Joira ja Anamarumiwa 20
20
Pawulo ohalimbiha anamamuhara Yesu ilambo ya Masedoniya na ilambo ya Geresiya
1Madugudugu ale kagamanle muEfezo mule, Pawulo ohaitaniha anamamuhara Yesu, liye alimbiha, nomala eno ohapanganyaga. Noira eno, ohokuma Efezo, liye dowa ilambo ya Masedoniya. 2Agafiyile Masedoniya ule, ohoviravira vilambo da wewule, aalimbihaga anamamuhara Yesu na mazu madjindji. Muwari mowendawenda mule, ofiya ilambo ya Geresiya. 3Agafiyile Geresiya, ohomalawo medi miraru. Evale afunaga nnga agwele mwadeya, adowe ilambo ya Siriya, ohovwaga ira: <<Wagwela mwadeyole, aJudewu anouhara mwemo, kauirele inafuna atu.>> Vevale liye ohoumbuwela ira avire Masedoniya wakoka wene.
4Pawulo awelelaga Masedoniya, adowile vamohi na alombwana amohiwa a wewule. Mmohi ali Sopateri mwana Piro, nkuda Bereya. Amohiwa ali Aristarku na mulombwana Segundu anno kali akuda Tesalonika. Mmohiwa ali Gayo nkuda Derebe. Mmohiwa ali Timoteyo. Amohiwa ali Tikiko na Torofimu anno kali akuda Aziya. 5Alombwana anne kohosogolra, aliwa dowa Toroyade, aliwa nidedihaga wewule.#20:5 Lukaji muwari molremba mazu oira aliwa nidedihaga wewule, ku wonga liye ali na Pawulo ora yenno. Tchoira jengo jimohi jiwa jinalrembiwa muwari mwa livuru ni, Lukaji ohoona na meswaye. 6Tempu yodja Pwando ya Pawu Dohosakanyiwana Leverina yagavirile, nohogwela mwadeya Filipo, hiyo mala malambo matanu mundila ira nifiye Toroyade. Nagafiyile Toroyade ule, nohogumana na alombwana kanisogonlre ale, hiyo kala wewule malambo matanu na menli.
Pawulo ohonvulumutcha muzombwe amorenle vati
7-8Nagalive ilambo ya Toroyade, siku noroma na sumana, nohogumana vamohi na atu omuroromela Yesu a wewule ira nimeye pawu.#20:7-8 nimeye pawu: Afwase gumana ira kameye pawu ku wonga dja pawu da seya. Eto hiya dja pawu bahi, afwase muwari modja seya, aliwa kokana jimohi jiwa jadja atu. Hiyo nafwanyeya sala ilukulu ya nyumba ya muzulu. Pawulo ohalaleya atu kali emule fiyeda ora ya mahiyu vari na vari mwasiwa mmetcheloni muwa afuna avenyevo. Mmba mwali hiyo mule mohokala mapanti madjindjene. 9Ohokalamo eto muzombwe mmohi eriwa Ewutiku agaratile vajanelani. Pawulo awongagave, voira jowonga jaye joholapa, muzombole ohoromaga titela, kana nikove nlukulu, fiyeda gona. Muwari mogona mule, ohogwa, kuma nyumba yaneraru yali hiyo fiyeda morela vati. Nogwa, afwaye kagamutamangenle, kanfwannye liye uhukwa. 10Na Pawulo wenne ohotita, dowa kokora valigi muzombole, mukumbarela, liye nvenyiha. Evale ohoiraga: <<Kamuzuzume, liye uli ngumive.>> 11Mwa enne, Pawulo ohogwela na afwaye mwakoka mwene, liye meya pawu, aliwa dja vamohi, aliwa tapanyagave fiyeda unde tcha. Nowi enne, ohogundeya, liye dowaga. 12Atwale kohomutukula mwana muzombole ngumive, aliwa nvelela vande mohagalala mwene.
Pawulo ohakokomeza aansiyawu a Efezo
13Evale hiyo nohogwela mwadeya, hiyo dowaga Aso ira nagumane na Pawulo wewule. Tchoira Pawulo afunne avire unde murampani, hiyo nivirege mwiko. 14Nagagumanne Aso ule, Pawulo ohogwela na hiyo vamohi, hiyo dowaga Militene. 15Nokuma evo, nohodowaga sogolro. Mmetcheloni muwa hiyo vira ilambo ya Kiyo. Mmetcheloni muwa, hiyo fiya ilambo ya Samo. Mmetcheloni muwa, hiyo dowa ilambo ya Mileto. 16Tchoira mulombwana Pawulo kafunne dowa Efezo mwasiwa atawa nnaze nidibeliwe ilambo ya Aziya. Tchoira liye afuna abaranyele Jeruzalemu ira aone akala owanda linganana siku na Pwando ya Johanda Joroma.
17Pawulo agali Mileto, ohaitaniha aansiyawu kasogolrelra nikuru na atu omuroromela Yesu kafwanyeya Efezo ira kanfwanye Mileto ule. 18Kagazile, ohawongana eraga: <<Nyo muhumala ona makalelo dawenda miyo na nyo kuma siku noroma nazilege miyo mwilamboni mwa Aziya muno. 19Miyo dilabaga mabasa a Nabwiya, dalaba moviyeviha eto monla#20:19 dalaba moviyeviha eto monla: Pawulo aaona atu oholowa, liye ohokana kukumuwa mmirimani mwaye. Kalaga nnga agali sidadi ya Atena. Agaonne vikwamutu josema pwi pwi, liye ohokukumuwa mmirimani mwaye. Nione Joira ja Anamarumiwa 20:31; Filipo 3:18-19; 2 Korinto 2:4; Roma 9:1-3. eto mwa makatamiho madjindji kadiireyela zela harahariwa na aJudewu. 20Masiki eno, miyo kadukuwileni zela uwandelani mazu matene apama. Miyo daufundjihani vatando nari na mmavande. 21Doalaleya aJudewu nari atu ohokala aJudewu anno kali aGerego ira katwaruwe kamuhare Mulugu eto kamuroromele Nabwiya wehu Yesu Kiristu.>>
22<<Eni dakuma vano, miyo nnafuna didowe Jeruzalemu mwasiwa Munemba Otchena udiwandela ira didowe wewo. Kadiiziwile inafuna diireyela dafiya wewo. 23Mbwenye iiziwile miyo, tchoira dawendaga sidadi datene, Munemba Otchena unodiwandeletcha ira: <Eni, weyo unadediha heliwa kadeya, unadediha onihiwa goyi.> 24Masiki eno, miyo nnoona ira ingumi yaga kinna mabasa, eto kahi yengo yofuneyetchetcha, nari. So nnafuna dimarihe korida inatamanga miyo, dimarihe mabasa udirumile Nabwiya Yesu ira divweyihe Muselu Wapama zela sayi da Mulugu.>>
25<<Zela wa nyo daulaleyileni miyo ja Umwene wa Mulugu, eni dihiiziwa ira kamuza mudiona akoka. 26Miyo peno va nnouwandelani ira kadiza dimangiwa mulandu zela sangiri na nyo mwatene 27mwasiwa kadidjombihile uwandelani yengo ili yatene ya Mulugu.>>
28<<Mwahala, nyo mwa annya muviing'ane pama. Mwaaing'anele pama eto mabila matene. Mwasiwa Munemba Otchena umala uhambihani ira nyo mukale mabixpu#20:28 mabixpu anawongiwa ku sawasawa no wonga ansiyawu nari pastori. Kahi ira mabixpu anohiyana na aansiyawu nari apastori. Mazina mararu anno anamuwonga mutu mmohive. Na izugu, aansiyawu a Efezo kaitaniwa anciãos nari presbíteros. (Joira ja Anamarumiwa 20:17) Atu amohive kaitaniwa eto bispos. (Joira ja Anamarumiwa 20:28) Atu amohive anna eto kohokana mabasa oaing'anela mabila. Na izugu, ule unaing'anela mabila unaitaniwa pastor. ira mukumbuzege nikuru na Mulugu neno nigunle liye na sangiri naye. 29Miyo dihiiziwa ira davenyavo, anambwa a mukokolani a uwali anoza muwari mwa nyo ira kaatakunege mabila. 30Muwari mwa nyo kohokalawo alombwana anafuna za wonga jogombagomba ira kaaperutchege anamamuhara Yesu ira kaaharege aliwene. 31Nona zela jejo, muing'anele pama. Muumbuwele makalelo danna miyo yaka taru dawenda miyo na nyo. Ntana na mahiyu kadihiyile awandela no alimbiha atu atene muwari monla.>>
32<<Eniva, nnouhiyani mmandani mwa Mulugu, na mmandani mwa mazu a sayi daye anno anawanda ulimbihani ira muze mukayena rayela zulu vamohi na afwihu atene anne katchenihiwe.>>
33<<Miyo kadanna nrima zela parata nne oru nne jowara ja atu. 34Nyo muhumala iziwa ira ora yawenda miyo na nyo, dalaba na mandagala ira diwande gula jatene jaga vamohi na ja afwaga kawenda na miyo. 35Diiraga eno, dauonihedani ira muiziwe ira inafwanela nilabege na kopolo ira niwande akamiheda ale kavutile eto inafwanela niumbuweleni mazu Nabwiya Yesu mwinnya awongile liye eraga: <Orelihiwa gwenno unavaha hiyaniha na ule unavahiwa.> >>
Lanyana wa Pawulo na aansiyawu a Efezo
36Agawongile mazwale, mulombwana Pawulo ohokokoraga na atu atene kaligi evale, aliwa lobela. 37Nolobela, atene kohonlaga valukulu, aliwa mukumbarela, mbejari. 38Muwari monla mule, idjindji yali zela mazu awongile mulombwana Pawulo oira: <<Kamuza mudiona akoka.>> Kagakumile evale, kohonvelelaga fiyeda wewo wadowa liye gwela mwadeya.
Chwazi Kounye ya:
Joira ja Anamarumiwa 20: iLolo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral
Joira ja Anamarumiwa 20
20
Pawulo ohalimbiha anamamuhara Yesu ilambo ya Masedoniya na ilambo ya Geresiya
1Madugudugu ale kagamanle muEfezo mule, Pawulo ohaitaniha anamamuhara Yesu, liye alimbiha, nomala eno ohapanganyaga. Noira eno, ohokuma Efezo, liye dowa ilambo ya Masedoniya. 2Agafiyile Masedoniya ule, ohoviravira vilambo da wewule, aalimbihaga anamamuhara Yesu na mazu madjindji. Muwari mowendawenda mule, ofiya ilambo ya Geresiya. 3Agafiyile Geresiya, ohomalawo medi miraru. Evale afunaga nnga agwele mwadeya, adowe ilambo ya Siriya, ohovwaga ira: <<Wagwela mwadeyole, aJudewu anouhara mwemo, kauirele inafuna atu.>> Vevale liye ohoumbuwela ira avire Masedoniya wakoka wene.
4Pawulo awelelaga Masedoniya, adowile vamohi na alombwana amohiwa a wewule. Mmohi ali Sopateri mwana Piro, nkuda Bereya. Amohiwa ali Aristarku na mulombwana Segundu anno kali akuda Tesalonika. Mmohiwa ali Gayo nkuda Derebe. Mmohiwa ali Timoteyo. Amohiwa ali Tikiko na Torofimu anno kali akuda Aziya. 5Alombwana anne kohosogolra, aliwa dowa Toroyade, aliwa nidedihaga wewule.#20:5 Lukaji muwari molremba mazu oira aliwa nidedihaga wewule, ku wonga liye ali na Pawulo ora yenno. Tchoira jengo jimohi jiwa jinalrembiwa muwari mwa livuru ni, Lukaji ohoona na meswaye. 6Tempu yodja Pwando ya Pawu Dohosakanyiwana Leverina yagavirile, nohogwela mwadeya Filipo, hiyo mala malambo matanu mundila ira nifiye Toroyade. Nagafiyile Toroyade ule, nohogumana na alombwana kanisogonlre ale, hiyo kala wewule malambo matanu na menli.
Pawulo ohonvulumutcha muzombwe amorenle vati
7-8Nagalive ilambo ya Toroyade, siku noroma na sumana, nohogumana vamohi na atu omuroromela Yesu a wewule ira nimeye pawu.#20:7-8 nimeye pawu: Afwase gumana ira kameye pawu ku wonga dja pawu da seya. Eto hiya dja pawu bahi, afwase muwari modja seya, aliwa kokana jimohi jiwa jadja atu. Hiyo nafwanyeya sala ilukulu ya nyumba ya muzulu. Pawulo ohalaleya atu kali emule fiyeda ora ya mahiyu vari na vari mwasiwa mmetcheloni muwa afuna avenyevo. Mmba mwali hiyo mule mohokala mapanti madjindjene. 9Ohokalamo eto muzombwe mmohi eriwa Ewutiku agaratile vajanelani. Pawulo awongagave, voira jowonga jaye joholapa, muzombole ohoromaga titela, kana nikove nlukulu, fiyeda gona. Muwari mogona mule, ohogwa, kuma nyumba yaneraru yali hiyo fiyeda morela vati. Nogwa, afwaye kagamutamangenle, kanfwannye liye uhukwa. 10Na Pawulo wenne ohotita, dowa kokora valigi muzombole, mukumbarela, liye nvenyiha. Evale ohoiraga: <<Kamuzuzume, liye uli ngumive.>> 11Mwa enne, Pawulo ohogwela na afwaye mwakoka mwene, liye meya pawu, aliwa dja vamohi, aliwa tapanyagave fiyeda unde tcha. Nowi enne, ohogundeya, liye dowaga. 12Atwale kohomutukula mwana muzombole ngumive, aliwa nvelela vande mohagalala mwene.
Pawulo ohakokomeza aansiyawu a Efezo
13Evale hiyo nohogwela mwadeya, hiyo dowaga Aso ira nagumane na Pawulo wewule. Tchoira Pawulo afunne avire unde murampani, hiyo nivirege mwiko. 14Nagagumanne Aso ule, Pawulo ohogwela na hiyo vamohi, hiyo dowaga Militene. 15Nokuma evo, nohodowaga sogolro. Mmetcheloni muwa hiyo vira ilambo ya Kiyo. Mmetcheloni muwa, hiyo fiya ilambo ya Samo. Mmetcheloni muwa, hiyo dowa ilambo ya Mileto. 16Tchoira mulombwana Pawulo kafunne dowa Efezo mwasiwa atawa nnaze nidibeliwe ilambo ya Aziya. Tchoira liye afuna abaranyele Jeruzalemu ira aone akala owanda linganana siku na Pwando ya Johanda Joroma.
17Pawulo agali Mileto, ohaitaniha aansiyawu kasogolrelra nikuru na atu omuroromela Yesu kafwanyeya Efezo ira kanfwanye Mileto ule. 18Kagazile, ohawongana eraga: <<Nyo muhumala ona makalelo dawenda miyo na nyo kuma siku noroma nazilege miyo mwilamboni mwa Aziya muno. 19Miyo dilabaga mabasa a Nabwiya, dalaba moviyeviha eto monla#20:19 dalaba moviyeviha eto monla: Pawulo aaona atu oholowa, liye ohokana kukumuwa mmirimani mwaye. Kalaga nnga agali sidadi ya Atena. Agaonne vikwamutu josema pwi pwi, liye ohokukumuwa mmirimani mwaye. Nione Joira ja Anamarumiwa 20:31; Filipo 3:18-19; 2 Korinto 2:4; Roma 9:1-3. eto mwa makatamiho madjindji kadiireyela zela harahariwa na aJudewu. 20Masiki eno, miyo kadukuwileni zela uwandelani mazu matene apama. Miyo daufundjihani vatando nari na mmavande. 21Doalaleya aJudewu nari atu ohokala aJudewu anno kali aGerego ira katwaruwe kamuhare Mulugu eto kamuroromele Nabwiya wehu Yesu Kiristu.>>
22<<Eni dakuma vano, miyo nnafuna didowe Jeruzalemu mwasiwa Munemba Otchena udiwandela ira didowe wewo. Kadiiziwile inafuna diireyela dafiya wewo. 23Mbwenye iiziwile miyo, tchoira dawendaga sidadi datene, Munemba Otchena unodiwandeletcha ira: <Eni, weyo unadediha heliwa kadeya, unadediha onihiwa goyi.> 24Masiki eno, miyo nnoona ira ingumi yaga kinna mabasa, eto kahi yengo yofuneyetchetcha, nari. So nnafuna dimarihe korida inatamanga miyo, dimarihe mabasa udirumile Nabwiya Yesu ira divweyihe Muselu Wapama zela sayi da Mulugu.>>
25<<Zela wa nyo daulaleyileni miyo ja Umwene wa Mulugu, eni dihiiziwa ira kamuza mudiona akoka. 26Miyo peno va nnouwandelani ira kadiza dimangiwa mulandu zela sangiri na nyo mwatene 27mwasiwa kadidjombihile uwandelani yengo ili yatene ya Mulugu.>>
28<<Mwahala, nyo mwa annya muviing'ane pama. Mwaaing'anele pama eto mabila matene. Mwasiwa Munemba Otchena umala uhambihani ira nyo mukale mabixpu#20:28 mabixpu anawongiwa ku sawasawa no wonga ansiyawu nari pastori. Kahi ira mabixpu anohiyana na aansiyawu nari apastori. Mazina mararu anno anamuwonga mutu mmohive. Na izugu, aansiyawu a Efezo kaitaniwa anciãos nari presbíteros. (Joira ja Anamarumiwa 20:17) Atu amohive kaitaniwa eto bispos. (Joira ja Anamarumiwa 20:28) Atu amohive anna eto kohokana mabasa oaing'anela mabila. Na izugu, ule unaing'anela mabila unaitaniwa pastor. ira mukumbuzege nikuru na Mulugu neno nigunle liye na sangiri naye. 29Miyo dihiiziwa ira davenyavo, anambwa a mukokolani a uwali anoza muwari mwa nyo ira kaatakunege mabila. 30Muwari mwa nyo kohokalawo alombwana anafuna za wonga jogombagomba ira kaaperutchege anamamuhara Yesu ira kaaharege aliwene. 31Nona zela jejo, muing'anele pama. Muumbuwele makalelo danna miyo yaka taru dawenda miyo na nyo. Ntana na mahiyu kadihiyile awandela no alimbiha atu atene muwari monla.>>
32<<Eniva, nnouhiyani mmandani mwa Mulugu, na mmandani mwa mazu a sayi daye anno anawanda ulimbihani ira muze mukayena rayela zulu vamohi na afwihu atene anne katchenihiwe.>>
33<<Miyo kadanna nrima zela parata nne oru nne jowara ja atu. 34Nyo muhumala iziwa ira ora yawenda miyo na nyo, dalaba na mandagala ira diwande gula jatene jaga vamohi na ja afwaga kawenda na miyo. 35Diiraga eno, dauonihedani ira muiziwe ira inafwanela nilabege na kopolo ira niwande akamiheda ale kavutile eto inafwanela niumbuweleni mazu Nabwiya Yesu mwinnya awongile liye eraga: <Orelihiwa gwenno unavaha hiyaniha na ule unavahiwa.> >>
Lanyana wa Pawulo na aansiyawu a Efezo
36Agawongile mazwale, mulombwana Pawulo ohokokoraga na atu atene kaligi evale, aliwa lobela. 37Nolobela, atene kohonlaga valukulu, aliwa mukumbarela, mbejari. 38Muwari monla mule, idjindji yali zela mazu awongile mulombwana Pawulo oira: <<Kamuza mudiona akoka.>> Kagakumile evale, kohonvelelaga fiyeda wewo wadowa liye gwela mwadeya.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral