Rut 4
4
Boas dale lia-hu'u
1Boas la dia salamatan boten mola la sidade no muru dia nua la. Dia hatin nua, tuman-galan romo dia sidade nua luluan ori dale lia-hu'u. Tee no tee, non saban sia pita nee dia ‘direitu selo tura’ para bele kaben no Rut, ua nee Boas henesi dale, mos lau rasa dia nua la. Nisi Boas mela ua ori tou, “Maun! Mai muru isi dia nogo! Au karak dale no ita.” No maun nua mos la muru dia nua la. 2Kahi Boas mela tuman-galan romo ubun sapulu rasa sidade nua ori samai sasin ori dale, “Tuman-galan romo mai muru dia nogo ori rega lia-hu'u nogo.” No tuman-galan romo mos muru.
3No Boas dale la maun ne dia ‘direitu selo tura’ la Rut, tbe, “Maun, ita hei nurat itan rae turan sia ne itan sabar Elimeleke non nua, ka? Muna, baipila rae maram, Elimeleke la kahi dia rae Moabe, kahi ua mate dia nua la. Peku nogo non hen hine moen senhora Noemi, hali rasa nua la, no karak se'o rae nua. 4Rega kahi sai, au mos nurat tbe: mloin lau au habu muna la maun, pita maun ta dia ‘direitu para selo tura’ ori huat rae nua. Pita maun no Elimeleke hei tatar sia. Kahi maun karak ala rae nua, to'u nenene, dia tuman-galan romo sian aber no atmoas ne dia nogo, para ori smai pere sasin. Mais se tain, to'u dia sasin sian aber, pita au karak ala. Tuir los, maun ta dia direitu muna. Mais se maun maki, nisi direitu nua manahu dia au.”
No maun nua tami, “Los sai. Au ta ala.”
5No Boas to'u pita, “Srei sakan, mais maun nurat tau mo-mloi, baipila ita ala rae nua rasa ama Noemi, ita mos tenki kaben no hine Moabe, galan Rut. Pita Rut ta ala Elimeleke non anan mane Malon ne mate kahi sai. Nisi maun tenki kaben no Rut, ori nee anar no ubur la non lain Malon ne mate kahi sai, nua nisi, non rae no sanu-soin nogo tai smai rasa itan uma-laran.”
6Maun nua tami, “Se tau sua, srei sakan, au maki ala. Pita se au ala, sanu-soin nua no anan romo hei smai kaar Elimeleke non anar no ubur. Nua kahi, mloi lau au srei ala. Mloi lau alir Boas ta ‘selo tura’ ama Noemi non rae nua no kaben no Rut.”
7(Dia haran nua la, baipila atmoas Israel karak nee romo sian ‘direitu ori selo tura’ ka seo sanu-soin sia la atmoas selo ala, romo sai non sinelus baan nee la atmoas nua. Nua pere sinal sia tbe, romo nee sai romo sia direitu.)#Dale hali kona la tau seba nisi moas 25:9
8Nisi dia haran nua maun nua entrega non direitu la Boas tbe, “Ita na ta ala rae nua”. No maun mos sai non sinelus baan ori nee la Boas.
9No Boas to'u la tuman-galan romo no atmoas romo almamu dia la nua la tbe, “Imi almamu smai sasin dia haraan sia nogo. Direitu nogo manahu sai dia au. Au habu smai nenene tbe, au selo tura sai Noemi non sanu hatin almamu ne Elimeleke no non anan mane romo, Kilion no Malon ne mate kahi sai. 10Aun karak laos rae nua na, pita au mos hei kaben no hine Moabe, Rut nua, Malon non hen hine moen. Au hei kaben no ua, pita au selo tura sai direitu nua. Nua nisi, ami bua non anan bele smai Malon non anar no ubur. Pere nogo, Malon non saban no non atmoas romo dia aldeia nua hei tai mligu Malon non galan. Imi ta smai sasin dia haran sia nogo.”#Dale hali kona la tau seba nisi moas 25:5-6
11No tuman-galan romo dia sidade nua no atmoas ne luluan dia nua tami tbe, “Los tuan! Ami nae ru'uk no amin matar. Ami ta smai sasin.
Hine nee mola dia itan uma,
NAI Maromak tau ua smai pere Rakel no Leia.
Pita atmoas Israel almamu mai rasa rombua non anar no ubur.
NAI Maromak tau ita smai atmoas boten dia Efrata,
no smai atmoas nee galan mloin dia sidade Belem.#Muna-muna 29:31
12Pege boten, NAI Maromak nee ita anar rasa hine sae heun nua,
nisi imbua non anar no ubur smai opan,
pere itan tatar Peres non anar no ubur,#4:12 Tamar mos tain atmoas Israel. Ua kaben no Juda ori nee ubur no anar la non lain nee mate kahi sai. Nae la Jenesis 38.
tatar Peres nua Juda no Tamar non anan.”
Boas no Rut pehe anar
13Bebei mai, Boas kaben no Rut. Baipila rombua kaben sai, NAI Maromak loe Rut non ana-hati, para ua bele lolor hrua. No ua muru api anan mane sia.
14Muru api kahi sai, hine romo dia Belem nua habu la Noemi tbe,
“Iit hahi la NAI Maromak
Pita Ua ne sai anar no ubur la o,
Para on saban non galan srei lakon.
Para anami'in nua buso-bairua smai atmoas boten dia Israel.
15Nisi anami'in nua
tau o pere milan hali!
Nisi anami'in nua
pe'i o baipila o tuman hine sai!
Pita on uma ubun nee muru api on ubur nua
tino non domin la o.
Uma ubun sia nogo,
nee la o mloin lau duke dia anam mane ubun hitu.”
16Noemi koub kahi anami'in nua, no pe'i ua pere non anan rasik.
17No hine romo dia sidade nua dale tbe, “Agora Noemi pere dia hali anan mane sia.” No hine romo nua nee galar la anami'in nua ‘Obede’.
Baipila Obede boten mai, ua dia anar mane sia galan Jesse. No Jesse dia anar mane sia, galan David, nee smai korneel.
18Pila nua ta tatar Peres non anar no ubur:
Peres no anar ta Esron.
19Esron no anar ta Raun.
Raun no anar ta Aminadabe.
20Aminadabe no anar ta Nason.
Nason no anar ta Salmon.
21Salmon no anar ta Boas.
Boas no anar ta Obede.
22Obede no anar ta Jesse.
Jesse no anar ta korneel David.
Chwazi Kounye ya:
Rut 4: BKMK
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Wycliffe Timor-Leste © 2025 Wycliffe Bible Translators Inc
Rut 4
4
Boas dale lia-hu'u
1Boas la dia salamatan boten mola la sidade no muru dia nua la. Dia hatin nua, tuman-galan romo dia sidade nua luluan ori dale lia-hu'u. Tee no tee, non saban sia pita nee dia ‘direitu selo tura’ para bele kaben no Rut, ua nee Boas henesi dale, mos lau rasa dia nua la. Nisi Boas mela ua ori tou, “Maun! Mai muru isi dia nogo! Au karak dale no ita.” No maun nua mos la muru dia nua la. 2Kahi Boas mela tuman-galan romo ubun sapulu rasa sidade nua ori samai sasin ori dale, “Tuman-galan romo mai muru dia nogo ori rega lia-hu'u nogo.” No tuman-galan romo mos muru.
3No Boas dale la maun ne dia ‘direitu selo tura’ la Rut, tbe, “Maun, ita hei nurat itan rae turan sia ne itan sabar Elimeleke non nua, ka? Muna, baipila rae maram, Elimeleke la kahi dia rae Moabe, kahi ua mate dia nua la. Peku nogo non hen hine moen senhora Noemi, hali rasa nua la, no karak se'o rae nua. 4Rega kahi sai, au mos nurat tbe: mloin lau au habu muna la maun, pita maun ta dia ‘direitu para selo tura’ ori huat rae nua. Pita maun no Elimeleke hei tatar sia. Kahi maun karak ala rae nua, to'u nenene, dia tuman-galan romo sian aber no atmoas ne dia nogo, para ori smai pere sasin. Mais se tain, to'u dia sasin sian aber, pita au karak ala. Tuir los, maun ta dia direitu muna. Mais se maun maki, nisi direitu nua manahu dia au.”
No maun nua tami, “Los sai. Au ta ala.”
5No Boas to'u pita, “Srei sakan, mais maun nurat tau mo-mloi, baipila ita ala rae nua rasa ama Noemi, ita mos tenki kaben no hine Moabe, galan Rut. Pita Rut ta ala Elimeleke non anan mane Malon ne mate kahi sai. Nisi maun tenki kaben no Rut, ori nee anar no ubur la non lain Malon ne mate kahi sai, nua nisi, non rae no sanu-soin nogo tai smai rasa itan uma-laran.”
6Maun nua tami, “Se tau sua, srei sakan, au maki ala. Pita se au ala, sanu-soin nua no anan romo hei smai kaar Elimeleke non anar no ubur. Nua kahi, mloi lau au srei ala. Mloi lau alir Boas ta ‘selo tura’ ama Noemi non rae nua no kaben no Rut.”
7(Dia haran nua la, baipila atmoas Israel karak nee romo sian ‘direitu ori selo tura’ ka seo sanu-soin sia la atmoas selo ala, romo sai non sinelus baan nee la atmoas nua. Nua pere sinal sia tbe, romo nee sai romo sia direitu.)#Dale hali kona la tau seba nisi moas 25:9
8Nisi dia haran nua maun nua entrega non direitu la Boas tbe, “Ita na ta ala rae nua”. No maun mos sai non sinelus baan ori nee la Boas.
9No Boas to'u la tuman-galan romo no atmoas romo almamu dia la nua la tbe, “Imi almamu smai sasin dia haraan sia nogo. Direitu nogo manahu sai dia au. Au habu smai nenene tbe, au selo tura sai Noemi non sanu hatin almamu ne Elimeleke no non anan mane romo, Kilion no Malon ne mate kahi sai. 10Aun karak laos rae nua na, pita au mos hei kaben no hine Moabe, Rut nua, Malon non hen hine moen. Au hei kaben no ua, pita au selo tura sai direitu nua. Nua nisi, ami bua non anan bele smai Malon non anar no ubur. Pere nogo, Malon non saban no non atmoas romo dia aldeia nua hei tai mligu Malon non galan. Imi ta smai sasin dia haran sia nogo.”#Dale hali kona la tau seba nisi moas 25:5-6
11No tuman-galan romo dia sidade nua no atmoas ne luluan dia nua tami tbe, “Los tuan! Ami nae ru'uk no amin matar. Ami ta smai sasin.
Hine nee mola dia itan uma,
NAI Maromak tau ua smai pere Rakel no Leia.
Pita atmoas Israel almamu mai rasa rombua non anar no ubur.
NAI Maromak tau ita smai atmoas boten dia Efrata,
no smai atmoas nee galan mloin dia sidade Belem.#Muna-muna 29:31
12Pege boten, NAI Maromak nee ita anar rasa hine sae heun nua,
nisi imbua non anar no ubur smai opan,
pere itan tatar Peres non anar no ubur,#4:12 Tamar mos tain atmoas Israel. Ua kaben no Juda ori nee ubur no anar la non lain nee mate kahi sai. Nae la Jenesis 38.
tatar Peres nua Juda no Tamar non anan.”
Boas no Rut pehe anar
13Bebei mai, Boas kaben no Rut. Baipila rombua kaben sai, NAI Maromak loe Rut non ana-hati, para ua bele lolor hrua. No ua muru api anan mane sia.
14Muru api kahi sai, hine romo dia Belem nua habu la Noemi tbe,
“Iit hahi la NAI Maromak
Pita Ua ne sai anar no ubur la o,
Para on saban non galan srei lakon.
Para anami'in nua buso-bairua smai atmoas boten dia Israel.
15Nisi anami'in nua
tau o pere milan hali!
Nisi anami'in nua
pe'i o baipila o tuman hine sai!
Pita on uma ubun nee muru api on ubur nua
tino non domin la o.
Uma ubun sia nogo,
nee la o mloin lau duke dia anam mane ubun hitu.”
16Noemi koub kahi anami'in nua, no pe'i ua pere non anan rasik.
17No hine romo dia sidade nua dale tbe, “Agora Noemi pere dia hali anan mane sia.” No hine romo nua nee galar la anami'in nua ‘Obede’.
Baipila Obede boten mai, ua dia anar mane sia galan Jesse. No Jesse dia anar mane sia, galan David, nee smai korneel.
18Pila nua ta tatar Peres non anar no ubur:
Peres no anar ta Esron.
19Esron no anar ta Raun.
Raun no anar ta Aminadabe.
20Aminadabe no anar ta Nason.
Nason no anar ta Salmon.
21Salmon no anar ta Boas.
Boas no anar ta Obede.
22Obede no anar ta Jesse.
Jesse no anar ta korneel David.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Wycliffe Timor-Leste © 2025 Wycliffe Bible Translators Inc