Matayo 9
9
Yesu lêy nzǐ ndèy nì bbiy nì kpatss̀ bbîy
(Mak 2:1-12; Lwk 5:17-26)
1Yesu djî tdè ngǒ ò ndèymí à lî ndèy lùwtò Galilaya mí ju-ddà djòluw ndèymí à rà dey ìdhí ngá déy ní Kapernawumu mí ddrǒngó ní bba ò. 2Fungá njàddí bbalè mbà tdè nzǐ ndèy nì bbiy nì kpatss̀ ɦíydha mí ddiy djú, Yesu dè. À njà tdè ndrǔ dhí ùwdha mí nga nà, à tdrà nzǐ ndèy nì bbiy nì kpatss̀ dhò, “Déy klǒw ní thíy nà, màtsá ddùwnì, nyìmí cherr bbà ndèy ŋà.”
3Fú nga nà njàddí Musa-ngá yǎdha mí li-gwíydha-djá tdrà lò ì dho ìníddù, “Í kpatss̀ nì nga dhǔw! À ní ddey ndèy nì Ddrà?”
4Yesu cha ndèy tsì tdè ndrǔ thíy ó lò nì, kâ tdrà, “Ddudhò nyì ní ngǎjìní lò ddey nyì thíy ò? 5Ŋánì ní ndey zěy tdràdha nà í kpatss̀ dhò, ‘Nyìmí cherr bbà ndèy,’ ǐngí, ‘Ngbí nyi ru ndèymí nyi bbíy’? 6Chú ma rà dhò nyì dhò, ma Ndrǔ-Ddùw nì klôw nà í dziylíy djú cherr bbàdha mî.” À kâ tdrà nzǐ ndèy nì bbiy nì kpatss̀ dhò, “Ngbí nyi ru, tdúw nyìmí ɦíydha mí ddiy, ndèymí ra bbakà ò.” 7Fú kpatss̀ ngbîy ndèy ru ndèymí à rà bbakà ò. 8Bbalè njà tdè fú ddiy ro, do lòw ndrǔ, ndèymí ndrǔ mâ Ddrà fǔchú nì ddiy njèydha mí klôw bbúdha mî bbalè dho.
Yesu îy tdè Matayo à dyǒw ndèy
(Mak 2:13-17; Lwk 5:27-32)
9Yesu tdè fú nga bbǎ ro, à njà tdè mùsórò njúwdha-dja ndèy ró dho nà Matayo nì. À dòw tdè mùsórò njúwdha mí nga ó. Yesu tdrà à dhò, “Dyow ma.” Matayo ngbîy ndèy ru ndèymí à dyòw Yesu.
10Luwtéy, Yesu ndèymí ndèy kodjú kpa nà tdè ngítss̀ djú nga mí nyû nyǔ Matayo ngà dzá. Bíy ní mùsórò njúwdha-djá ndèymí njàddí bbalè cha ka îy tdè cherr-djá ní nì, ddí tdè fungá. 11Farisayo ní kpa njà tdè fú ddiy ro, ndrǔ dhîy à kodjú kpa, “Ddudhò nyìdhí li-gwíydha-dja ní nga nyǔ mùsórò njúwdha-djá nà ndèymí cherr-djá nà?”
12Yesu rr̀ tdè í ddiy ndèymí à tdrà, “Ì rónga nì lǎní nì bbalè mey nì li-rónga djìdha-dja nzǐ, chú ì rónga nì dhi nà nì ndrǔ mey nì ndey li-rónga djìdha-dja. 13Chú nyì ra, ndaní nyì tsǐ Ddrǎ-ngá ndíydha-ní-lò tey cha ndèy tdrà, ‘Manì zòw-lò jǐ, ngǎ měya mí bbudha alitari djú.’#9:13 Hoseya 6:6. Ma rà ngǎ cha ì nì ddey ì nì chǒw ní nì bbalè iy, chú ì tsì ì nì cherr-djá ní nì.”
Yesu mí tdeynì ní lò-gwíydha jì ndèymí ndruní nà
(Mak 2:18-22; Lwk 5:33-39)
14Fú ddiy-dzzdjú, Yohana Bàtízò bbúdha-dja kodjú kpa rà Yesu dè. Ndrǔ dhîy à, “Ddudhò mà ndèymí Farisayo ní kpa nà bba ní nyû Ddrà nzz̀dha dhò, chú nyi kodjú kpa bba ní nzǐ?”
15Yesu ngù lò ndrǔ dhò, “Nyì ní ddey cha ka îy ków mí madha ò nì lu dhó dey ney zòw nà, ya děy ney sǐngba mí kpatss̀ nì ro? Nzǐ, chú ddu rà shì ney ka rà sǐngba mí kpatss̀ tduw gu ndrǔ róddù mî, ndèymí fú nganà chú ndrǔ rà nyû bbà.
16“Li ro nì ngǎ cha ndèy tów nì rù ɦèy ónga rù tdey nà. Ya à njèy fǔchú, rù tdey rà rù ɦèy tha ndèymí à rà ndèy tha ngǎjìní drǒ. 17Ǐngí li rò nì ngǎ cha ndèy dho nyàrŕsà ní wa ley ndruní nì wa zźdha mí sàwu ò. Ya à njey ro, fú wa zźdha mí sàwu ónga rà ndèy tha, fú wa rà ndèy tdiy wá ndèymí mí wa zźdha mí sàwu rà ndèy sà. Tdeynì ní wa ka ddu nì tdeynì ní wa zźdha mí sàwu ò ndèymí ndrǔ rwo tú rà dey lǎní.”
Yesu ngbîy ndèy dhì nì sǐngba-ní-ngba ndèymí à djì dhi nà nì ɦiytss ní li-rónga
(Mak 5:21-43; Lwk 8:40-56)
18Yesu tdè fú lò tdrǎ mí nga nà, Yahuddi-ddúw dhí li-djùkpa ddàdha-dja shì à dè, à kwò ndèy tdyòw-tey à nyú djú ndèymí à tdrà, “Màtsá dhànì dhì děy nú njanja. Chú rà nyi-dhokpa ley à ró, ndèymí à rà dey djiy ní.” 19Yesu ngbîy ndèy ru à rà à nà ddìngaó ndèy kodjú kpa nà.
20Ndrǔ tdè rǎ mí nga nà, njaddí ɦìytss-ní-li rò cha ndèy nzâ tdè ndèy, ndèy ró jǔw nì pběy ddiy nà, cho dri ndèy djú rwo nà nì dho nì, shì tdè Yesu dzzdjúddù ndèymí à lòw à ró rù tsò. 21À tdrà ndèy dhò ndèyníddò, “Ya ma lôw à ró rù rónga chúddì, ma rónga rà djì.”
22Yesu lî ndèy, ka à njà. À tdrà, “Màtsá dhànì, déy klǒw ní thíy nà! Nyìmí ùwdha lêy nyi rónga djì ŋà.” Fú nga nà ndùw fú sǐngba rónga ngû lǎní.
23Yesu shì fú li-djùkpa ddàdha-dja bbá. Fungá, njàddí bbalè tdè dzz̀-ngwò ngwǒ ndèymí njàddí ndrǔ tdè nga tǔw. 24À tdrà, “Nyì ddá nyì gu. Fú sǐngba-ní-ngba dhì nzá. À nì ddǔ ddùdha ní.” Bbalè wánì lòw dey à gbu. 25Chú ka ddâ bbalè mí njuw rútsò mí nga nà, Yesu kâ tsùw dzá, ndèymí à tdûw sǐngba-ní-ngba ndèy-dhokpa nà, ndèymí à ngbîy ndèy ru. 26Fú lò-ɦéy rr̀ ndèy fú dziylíy òluw wá.
Yesu djì rwo nì ngǎ nyú rónga
27Yesu ngbîy ndèy fungá ddù. À tdè bbiy tuw òluw mí nga nà, rwo nì ngǎ nyú lòw dey à dyòw. Ndrǔ swâ à dè, “Pey Dawuddi mí Ddùwnì,#9:27 Pey Dawuddi mí Ddùwnì. Nja klǒw nì lò-hwo ndèy tey nà. njey mà zòw!”
28Yesu tsùw tdè dzá ro, rwo nì ngǎ nyú rà à dè, ndèymí à dhîy ndrǔ, “Nyì ǔw ŋà ma dho ley nyì njǎ nga?”
Ndrǔ ngù lò, “Òní, Ddrǒngóli.”
29Yesu kâ ndrǔ nyú rónga mbu, ndèymí à tdrà, “Nyìdhí uwdha nà, à rà ndèy njèy.” 30Fúnga nà ndrǔ njà nga. Chú Yesu ddù ndrǔ nyú ndèymí à tdrà ndrǔ dhò, “Nzǐ nyì tdrà í lò rò njàddí li dhò!” 31Chú ndrǔ rà ndèymí ndrǔ tdrà Yesu ɦuwdjò wánì fú dziylíy òluw.
Yesu djì nzǐ ndèy nì lò-těy nì li-rónga
32Cha fú kpa tdè rǎ ro, njàddí bbalè mbà nzǐ ndèy tdè lò-těy nì li Yesu dè, ddiydhò à tdè che thíy nà. 33Yesu kâ che thíy dda, ndèymí fú kpatss̀ kâ lòw dèy lò tèy. Bbalè mí njuw ónga ꞌwiy ndèymí ndrǔ tdrà, “Ǐchú ní ddiy rò njà ndèy nzá ndruní nga djúddù kpe Israeli mí ngòw ó.”
34Chú Farisayo ní kpa tdrà tdè, “À nì che thíy dhí li-djùkpa ddàdha-dja cha ndèy bbú nì klôw Yesu dhò che thíy ddádha mî.”
Yesu tdè zòw-lò nà bbalè ró
35Yesu bbîy tdè wánì drò-dró ní bba òluw ndèymí dùdú ní nà. À gwîy tdè bbalè Yahuddi-ddúw dhí njuwdha-dzà ó. À tdrà Hwî mí Lò-ɦéy rakpa mí pey-mí-nga djò, ndèymí à djì ndèy tsûw bbalè ró nì dhi jì-kpà ndèymí li-rónga ndéydha nà. 36À njà tdè bbalè mí njuw ro, ndrǔ dhí zòw njèy à. Ndrǔ ónga tdè tdǒ, ddiydhò li rò tdè ngǎ ndèy kwó ndrǔ tsotso nì, gbè towmbù níchú ngǎ ì rónga pbòdha-dja ní nì. 37À kâ tdrà ndèy kodjú kpa dhò, “Nyû nì drǒ cha à kà ka njúw nì, chú tsònì njúwdha mí dhǐy-djá nì drá. 38Nzz Ddrà, nyû tsò njúwdha mí Ddrǒngóli, ndaní à chó njàddí dhǐy-djá nyû tsò njúwdha dhò.”
Chwazi Kounye ya:
Matayo 9: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Matayo 9
9
Yesu lêy nzǐ ndèy nì bbiy nì kpatss̀ bbîy
(Mak 2:1-12; Lwk 5:17-26)
1Yesu djî tdè ngǒ ò ndèymí à lî ndèy lùwtò Galilaya mí ju-ddà djòluw ndèymí à rà dey ìdhí ngá déy ní Kapernawumu mí ddrǒngó ní bba ò. 2Fungá njàddí bbalè mbà tdè nzǐ ndèy nì bbiy nì kpatss̀ ɦíydha mí ddiy djú, Yesu dè. À njà tdè ndrǔ dhí ùwdha mí nga nà, à tdrà nzǐ ndèy nì bbiy nì kpatss̀ dhò, “Déy klǒw ní thíy nà, màtsá ddùwnì, nyìmí cherr bbà ndèy ŋà.”
3Fú nga nà njàddí Musa-ngá yǎdha mí li-gwíydha-djá tdrà lò ì dho ìníddù, “Í kpatss̀ nì nga dhǔw! À ní ddey ndèy nì Ddrà?”
4Yesu cha ndèy tsì tdè ndrǔ thíy ó lò nì, kâ tdrà, “Ddudhò nyì ní ngǎjìní lò ddey nyì thíy ò? 5Ŋánì ní ndey zěy tdràdha nà í kpatss̀ dhò, ‘Nyìmí cherr bbà ndèy,’ ǐngí, ‘Ngbí nyi ru ndèymí nyi bbíy’? 6Chú ma rà dhò nyì dhò, ma Ndrǔ-Ddùw nì klôw nà í dziylíy djú cherr bbàdha mî.” À kâ tdrà nzǐ ndèy nì bbiy nì kpatss̀ dhò, “Ngbí nyi ru, tdúw nyìmí ɦíydha mí ddiy, ndèymí ra bbakà ò.” 7Fú kpatss̀ ngbîy ndèy ru ndèymí à rà bbakà ò. 8Bbalè njà tdè fú ddiy ro, do lòw ndrǔ, ndèymí ndrǔ mâ Ddrà fǔchú nì ddiy njèydha mí klôw bbúdha mî bbalè dho.
Yesu îy tdè Matayo à dyǒw ndèy
(Mak 2:13-17; Lwk 5:27-32)
9Yesu tdè fú nga bbǎ ro, à njà tdè mùsórò njúwdha-dja ndèy ró dho nà Matayo nì. À dòw tdè mùsórò njúwdha mí nga ó. Yesu tdrà à dhò, “Dyow ma.” Matayo ngbîy ndèy ru ndèymí à dyòw Yesu.
10Luwtéy, Yesu ndèymí ndèy kodjú kpa nà tdè ngítss̀ djú nga mí nyû nyǔ Matayo ngà dzá. Bíy ní mùsórò njúwdha-djá ndèymí njàddí bbalè cha ka îy tdè cherr-djá ní nì, ddí tdè fungá. 11Farisayo ní kpa njà tdè fú ddiy ro, ndrǔ dhîy à kodjú kpa, “Ddudhò nyìdhí li-gwíydha-dja ní nga nyǔ mùsórò njúwdha-djá nà ndèymí cherr-djá nà?”
12Yesu rr̀ tdè í ddiy ndèymí à tdrà, “Ì rónga nì lǎní nì bbalè mey nì li-rónga djìdha-dja nzǐ, chú ì rónga nì dhi nà nì ndrǔ mey nì ndey li-rónga djìdha-dja. 13Chú nyì ra, ndaní nyì tsǐ Ddrǎ-ngá ndíydha-ní-lò tey cha ndèy tdrà, ‘Manì zòw-lò jǐ, ngǎ měya mí bbudha alitari djú.’#9:13 Hoseya 6:6. Ma rà ngǎ cha ì nì ddey ì nì chǒw ní nì bbalè iy, chú ì tsì ì nì cherr-djá ní nì.”
Yesu mí tdeynì ní lò-gwíydha jì ndèymí ndruní nà
(Mak 2:18-22; Lwk 5:33-39)
14Fú ddiy-dzzdjú, Yohana Bàtízò bbúdha-dja kodjú kpa rà Yesu dè. Ndrǔ dhîy à, “Ddudhò mà ndèymí Farisayo ní kpa nà bba ní nyû Ddrà nzz̀dha dhò, chú nyi kodjú kpa bba ní nzǐ?”
15Yesu ngù lò ndrǔ dhò, “Nyì ní ddey cha ka îy ków mí madha ò nì lu dhó dey ney zòw nà, ya děy ney sǐngba mí kpatss̀ nì ro? Nzǐ, chú ddu rà shì ney ka rà sǐngba mí kpatss̀ tduw gu ndrǔ róddù mî, ndèymí fú nganà chú ndrǔ rà nyû bbà.
16“Li ro nì ngǎ cha ndèy tów nì rù ɦèy ónga rù tdey nà. Ya à njèy fǔchú, rù tdey rà rù ɦèy tha ndèymí à rà ndèy tha ngǎjìní drǒ. 17Ǐngí li rò nì ngǎ cha ndèy dho nyàrŕsà ní wa ley ndruní nì wa zźdha mí sàwu ò. Ya à njey ro, fú wa zźdha mí sàwu ónga rà ndèy tha, fú wa rà ndèy tdiy wá ndèymí mí wa zźdha mí sàwu rà ndèy sà. Tdeynì ní wa ka ddu nì tdeynì ní wa zźdha mí sàwu ò ndèymí ndrǔ rwo tú rà dey lǎní.”
Yesu ngbîy ndèy dhì nì sǐngba-ní-ngba ndèymí à djì dhi nà nì ɦiytss ní li-rónga
(Mak 5:21-43; Lwk 8:40-56)
18Yesu tdè fú lò tdrǎ mí nga nà, Yahuddi-ddúw dhí li-djùkpa ddàdha-dja shì à dè, à kwò ndèy tdyòw-tey à nyú djú ndèymí à tdrà, “Màtsá dhànì dhì děy nú njanja. Chú rà nyi-dhokpa ley à ró, ndèymí à rà dey djiy ní.” 19Yesu ngbîy ndèy ru à rà à nà ddìngaó ndèy kodjú kpa nà.
20Ndrǔ tdè rǎ mí nga nà, njaddí ɦìytss-ní-li rò cha ndèy nzâ tdè ndèy, ndèy ró jǔw nì pběy ddiy nà, cho dri ndèy djú rwo nà nì dho nì, shì tdè Yesu dzzdjúddù ndèymí à lòw à ró rù tsò. 21À tdrà ndèy dhò ndèyníddò, “Ya ma lôw à ró rù rónga chúddì, ma rónga rà djì.”
