Habakuki 2
2
Lipitulo lyo Muwaha Mulungu kuli Habakuki
1Nobita mucanyha yo munala wangu, nindile mbone zono Muwaha Mulungu kononjela, ho nonje kanyhi, mbone lipitulo lyono komhela muli zizo zono singhuzenda.
Mulungu yakumupitula Habakuki
2Nayo Muwaha Mulungu yakamhela lipitulo ali yakatya, “Ale, wandice calinze mu vibawo zono nghukugubulila, ho zisume kusomeka calinze. 3Wuzandikaje, hambi cipango nha cikali cono zizo zowela. Ninga cipango cikuza mbela, na zono nghukulajila zokuza. Ne cipango cico cokwijela nha cikucela ku wuze, ninga agwe weze wulindiye du, naco cokuza, hamba si cotinya yaye. 4‘I wabi wose si wokwikala womi yaye, langa we ling'ani, wo wokwikala womi, hambi nha wehuwilwa kuli Mulungu.’ ”
Wongomezwe kuli wono si weling'ani
5Hamonga na zizo, divayi yajilizaga, no munhu mwidunhumuzi, si kekalaga vilo vinji. Mwene yewikanize kuwamela wanhu wanji nha vyono yinha yisi ye wafu. Holeka nayo si kegutaga yaye nha vyono linha lifwa, mwene kekongholelaga i makungugo gose, hamonga ne wanhu wose wawa nha sawo yakwe. 6Ninga iwanhu wono wakuwasuma, nawo wolowazwajiza wono wawasumize, kanyhi wolowabedegala. Wolotya, “Mwavisolaga vyono si vyali vyenyu, ninga 'lu woyi hee kuli'nye! Hamba mojendelela wule 'lu kanyhi, mu wugoli wono mwetujila mu nzila yo kuwadaya kwa vilungo wono wali wakopile kuli'nye ho wamulipenyi?” 7Ninga na lono mowa mukali namanya, wawo wono mwawasolela vinhu vyawo, nawo wolomuzizenyi nhinicizo welipicize. I walugu wolomuzizenyi no kumogofyenyi. Kanyhi wolomubocenyi ne sawo yenyu kwe vilungo! 8Anye mwawaboka wanhu we makungugo menji sawo zawo, ninga aluno wawo nawo wono wasigaye, womubocenyi nanye zisawo zenyu, ku soko yo wuwulaji wono mwetuma, na ku soko ye mawonezi genyu kuli wanhu we yinze ne makaya gawo.
9Woyi hee kuli nye! Mono mwazigolifya zimhuga zenyu ne sawo yono muyibocile kwe vilungo, akuno mukuzinoza zikaya zenyu ziwe zipolile zisina mbali! 10Na mu nzila yiyo, mukunoza vibi, hambi nha mweletela cevu mu zikaya zenyu, namo mu wuhomanga makungugo menji, mweyongomeza muli wene. 11Alu sunga ne mabwe ga mwi'jinji, gakulila so nyenye, no mucici nawo wukupitula. 12Woyi hee kuli'nye! Mwalisimya likaya ko wavu, mukalizenga ko wuwulaji. 13Ne makungugo gono mwagatema, gakawa nha gekataze no mulimo wa bwete, ne mazengo gose gono wali wazenga, gakaticimila no moto. No Muwaha Mulungu we Mihanga yo yetuma zizo. 14Ninga yinze yolowa yimemile wumanye wo lukumyo lo Mulungu nha vyono lilenga limemile malenga.
15Woyi hee kuli'nye! Anye mono mwi'kuwo lyenyu, mukawanoza wayenyu wabedegalwe no kuwakoza cevu, kanyhi mukawanoza wakawa kupebesuka-pebesuka nha wanhu wono wagalile wujimbi. 16Ninga zizo zomuwuyilenyi nyo weneco, ne wanhu si womupelenyi cogopo yaye, nanye momema cevu ciwaha. Nanye nyo weneco mologala wujimbi no kupebesuka-pebesuka. Nayo Muwaha Mulungu kolomung'wesenyi cikombe co wulipicizwe nyenye nyo weneco. Ne cogopo cenyu colopituka ciwe cevu. 17Nha vyono mwayitemanga mbago ya ku Lebanoni, nanye 'lu vyo motemangwa nhavivyo. Kanyhi nha vyono mwaviwulaga vilimu, nanye vilimu vyomogofyenyi. Na zizi zokwijela ku soko yo wuwulaji wono mwetuma, na ku soko yo wongomeze we wanhu wa mono'nze hamonga ne makaya gayo.
18Hambi cihwani cina cambuzici? Nha cinhu du cono cinozigwe no munhu, kanyhi hamba si cosuma kukulonjela cinji co cose, langa wulambi du. Hamba hasina nghani yono cico cihwani, cimutendelaga munya kucisesa ho cisume kwitumbilwa, hambi cihwani, nha si mulungu, hamba si cosuma no kulonga yaye! 19Woyi hee kuli 'nye! Mono mulilonjelaga libici mukutya, “Usinhuce!” Hamba kwi'bwe lyono si likulonga mukutya, “Winuce!” Alo mukwihwesa vyono cihwani cosuma kumugubulilenyi nghani yo yose lo? Heya, cidahile kuwa cihiliwe ne fweza hamonga ne zahabu, ninga hamba nhavivyo vyo cisina wumi du.
20U Muwaha Mulungu yali mu Nyumba yakwe yono Yelile, holeka wanhu wose wa mono'nze, yiwanojeye watule hali mwene.
Chwazi Kounye ya:
Habakuki 2: LLKWW
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Cigogo Bible © Bible Society of Tanzania, 2002.
Habakuki 2
2
Lipitulo lyo Muwaha Mulungu kuli Habakuki
1Nobita mucanyha yo munala wangu, nindile mbone zono Muwaha Mulungu kononjela, ho nonje kanyhi, mbone lipitulo lyono komhela muli zizo zono singhuzenda.
Mulungu yakumupitula Habakuki
2Nayo Muwaha Mulungu yakamhela lipitulo ali yakatya, “Ale, wandice calinze mu vibawo zono nghukugubulila, ho zisume kusomeka calinze. 3Wuzandikaje, hambi cipango nha cikali cono zizo zowela. Ninga cipango cikuza mbela, na zono nghukulajila zokuza. Ne cipango cico cokwijela nha cikucela ku wuze, ninga agwe weze wulindiye du, naco cokuza, hamba si cotinya yaye. 4‘I wabi wose si wokwikala womi yaye, langa we ling'ani, wo wokwikala womi, hambi nha wehuwilwa kuli Mulungu.’ ”
Wongomezwe kuli wono si weling'ani
5Hamonga na zizo, divayi yajilizaga, no munhu mwidunhumuzi, si kekalaga vilo vinji. Mwene yewikanize kuwamela wanhu wanji nha vyono yinha yisi ye wafu. Holeka nayo si kegutaga yaye nha vyono linha lifwa, mwene kekongholelaga i makungugo gose, hamonga ne wanhu wose wawa nha sawo yakwe. 6Ninga iwanhu wono wakuwasuma, nawo wolowazwajiza wono wawasumize, kanyhi wolowabedegala. Wolotya, “Mwavisolaga vyono si vyali vyenyu, ninga 'lu woyi hee kuli'nye! Hamba mojendelela wule 'lu kanyhi, mu wugoli wono mwetujila mu nzila yo kuwadaya kwa vilungo wono wali wakopile kuli'nye ho wamulipenyi?” 7Ninga na lono mowa mukali namanya, wawo wono mwawasolela vinhu vyawo, nawo wolomuzizenyi nhinicizo welipicize. I walugu wolomuzizenyi no kumogofyenyi. Kanyhi wolomubocenyi ne sawo yenyu kwe vilungo! 8Anye mwawaboka wanhu we makungugo menji sawo zawo, ninga aluno wawo nawo wono wasigaye, womubocenyi nanye zisawo zenyu, ku soko yo wuwulaji wono mwetuma, na ku soko ye mawonezi genyu kuli wanhu we yinze ne makaya gawo.
9Woyi hee kuli nye! Mono mwazigolifya zimhuga zenyu ne sawo yono muyibocile kwe vilungo, akuno mukuzinoza zikaya zenyu ziwe zipolile zisina mbali! 10Na mu nzila yiyo, mukunoza vibi, hambi nha mweletela cevu mu zikaya zenyu, namo mu wuhomanga makungugo menji, mweyongomeza muli wene. 11Alu sunga ne mabwe ga mwi'jinji, gakulila so nyenye, no mucici nawo wukupitula. 12Woyi hee kuli'nye! Mwalisimya likaya ko wavu, mukalizenga ko wuwulaji. 13Ne makungugo gono mwagatema, gakawa nha gekataze no mulimo wa bwete, ne mazengo gose gono wali wazenga, gakaticimila no moto. No Muwaha Mulungu we Mihanga yo yetuma zizo. 14Ninga yinze yolowa yimemile wumanye wo lukumyo lo Mulungu nha vyono lilenga limemile malenga.
15Woyi hee kuli'nye! Anye mono mwi'kuwo lyenyu, mukawanoza wayenyu wabedegalwe no kuwakoza cevu, kanyhi mukawanoza wakawa kupebesuka-pebesuka nha wanhu wono wagalile wujimbi. 16Ninga zizo zomuwuyilenyi nyo weneco, ne wanhu si womupelenyi cogopo yaye, nanye momema cevu ciwaha. Nanye nyo weneco mologala wujimbi no kupebesuka-pebesuka. Nayo Muwaha Mulungu kolomung'wesenyi cikombe co wulipicizwe nyenye nyo weneco. Ne cogopo cenyu colopituka ciwe cevu. 17Nha vyono mwayitemanga mbago ya ku Lebanoni, nanye 'lu vyo motemangwa nhavivyo. Kanyhi nha vyono mwaviwulaga vilimu, nanye vilimu vyomogofyenyi. Na zizi zokwijela ku soko yo wuwulaji wono mwetuma, na ku soko yo wongomeze we wanhu wa mono'nze hamonga ne makaya gayo.
18Hambi cihwani cina cambuzici? Nha cinhu du cono cinozigwe no munhu, kanyhi hamba si cosuma kukulonjela cinji co cose, langa wulambi du. Hamba hasina nghani yono cico cihwani, cimutendelaga munya kucisesa ho cisume kwitumbilwa, hambi cihwani, nha si mulungu, hamba si cosuma no kulonga yaye! 19Woyi hee kuli 'nye! Mono mulilonjelaga libici mukutya, “Usinhuce!” Hamba kwi'bwe lyono si likulonga mukutya, “Winuce!” Alo mukwihwesa vyono cihwani cosuma kumugubulilenyi nghani yo yose lo? Heya, cidahile kuwa cihiliwe ne fweza hamonga ne zahabu, ninga hamba nhavivyo vyo cisina wumi du.
20U Muwaha Mulungu yali mu Nyumba yakwe yono Yelile, holeka wanhu wose wa mono'nze, yiwanojeye watule hali mwene.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Cigogo Bible © Bible Society of Tanzania, 2002.