Matayo 10
10
Yesu chô dri ndèy djú rwo nà nì dyòw-djá
(Mak 3:13-19; Lwk 6:12-16)
1Yesu îy nděyngá dri ndèy djú rwo nà nì ndèy kodjú kpa ndèy dè. À bbû ndrǔ dhò klôw che thíy ddádha mî ndèymí wánì dhi jì djìdha mî ndèymí li-rónga ndéydha mí nà.
2Í nì Yesu ngá dri ndèy djú rwo nà nì dyòw-djá ró dho.
Nji tsò djú nì tdè Simoni cha ka îy tdè Petro ní nì, ndèymí Anderiya àmí djûnì,
Yakobbo cha ndèy tdè Zibiddayo mí ddùwnì ndèymí djûnì Yohana nà,
3Filipo ndèymí Batolomayo, Tomasi ndèymí Matayo cha ndèy tdè mùsórò njúwdha-dja nì,
Yakobbo cha ndèy tdè Alifayo mí ddùwnì ndèymí Tadawo nà,
4Simoni cha ka îy tdè Zelote#10:4 Zelote. Griki ló nà ka îy tdè Kananayo ní. Zelote ndèymí Kananayo mí lò-tey nì, cha ndèy nì jǐ ìdhí bbá ngòw déy ngádha ní Roma mí pey nyùdha róddù nì li. ní nì, ndèymí Yudda Iskariyota nà cha lùw tey ndèy bbû tdè Yesu ndrò-djá dhokpa ò nì.
5Yesu chô tdè fú dri ndèy djú rwo nà nì dyòw-djá í lò nà, “Nzǐ nyì ra ngǎ ì nì Israeli ní nì bbalè dhí ngòw ò ǐngí nzǐ nyì tsuw Samariya mí bbalè nì déy ndèy ó nì ngòw ò. 6Chú nyì ra Israeli mí ì vîy nì towmbù dè. 7Nyì ra ndèymí nyì tdra í Ddrà mí lò-ɦéy, ‘Rakpa mí pey-mí-nga nì chow.’ 8Nyì dji dhi nà nì bbalè rónga, nyì ngu ì dhì nì bbalè djiy ní, nyì djì tsátsá mí dhi nà nì bbalè rónga, ndèymí nyì ddá che thíy. Nyì kwô nzá nyì bbû ddiy rò ní, fúddiy dhò bbú nzá nyì kwô ddiy rò ní. 9Nzǐ nyì tdúw ngbú ní órr̀ ǐngí sárŕ ní órr̀ ǐngí mb nyìdhí kpǔ ó. 10Nzǐ nyì tdúw bbiydha mí kpǔ, ǐngí njàddí rù ngòtsò ǐngí li ko ró shí, ǐngí lotèy. Njí-djá dhò à kà ka bbú cha ndrǔ nì jǐ nì ddiy.
11“Ya nyì shì ddrǒngó ní bba ó ǐngí drá ní bba ó ro, nyì tsuw ndèymí nyì mey cha ndèy nì nyì kwódha ꞌwíy nà nì li ndèymí nyì déy ǎngà dzá pbǔw nyì rà fú nga bbà ddiy ò. 12Ya nyì tsùw dzá ro, nyì tdra, ‘Shú ní thíy déy nyì nà.’ 13Ya ndey nì bba ó bbalè kwô nyì, nyì bba nyìdhí shú ní thíy mǎ ndrǔ dhò. Ya ndrǔ kwô nyì nzá, nyì ra nyìdhí shú ní thíy nà. 14Ya njàddí bba ó bbalè ǐngí ddrǒngó ní bba ó bbalè rà nzǐ nyì kwo ǐngí nyìdhí lò rr̀, nyì bba fú nga ndèymí nyì ja nyì-koko ró ɦôw gu. 15Manì nyì dhò dìchú ní lò tdrǎ, lò-tdèydha mí ddu ó, Ddrà rà zòw-lò njèy Sodoma ndèymí Gomora ó bbalè ró, à da fú ddrǒngó ní bba ó bbalè djòluw.#10:15 Lò-tsò ngàdha 19:24-29.
Ndèy rà shì nì nzadha
(Mak 13:9-13; Lwk 21:12-17)
16“Nyì rr, ma nì nyì cho towmbù níchú, ɦùw nì ndèy njěy nì tsó téy tsǐ kàò. Fú ddiy dhò, nyì déy nyì nyú nà gbè ngìydhá níchú, ndèymí bbò, gbè bbǎlá níchú. 17Nyì déy nyì nyú nà bbalè dho, ddiydhò ndrǔ rà nyì bbu lò-tdèydha-djá dè ndèymí ndrǔ rà nyì dhèy shí nà Yahuddi-ddúw dhí njuwdha-dzà ó. 18Màtsá lò dhò, ka rà nyì mbà li-djùkpa ddàdha-djá nyú djò ndèymí pey ní kpa nà, ndaní nyì tdrǎ Hwî mí Lò-ɦéy ndrǔ dhò ndèymí ngǎ ì nì Yahuddi-ddúw ní nì ndrǔ nà. 19Ya ndrǔ mbà nyì lò-tdèydha-djá nyú djò, nzǐ nyì ónga tdǒ cha nyì rà tdrà nì lò djú ǐngí ŋǎchú nyì rà tdrà ddiy. Ya mí nga shì ro, ka rà nyì dhò cha nyì kà nyì tdrǎ nì lò bbu. 20Nyì rà tdrà nì lò rà tdè ngǎ nyìdhî, chú nyìdhí Djǎnì mí Bblǒ Thíy rà lò tèy nyì òluw.
21“Bbalè rà déy ní ì djú bbu dhi dhò, ndèymí nzòw djá ddí rà njèy fǔchú, ídhí nzòw ró. Nzòw rà ì li ìdhí gôw-djá ró ndèymí ndrǔ rà ley ka hwǐ ndrǔ. 22Wánì bbalè rà nyì ndrò màtsá lò dhò, chú ì rà dèy ngbiy-kpiy pbǔ tsòmà tdówdha ò nì bbalè, rà pa. 23Ya ndrǔ nì nyì nza ddì nì ddrǒngó ní bba ó, nyì kòw njaddí ddrǒngó ní bba ò. Manì nyì dhò dìchú ní lò tdrǎ, nyì rà nzǐ nyìdhí njí si Israeli mí drò-dró ní bba òluw wá, děy nzá ma Ndrǔ-Ddùw shì ní.
24“Ndèy ka nì gwíy nì li nì ngǎ ddrǒngó ndèymí li-gwíydha-dja djòluw ǐngí piy nì ngǎ ddrǒngó ndèymí ddrǒngóli djòluw. 25À kâ ŋà ndèy ka nì gwíy nì li déy li-gwíydha-dja níchú, ndèymí piy déy ddrǒngóli níchú. Ya ma dza-dja bbalè nì ma iy Belzebuli#10:25 Belzebuli. Í nì njàddí dho Setani ró nì. ní, nyì màtsá ngà dzá nì bbalè, ndrǔ rá nzǐ nyì iy ngǎjìní dho nà cha ndèy da fúnì djòluw nì?
Cha ndèy kà ka nyǐ nì li
(Lwk 12:2-7)
26“Fú ddiy dhò, nzǐ nyì nyi fú bbalè. Njanja ka tss̀ ndèy djú nga nì ddiy, ka rà djǒmá nga pù ndèymí cha ka rù nì ddiy, ka rà ley à tsǐ ndèy. 27Cha ma tdrà nyì dhò kúw ní nga ó nì lò, à kà nyì tdrǎ mí lò tende itsś nà. Chíy-chìy ní nyì rr̀ nì lò, nyì tdrà mí lò tende ní nga ó bbalè wánì rř. 28Nzǐ nyì nyi cha ì hwi nì li-rónga nì ndrǔ, chú ndrǔ dho nzǐ djiy hwì. Nyì njey Ddrà mí nyí cha ndèy dho li-rónga hwì ndèymí djiy nà ndru-tey ró nì li sàdha mí kàss ò. 29Nyi dhó nzǐ mb-ho ddì nì nà kíríyà dzz̀ rwo? Chú ddì nì dho dhì nzǐ nzá nyì Dja tsì ní. 30Ddrà ddí tsì ŋà nyì djùkpa ró ɦěy nì thi ddiy. 31Fú ddiy dhò, nzǐ nyì déy nyí nà, nyì ɦuwdjò nì tǔw à da bíy ní kíríyà djòluw.
Kristo ùwdha ǐngí gùdha
(Lwk 12:8-9)
32“Ya ndèy ùw ma kpǔ bbalè nyú djú nì li, ma ddí rà fú li ùw rakpa ó nì ma Dja nyú djú. 33Chú ndèy gù ma kpǔ bbalè nyú djú nì li, ma rà fú li gù rakpa ó nì ma Dja nyú djú.
Ngǎ shú ní thíy, chú gòw-dyì
(Lwk 12:51-53; Lwk 14:26-27)
34“Nzǐ ddéy ma rà shú ní thíy mbà dziylíy djò. Ngǎ, ma rà ngǎ shú ní thíy mbà, chú gòw-dyì. 35Ma rà
“ ‘kpa-ní-nzòw li ì djá ró,
dhì nzòw ní nzòw li ì ɦíy ró,
ddúwnyí-dhì li ì djá ró.
36Ma nì tdrǎ nì lò nì i, nyì tsò ró ngǎjìní la-djá rà dey nyǐngá déy ní dza ó ndrǔ.’#10:36 Mika 7:6.
37“Ndèy jì ndèymí djǎnì ǐngí ndèymí yǎnì à da ma djòluw nì li, kâ nzá à déy ma kodjú li ní. Ndèy jì ddùwnì ǐngí dhànì tǐ ma djòluw nì li, kâ nzá à déy ma kodjú li ní. 38Nzá ndèy tdûw ndèymí musalabba ndèymí à dyǒw ma ndanà nì li, kâ nzá à déy ma kodjú li ní. 39Ndèy pbò ndèymí djiy rónga nì li, rà mí djiy viy, chú ndèy vîy ndèymí djiy màtsá lò dhò nì li, rà mí djiy chùw.
Li-kobì
(Mak 9:41)
40“Ndèy kwô nyì nì li, kwô ma, ndèymí cha ndèy kwô ma nì li, kwô cha ndèy chô ma nì li. 41Ndèy kwô nabi, à nì nabi ddiydhò nì li, rà nabi mí li kobì chùw. Ndèymí ndèy kwô chǒw ní li, à nì chǒw ní li ddiydhò nì li, rà chǒw ní li mí li kobì chùw. 42Manì nyì dhò dìchú ní lò tdrǎ, ya li rò bbu shú ní dda ddì nì í ngǎ ì ɦuwdjò nà nì bbalè dhò, à nì ma kodjú li ddiydhò, à rà dìchú ndèy kobì chùw.”
Chwazi Kounye ya:
Matayo 10: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Matayo 10
10
Yesu chô dri ndèy djú rwo nà nì dyòw-djá
(Mak 3:13-19; Lwk 6:12-16)
1Yesu îy nděyngá dri ndèy djú rwo nà nì ndèy kodjú kpa ndèy dè. À bbû ndrǔ dhò klôw che thíy ddádha mî ndèymí wánì dhi jì djìdha mî ndèymí li-rónga ndéydha mí nà.
2Í nì Yesu ngá dri ndèy djú rwo nà nì dyòw-djá ró dho.
Nji tsò djú nì tdè Simoni cha ka îy tdè Petro ní nì, ndèymí Anderiya àmí djûnì,
Yakobbo cha ndèy tdè Zibiddayo mí ddùwnì ndèymí djûnì Yohana nà,
3Filipo ndèymí Batolomayo, Tomasi ndèymí Matayo cha ndèy tdè mùsórò njúwdha-dja nì,
Yakobbo cha ndèy tdè Alifayo mí ddùwnì ndèymí Tadawo nà,
4Simoni cha ka îy tdè Zelote#10:4 Zelote. Griki ló nà ka îy tdè Kananayo ní. Zelote ndèymí Kananayo mí lò-tey nì, cha ndèy nì jǐ ìdhí bbá ngòw déy ngádha ní Roma mí pey nyùdha róddù nì li. ní nì, ndèymí Yudda Iskariyota nà cha lùw tey ndèy bbû tdè Yesu ndrò-djá dhokpa ò nì.
5Yesu chô tdè fú dri ndèy djú rwo nà nì dyòw-djá í lò nà, “Nzǐ nyì ra ngǎ ì nì Israeli ní nì bbalè dhí ngòw ò ǐngí nzǐ nyì tsuw Samariya mí bbalè nì déy ndèy ó nì ngòw ò. 6Chú nyì ra Israeli mí ì vîy nì towmbù dè. 7Nyì ra ndèymí nyì tdra í Ddrà mí lò-ɦéy, ‘Rakpa mí pey-mí-nga nì chow.’ 8Nyì dji dhi nà nì bbalè rónga, nyì ngu ì dhì nì bbalè djiy ní, nyì djì tsátsá mí dhi nà nì bbalè rónga, ndèymí nyì ddá che thíy. Nyì kwô nzá nyì bbû ddiy rò ní, fúddiy dhò bbú nzá nyì kwô ddiy rò ní. 9Nzǐ nyì tdúw ngbú ní órr̀ ǐngí sárŕ ní órr̀ ǐngí mb nyìdhí kpǔ ó. 10Nzǐ nyì tdúw bbiydha mí kpǔ, ǐngí njàddí rù ngòtsò ǐngí li ko ró shí, ǐngí lotèy. Njí-djá dhò à kà ka bbú cha ndrǔ nì jǐ nì ddiy.
11“Ya nyì shì ddrǒngó ní bba ó ǐngí drá ní bba ó ro, nyì tsuw ndèymí nyì mey cha ndèy nì nyì kwódha ꞌwíy nà nì li ndèymí nyì déy ǎngà dzá pbǔw nyì rà fú nga bbà ddiy ò. 12Ya nyì tsùw dzá ro, nyì tdra, ‘Shú ní thíy déy nyì nà.’ 13Ya ndey nì bba ó bbalè kwô nyì, nyì bba nyìdhí shú ní thíy mǎ ndrǔ dhò. Ya ndrǔ kwô nyì nzá, nyì ra nyìdhí shú ní thíy nà. 14Ya njàddí bba ó bbalè ǐngí ddrǒngó ní bba ó bbalè rà nzǐ nyì kwo ǐngí nyìdhí lò rr̀, nyì bba fú nga ndèymí nyì ja nyì-koko ró ɦôw gu. 15Manì nyì dhò dìchú ní lò tdrǎ, lò-tdèydha mí ddu ó, Ddrà rà zòw-lò njèy Sodoma ndèymí Gomora ó bbalè ró, à da fú ddrǒngó ní bba ó bbalè djòluw.#10:15 Lò-tsò ngàdha 19:24-29.
Ndèy rà shì nì nzadha
(Mak 13:9-13; Lwk 21:12-17)
16“Nyì rr, ma nì nyì cho towmbù níchú, ɦùw nì ndèy njěy nì tsó téy tsǐ kàò. Fú ddiy dhò, nyì déy nyì nyú nà gbè ngìydhá níchú, ndèymí bbò, gbè bbǎlá níchú. 17Nyì déy nyì nyú nà bbalè dho, ddiydhò ndrǔ rà nyì bbu lò-tdèydha-djá dè ndèymí ndrǔ rà nyì dhèy shí nà Yahuddi-ddúw dhí njuwdha-dzà ó. 18Màtsá lò dhò, ka rà nyì mbà li-djùkpa ddàdha-djá nyú djò ndèymí pey ní kpa nà, ndaní nyì tdrǎ Hwî mí Lò-ɦéy ndrǔ dhò ndèymí ngǎ ì nì Yahuddi-ddúw ní nì ndrǔ nà. 19Ya ndrǔ mbà nyì lò-tdèydha-djá nyú djò, nzǐ nyì ónga tdǒ cha nyì rà tdrà nì lò djú ǐngí ŋǎchú nyì rà tdrà ddiy. Ya mí nga shì ro, ka rà nyì dhò cha nyì kà nyì tdrǎ nì lò bbu. 20Nyì rà tdrà nì lò rà tdè ngǎ nyìdhî, chú nyìdhí Djǎnì mí Bblǒ Thíy rà lò tèy nyì òluw.
21“Bbalè rà déy ní ì djú bbu dhi dhò, ndèymí nzòw djá ddí rà njèy fǔchú, ídhí nzòw ró. Nzòw rà ì li ìdhí gôw-djá ró ndèymí ndrǔ rà ley ka hwǐ ndrǔ. 22Wánì bbalè rà nyì ndrò màtsá lò dhò, chú ì rà dèy ngbiy-kpiy pbǔ tsòmà tdówdha ò nì bbalè, rà pa. 23Ya ndrǔ nì nyì nza ddì nì ddrǒngó ní bba ó, nyì kòw njaddí ddrǒngó ní bba ò. Manì nyì dhò dìchú ní lò tdrǎ, nyì rà nzǐ nyìdhí njí si Israeli mí drò-dró ní bba òluw wá, děy nzá ma Ndrǔ-Ddùw shì ní.
24“Ndèy ka nì gwíy nì li nì ngǎ ddrǒngó ndèymí li-gwíydha-dja djòluw ǐngí piy nì ngǎ ddrǒngó ndèymí ddrǒngóli djòluw. 25À kâ ŋà ndèy ka nì gwíy nì li déy li-gwíydha-dja níchú, ndèymí piy déy ddrǒngóli níchú. Ya ma dza-dja bbalè nì ma iy Belzebuli#10:25 Belzebuli. Í nì njàddí dho Setani ró nì. ní, nyì màtsá ngà dzá nì bbalè, ndrǔ rá nzǐ nyì iy ngǎjìní dho nà cha ndèy da fúnì djòluw nì?
Cha ndèy kà ka nyǐ nì li
(Lwk 12:2-7)
26“Fú ddiy dhò, nzǐ nyì nyi fú bbalè. Njanja ka tss̀ ndèy djú nga nì ddiy, ka rà djǒmá nga pù ndèymí cha ka rù nì ddiy, ka rà ley à tsǐ ndèy. 27Cha ma tdrà nyì dhò kúw ní nga ó nì lò, à kà nyì tdrǎ mí lò tende itsś nà. Chíy-chìy ní nyì rr̀ nì lò, nyì tdrà mí lò tende ní nga ó bbalè wánì rř. 28Nzǐ nyì nyi cha ì hwi nì li-rónga nì ndrǔ, chú ndrǔ dho nzǐ djiy hwì. Nyì njey Ddrà mí nyí cha ndèy dho li-rónga hwì ndèymí djiy nà ndru-tey ró nì li sàdha mí kàss ò. 29Nyi dhó nzǐ mb-ho ddì nì nà kíríyà dzz̀ rwo? Chú ddì nì dho dhì nzǐ nzá nyì Dja tsì ní. 30Ddrà ddí tsì ŋà nyì djùkpa ró ɦěy nì thi ddiy. 31Fú ddiy dhò, nzǐ nyì déy nyí nà, nyì ɦuwdjò nì tǔw à da bíy ní kíríyà djòluw.
Kristo ùwdha ǐngí gùdha
(Lwk 12:8-9)
32“Ya ndèy ùw ma kpǔ bbalè nyú djú nì li, ma ddí rà fú li ùw rakpa ó nì ma Dja nyú djú. 33Chú ndèy gù ma kpǔ bbalè nyú djú nì li, ma rà fú li gù rakpa ó nì ma Dja nyú djú.
Ngǎ shú ní thíy, chú gòw-dyì
(Lwk 12:51-53; Lwk 14:26-27)
34“Nzǐ ddéy ma rà shú ní thíy mbà dziylíy djò. Ngǎ, ma rà ngǎ shú ní thíy mbà, chú gòw-dyì. 35Ma rà
“ ‘kpa-ní-nzòw li ì djá ró,
dhì nzòw ní nzòw li ì ɦíy ró,
ddúwnyí-dhì li ì djá ró.
36Ma nì tdrǎ nì lò nì i, nyì tsò ró ngǎjìní la-djá rà dey nyǐngá déy ní dza ó ndrǔ.’#10:36 Mika 7:6.
37“Ndèy jì ndèymí djǎnì ǐngí ndèymí yǎnì à da ma djòluw nì li, kâ nzá à déy ma kodjú li ní. Ndèy jì ddùwnì ǐngí dhànì tǐ ma djòluw nì li, kâ nzá à déy ma kodjú li ní. 38Nzá ndèy tdûw ndèymí musalabba ndèymí à dyǒw ma ndanà nì li, kâ nzá à déy ma kodjú li ní. 39Ndèy pbò ndèymí djiy rónga nì li, rà mí djiy viy, chú ndèy vîy ndèymí djiy màtsá lò dhò nì li, rà mí djiy chùw.
Li-kobì
(Mak 9:41)
40“Ndèy kwô nyì nì li, kwô ma, ndèymí cha ndèy kwô ma nì li, kwô cha ndèy chô ma nì li. 41Ndèy kwô nabi, à nì nabi ddiydhò nì li, rà nabi mí li kobì chùw. Ndèymí ndèy kwô chǒw ní li, à nì chǒw ní li ddiydhò nì li, rà chǒw ní li mí li kobì chùw. 42Manì nyì dhò dìchú ní lò tdrǎ, ya li rò bbu shú ní dda ddì nì í ngǎ ì ɦuwdjò nà nì bbalè dhò, à nì ma kodjú li ddiydhò, à rà dìchú ndèy kobì chùw.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved