Matthew 4
4
1Talva Anirnim Nakuujum Jesus aullautijaa inuilrumun Tupilangmin uktuqtauquplugu. 2Uplitqaaktillugu 40nik nirittailigami kaaliqpiaqtuq. Taffumungalu huinniqipkaiji upangniktuq uqaqhuni, 3“Godim irnirinngitpatin ukua ujarain uqautikkit muqpaujanguqulugit.” 4Jesusim kiujaa uqaqhuni, “Godim uqauhiani titiraqhimajuq, ‘Inuum kialiqaak inuutjutigijakharinngitait muqpaujainnait kihimi uqauhitigulli tapkununa Godim uqautigijain.’” 5Talva tupilaum Jesus aullautijaa igluqarvingmun nakuujumun angaatjuvikpagjuam qaanganun iliplugu 6uqallautijaa, “Godim irnirikpatit mihigiarin ataanun titiraqhimangman ‘Godim iharulini pitquhimajain tapkua munaqhiquplugit.’ Imaatuttauq ‘tapkua algaitigut tiguniaqtatin itigailuunniin aanniqunagu ujarangmun.’” 7Jesusim uqallautijaraluanga, “Titiraqhimajuq ahini, ‘Godingnik Atanirnik uktuqtailutin ihuittumik.’” 8Aahiittauq Tupilaum Jesus majuqtitaa manilrum kingingniata qaanganun takupkaqhugit nunat atan'nguvingillu tamaita. Tapkua alianarningillu taffumunga uqautigiplugit, 9“Uvanga hapkuninga tamainnik tuniniaqtagin hiitqurvigigungma angaatjuvigilunga.” 10Jesusim uqautijaa, “Satan, ahivarin titiraqhimangman. ‘Angaatjuvigijakhan Godin Ataniin kivgakturlugulu tamna kihimi.’” 11Talva Tupilaum qimangmagu iharulgit Jesus tikittugu kivgaqtuqtaat.
Chwazi Kounye ya:
Matthew 4: AQ
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Canadian Bible Society
Aprann plis bagay sou Atuutit Qin'ngautillu