Joira ja Anamarumiwa 19
19
Pawulo agali sidadi ya Efezo
1Mulombwana Apolo agalive sidadi ya Korinto, Pawulo ohoviravira vilambo didjindji fiyeda mwezo odemula Efezo akoka. Agafiyile Efezo ule, ohafwanya atu angasi angasi omuhara Mulugu. 2Evale ohafuka eraga: <<Kodi nyo muhumuwatchela Munemba Otchena ora yaromile nyo roromela muselu wa Mulugu?>> Aliwa kohowakula atu kwi: <<Nari. Hiyo kannavwe ira ukala unaitaniwa Munemba Otchena.>> 3Evale Pawulo ohafukagave eraga: <<Nnga nyo mubatiziwile na mabatiziwelo nni?>> Aliwa kohowakula, atu kwi: <<Nibatiziwe na mabatizelo a Juwawu.>> 4Evale mulombwana Pawulo ohalaleya atwale eraga: <<Juwawu ohabatiza atu na mabatiziwelo ozela twaruwa, aawandelaga atu ira kamuroromele wenno afuna za mundulri mwaye. Wenno amuwonga Juwawu ira unoza gu Yesu.>> 5Kagavwile jalaleya Pawulo zela Yesu, aliwa kohororomela. Nororomela, kohobatiziwa na nzina na Nabwiya Yesu.#19:5 Kohobatiziwa na nzina na Nabwiya Yesu. Ira nikayena ibaribari ira batiziwa unawongiwa eva ku batiziwa na mahindje, inafwanela nivwe mazu amohiwa anafwanyeya muwari mwa Joira ja Anamarumiwa. Siku nazilege Munemba Otchena, Peduru oharuma atu ira: <<Mubatiziwe na nzina na Yesu Kiristu.>> (Joira ja Anamarumiwa 2:38) Peduru mmohive oharuma akuda Korneliyo ira: <<Nyo mubatiziwe na nzina na Yesu Kiristu.>> (Joira ja Anamarumiwa 10:48) Mwa enne Peduru oharuma atu ira kabatiziwe na mahindje. 6Nomala eno, Pawulo ohahelaga manda, aliwa zeliwaga Munemba Otchena, roma wongaga na viwongelo dimohi diwa dahafundjile atu, aliwa roma fiyihedaga ja Mulugu. 7Atwale kafwanyeya kagali alombwana nnga atu kumi na ambinli.
8Pawulo agali sidadi ya Efezo, ohomala medi miraru nyumba yofundjamo Mazu alaleyaga mazu mohoova. Ohaiziwihaga, atapanyaga na atu zela ja Umwene wa Mulugu.#19:8 Muwari molaleya ja Umwene wa Mulugu, Pawulo alaleya ira: <<Mutu ira avolowe muUmweneni mwa Mulugu, unavolowa muwari momuroromela Yesu.>> 9Evale kohokalagawo eto atu amohiwa karomile ummiha mirima diwa, kahafunaga jomuroromela Yesu. Kohoroma wonga jabure zela Ndila ya Yesu vamentoni va atu kagumana emule. Nomala eno, Pawulo ohahiya, liye kumamo na ale kamuharile Yesu, liye adowana xikola ya mulombwana mmohi eriwa Tiranu. 10Agafiyile wewule, ohomalawo yaka mbinli, aafundjihagave mazu malambo matene. Muwari molaleya mwaye mule, atu atene kakala ilambo ya Aziya, aJudewu nari atu ohokala aJudewu anno kali aGerego, atene kohovwa mazu a Nabwiya.
Muselu wa ang'anga olabana nzina na Yesu
11Malambo anne, Mulugu oirana jengo jotikiniha johokala ja masika muwari mwa Pawulo. 12Tchoira kohokala atu kaza katukulaga jowara jawara mulombwana Pawulo, lenso nopuputana wintoni nari yengo yawara liye alabaga mabasa tawiha ira jowara jaye jinatakale, aliwa dowa avulumutchagana arenda eto aliwa tamangihagana minemba dabure.
