kpa tsǔw ngǒ ò ndèymí ndrǔ dǎ nji ju-ddà djòluw ndèy dhò Betsayidda mí bba ò, děy ndèy nì bbalè dha ro. 46À tdrà, “Nyì bbíy lǎní” ddiy-dzzdjú, à kâ rà ngòw djò Ddrà nzz̀. 47Nga ngû ngítss̀ djú mí nga nà, ngǒ tdè děy ju-ddà chíykàó. Yesu tdè ddǐ-ddi ní dziylíy djò. 48Yesu njà ndèy kodjú kpa dêy ddey ì rǎ ngǒ nà, chú ndrǔ tdè ddrǒngó ní nzadha ó, ddiydhò vi dêy shǐ ndrǔ njì óddù. Fú ddiy dho, sâ ddrrdhiy kúw ó nga mî, Yesu rà ndrǔ dè, ndèy nì bbiy ju-ddà djòluw ddiy nà. Yesu tdè chow dàdha nà ndrǔ ròluw, 49chú, ndrǔ kâ à njà à nì bbiy ju-ddà djòluw. Ndrǔ ddêy fúnì tdè rr ndèymí ndrǔ kâ swa. 50Ndrǔ tdè wá nyí nà cha ndrǔ njà à mí nga nà.
Ndùw fú nga nà Yesu kâ lò tèy ndrǔ dè, ndèymí à tdrà, “Nyì thíy déy klǒw. Í nì ma. Nzǐ nyì njey nyí.” 51Yesu kâ djèy ndrǔ dè ngǒ ò mí nga nà, vi kâ dèy ndùw. Ndrǔ ónga ꞌwìy wá, 52ddiydhò ndrǔ tsì tdè nzá mùkátì mí ddùw cha Yesu njèy tdè nì. Ndrǔ thíy tdè ndǐy.
53Ndrǔ dà tdè ju-ddà djòluw mí nga nà, ndrǔ rà dèy Genesareti mí bba ó. Ndrǔ kâ ìdhí ngǒ pbìy dda tsò rò. 54Ndrǔ thûw tdè ngǒ óddù mí nga nà, ndùw bbalè tsì tdè Yesu nì ndey. 55Fú nga nà bbalè lòw dey kòw fú bba òluw wá, ndèymí ndrǔ tdûw dhi nà nì ndrǔ ìdhí ɦíydha mí ddiy djú cha ì rr̀ tdè Yesu nì mí nga ò. 56Dùdú ní bba, drò-dró ní bba ǐngí nza cha Yesu dêy rǎ òmà nì wá, bbalè dêy ìdhí dhi nà nì bbalè ley sǒkò òluw. Ndrǔ dêy kwo Yesu tsò ró à bbǎ ndrǔ mbrr nú à ró rù tsò, ndèymí wánì ndrǔ cha ì mbrr̂ Yesu rónga nì, ró dhi djì.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved