Jang 11
11
Baak rêh kươi La-sa-rơ ri
1Geh mbu bnih pơrtanh chhak laa La-sa-rơ, poh a Bê-tha-ni, poh dêq Ma-ri ri u oh bi laa Ma-thê.#Lu 10:38-39. 2Ma-ri laa bnih ja lơơm pring chhơm aan Brah u nhôq chhok nơơm jhut jơng Pang; đươm bi klau ruh laa La-sa-rơ plah dol pơrtanh.#Ja 12:3. 3Bei nei, baar oh nur maanh bnih lôh tơmbơh n'hai Brah Jê-sus laah: “Ơi Brah, bnih Brah srlanh plah pơrtanh.” 4Dôh tơt Brah Jê-sus ttang ntil au nei mor laah: “Pơrtanh au 'bưn moh tơt baah chhưt laang, dôh nei laa đươm chring chraang Brah Ưn ri, jah Koon Brah Ưn chkhôm nei kươt tư wơơl.” 5Brah Jê-sus srlanh Ma-thê, oh ur mei nei, u La-sa-rơ. 6Đươm bei nei, tơt ttang La-sa-rơ pơrtanh nei Pang gôq kươi baar nar dơq tu ktôk Pang plah gôq. 7Kơi nei, Pang maanh bơl jơrnơ: “Bơl bơn phrui plơq siq kwaal Ju-đê.” 8Bơl jơrnơ ơh laah: “Ơi Yau, bnih Jo-thai plah wơng baah jang tmau Yau a hay bei au Yau nha plơq kơơi ktôk nei?” 9Brah Jê-sus ơh: “'Bưn geh jôm nar geh jmơt baar bêl laang? Mơq 'bơơn han knông dang nar nei 'bưn a chêh, đươm sau rơn aang swich teh ri au. 10Dôh mơq 'bơơn han knông mang nei dol a chêh, đươm 'bưn geh rơn aang.” 11Di kơơi mor ntil au, Brah Jê-sus maanh nha: “La-sa-rơ, gnasaal bơl bơn ri, plah bêch dôh Hei han pơrlay bi nei.” 12Bơl jơrnơ ơh: “Ơi Brah, mơq bi nei bêch, ngan a kươi kươt baaq tanh.” 13Brah Jê-sus mor teq u baak chhưt La-sa-rơ ri, dôh bơl jơrnơ leet kơn ơơn Pang mor teq u bêch dơm bei rêêng nar. 14Đươm nei, Brah Jê-sus mor srlah srlom n'hai bu: “La-sa-rơ chhưt hơơi. 15Dôh đươm bơl 'bei, Hei broh đươm 'bưn geh Hei tu nei jah bơl 'bei jơ. Bei au, bơl bơn phrui han lôh n'hai bi nei.” 16Đươm nei, Thô-ma chôôl laa Đi-đim#11:16 Đi-đim: Knông baak Hi-lap geh rơih lah koon baar. mor n'hai bơl jơrnơ nday laah: “Bơl bơn phrui han lôh nei pôl chhưt n'hai Pang.”
17Tơt lôh ktôk, Brah Jê-sus sau La-sa-rơ ja kươt rôôp knông kmôôch puôn nar hơơi. 18Poh dêq Bê-tha-ni phơt poh Jê-ru-sa-lem tơmlai pei ki-lô-met,#11:18 S'bt: Jmơt pram ếch-ta-đơ. 19mơ geh ơk bnih Jo-thai lôh nđum nđiêng Ma-thê u Ma-ri teq u bi bu ri. 20Tơt Ma-thê ttang Brah Jê-sus lôh nei han wơơt Pang, nha Ma-ri nha ơơm gôq a nhi. 21Ma-thê ơh n'hai Brah Jê-sus: “Ơi Brah, mơq Brah geh a au nei bi hei 'bưn geh chhưt. 22Dôh hei gưt, kơndaal bei au, paich ntil ơơn Yau dan Brah Ưn nei Brah Ưn a kươi ươn Yau.” 23Brah Jê-sus mor: “Bi 'bei a kươi rêh kươi.” 24Ma-thê ơh: “Hei gưt laah bi hei a kươi rêh kươi knông jơl nar rêh kươi lap nar ptut.” 25Brah Jê-sus lah n'hai Ma-thê: “Hei laa baak rêh kươi u baak rêh. Bnih êch jơ Hei nei a kươi rêh, paich ja chhưt hơơi. 26Nha 'bơơn rêh baah jơ Hei a kươi 'bưn khal êch chhưt. 'Bei jơ ntil nei 'bưn?” 27Ma-thê ơh: “Hơq, ơi Brah, hei jơ laah Brah laa Yaang Krist, Koon Brah Ưn, Yaang phrui lôh swich teh.”
28Ja mor, Ma-thê han siq, khuôl êêng oh ur laa Ma-ri u mor: “Yau ja a au hơơi, u aan khuôl oh nei.” 29Tơt ttang ntil au, Ma-ri gway kơndaal ta yoong lôh a mơp Pang. 30Plah nei, Brah Jê-sus ndah mưt u poh dêq baah nha ơơm ta yoong tu ktôk Ma-thê ja wơơt Pang. 31Tơt bơl bnih Jo-thai plah gôq knông nhi n'hai Ma-ri, jah nđum nđiêng ruh, sau ruh gway kơndaal ta yoong han sot nei han tênh, đươm gênh laah ruh han tơt kmôôch jah nhim. 32Han tơt ktôk Brah Jê-sus, mhei sau Pang nei Ma-ri kơl tưt kôq tang a jơng Pang u mor: “Ơi Brah, mơq geh Brah a au nei bi hei 'bưn chhưt.” 33Brah Jê-sus sau Ma-ri nhim, u bơl bnih Jo-thai han n'hai ruh kot nhim, nei knông chưt rhơq rpơq, rthưt nuih u ôp: “Bơl 'bei ja rôôp bi nei a êch?” 34Bu ơh: “Ơi Brah, dan phrui han jah mơq.” 35Brah Jê-sus nhim. 36Đươm nei, bơl bnih Jo-thai mor: “Mơq tôw, bu nei srlanh La-sa-rơ gưt laa pal êch!” 37Dôh pal du knông nak bu mor: “Bu nei ja pliq pi mat aan bnih tiah, leet 'bưn kươt lơh aan bnih au 'bưn geh chhưt laang?”
38Brah Jê-sus leet rthưt nuih huôih nha, kơndaal han tơt kmôôch. Nei laa di rung geh tmau kơl bach hơơi. 39Brah Jê-sus maanh: “Phrui ndêch tmau ơơi.” Ma-thê, oh ur bnih kmôôch ri, ơh laah: “Ơi Brah, ja geh nh'ap hơơi, đươm bi nei bêch a au kươt puôn nar hơơi.” 40Brah Jê-sus leet maanh: “Hei ja 'bưn mor n'hai 'bei laah, mơq 'bei jơ nei a kươi sau chring chraang Brah Ưn ri laang?” 41Bei nei, bu ndêch tmau. Brah Jê-sus nggơơr mat u mor: “Ơi Bươp, Koon or Bươp, đươm ja chơp baak Koon. 42Koon gưt Bươp chơp baak Koon yoot, dôh Koon mor ntil au đươm bơl bnih plah ta yoong rlum au, jah bu jơ laah Bươp ja maanh Koon lôh.” 43Ja mor, Pang khuôl mơh: “Ơi La-sa-rơ, phrui sot!” 44Bnih chhưt han sot, jơng ti nha kơt knat nhop, mat krup di plơơp kma. Brah Jê-sus maanh bu: “Phrui doh aan bi nei, u teq bi han.”
45Ơk bnih Jo-thai han nhjook Ma-ri, sau ntil Brah Jê-sus lơh nei jơ Pang. 46Dôh geh pal du knông nak nei han lôh u bnih Pha-ri-si, krơơ aan bu ntil ơơn Brah Jê-sus ja lơh.
Pơrgênh jưm mlưm ta wal Brah Jê-sus
47Đươm nei, bơl yau thwaai ndap ttơơm u bnih Pha-ri-si pơrgum Phung kliêu Jưm mlưm, u mor laah: “Bơl bơn phrui lơh ơơn au? Bnih au lơh ơk ir chmlih chmleek. 48Mơq bơl bơn khang teq bu nei ndih bei au nei a kươi leq sêch jơ bu nei, ja nei bnih Rô-ma a kươi lôh pơm piit leq ktôk au dơng teh daak bơl bơn.” 49Dôh mbu bnih knông nak bu laa Kai-phe, yau thwaai ttơơm knông snam nei, mor n'hai bu: “Bơl 'bei 'bưn gưt ơơn ơơm! 50Bơl 'bei 'bưn gưt laah, n'hop n'hal jah mbu bnih chhưt ta gơl aan raih, nha huôih leq raih bal phrui dol luôch lêêk.” 51Bu nei 'bưn mor êêng ntil nei, dôh đươm laa yau thwaai ttơơm knông snam nei, mơ bu nei mor grnưt noor teq u Brah Jê-sus a kươi đươm raih dol chhưt, 52'Bưn geh đươm dơơn raih bal au ei, dôh kot jah pơrgum bơl koon sau Brah Ưn ri dol tơrlêêng but lơh mlơm. 53A nar nei, bu mon jmlôm jah lưm Pang.
54Đươm nei, Brah Jê-sus 'bưn han srlah srlom klung bơl bnih Jo-thai, dôh han knông kwaal ndơh trenh sngat, tơt di poh chôôl laa Ep-ra-im u gôq kơơi a nei n'hai bơl jơrnơ. 55Ryơơng Chloong Rlach raih Jo-thai ri êch dơơh tơt, ơk bnih a pal kwaal poh han hao poh Jê-ru-sa-lem jah jhut rao noor jơl ryơơng. 56Khal au, bu wơng Brah Jê-sus u dơk ta pooch tơrnang nơơm knông nhi r'bưn: “Oh bi gênh bei êch? Bu nei 'bưn lôh joq ryơơng laang?” 57Nha bơl yau thwaai ndap ttơơm u bnih Pha-ri-si maanh: mơq 'bơơn gưt Brah Jê-sus a êch nei phrui tơmbơh aan bu gưt, jah bu nhôp Pang.
Chwazi Kounye ya:
Jang 11: SBL2024
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2024 Bible Society Vietnam. All rights reserved.
Jang 11
11
Baak rêh kươi La-sa-rơ ri
1Geh mbu bnih pơrtanh chhak laa La-sa-rơ, poh a Bê-tha-ni, poh dêq Ma-ri ri u oh bi laa Ma-thê.#Lu 10:38-39. 2Ma-ri laa bnih ja lơơm pring chhơm aan Brah u nhôq chhok nơơm jhut jơng Pang; đươm bi klau ruh laa La-sa-rơ plah dol pơrtanh.#Ja 12:3. 3Bei nei, baar oh nur maanh bnih lôh tơmbơh n'hai Brah Jê-sus laah: “Ơi Brah, bnih Brah srlanh plah pơrtanh.” 4Dôh tơt Brah Jê-sus ttang ntil au nei mor laah: “Pơrtanh au 'bưn moh tơt baah chhưt laang, dôh nei laa đươm chring chraang Brah Ưn ri, jah Koon Brah Ưn chkhôm nei kươt tư wơơl.” 5Brah Jê-sus srlanh Ma-thê, oh ur mei nei, u La-sa-rơ. 6Đươm bei nei, tơt ttang La-sa-rơ pơrtanh nei Pang gôq kươi baar nar dơq tu ktôk Pang plah gôq. 7Kơi nei, Pang maanh bơl jơrnơ: “Bơl bơn phrui plơq siq kwaal Ju-đê.” 8Bơl jơrnơ ơh laah: “Ơi Yau, bnih Jo-thai plah wơng baah jang tmau Yau a hay bei au Yau nha plơq kơơi ktôk nei?” 9Brah Jê-sus ơh: “'Bưn geh jôm nar geh jmơt baar bêl laang? Mơq 'bơơn han knông dang nar nei 'bưn a chêh, đươm sau rơn aang swich teh ri au. 10Dôh mơq 'bơơn han knông mang nei dol a chêh, đươm 'bưn geh rơn aang.” 11Di kơơi mor ntil au, Brah Jê-sus maanh nha: “La-sa-rơ, gnasaal bơl bơn ri, plah bêch dôh Hei han pơrlay bi nei.” 12Bơl jơrnơ ơh: “Ơi Brah, mơq bi nei bêch, ngan a kươi kươt baaq tanh.” 13Brah Jê-sus mor teq u baak chhưt La-sa-rơ ri, dôh bơl jơrnơ leet kơn ơơn Pang mor teq u bêch dơm bei rêêng nar. 14Đươm nei, Brah Jê-sus mor srlah srlom n'hai bu: “La-sa-rơ chhưt hơơi. 15Dôh đươm bơl 'bei, Hei broh đươm 'bưn geh Hei tu nei jah bơl 'bei jơ. Bei au, bơl bơn phrui han lôh n'hai bi nei.” 16Đươm nei, Thô-ma chôôl laa Đi-đim#11:16 Đi-đim: Knông baak Hi-lap geh rơih lah koon baar. mor n'hai bơl jơrnơ nday laah: “Bơl bơn phrui han lôh nei pôl chhưt n'hai Pang.”
17Tơt lôh ktôk, Brah Jê-sus sau La-sa-rơ ja kươt rôôp knông kmôôch puôn nar hơơi. 18Poh dêq Bê-tha-ni phơt poh Jê-ru-sa-lem tơmlai pei ki-lô-met,#11:18 S'bt: Jmơt pram ếch-ta-đơ. 19mơ geh ơk bnih Jo-thai lôh nđum nđiêng Ma-thê u Ma-ri teq u bi bu ri. 20Tơt Ma-thê ttang Brah Jê-sus lôh nei han wơơt Pang, nha Ma-ri nha ơơm gôq a nhi. 21Ma-thê ơh n'hai Brah Jê-sus: “Ơi Brah, mơq Brah geh a au nei bi hei 'bưn geh chhưt. 22Dôh hei gưt, kơndaal bei au, paich ntil ơơn Yau dan Brah Ưn nei Brah Ưn a kươi ươn Yau.” 23Brah Jê-sus mor: “Bi 'bei a kươi rêh kươi.” 24Ma-thê ơh: “Hei gưt laah bi hei a kươi rêh kươi knông jơl nar rêh kươi lap nar ptut.” 25Brah Jê-sus lah n'hai Ma-thê: “Hei laa baak rêh kươi u baak rêh. Bnih êch jơ Hei nei a kươi rêh, paich ja chhưt hơơi. 26Nha 'bơơn rêh baah jơ Hei a kươi 'bưn khal êch chhưt. 'Bei jơ ntil nei 'bưn?” 27Ma-thê ơh: “Hơq, ơi Brah, hei jơ laah Brah laa Yaang Krist, Koon Brah Ưn, Yaang phrui lôh swich teh.”
28Ja mor, Ma-thê han siq, khuôl êêng oh ur laa Ma-ri u mor: “Yau ja a au hơơi, u aan khuôl oh nei.” 29Tơt ttang ntil au, Ma-ri gway kơndaal ta yoong lôh a mơp Pang. 30Plah nei, Brah Jê-sus ndah mưt u poh dêq baah nha ơơm ta yoong tu ktôk Ma-thê ja wơơt Pang. 31Tơt bơl bnih Jo-thai plah gôq knông nhi n'hai Ma-ri, jah nđum nđiêng ruh, sau ruh gway kơndaal ta yoong han sot nei han tênh, đươm gênh laah ruh han tơt kmôôch jah nhim. 32Han tơt ktôk Brah Jê-sus, mhei sau Pang nei Ma-ri kơl tưt kôq tang a jơng Pang u mor: “Ơi Brah, mơq geh Brah a au nei bi hei 'bưn chhưt.” 33Brah Jê-sus sau Ma-ri nhim, u bơl bnih Jo-thai han n'hai ruh kot nhim, nei knông chưt rhơq rpơq, rthưt nuih u ôp: “Bơl 'bei ja rôôp bi nei a êch?” 34Bu ơh: “Ơi Brah, dan phrui han jah mơq.” 35Brah Jê-sus nhim. 36Đươm nei, bơl bnih Jo-thai mor: “Mơq tôw, bu nei srlanh La-sa-rơ gưt laa pal êch!” 37Dôh pal du knông nak bu mor: “Bu nei ja pliq pi mat aan bnih tiah, leet 'bưn kươt lơh aan bnih au 'bưn geh chhưt laang?”
38Brah Jê-sus leet rthưt nuih huôih nha, kơndaal han tơt kmôôch. Nei laa di rung geh tmau kơl bach hơơi. 39Brah Jê-sus maanh: “Phrui ndêch tmau ơơi.” Ma-thê, oh ur bnih kmôôch ri, ơh laah: “Ơi Brah, ja geh nh'ap hơơi, đươm bi nei bêch a au kươt puôn nar hơơi.” 40Brah Jê-sus leet maanh: “Hei ja 'bưn mor n'hai 'bei laah, mơq 'bei jơ nei a kươi sau chring chraang Brah Ưn ri laang?” 41Bei nei, bu ndêch tmau. Brah Jê-sus nggơơr mat u mor: “Ơi Bươp, Koon or Bươp, đươm ja chơp baak Koon. 42Koon gưt Bươp chơp baak Koon yoot, dôh Koon mor ntil au đươm bơl bnih plah ta yoong rlum au, jah bu jơ laah Bươp ja maanh Koon lôh.” 43Ja mor, Pang khuôl mơh: “Ơi La-sa-rơ, phrui sot!” 44Bnih chhưt han sot, jơng ti nha kơt knat nhop, mat krup di plơơp kma. Brah Jê-sus maanh bu: “Phrui doh aan bi nei, u teq bi han.”
45Ơk bnih Jo-thai han nhjook Ma-ri, sau ntil Brah Jê-sus lơh nei jơ Pang. 46Dôh geh pal du knông nak nei han lôh u bnih Pha-ri-si, krơơ aan bu ntil ơơn Brah Jê-sus ja lơh.
Pơrgênh jưm mlưm ta wal Brah Jê-sus
47Đươm nei, bơl yau thwaai ndap ttơơm u bnih Pha-ri-si pơrgum Phung kliêu Jưm mlưm, u mor laah: “Bơl bơn phrui lơh ơơn au? Bnih au lơh ơk ir chmlih chmleek. 48Mơq bơl bơn khang teq bu nei ndih bei au nei a kươi leq sêch jơ bu nei, ja nei bnih Rô-ma a kươi lôh pơm piit leq ktôk au dơng teh daak bơl bơn.” 49Dôh mbu bnih knông nak bu laa Kai-phe, yau thwaai ttơơm knông snam nei, mor n'hai bu: “Bơl 'bei 'bưn gưt ơơn ơơm! 50Bơl 'bei 'bưn gưt laah, n'hop n'hal jah mbu bnih chhưt ta gơl aan raih, nha huôih leq raih bal phrui dol luôch lêêk.” 51Bu nei 'bưn mor êêng ntil nei, dôh đươm laa yau thwaai ttơơm knông snam nei, mơ bu nei mor grnưt noor teq u Brah Jê-sus a kươi đươm raih dol chhưt, 52'Bưn geh đươm dơơn raih bal au ei, dôh kot jah pơrgum bơl koon sau Brah Ưn ri dol tơrlêêng but lơh mlơm. 53A nar nei, bu mon jmlôm jah lưm Pang.
54Đươm nei, Brah Jê-sus 'bưn han srlah srlom klung bơl bnih Jo-thai, dôh han knông kwaal ndơh trenh sngat, tơt di poh chôôl laa Ep-ra-im u gôq kơơi a nei n'hai bơl jơrnơ. 55Ryơơng Chloong Rlach raih Jo-thai ri êch dơơh tơt, ơk bnih a pal kwaal poh han hao poh Jê-ru-sa-lem jah jhut rao noor jơl ryơơng. 56Khal au, bu wơng Brah Jê-sus u dơk ta pooch tơrnang nơơm knông nhi r'bưn: “Oh bi gênh bei êch? Bu nei 'bưn lôh joq ryơơng laang?” 57Nha bơl yau thwaai ndap ttơơm u bnih Pha-ri-si maanh: mơq 'bơơn gưt Brah Jê-sus a êch nei phrui tơmbơh aan bu gưt, jah bu nhôp Pang.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2024 Bible Society Vietnam. All rights reserved.