13Mwa ora yenno wohokala aJudewu angasi angasi kali ang'anga kawendawenda katamangihaga minemba dabure. Vevale na aliwene kohoroma tamangiha minemba dabure na nzina na Nabwiya Yesu keraga: <<Miyo nnoruma minemba dabure ira dikumemo na nzina na Yesu, wenno Pawulo unamulaleya liye.>> 14Airetchana jejo ali alombwana atanu na ambinli a babiwa mmohive afwanyeya agali muJudewu wenno ali mundimuwa wa anamakuta, eriwa Seva.#19:14 MaBibiliya amohiwa anawonga ira: Eto kohokalawo alombwana atanu na ambinli a babiwa mmohive wenno afwanyeya agali muJudewu wenno ali mundimuwa wa anamakuta eriwa Seva kairetcha ejo. 15Mbwenye siku nimohi kafunaga ira kanvulumutche mutu okana munemba wabure na nzina na Yesu, munemba wabure ule ohowongaga ira: <<Miyo vano, Yesu dihimuiziwa. Pawulo eto nzina naye miyo nnovwetcha. Ki nnga nyo muli ani?>> 16Mwa ora yenno maliba munemba wabure ule oholupaga, ahinda alombwanale, roma abubuda, liye agondjiha atene. Evale aliwa kohofiyedaga tawela unde kagali mandave, atene kagaporeyile. 17Atu atene kafwanyeya sidadi ya Efezo, aJudewu nari aGerego kohovwa istoriya yenne yaireyile. Kagavwile, atene kohoova eto nzina na Nabwiya Yesu noteteliwa.
18Mwa ora yenno kohokalawo atu omuroromela Yesu a wanle kazile, kalrapaga, karumelelaga visangwisangwi jewa.
19Kohokalawo eto ang'anga angasi angasi olabana jokwima jewa. Ang'angale kohotukula malivuru ewa mwemo mwalrembiwe jokwima jiwa,#19:19 kohotukula malivuru ewa mwemo mwalrembiwe jokwima jiwa, aliwa za atumeya: Ang'anga ora yenno, akala ha manyanga a malambwala, atwale kanna malivuru. Muwari mwa malivuru, koholrembamo makalelo matene ovirihamo jokwima jiwa jatene. aliwa za atumeya, afwiwa kaing'anaga. Aliwa kohela konta, aliwa ona ira kahagulihege malivuru ale, kobiriwa yokwakwana kobiri da parata da gwindji gwindji 50.000.#19:19 kobiri da parata nnawongiwa dali da mbwabwada dohokala da masika. 20Kuma evale, mazu a Nabwiya kohogaweya pama, karumeliwaga pama mwa atu.
Makani a Pawulo na amesilri kasakanya vikwamutu josema
21Jatene ejo jagaireyile, muwari mwa Munemba Otchena Pawulo okana yofunafuna ira adowe ilambo ya Masedoniya ante ilambo ya Akaya ante Jeruzalemu. Liye ira: <<Dafiya Jeruzalemu, dagamanle mabasaga wewo, nnafuna didowe sidadi ya Roma.>> 22Mbwenye liye ahanavenyevo, ohomuruma Timoteyo na Erastu anno kali afwaye kalaba na liye ira kadowe Masedoniya. Liye ohala malambo mangasi mangasi Efezo muwari mwa Aziya.
23Mwa ora yenno vohoza makani ohokala a masika zela Ndila ya Yesu. 24Atatamunle madugudugu ali mulombwana Demetiriyo. Liye afwanyeya agali mesilri osakanya vikwamutu josema, jengo ja parata, jagali jofwalrafwaniha ja nyumba yomutamalela mulugu wewa Diyana.#19:24 nyumba yomutamalela mulugu wewa Diyana: Atu tempu yenno kohokana mulugu wewa eriwa Diyana. Kamuona nnga Diyana ali muhiyana. Anamasema muwari mosakanya jofwalrafwaniha jile, tchamusakanya Diyana wene nari. Aliwa kasakanya jofwalrafwaniha ja nyumba ya Diyana. Afwase ali ira mutu akuma olapela wene, adowaga vande, awande gula nyumba yasakannye amesilri, adowegena vande moumbuwela ira: <<Dadowa vande, dalobela, yolobela yaga inavira muwari mwa yosemela, idowe yafiye nyumba yenne ya Diyana.>> Okana eto afwaye kalaba mabasa amohive na liye. Demetiriyo vamohi na amesilri afwaye ale kopa kobiri dohokala da masika muwari mwa mabasa kalaba atu. 25Mulombwana Demetiriyo ohagumaniha ale kalaba na liye vamohi na amesilri amohiwa olaba mabasa amohive, liye awandelagamo atene eraga: <<Alombwana, hiyo nihimala iziwa ira mabasa nnalaba hiyo ba mabasa nnapana hiyo kobiri dohokala da masika. 26Mbwenye eni mwilamboni mwa Efezo muli hiyo muno nari ilambo yatene ya Aziya, ukala uneriwa Pawulo unawonga ira: <Amilugu osakanyiwa na manda a mutu kahi yengo ya ibaribari.> Liye umala agondjiha atu oindjiva, uhumala arungunutcha atu muwari mwa jowonga jaye. 27Malambwala atu oindjiva anakala muAziya muno nari atu anafwanyeya mwatene mwene anomutamalelave mulugwihu Diyana. Mbwenye nera dodo, na makalelo analaleya liye, mabasihu anagomela petiwa eto nyumba ya ndimuwihu Diyana inerege lramwisiwa.>> 28Amesilri ale kagavwile mazu a Demetiriyo, kohotakaleliwa valukulu, roma kuwaga keraga: <<Diyana wa Efezo oye! Oye!>>
29Vevale madugudugu kalivo kohogaweya musidadi mwa Efezo mwatene mwene. Aliba madugudugu ale kaganfwannye Gayo na Aristarku anno kali akuda Masedoniya kawendawenda na Pawulo muulrendoni mwaye, kohahinda, kaamburulelaga vagumanetcha atu adjindjene a sidadile ira kaing'anege tiyaturu. 30Kagairile eno, Pawulo okagana yofunafuna ira afiye evale, awonge na anamwindjale. Mbwenye afwaye omuhara Yesu kohomukondiha. 31Mwa ora yenne, muwari mwa anamatonga katonga ilambo ya Aziya, amohi kali Pawulo afwaye. Na aliwene kohomurumiheda Pawulo mpanganyo oira: <<Yapamiwa, kuyewo nimburo nnafwanyeya atu ule.>> 32Madugudugu kafwanyeyaga nimburo nenne tchaligi a masika, tchoira mutu mmohi akuwa awongaga ji, mmohiwa akuwa awongaga jimohi jiwa. Na mwasa wenne, atu oindjiva kazilevo tchaiziwile pama ira: <<Mwasiwa uzele hiyo gu ula.>>
33Muwari mwa madugudugu kaira atu, kohokalawo aJudewu kafwanyeya evale. Aliwa kohomusakulra mulombwana mmohi eriwa Alexandiri ira awonge na atwale. Alexandiri agavennye, ohovaha ionihedo na ndanda naye ira atwale kamiyale ira awonge mbalume yaye. 34Mwa enne, anamwindji kagamuonne ira unafuna wonga ula, gu muJudewu, kohoroma kuwa keraga: <<Diyana wa Efezo oye! Oye!>> fiyeda mala nnga ora mbinli kakuwaga eno.
35Jagaireyile enne, mundimuwa wa sekeretariya wa sidadi ya Efezo ohovenyaga, za wali madugudugu ule, liye roma miyalihaga madugudugu kaira atwale. Kagamiyanle, ohoroma asumulula eraga: <<Nyo alombwana a Efezo, kavwani. Atu atene kohomala iziwa ira hiyo atu a Efezo uno gunaing'anela nyumba indimuwa ya Diyana na nibwe nikumele zulu, neno nnariheda hiyo. 36Akala nyo muhuiziwa ira kalivo mutu unawanda runiha eji, nnga madugudugu ala ba nni? Inafwanela mumiyale eto muumbuwele pama vinera nyo. 37Tchoira atwayo mwaazilena nyo ayo, kinna mulandu ira anampeta Diyana owu anamululuviha, nari. 38Akala we Demetiriyo na amesilri afwawo anna we eva, muhuona ira: <Nihikana mulandwihu na mutu>, mwilamboni muno muhukala tiribunale, muhukala anamatonga anasambawulra jokala ha jeji. Mudowe mwasumelane wewo. 39Mbwenye akala ikala yengo imohiwa inavenda nyo, anafuna tonga ba andimuwa andimuwa a sidadila. Aliwa banagumanihetcha jejo. 40Tchoira eni peno afwase hiyene gunafuna kana mulandu ozela tatamula madugudugu a peno ala, tchoira kannakana muselu ofwanela jatene jinereya veva.>> 41Agamanle wonga ejile, ohabalaletcha anamwindji ale.
Chwazi Kounye ya:
Joira ja Anamarumiwa 19: iLolo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral
Joira ja Anamarumiwa 19
19
Pawulo agali sidadi ya Efezo
1Mulombwana Apolo agalive sidadi ya Korinto, Pawulo ohoviravira vilambo didjindji fiyeda mwezo odemula Efezo akoka. Agafiyile Efezo ule, ohafwanya atu angasi angasi omuhara Mulugu. 2Evale ohafuka eraga: <<Kodi nyo muhumuwatchela Munemba Otchena ora yaromile nyo roromela muselu wa Mulugu?>> Aliwa kohowakula atu kwi: <<Nari. Hiyo kannavwe ira ukala unaitaniwa Munemba Otchena.>> 3Evale Pawulo ohafukagave eraga: <<Nnga nyo mubatiziwile na mabatiziwelo nni?>> Aliwa kohowakula, atu kwi: <<Nibatiziwe na mabatizelo a Juwawu.>> 4Evale mulombwana Pawulo ohalaleya atwale eraga: <<Juwawu ohabatiza atu na mabatiziwelo ozela twaruwa, aawandelaga atu ira kamuroromele wenno afuna za mundulri mwaye. Wenno amuwonga Juwawu ira unoza gu Yesu.>> 5Kagavwile jalaleya Pawulo zela Yesu, aliwa kohororomela. Nororomela, kohobatiziwa na nzina na Nabwiya Yesu.#19:5 Kohobatiziwa na nzina na Nabwiya Yesu. Ira nikayena ibaribari ira batiziwa unawongiwa eva ku batiziwa na mahindje, inafwanela nivwe mazu amohiwa anafwanyeya muwari mwa Joira ja Anamarumiwa. Siku nazilege Munemba Otchena, Peduru oharuma atu ira: <<Mubatiziwe na nzina na Yesu Kiristu.>> (Joira ja Anamarumiwa 2:38) Peduru mmohive oharuma akuda Korneliyo ira: <<Nyo mubatiziwe na nzina na Yesu Kiristu.>> (Joira ja Anamarumiwa 10:48) Mwa enne Peduru oharuma atu ira kabatiziwe na mahindje. 6Nomala eno, Pawulo ohahelaga manda, aliwa zeliwaga Munemba Otchena, roma wongaga na viwongelo dimohi diwa dahafundjile atu, aliwa roma fiyihedaga ja Mulugu. 7Atwale kafwanyeya kagali alombwana nnga atu kumi na ambinli.
8Pawulo agali sidadi ya Efezo, ohomala medi miraru nyumba yofundjamo Mazu alaleyaga mazu mohoova. Ohaiziwihaga, atapanyaga na atu zela ja Umwene wa Mulugu.#19:8 Muwari molaleya ja Umwene wa Mulugu, Pawulo alaleya ira: <<Mutu ira avolowe muUmweneni mwa Mulugu, unavolowa muwari momuroromela Yesu.>> 9Evale kohokalagawo eto atu amohiwa karomile ummiha mirima diwa, kahafunaga jomuroromela Yesu. Kohoroma wonga jabure zela Ndila ya Yesu vamentoni va atu kagumana emule. Nomala eno, Pawulo ohahiya, liye kumamo na ale kamuharile Yesu, liye adowana xikola ya mulombwana mmohi eriwa Tiranu. 10Agafiyile wewule, ohomalawo yaka mbinli, aafundjihagave mazu malambo matene. Muwari molaleya mwaye mule, atu atene kakala ilambo ya Aziya, aJudewu nari atu ohokala aJudewu anno kali aGerego, atene kohovwa mazu a Nabwiya.
Muselu wa ang'anga olabana nzina na Yesu
11Malambo anne, Mulugu oirana jengo jotikiniha johokala ja masika muwari mwa Pawulo. 12Tchoira kohokala atu kaza katukulaga jowara jawara mulombwana Pawulo, lenso nopuputana wintoni nari yengo yawara liye alabaga mabasa tawiha ira jowara jaye jinatakale, aliwa dowa avulumutchagana arenda eto aliwa tamangihagana minemba dabure.
13Mwa ora yenno wohokala aJudewu angasi angasi kali ang'anga kawendawenda katamangihaga minemba dabure. Vevale na aliwene kohoroma tamangiha minemba dabure na nzina na Nabwiya Yesu keraga: <<Miyo nnoruma minemba dabure ira dikumemo na nzina na Yesu, wenno Pawulo unamulaleya liye.>> 14Airetchana jejo ali alombwana atanu na ambinli a babiwa mmohive afwanyeya agali muJudewu wenno ali mundimuwa wa anamakuta, eriwa Seva.#19:14 MaBibiliya amohiwa anawonga ira: Eto kohokalawo alombwana atanu na ambinli a babiwa mmohive wenno afwanyeya agali muJudewu wenno ali mundimuwa wa anamakuta eriwa Seva kairetcha ejo. 15Mbwenye siku nimohi kafunaga ira kanvulumutche mutu okana munemba wabure na nzina na Yesu, munemba wabure ule ohowongaga ira: <<Miyo vano, Yesu dihimuiziwa. Pawulo eto nzina naye miyo nnovwetcha. Ki nnga nyo muli ani?>> 16Mwa ora yenno maliba munemba wabure ule oholupaga, ahinda alombwanale, roma abubuda, liye agondjiha atene. Evale aliwa kohofiyedaga tawela unde kagali mandave, atene kagaporeyile. 17Atu atene kafwanyeya sidadi ya Efezo, aJudewu nari aGerego kohovwa istoriya yenne yaireyile. Kagavwile, atene kohoova eto nzina na Nabwiya Yesu noteteliwa.
18Mwa ora yenno kohokalawo atu omuroromela Yesu a wanle kazile, kalrapaga, karumelelaga visangwisangwi jewa.
19Kohokalawo eto ang'anga angasi angasi olabana jokwima jewa. Ang'angale kohotukula malivuru ewa mwemo mwalrembiwe jokwima jiwa,#19:19 kohotukula malivuru ewa mwemo mwalrembiwe jokwima jiwa, aliwa za atumeya: Ang'anga ora yenno, akala ha manyanga a malambwala, atwale kanna malivuru. Muwari mwa malivuru, koholrembamo makalelo matene ovirihamo jokwima jiwa jatene. aliwa za atumeya, afwiwa kaing'anaga. Aliwa kohela konta, aliwa ona ira kahagulihege malivuru ale, kobiriwa yokwakwana kobiri da parata da gwindji gwindji 50.000.#19:19 kobiri da parata nnawongiwa dali da mbwabwada dohokala da masika. 20Kuma evale, mazu a Nabwiya kohogaweya pama, karumeliwaga pama mwa atu.
Makani a Pawulo na amesilri kasakanya vikwamutu josema
21Jatene ejo jagaireyile, muwari mwa Munemba Otchena Pawulo okana yofunafuna ira adowe ilambo ya Masedoniya ante ilambo ya Akaya ante Jeruzalemu. Liye ira: <<Dafiya Jeruzalemu, dagamanle mabasaga wewo, nnafuna didowe sidadi ya Roma.>> 22Mbwenye liye ahanavenyevo, ohomuruma Timoteyo na Erastu anno kali afwaye kalaba na liye ira kadowe Masedoniya. Liye ohala malambo mangasi mangasi Efezo muwari mwa Aziya.
23Mwa ora yenno vohoza makani ohokala a masika zela Ndila ya Yesu. 24Atatamunle madugudugu ali mulombwana Demetiriyo. Liye afwanyeya agali mesilri osakanya vikwamutu josema, jengo ja parata, jagali jofwalrafwaniha ja nyumba yomutamalela mulugu wewa Diyana.#19:24 nyumba yomutamalela mulugu wewa Diyana: Atu tempu yenno kohokana mulugu wewa eriwa Diyana. Kamuona nnga Diyana ali muhiyana. Anamasema muwari mosakanya jofwalrafwaniha jile, tchamusakanya Diyana wene nari. Aliwa kasakanya jofwalrafwaniha ja nyumba ya Diyana. Afwase ali ira mutu akuma olapela wene, adowaga vande, awande gula nyumba yasakannye amesilri, adowegena vande moumbuwela ira: <<Dadowa vande, dalobela, yolobela yaga inavira muwari mwa yosemela, idowe yafiye nyumba yenne ya Diyana.>> Okana eto afwaye kalaba mabasa amohive na liye. Demetiriyo vamohi na amesilri afwaye ale kopa kobiri dohokala da masika muwari mwa mabasa kalaba atu. 25Mulombwana Demetiriyo ohagumaniha ale kalaba na liye vamohi na amesilri amohiwa olaba mabasa amohive, liye awandelagamo atene eraga: <<Alombwana, hiyo nihimala iziwa ira mabasa nnalaba hiyo ba mabasa nnapana hiyo kobiri dohokala da masika. 26Mbwenye eni mwilamboni mwa Efezo muli hiyo muno nari ilambo yatene ya Aziya, ukala uneriwa Pawulo unawonga ira: <Amilugu osakanyiwa na manda a mutu kahi yengo ya ibaribari.> Liye umala agondjiha atu oindjiva, uhumala arungunutcha atu muwari mwa jowonga jaye. 27Malambwala atu oindjiva anakala muAziya muno nari atu anafwanyeya mwatene mwene anomutamalelave mulugwihu Diyana. Mbwenye nera dodo, na makalelo analaleya liye, mabasihu anagomela petiwa eto nyumba ya ndimuwihu Diyana inerege lramwisiwa.>> 28Amesilri ale kagavwile mazu a Demetiriyo, kohotakaleliwa valukulu, roma kuwaga keraga: <<Diyana wa Efezo oye! Oye!>>
29Vevale madugudugu kalivo kohogaweya musidadi mwa Efezo mwatene mwene. Aliba madugudugu ale kaganfwannye Gayo na Aristarku anno kali akuda Masedoniya kawendawenda na Pawulo muulrendoni mwaye, kohahinda, kaamburulelaga vagumanetcha atu adjindjene a sidadile ira kaing'anege tiyaturu. 30Kagairile eno, Pawulo okagana yofunafuna ira afiye evale, awonge na anamwindjale. Mbwenye afwaye omuhara Yesu kohomukondiha. 31Mwa ora yenne, muwari mwa anamatonga katonga ilambo ya Aziya, amohi kali Pawulo afwaye. Na aliwene kohomurumiheda Pawulo mpanganyo oira: <<Yapamiwa, kuyewo nimburo nnafwanyeya atu ule.>> 32Madugudugu kafwanyeyaga nimburo nenne tchaligi a masika, tchoira mutu mmohi akuwa awongaga ji, mmohiwa akuwa awongaga jimohi jiwa. Na mwasa wenne, atu oindjiva kazilevo tchaiziwile pama ira: <<Mwasiwa uzele hiyo gu ula.>>
33Muwari mwa madugudugu kaira atu, kohokalawo aJudewu kafwanyeya evale. Aliwa kohomusakulra mulombwana mmohi eriwa Alexandiri ira awonge na atwale. Alexandiri agavennye, ohovaha ionihedo na ndanda naye ira atwale kamiyale ira awonge mbalume yaye. 34Mwa enne, anamwindji kagamuonne ira unafuna wonga ula, gu muJudewu, kohoroma kuwa keraga: <<Diyana wa Efezo oye! Oye!>> fiyeda mala nnga ora mbinli kakuwaga eno.
35Jagaireyile enne, mundimuwa wa sekeretariya wa sidadi ya Efezo ohovenyaga, za wali madugudugu ule, liye roma miyalihaga madugudugu kaira atwale. Kagamiyanle, ohoroma asumulula eraga: <<Nyo alombwana a Efezo, kavwani. Atu atene kohomala iziwa ira hiyo atu a Efezo uno gunaing'anela nyumba indimuwa ya Diyana na nibwe nikumele zulu, neno nnariheda hiyo. 36Akala nyo muhuiziwa ira kalivo mutu unawanda runiha eji, nnga madugudugu ala ba nni? Inafwanela mumiyale eto muumbuwele pama vinera nyo. 37Tchoira atwayo mwaazilena nyo ayo, kinna mulandu ira anampeta Diyana owu anamululuviha, nari. 38Akala we Demetiriyo na amesilri afwawo anna we eva, muhuona ira: <Nihikana mulandwihu na mutu>, mwilamboni muno muhukala tiribunale, muhukala anamatonga anasambawulra jokala ha jeji. Mudowe mwasumelane wewo. 39Mbwenye akala ikala yengo imohiwa inavenda nyo, anafuna tonga ba andimuwa andimuwa a sidadila. Aliwa banagumanihetcha jejo. 40Tchoira eni peno afwase hiyene gunafuna kana mulandu ozela tatamula madugudugu a peno ala, tchoira kannakana muselu ofwanela jatene jinereya veva.>> 41Agamanle wonga ejile, ohabalaletcha anamwindji ale.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral