सॆःक्ढुङ्पा मिःक्म खानावाँ
मिःक्म खानावाँ
ग साब्चिरा लुका लोमॆ याॽमिऎ साप्मिम्पा यो। ग साब्चिराऎ लोमा यकुवॆ खानावाँ येसुमि याॽलहा टिङ्खुबाचिऎ मान्टहाङ् सॆङ्सॆङॆ लावा टक्चाउचॆ हाङ् खोचिऎ यारुसालेमबाङ् ठाबाक्मानुङ् चोब्न याहुडिया हाङ् सामारिया लॆसे बाखाटेम्पिहा चोब्न ठालबि येसुमि नुऎ खानावाँ टॆटुचॆ लोमॆ रेम। खिरिस्टियान निवाँयुङ् याहुडिचिबाङ् लिसे बाखाटेम्पिहा चोब्न याॽमिचिम् लागि एक्क निवाँयुङ् लिमिम्पा खानावाँ सङ्क ग साब्चिराबि साब्डा। ग साब्चिराऎ खिरिस्टियानचि रोमि हाङ्डाम् काइसॆ मुमाम् लागि हॆॽनॆ टर याहुडिचिम् निवाँनेन् साब्चिराबि साप्मिम्पा खानावाँ रक्न लिडा लोकु।
सॆःक्ढुङ्पाचिम् चोब्न योम्पक् सुम्चि भागबि फाक्मार नुऎ लि। चोब्बाङ् याॽल चाइ येसु पारुबि खाइटा हाङ् यारुसालेमपि खिरिस्टियानचि मान्टहाङ् डिरिक् लिसामिहा लोमॆ खानावाँ। हाङ् होइक चाइ प्यालेस्टाइन लोमॆ ठालबि सङ्क नुऎ खानावाँ फुबक्मिम्पा खानावाँ हाङ् बाखाटेम् लुम्पिऎ पॆरॆरॆमामि कॆक्पिबाङ् रोमढारिन मान्टहाङ् येसुमि नुऎ खानावाँ फुबकॆ लोमॆ खानावाँ।
ग साब्चिराबि साप्मिम्पा चोब्बाङ् ढ्या खानावाँ चाइ सॆङ्सॆङॆ लवामि योम्पक् सङ्क यो। सॆङ्सॆङॆ लावा पेन्टिकोसमि डिना यारुसालेमपि चुःक्मिहा निवाँयुङ् लॆखुबाचिबि मान्टहाङ् चॆक्मावा नुङ् टाआहाङ् निवाँयुङ् लॆखुबाचिम् लुम्पि योम्पक् यिगुवॆ लोमॆ खानावाँ सङ्क इकु।
गुबि चुहा खानावाँ
येसुमि बारेबि इमा परक्मिम्पा १:१-२६
येसुमि डॆङ्पिऎ खानावाँ १:१-१४
याहुडामि ठालबि होइक याॽमि सॆःक्मिम्पा १:१५-२६
यारुसालेम्पि पिॽमिम्पा चुमॆक्सङ् २:१-८:३
याहुडिया नुङ् सामारियाबिऎ चुमॆक्सङ् ८:४-१२:२५
पावलऎ खेम्मिॽमिम्पा १३:१-२८:३१
पावल याॽल खेम्मिसि खॆॽमिम्पा १३:१-१४:२८
यारुसालेमबिऎ बाइठाक् १५:१-३५
पावल होइक खेपा खेम्मिसि खॆॽमिम्पा १५:३६-१८:२२
पावल होइक खेपा सङ्क खेम्मिसि खॆॽमिम्पा १८:२३-२१:१६
यारुसालेम, काइसारिया हाङ् रोमपि पावल सॆक्ढिङ्खॆम्पा २१:१७-२८:३१
Chwazi Kounye ya:
सॆःक्ढुङ्पा मिःक्म खानावाँ: LBR
Pati Souliye
Pataje
Konpare
Kopye
Ou vle gen souliye ou yo sere sou tout aparèy ou yo? Enskri oswa konekte
© 2023, Wycliffe Bible Translators, Inc. and Nepal Bible Society