1 Timothée 2
2
Ndongi gukyelu dulembu
1Direge, nyagwambili gulembe Nyambi, gumulembige ne gumugabusile diboti gukyelu batu botsu. 2Lembe gukyelu kanangu ne bidyeti. Vane dugubege monyu yi kindi kindi, ne gube binami gu Nyambi mu mutsageninu boti. 3Labe dinonge ne dyarondi Nyambi mwobutsi etu, 4agarondi re batu botsu bobulu, bekeyabe bureti.
5Mbare Nyambi yi imosi,
Gu gikambi gi mosi ve gari Nyambi ne bumongu,
mutu, Sesu Kirisete,
6yi kwevege yandi beni gisuke gu gobule botsu.
Ve gigumbi gi Nyambi ronde, abege vane gilimbe re Nyambi garondi re mutu wotsu wobulu. 7Re dibandu menu (nzafuri, nyagwambili bureti), Nyambi mbyatse gilumbi ne munenzi, gu guneze gitu ne bureti gu botsu be sandi Sif.
8Nyarondi re mu mbure tsyotsu bebagele belembi, mekake rereri randu gu nzambi, gu sandi kabu ne mibokunu.
9Gwandi, pasi re begetu balembi, bedwari bidwaru bi digobe. Beyakwekukembise ne mepaki, myoru, pange, bipunge ne milunge mi putu, misange ne bidwaru bi pusu. 10Tumbe berigitsi buvwandi bu awu mu mambu me badyanzi. Mane melemine ne begetu barigitsi girondu gi awu gu Nyambi. 11Pasi begetu banengi, nonge babi ne ndembu mu mutsageninu kindi kindi. 12Nzavegi mugetu dinyange di gunenze ne gwambile bebagele me beguvage. Tumbe babi kindi kindi! 13Mbare Megwangu regile sundu, duke Nyangi. 14Mbare sabe Megwangu tsimbisu, tumbe mugetu re tsimbisu, sige alenze Nyambi. 15Tumbe agobulu mbare gubure, pasi re atserare gitu, girondu ne gutsagene mudigobe di Nyambi ne ndembu.
Chwazi Kounye ya:
1 Timothée 2: SWJ
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES