Ebijiro 14
14
Bayigîriza Emyanzi y'Akalembe e Ikoniya
1Byanacibà ntyo! Nka kulya banakomereraga okujira, e Ikoniya bajà omu sinagogi y’Abayahudi; banacishambâla bwinjà, ciru engabo nyinji y’Abayahudi n’Abagreki bayêmêra. 2Ci Abayahudi balahiraga okuyêmêra bashumika abapagani banabazûsamwo enshombo kuli bene wîrhu. 3Okwo kurharhumaga Paolo na Barnaba barhalamayo nsiku zirhali nyi, bakâyigîriza buzira bwôba, bulya bâli bacîkubagire Nyakasane wakâg’ihamîriza akanwa kâbo n’enshôkano yâge omu kujira ebisômerîne n’ebimanyîso n’amaboko gâbo. 4Abantu b’omu cishagala baciberamwo mpande ibirhi: baguma bafùndîkira haguma n'Abayahudi, abandi bacîhira oluhande lw’Entumwa. 5Abapagani n'Abayahudi, bo n’abarhambo bâbo, erhi bakola mpu babajirira kubî n’okubabanda amabuye; 6ci balarha wâni bamanya, bayâkira omu bishagala by’e Likaoniya n’e Listra n’e Derba n’omu mihando yabyo; 7banacirhondêra okuyigîriza Emyanzi y’Akalembe.
Bafumya omuntu ohozire amagulu
8E Listra yali omuntu ohozire amagulu; càli cirema kurhenga okuburhwa kwâge, arhànali asâg’igenda ciru n’eliguma. 9Akayumvirhiza oku Paolo aderha, n’erhi Paolo amusinza, abona oku agwêrhe obuyêmêre bw’okufuma; 10anacimubwîra n’izù linene, erhi: «Yimuka, oyimangire oku magulu gâwe!» Abaduka, arhondêra alambagira. 11Erhi olubaga lubona okwôla Paolo anajizire, lwaheba olwôho omu cikaoniya, mpu: «Ba nyamuzinda barhuyandagalîre omu nshusho z’abantu!» 12Barnaba bamuyîrika Yovi#14, 12 Yovi erhi Zeusi, na Merkuriyo erhi Herma, bâli bazimu b’Abagereki n’Abaroma. Merkuriyo ye wali muzimu w’obulenga bw’okuderha., na Paolo Merkuriyo, bulya ye wakâg’iderha. 13N’Omudâhwa wa Yovi-w’emuhanda-gw’olugo#14, 13 Yovi-w’emuhanda-gw’olugo: olusho lwâge lwàli emuhanda gw’olugo. alêrha ebimasha biyambîrhe ebimanè by’obwâso aha muhango gw’olugo, erhi akola mpu arherekêre bo n’olubaga. 14Erhi zikuyumva, entumwa Barnaba na Paolo basharhula emyambalo#14, 14 Okusharhula emyambalo càli cimanyîso c’oburhè n’ec’okumanyîsa oku omuntu arhasimiri. yazo, zalibirhira omu kâgarhî k’olubaga, zayâma; mpu: 15«Mâshi, mwe balume, kurhi okwo mwajira? Kàli nîrhu rhuli bantu ak’inyu; rhumubwîzire nti muleke ebi bya busha, muhindamukire Nyamuzinda ozîne#14, 15 Okuhindukira Nyamuzinda ozîne, kuli kuleka enshanga n’abazimu b’e Antiyokiya y’omu Pisidiya, aho bali bamacîkêbwa mpu Barnaba na Paolo bali bazimu bakujira ebirhangâzo wajiraga amalunga n’igulu n’enyanja na ngasi byoshi bibâmwo. 16Omu myâka yâgeraga, alesire ngasi mashanja gashimbe amôrhere gâgo; 17ci, ntà mango alesire okucîmanyisa omu kujirira abantu aminjà omu kurhumira abantu enkuba y’emalunga n’amango emyâka eyêramwo, n’omu kummuyigusa ebiryo n’amasîma». 18Ci kwône, ciru n’ebyo binwa, kwàli kuzibu okuhanza olubaga mpu lulek’ibajirira enterekêro.
Paolo abandwa amabuye-bashûbûka
19Okubundi, hanaciyisha Abayahudi barhengaga e Antiyokiya n’e Ikoniya; bayinjibana olubaga babanda Paolo amabuye, bamukululira e muhanda gw’olugo, bamanya mpu anafîre. 20Ci abaganda bamugorha, ayimuka ashubira omu lugo, n’erhi buca, acijîra e Derba bo na Barnaba. 21Erhi bayûsimanyisa eco cishagala Emyanzi y’Alakembe, n’okuhindula bantu banji baganda ba Kristu, banacishubira e Listra n’e Ikoniya n’e Antiyokiya. 22Bakâzibuhya emirhima y’Abemêzi n’okubahà amahano mpu basêre omu buyêmêre, banakâbabwîra, mpu: «kukwânîne rhugere omu malibuko manji lyo rhuhika omu bwâmi bwa Nyamuzinda». 23Banacihà ngasi Ekleziya abagula, n’erhi babà bamâshenga n’okucîshalisa, babahira omu maboko ga Nyakasane bâli bamâyêmêra. 24Okubundi, bagera omu Pizidiya, bahika e Panfiliya. 25Erhi babà bamâyigîriza akanwa ka Nyakasane e Perga, bayandagalira e Ataliya; 26kwo na kuyikirira e Antiyokiya#14, 26 Antiyokiya y’omu Sîriya., cirya cishagala babashengeragamwo obwangà bwa Nyamuzinda kw’ogwo mukolo bâli bamâjira. 27Erhi bahika, bahamagala e Ekleziya, babàganîrira ehi Nyamuzinda ajizire byoshi n’amaboko gâbo, na kurhi ayiguliraga abapagani olumvi lw’empingu. 28Banacishinga nsiku zirhali nyi baguma n’abemêzi.
Chwazi Kounye ya:
Ebijiro 14: MKB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Mashi Bible © BUKAVU Archdiocese of Bukavu, 2024.