Jang 10
10
Bnih gwaal bưr l'ưt l'mư
1“Ngan, Hei mor n'hai 'bei ngan, bnih êch 'bưn kheet lpôông baah mưt gưndrung bưr, leet hao mưt u troong nday nei laa bnih ttung lmuôich. 2Dôh 'bơơn đươm lpôông baah mưt laa bnih gwaal bưr. 3Bnih kray pơơk lpôông u bưr ttang baak bnih gwaal. Bnih gwaal khuôl chhak pi bưr nơơm u liêu sot a gaaih. 4Tơt ja liêu pi bưr sot a gaaih leq nei bnih gwaal han noor, pi bưr tênh a kươi đươm pi bưr ơih baak bnih gwaal. 5Pi bưr 'bưn tênh bnih êêng, mat a kươi, bu tuôt teq lơơi đươm pi bưr 'bưn ơih bnih êêng.” 6Brah Jê-sus krơơ pn'geh ruk au aan bu, dôh bu 'bưn gưt Pang êch mor ơơn.
7Đươm nei, Brah Jê-sus mor nha: “Ngan, Hei maanh bơl 'bei ngan, Hei laa lpôông pi bưr ri. 8Leq sêch bơl bnih lôh a mat Hei kot laa lênh ttung lmuôich, dôh pi bưr 'bưn iat bu. 9Hei laa lpôông, mơq 'bơơn đươm Hei baah mưt nei a kươi kươt đoh kwaai. Bu a kươi mưt sot u a mơp pndrêch. 10Bah ttung dơơn lôh jah ttung, lưm, u luôch lêêk; nha Hei ja lôh jah pi bưr kươt baak rêh u baak rêh bêêng rlai. 11Hei laa bnih gwaal l'ưt l'mư, bnih gwaal l'ưt l'mư đươm phung pi bưr teq lơi sm'boh rêh nơơm. 12Bah gwaal buôn 'bưn dip laa bnih gwaal; pi bưr 'bưn pơơn teq u bu mơ tơt sau pai sôw bri lôh, bu teq pi bưr tuôt kup. Sôw bri kap pi bưr u lơh aan a brơh a brah. 13Đươm laa bah gwaal buôn mơ bu 'bưn agleng ơơn tơt pi bưr. 14Hei laa bnih gwaal l'ưt l'mư. Hei gưt pi bưr Hei, u pi bưr Hei gưt Hei; 15kot bei Bươp gưt Hei, u Hei gưt Bươp đêêl. Hei đươm phung pi bưr teq lơi sm'boh rêh nơơm.#Mat 11:27; Lu 10:22. 16Hei nha geh pal pi bưr nday 'bưn geh pơơn teq u gưndrung au; Hei êch liêu bu siq nha. Pi bưr nei a kươi iat baak Hei, ja nei bu a kươi but di phung#10:16 bu a kươi but di phung: Knông m'baak plơơp 'bian ti laa a kươi geh di phung. u mbu bnih gwaal ei. 17Au a hay Bươp srlanh Hei, laa đươm Hei teq lơi sm'boh rêh nơơm jah kươt pơih kơơi. 18'Bưn 'bơơn prap sm'boh rêh Hei kươt, dôh Hei êch teq lơi chhak êêng. Hei geh ch'bap teq lơi sm'boh rêh u geh ch'bap pơih kơơi. Hei ja pơih rmaanh au a ktôk Bươp Hei.”
19Đươm pal baak au, bơl bnih Jo-thai leet geh baak pơrlang khach. 20Ơk bnih knông nak bu mor: “Bu nei dol chaak rup, bu nei wơơng; a hay nha iat bu nei lơh ơơn?” 21M'baak nday nei mor: “Au 'bưn dip laa pal baak mor mbu bnih dol chaak rup. Lơh bei êch chaak awap pơơk pi mat aan bnih tiah?”
Brah Jê-sus tu Jê-ru-sa-lem knông nar ryơơng ndơơp piyơ nhi r'bưn
22Khal nei tu poh Jê-ru-sa-lem geh nar ryơơng ndơơp piyơ nhi r'bưn. Bei au laa khal chaal puh, 23Brah Jê-sus plah han knông jơng kơrnhi r'bưn, a teh lwaang nteer sa-lô-môn nei 24bơl bnih Jo-thai rlum Pang u ôp: “Yau teq bơl hei phrui cham tơt khal êch? Mơq Yau laa Yaang Krist nei phrui mor srlah aan bơl hei gưt ơơi.” 25Brah Jê-sus ơh: “Hei ja mor aan bơl 'bei hôm dôh bơl 'bei 'bưn jơ; pal kaar Hei lơh tênh knông saak Bươp kot lơh ndraanh aan Hei. 26Dôh bơl 'bei 'bưn jơ, đươm bơl 'bei 'bưn dip laa pi bưr Hei ri. 27Pi bưr Hei iat baak Hei, Hei gưt bu u bu tênh Hei. 28Hei ươn bu baak rêh yoot yôw, bu 'bưn saap luôch khal êch, u 'bưn 'bơơn ttung kươt bu rlach ti Hei. 29Bươp Hei Yaang ttih huôih leq sêch, u 'bưn 'bơơn ttung bu rlach ti Bươp kươt.#10:29 Bươp Hei... ttung bu rlach ti Bươp kươt: Knông m'baak plơơp 'bian ti laa Bươp Hei, Yaang ttih huôih leq sêch, ja ươn bu aan Hei, n'hai 'bưn 'bơơn ttung kươt bu rlach ti Bươp. 30Hei n'hai Bươp laa mlơm.”
31Bơl bnih Jo-thai leet sach tmau jah jang Pang. 32Brah Jê-sus mor n'hai bu: “Hei ja tơrsau aan bơl 'bei ơk kaar klanh lôh a Bươp. Bei nei, đươm ntil ơơn baah bơl 'bei jang tmau Hei?” 33Bơl bnih Jo-thai ơh: “Bơl hei 'bưn jang tmau ay đươm di kaar klanh, dôh đươm baak đam; đươm ay lah koon bnih baah leet aan êêng nơơm laa Brah Ưn.” 34Brah Jê-sus ơh: “'Bưn geh knông ch'bap bơl 'bei ri geh 'bian: ‘Hei ja mor bơl 'bei laa wêêng,’ nei laang? 35Mơq ch'bap khuôl bơl bnih chơp kươt baak Brah Ưn ri laa wêêng, u baak Sm'bưt Brah 'bưn geh teq lơơi kươt 36nei Hei au, Yaang kươt Bươp kraih êêng jrah u maanh tơt swich teh, a hay bơl 'bei leet laa Hei mor đam, tơt Hei mor: ‘Hei laa Koon Brah Ưn’? 37Mơq Hei 'bưn lơh pal kaar Bươp Hei ri nei bơl 'bei khơơm jơ Hei. 38Nha mơq Hei lơh nei paich bơl 'bei 'bưn jơ Hei, phrui jơ pal kaar Hei ri, jah bơl 'bei awap gưt srlah laah Bươp gôq knông Hei u Hei gôq knông Bươp.” 39Bu leet wơng ndroong nhôp Pang, dôh Pang rôih rlach ti bu.
40Brah Jê-sus leet han rlach mak tôw daak glung Jô-đanh, tơt ktôk Jang ja lơh bap-tem ptơơm, u gôq kơơi a nei.#Ja 1:28. 41Ơk bnih lôh n'hai Pang. Bu mor laah: “Jang 'bưn lơh chmlih chmleek êch, dôh leq sêch pal ntil Jang mor teq u bnih au kot laa a ngan.” 42Tu nei geh ơk bnih jơ Pang.
Chwazi Kounye ya:
Jang 10: SBL2024
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2024 Bible Society Vietnam. All rights reserved.
Jang 10
10
Bnih gwaal bưr l'ưt l'mư
1“Ngan, Hei mor n'hai 'bei ngan, bnih êch 'bưn kheet lpôông baah mưt gưndrung bưr, leet hao mưt u troong nday nei laa bnih ttung lmuôich. 2Dôh 'bơơn đươm lpôông baah mưt laa bnih gwaal bưr. 3Bnih kray pơơk lpôông u bưr ttang baak bnih gwaal. Bnih gwaal khuôl chhak pi bưr nơơm u liêu sot a gaaih. 4Tơt ja liêu pi bưr sot a gaaih leq nei bnih gwaal han noor, pi bưr tênh a kươi đươm pi bưr ơih baak bnih gwaal. 5Pi bưr 'bưn tênh bnih êêng, mat a kươi, bu tuôt teq lơơi đươm pi bưr 'bưn ơih bnih êêng.” 6Brah Jê-sus krơơ pn'geh ruk au aan bu, dôh bu 'bưn gưt Pang êch mor ơơn.
7Đươm nei, Brah Jê-sus mor nha: “Ngan, Hei maanh bơl 'bei ngan, Hei laa lpôông pi bưr ri. 8Leq sêch bơl bnih lôh a mat Hei kot laa lênh ttung lmuôich, dôh pi bưr 'bưn iat bu. 9Hei laa lpôông, mơq 'bơơn đươm Hei baah mưt nei a kươi kươt đoh kwaai. Bu a kươi mưt sot u a mơp pndrêch. 10Bah ttung dơơn lôh jah ttung, lưm, u luôch lêêk; nha Hei ja lôh jah pi bưr kươt baak rêh u baak rêh bêêng rlai. 11Hei laa bnih gwaal l'ưt l'mư, bnih gwaal l'ưt l'mư đươm phung pi bưr teq lơi sm'boh rêh nơơm. 12Bah gwaal buôn 'bưn dip laa bnih gwaal; pi bưr 'bưn pơơn teq u bu mơ tơt sau pai sôw bri lôh, bu teq pi bưr tuôt kup. Sôw bri kap pi bưr u lơh aan a brơh a brah. 13Đươm laa bah gwaal buôn mơ bu 'bưn agleng ơơn tơt pi bưr. 14Hei laa bnih gwaal l'ưt l'mư. Hei gưt pi bưr Hei, u pi bưr Hei gưt Hei; 15kot bei Bươp gưt Hei, u Hei gưt Bươp đêêl. Hei đươm phung pi bưr teq lơi sm'boh rêh nơơm.#Mat 11:27; Lu 10:22. 16Hei nha geh pal pi bưr nday 'bưn geh pơơn teq u gưndrung au; Hei êch liêu bu siq nha. Pi bưr nei a kươi iat baak Hei, ja nei bu a kươi but di phung#10:16 bu a kươi but di phung: Knông m'baak plơơp 'bian ti laa a kươi geh di phung. u mbu bnih gwaal ei. 17Au a hay Bươp srlanh Hei, laa đươm Hei teq lơi sm'boh rêh nơơm jah kươt pơih kơơi. 18'Bưn 'bơơn prap sm'boh rêh Hei kươt, dôh Hei êch teq lơi chhak êêng. Hei geh ch'bap teq lơi sm'boh rêh u geh ch'bap pơih kơơi. Hei ja pơih rmaanh au a ktôk Bươp Hei.”
19Đươm pal baak au, bơl bnih Jo-thai leet geh baak pơrlang khach. 20Ơk bnih knông nak bu mor: “Bu nei dol chaak rup, bu nei wơơng; a hay nha iat bu nei lơh ơơn?” 21M'baak nday nei mor: “Au 'bưn dip laa pal baak mor mbu bnih dol chaak rup. Lơh bei êch chaak awap pơơk pi mat aan bnih tiah?”
Brah Jê-sus tu Jê-ru-sa-lem knông nar ryơơng ndơơp piyơ nhi r'bưn
22Khal nei tu poh Jê-ru-sa-lem geh nar ryơơng ndơơp piyơ nhi r'bưn. Bei au laa khal chaal puh, 23Brah Jê-sus plah han knông jơng kơrnhi r'bưn, a teh lwaang nteer sa-lô-môn nei 24bơl bnih Jo-thai rlum Pang u ôp: “Yau teq bơl hei phrui cham tơt khal êch? Mơq Yau laa Yaang Krist nei phrui mor srlah aan bơl hei gưt ơơi.” 25Brah Jê-sus ơh: “Hei ja mor aan bơl 'bei hôm dôh bơl 'bei 'bưn jơ; pal kaar Hei lơh tênh knông saak Bươp kot lơh ndraanh aan Hei. 26Dôh bơl 'bei 'bưn jơ, đươm bơl 'bei 'bưn dip laa pi bưr Hei ri. 27Pi bưr Hei iat baak Hei, Hei gưt bu u bu tênh Hei. 28Hei ươn bu baak rêh yoot yôw, bu 'bưn saap luôch khal êch, u 'bưn 'bơơn ttung kươt bu rlach ti Hei. 29Bươp Hei Yaang ttih huôih leq sêch, u 'bưn 'bơơn ttung bu rlach ti Bươp kươt.#10:29 Bươp Hei... ttung bu rlach ti Bươp kươt: Knông m'baak plơơp 'bian ti laa Bươp Hei, Yaang ttih huôih leq sêch, ja ươn bu aan Hei, n'hai 'bưn 'bơơn ttung kươt bu rlach ti Bươp. 30Hei n'hai Bươp laa mlơm.”
31Bơl bnih Jo-thai leet sach tmau jah jang Pang. 32Brah Jê-sus mor n'hai bu: “Hei ja tơrsau aan bơl 'bei ơk kaar klanh lôh a Bươp. Bei nei, đươm ntil ơơn baah bơl 'bei jang tmau Hei?” 33Bơl bnih Jo-thai ơh: “Bơl hei 'bưn jang tmau ay đươm di kaar klanh, dôh đươm baak đam; đươm ay lah koon bnih baah leet aan êêng nơơm laa Brah Ưn.” 34Brah Jê-sus ơh: “'Bưn geh knông ch'bap bơl 'bei ri geh 'bian: ‘Hei ja mor bơl 'bei laa wêêng,’ nei laang? 35Mơq ch'bap khuôl bơl bnih chơp kươt baak Brah Ưn ri laa wêêng, u baak Sm'bưt Brah 'bưn geh teq lơơi kươt 36nei Hei au, Yaang kươt Bươp kraih êêng jrah u maanh tơt swich teh, a hay bơl 'bei leet laa Hei mor đam, tơt Hei mor: ‘Hei laa Koon Brah Ưn’? 37Mơq Hei 'bưn lơh pal kaar Bươp Hei ri nei bơl 'bei khơơm jơ Hei. 38Nha mơq Hei lơh nei paich bơl 'bei 'bưn jơ Hei, phrui jơ pal kaar Hei ri, jah bơl 'bei awap gưt srlah laah Bươp gôq knông Hei u Hei gôq knông Bươp.” 39Bu leet wơng ndroong nhôp Pang, dôh Pang rôih rlach ti bu.
40Brah Jê-sus leet han rlach mak tôw daak glung Jô-đanh, tơt ktôk Jang ja lơh bap-tem ptơơm, u gôq kơơi a nei.#Ja 1:28. 41Ơk bnih lôh n'hai Pang. Bu mor laah: “Jang 'bưn lơh chmlih chmleek êch, dôh leq sêch pal ntil Jang mor teq u bnih au kot laa a ngan.” 42Tu nei geh ơk bnih jơ Pang.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2024 Bible Society Vietnam. All rights reserved.