22Yesu lî ndèy, ka à njà. À tdrà, “Màtsá dhànì, déy klǒw ní thíy nà! Nyìmí ùwdha lêy nyi rónga djì ŋà.” Fú nga nà ndùw fú sǐngba rónga ngû lǎní.
23Yesu shì fú li-djùkpa ddàdha-dja bbá. Fungá, njàddí bbalè tdè dzz̀-ngwò ngwǒ ndèymí njàddí ndrǔ tdè nga tǔw. 24À tdrà, “Nyì ddá nyì gu. Fú sǐngba-ní-ngba dhì nzá. À nì ddǔ ddùdha ní.” Bbalè wánì lòw dey à gbu. 25Chú ka ddâ bbalè mí njuw rútsò mí nga nà, Yesu kâ tsùw dzá, ndèymí à tdûw sǐngba-ní-ngba ndèy-dhokpa nà, ndèymí à ngbîy ndèy ru. 26Fú lò-ɦéy rr̀ ndèy fú dziylíy òluw wá.
Yesu djì rwo nì ngǎ nyú rónga
27Yesu ngbîy ndèy fungá ddù. À tdè bbiy tuw òluw mí nga nà, rwo nì ngǎ nyú lòw dey à dyòw. Ndrǔ swâ à dè, “Pey Dawuddi mí Ddùwnì,#9:27 Pey Dawuddi mí Ddùwnì. Nja klǒw nì lò-hwo ndèy tey nà. njey mà zòw!”
28Yesu tsùw tdè dzá ro, rwo nì ngǎ nyú rà à dè, ndèymí à dhîy ndrǔ, “Nyì ǔw ŋà ma dho ley nyì njǎ nga?”
Ndrǔ ngù lò, “Òní, Ddrǒngóli.”
29Yesu kâ ndrǔ nyú rónga mbu, ndèymí à tdrà, “Nyìdhí uwdha nà, à rà ndèy njèy.” 30Fúnga nà ndrǔ njà nga. Chú Yesu ddù ndrǔ nyú ndèymí à tdrà ndrǔ dhò, “Nzǐ nyì tdrà í lò rò njàddí li dhò!” 31Chú ndrǔ rà ndèymí ndrǔ tdrà Yesu ɦuwdjò wánì fú dziylíy òluw.
Yesu djì nzǐ ndèy nì lò-těy nì li-rónga
32Cha fú kpa tdè rǎ ro, njàddí bbalè mbà nzǐ ndèy tdè lò-těy nì li Yesu dè, ddiydhò à tdè che thíy nà. 33Yesu kâ che thíy dda, ndèymí fú kpatss̀ kâ lòw dèy lò tèy. Bbalè mí njuw ónga ꞌwiy ndèymí ndrǔ tdrà, “Ǐchú ní ddiy rò njà ndèy nzá ndruní nga djúddù kpe Israeli mí ngòw ó.”
34Chú Farisayo ní kpa tdrà tdè, “À nì che thíy dhí li-djùkpa ddàdha-dja cha ndèy bbú nì klôw Yesu dhò che thíy ddádha mî.”
Yesu tdè zòw-lò nà bbalè ró
35Yesu bbîy tdè wánì drò-dró ní bba òluw ndèymí dùdú ní nà. À gwîy tdè bbalè Yahuddi-ddúw dhí njuwdha-dzà ó. À tdrà Hwî mí Lò-ɦéy rakpa mí pey-mí-nga djò, ndèymí à djì ndèy tsûw bbalè ró nì dhi jì-kpà ndèymí li-rónga ndéydha nà. 36À njà tdè bbalè mí njuw ro, ndrǔ dhí zòw njèy à. Ndrǔ ónga tdè tdǒ, ddiydhò li rò tdè ngǎ ndèy kwó ndrǔ tsotso nì, gbè towmbù níchú ngǎ ì rónga pbòdha-dja ní nì. 37À kâ tdrà ndèy kodjú kpa dhò, “Nyû nì drǒ cha à kà ka njúw nì, chú tsònì njúwdha mí dhǐy-djá nì drá. 38Nzz Ddrà, nyû tsò njúwdha mí Ddrǒngóli, ndaní à chó njàddí dhǐy-djá nyû tsò njúwdha dhò.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved