Mateo 3
3
Ang Pangangaral ni Juan na Tagapagbautismo
(Mc. 1:1-8; Lu. 3:1-18; Jn. 1:19-28)
1Nang mga panahong iyon, dumating si Juan na Tagapagbautismo sa ilang ng Judea at nagsimulang mangaral. 2Ganito#Mt. 4:17; Mc. 1:15. ang kanyang sinasabi, âMagsisi na kayo at talikuran ang inyong mga kasalanan sapagkat malapit nang dumating ang kaharian ng langit!â 3Si#Isa. 40:3 (LXX). Juan ang tinutukoy ni Propeta Isaias nang sabihin niya,
âIto ang pahayag ng isang taong sumisigaw sa ilang:
âIhanda ninyo ang daraanan ng Panginoon,
gumawa kayo ng mga tuwid na landas na kanyang lalakaran!ââ
4Gawa#2 Ha. 1:8. sa balahibo ng kamelyo ang damit ni Juan at sa balat naman ng hayop ang kanyang sinturon. Ang kanya namang pagkain ay balang at pulot-pukyutan. 5Dinayo siya ng mga tao mula sa Jerusalem, sa buong Judea at sa magkabilang panig ng Ilog Jordan. 6Ipinahayag nila ang kanilang mga kasalanan at sila'y binautismuhan niya sa Ilog Jordan.
7Nang#Mt. 12:34; 23:33. makita niyang lumalapit din sa kanya ang maraming Pariseo at mga Saduseo upang magpabautismo, sinabi niya sa kanila, âLahi ng mga ulupong! Akala ba ninyo'y makakatakas kayo sa parusa ng Diyos? 8Patunayan muna ninyo sa inyong mga buhay na kayo'y talagang nagsisisi na, 9at#Jn. 8:33. huwag ninyong akalain na makakaiwas kayo sa parusa ng Diyos dahil sinasabi ninyong ama ninyo si Abraham. Sinasabi ko sa inyo na kahit sa mga batong ito ay makakalikha ang Diyos ng tunay na mga anak ni Abraham. 10Ngayon#Mt. 7:19. pa lamang ay nakahanda na ang palakol sa ugat ng mga punongkahoy; ang bawat punong hindi mabuti ang bunga ay puputulin at itatapon sa apoy.
11âBinabautismuhan ko kayo sa tubig bilang tanda ng inyong pagsisisi at pagtalikod sa kasalanan. Ngunit ang darating na kasunod ko ang siyang magbabautismo sa inyo sa Espiritu Santo at sa apoy. Higit siyang makapangyarihan kaysa akin; ni hindi man lamang ako karapat-dapat magdala ng kanyang sandalyas. 12Hawak#Kar. 5:14, 23. na niya ang kanyang kalaykay upang alisin ang dayami. Titipunin niya sa kamalig ang trigo ngunit ang ipa ay susunugin sa apoy na di mamamatay kailanman.â
Binautismuhan si Jesus
(Mc. 1:9-11; Lu. 3:21-22)
13Dumating si Jesus sa Ilog Jordan mula sa Galilea upang magpabautismo kay Juan. 14Ngunit tumututol si Juan at patuloy na sinabi, âAko po ang dapat magpabautismo sa inyo! Bakit kayo nagpapabautismo sa akin?â 15Subalit sumagot si Jesus, âHayaan mong ito ang mangyari ngayon, sapagkat ito ang nararapat nating gawin upang matupad ang kalooban ng Diyos.â Kaya't pumayag din si Juan. 16Nang siya'y mabautismuhan, umahon si Jesus sa tubig. Biglang nabuksan ang langit at nakita ni Jesus ang Espiritu ng Diyos na bumababang parang isang kalapati at dumapo sa kanya. 17At#Gen. 22:2; Awit 2:7; Isa. 42:1; Mt. 12:18; 17:5; Mc. 1:11; Lu. 9:35. isang tinig mula sa langit ang nagsabi, âIto ang minamahal kong Anak na lubos kong kinalulugdan!â
Chwazi Kounye ya:
Mateo 3: RTPV05
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Š 2005 Philippine Bible Society