Matthew 20
20
1“Qilaum atan'nguvia nauttiviliktun-ilijuq. Tamna uplaami havagiaqtuquingman havaktinik ahiaqarvingmun. 2Tamna uqariijaqqaaqtillugu havaktun akiliuhiaqtakhainnik uplumun atauhirmun ahiaqarvingmungaqtitain. 3Uvattiagunngurmattauq 9mungaqtillugu avungaungmijuk tautuktain aallat havaakhaittut nangiqhutik niuvvaavingmi. 4Uqautiplugu, ‘Iliffittauq ahiaqarvingmungaugitti akilirniariffi nakuujumik.’ Havagiaqtuqtullu tapkua. 5Nautiiviliglu avungaungmigami upluk qitqaniittillugu 3mungaqtumi taimailivaktuq. 6Aahiittauq 5mungarman avungaungmijuq tautukhugit aallat havaakhaittut uqautiplugit, ‘Huuq upluraaluk nangiqpakpihi hamani havakhimaittumik?’ 7Tapkua kiujaat, ‘Havaqujaunnginapta ilaa.’ Taffuma uqallautingmijait, ‘Iliffittauq ahiaqarvingmungaugitti.’ 8Unnungmalli nauttivilik kivgaminun uqaqtuq, ‘Havaktun qaitqukkit akilirlagit tamaita, kingullirmin hivulliq tikillugu.’ 9Tapkuattaq havaqujauhimajun 5mungaqtillugu qaigamik akiliuhiaqtun uplurmun atauhirmun. 10Talva havakpaktun hivulliit qaigamik avvakuujumik akiliuhiarnahugijun. Tapkuali tamarmik akiliuhiaqpaktun uplurmun atauhirmun kihimi. 11Tapkua pigamik nauttivilik qaniqtaat 12uqaqhutik, ‘Hapkua kingulliit havakaffukkaluaqtillugit ikarnirmun atauhirmun atjikkutarijaatin uvaptingnun. Uvagut havakkaluaqhuta upluraaluk uunakpiaqtillugu hiqiniq.’ 13Nauttivilgum ilangat kiujaraluanga, ‘Ilaa ihuittumik pinngitkaluaqtunga ilingnun. Uplaami uqariijarama akikhanik angiqpaktutin. 14Pijakhatin pikkit aigiarillu. Uvanga una kingulliq akilirumajara iliktun. 15Piqutimnik uvanga tunihilimaittungaa ihumajamniik? Huuq tuhuliqqin uvanga nakuugaluaqtillunga.’ 16Taimaa kingulliq hivulliuhungujuq, hivullirlu kingulliuhungujugaluaq.”
20Talva Zebedeem irningata arnangata upaktaa Jesus irnini ilagiplugik. Taffuma hiitqurvigigamiuk tukhiaqtuq taffumunga. 21Jesusim apirijaa, “Humik?” Arnam uqallautijaa, “Irnikka ukuak ikhivaqatauquplugik atan'nguvingni. Aippaa taliqpikpit tungaani, aippaattauq haumikpit tungaani.” 22Jesus kiujugaluaq, “Iliffi tukhiarutiffingnik nalujuhi. Imirniaqitik qallunmin imirviginahualiqtamniin?” Uqautijaak, “Piniaqtuguk.” 23Jesusim uqautijaik, “Ilaa qallumin imirniaqtutik. Taliqpingmali tungaani, haumingmalluuniin tungaani ikhivaqatauquplutik pipkailimaitkaluaqtunga tapkuali Angutingma ikhivapkaqpagik kihimi.” 24Malirutait qulingujun tamna tuhaagamitku quviahuutiginngittaik nukariik. 25Jesusimlu inminun qaitqungmagik uqaqtuq, “Ilihimajuhi Jewmiunngittun ataniqpait atanniqtuijumainnaqtun inungnun atanniqtuqhugit inuit. 26Taimailiuqtukhaunngitpiaqtuq iliffingni. 27Kinaliqaak hivulliujumagumi iliffingni, tamnaujuq kivgaqturli iliffingnun. 28Taimaa Inuum Irninga tikihimanngittuq kivgaqtuqtauquplugu aallanin. Aittutigiquplugu inuit amihun annautjauquplugit.”
Chwazi Kounye ya:
Matthew 20: AQ
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Canadian Bible Society
Aprann plis bagay sou Atuutit Qin'ngautillu