Rut 3
3
Rut no Boas dia leut trigu ain hatin
1Dia hran sia, Noemi to'u la non uma ubun Rut tau sogo, “Ina', agora tempu tee sai, au ele mane sia e nee dia o, para o bele dia uma-ain ru'uk, nee para o bele moas hakmatek. Ka tau seba?
2Rega tau mloin. O hei nurat mane sia galan Boas nua ga? Ua ta nee hatin la o bele gana trigu ain dia hine romo serbisu romo sian mogon. Ua sabar no ami, rasa aun lain ne mate kahi sai. Lelobo nogo atmoas lear hei la dia leut trigu ain hatin. Boas mos hei la dia nua la. 3Aun karak tau sogo: O bele ruis kahi, tau mina morin no tau sanuetan ne mloin, ori o duu la dia leut trigu ain hatin. Mais gini te Boas aa-enu kahi, nisi Boas bele nae o dia nua la. 4Aa kahi sai, Boas hei la bue. O nae tau mlo-mloin, Boas bue dia naba. Baipila Boas bue sai, o la dia nua la, loe non kamilin no nee sinal la Boas,#3:4 Atmoas nee matenek anan kona la Biblia t'be, nua pere sinal 1) pita Boas pere sabar nee dia direitu tau matar la Rut, i 2) Rut prontu se Boas karak kaben no ua, bebei non direitu. no o bue besik non oen. Boas tara non lisan, nisi ua hei to'u la o basia ta o tenki tau.”
5Rut tami, “Mloin. Au hei tau bebei pere nua.” 6No Rut ruu la non hatin leut trigu ain. No Rut tau bei-bei almamu basia ta no inbani suu.
7Baipila Boas aa-enu kahi sai, ua senti beso. No Boas la bue dia trigu ain nee tukaan non baan. Gini tee dia non matan pera an, Rut la tmegan dia Boas non hatin. No Rut loe kamalin la Boas non oen, no Rut bue dia nua la. 8Dia lelobo boten, Boas gruan mata. Baipila ua isu la ban no gruan, pita dia hine sia bue bali dia non oen. 9No Boas tugu la ua, “Basia ta nogo?”
Rut tami, “Au Rut, itan atan hine. Mais senhor ta dia ‘direitu e selo tura’ au. [Nua to'u tbe senhor ta dia direitu e kaben no au, ori nee anar no ubur la aun lain nee mate sai.] Nisi au pege dia senhor taka au no itan kamaliin naban nogo, pege sinal tbe ita karak kaben tuan no au.”#Ezequiel 16:8
10No Boas gruan, ua mos tou, “Au pege la NAI Maromak nee bensaun la ita! Ita bele na ele mane rasa anami'in milan romo ne sanu dia ka sanu bain nogo, mais ita tai tau sia nogo. Ita atmoas mloin, pita ita tino domin no respeitu la on lain ne mate kahi sai non saban romo. On huar laran mloin tuan, boten lau muna ita tino dia la amaa Noemi. 11Nua, ita srei tmaut! Au hei tau bei-bei on karak almamu. Srei nurat lear, pita atmoas boten dia romo sidade nogo romo tara sai tbe, ita nogo hine sia ke huar laran mloin no mremran. 12Mais au hei dia sanu sia e tou, au on lain nee mate kahi sai non saban pita nua au ta dia ‘direitu e selo tura’ ita. Mais dia atmoas selo sia nee besik lau au. Nisi ua ta dia direitu gana para kaben no ita. Se ua maki, nisi au dia direitu.#Rut 2:20 13Nisi au nee sala tau sogo: lelobo nogo ita peni dia nogo na. Bosu lapa au la dale no ua. Se ua prontu e kaben no ita, tai sanu sia. Mais se ua maki, au jura ori NAI Maromak ne moas no galan, au rasik ta hei kaben no ita. Itan lisan tou, au ta hei ‘selo tura’ no ita. Nisi bue dia nua la tee rae haran.”
14No Rut bue dia Boas non oen. Dia mata maibuso manu ho'o anan, Rut mata sai. Pita Boas to'u kahi sai, “Tai mloin se atmoas tara lelobo dia hine mai dia leut trigu ain hatin nogo. 15Mai, tau on kamalin mai ori au tau trigu huan.” No Boas ori lo'at raka trigu huan aba hnem tau dia Rut non kamalin. Kahi ua huat tau la Rut non rapen. No Boas mos hali la dia non aldeia.#3:15 Biblia non liar-hu'un Ebreu tai tou tau dia loat boten. Mais mereran tuan tee Boas tenki ajuda huat tau la Rut non rapen. Liar-huun Ebreu hakerek naa t'be, “ua (mane Boas)” hali la aldeia. Mais serin hakerek t'be, “ua (hine,Rut)” nisi hali la aldeia.
16Baipila Rut tee dia uma, non inbanin tugu la ua, “tau seba no rogan?”
Rut habu almamu basia ta Boas tau la ua, 17no to'u pita, “Boas ta nee trigu huan nogo mai au. No Boas mos tou, ‘O srei hali la on inbanin no limar bain.’”
18No Noemi tami, “Los sai! Agora o gini bisa, pita losan sai, tbe Boas karak dale lia-hu'u no maki e gini pita sai. Los tuan Boas karak dale lia-hu'u dia haran sia nogo.”
Chwazi Kounye ya:
Rut 3: BKMK
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Wycliffe Timor-Leste © 2025 Wycliffe Bible Translators Inc
Rut 3
3
Rut no Boas dia leut trigu ain hatin
1Dia hran sia, Noemi to'u la non uma ubun Rut tau sogo, “Ina', agora tempu tee sai, au ele mane sia e nee dia o, para o bele dia uma-ain ru'uk, nee para o bele moas hakmatek. Ka tau seba?
2Rega tau mloin. O hei nurat mane sia galan Boas nua ga? Ua ta nee hatin la o bele gana trigu ain dia hine romo serbisu romo sian mogon. Ua sabar no ami, rasa aun lain ne mate kahi sai. Lelobo nogo atmoas lear hei la dia leut trigu ain hatin. Boas mos hei la dia nua la. 3Aun karak tau sogo: O bele ruis kahi, tau mina morin no tau sanuetan ne mloin, ori o duu la dia leut trigu ain hatin. Mais gini te Boas aa-enu kahi, nisi Boas bele nae o dia nua la. 4Aa kahi sai, Boas hei la bue. O nae tau mlo-mloin, Boas bue dia naba. Baipila Boas bue sai, o la dia nua la, loe non kamilin no nee sinal la Boas,#3:4 Atmoas nee matenek anan kona la Biblia t'be, nua pere sinal 1) pita Boas pere sabar nee dia direitu tau matar la Rut, i 2) Rut prontu se Boas karak kaben no ua, bebei non direitu. no o bue besik non oen. Boas tara non lisan, nisi ua hei to'u la o basia ta o tenki tau.”
5Rut tami, “Mloin. Au hei tau bebei pere nua.” 6No Rut ruu la non hatin leut trigu ain. No Rut tau bei-bei almamu basia ta no inbani suu.
7Baipila Boas aa-enu kahi sai, ua senti beso. No Boas la bue dia trigu ain nee tukaan non baan. Gini tee dia non matan pera an, Rut la tmegan dia Boas non hatin. No Rut loe kamalin la Boas non oen, no Rut bue dia nua la. 8Dia lelobo boten, Boas gruan mata. Baipila ua isu la ban no gruan, pita dia hine sia bue bali dia non oen. 9No Boas tugu la ua, “Basia ta nogo?”
Rut tami, “Au Rut, itan atan hine. Mais senhor ta dia ‘direitu e selo tura’ au. [Nua to'u tbe senhor ta dia direitu e kaben no au, ori nee anar no ubur la aun lain nee mate sai.] Nisi au pege dia senhor taka au no itan kamaliin naban nogo, pege sinal tbe ita karak kaben tuan no au.”#Ezequiel 16:8
10No Boas gruan, ua mos tou, “Au pege la NAI Maromak nee bensaun la ita! Ita bele na ele mane rasa anami'in milan romo ne sanu dia ka sanu bain nogo, mais ita tai tau sia nogo. Ita atmoas mloin, pita ita tino domin no respeitu la on lain ne mate kahi sai non saban romo. On huar laran mloin tuan, boten lau muna ita tino dia la amaa Noemi. 11Nua, ita srei tmaut! Au hei tau bei-bei on karak almamu. Srei nurat lear, pita atmoas boten dia romo sidade nogo romo tara sai tbe, ita nogo hine sia ke huar laran mloin no mremran. 12Mais au hei dia sanu sia e tou, au on lain nee mate kahi sai non saban pita nua au ta dia ‘direitu e selo tura’ ita. Mais dia atmoas selo sia nee besik lau au. Nisi ua ta dia direitu gana para kaben no ita. Se ua maki, nisi au dia direitu.#Rut 2:20 13Nisi au nee sala tau sogo: lelobo nogo ita peni dia nogo na. Bosu lapa au la dale no ua. Se ua prontu e kaben no ita, tai sanu sia. Mais se ua maki, au jura ori NAI Maromak ne moas no galan, au rasik ta hei kaben no ita. Itan lisan tou, au ta hei ‘selo tura’ no ita. Nisi bue dia nua la tee rae haran.”
14No Rut bue dia Boas non oen. Dia mata maibuso manu ho'o anan, Rut mata sai. Pita Boas to'u kahi sai, “Tai mloin se atmoas tara lelobo dia hine mai dia leut trigu ain hatin nogo. 15Mai, tau on kamalin mai ori au tau trigu huan.” No Boas ori lo'at raka trigu huan aba hnem tau dia Rut non kamalin. Kahi ua huat tau la Rut non rapen. No Boas mos hali la dia non aldeia.#3:15 Biblia non liar-hu'un Ebreu tai tou tau dia loat boten. Mais mereran tuan tee Boas tenki ajuda huat tau la Rut non rapen. Liar-huun Ebreu hakerek naa t'be, “ua (mane Boas)” hali la aldeia. Mais serin hakerek t'be, “ua (hine,Rut)” nisi hali la aldeia.
16Baipila Rut tee dia uma, non inbanin tugu la ua, “tau seba no rogan?”
Rut habu almamu basia ta Boas tau la ua, 17no to'u pita, “Boas ta nee trigu huan nogo mai au. No Boas mos tou, ‘O srei hali la on inbanin no limar bain.’”
18No Noemi tami, “Los sai! Agora o gini bisa, pita losan sai, tbe Boas karak dale lia-hu'u no maki e gini pita sai. Los tuan Boas karak dale lia-hu'u dia haran sia nogo.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Wycliffe Timor-Leste © 2025 Wycliffe Bible Translators Inc