Yona 2
2
Wulombe wa Yona
1Yona yakamulomba Muwaha Mulungu wakwe,
ku wulawa mugati ye lilenga mu'nda ye lisomba,
2yakatya, “Mu magayo gangu,
'gwe Muwaha Mulungu,
ane nghakucema, nagwe wukamhitula.
Na ku wulawa mugati ku yinze ye wafu,
ane nghakulilila so wutazi,
nagwe wukahulika.
3Hambi 'gwe nha wanhajila
mu cisolo mwi'lenga mugati,
hanhu hono malenga gamhilime mbavu zose,
ne mawingo gako ge vilungo
no wuyumba-yumbe wose,
wukukola mucanyha yangu.
4Ane nghwihwesa
nha vyono nakondya kuwuka
ku wulawa ha mwande yako,
hamba sinosuma yaye kuwuwona
no wuhembelo wako kanyhi.
5Malenga nha gangubika,
sunga no kwehela kose,
hamba si nghusuma yaye,
ne lilenga lyakondya kumhilima,
sunga ne malungwi gayo,
gandawiliza mu mutwe wangu.”
6Ane nadodomela sunga hasi ye matunda,
sunga ku yisi ye wafu,
yono i milango yayo midindwe cibitilila.
“Ninga agwe, go Muwaha Mulungu wangu,
wambusa nili mumi ku wulawa
mu visolo mono nikaye.
7Ne nhumbula yangu yali yeza kuzilika,
ane nghakulomba gwegwe go Muwaha Mulungu,
nagwe wukahulika mu wulawa mu Nyumba yako.
8Nawo wono wakuyihemba milungu
ye vihwani yono yisina cambuzi,
wakondya kuwuleka u wihuwilwa wawo kuli'gwe.
9Ninga ane nokwimbila gwegwe lwimbo lo lukumyo,
nokulavizya ne likumbiko,
kanyhi nokwituma nha vyono nehuwiza.
Hambi mhonelo nha yikulawa kuli Muwaha Mulungu!”
10Hobaho u Muwaha Mulungu yakalilajiliza
lisomba likamudece Yona,
nalyo likawa kubita kumudeka mu yisi nghavu.
Chwazi Kounye ya:
Yona 2: LLKWW
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Cigogo Bible © Bible Society of Tanzania, 2002.