Ɖúù Ɖúù-cèè-ɖɛ̀ɔ̀ jè kɔ̃in-zaìn-zaìn
Ɖúù-cèè-ɖɛ̀ɔ̀ jè kɔ̃in-zaìn-zaìn
Ɖɛ ɓě ɓá Kɛ́ɖɛ́ì ɖeín-sí-nyɔ̀ ɓěɔ̀ hwìɖǐǐ-taɓa-ɖɛ̀ ɓěɔ̀ jè dyí, sɔ̀ìn ti ɓɛ́ Jízɛ̀ wóɖó maa, ké ti ɓɛ́ Pɔ́ɔ̀ cɛ̃ ma bɔ̃̌ nɔ̀mɔ̀ dyíinɔ̀ ɖé Wóɖóùn-hwɔ̀ɖɔ̀ɔ̀ múɛɛ gbo muɛɛ, ɔ céè céè-ɖɛ̀-dù sɔ̃́ mú. Céè-ɖɛ̀ ɓěɔ̀ mɔ̀ Ɖúù kè Àpɔ́sò. Nɔ̄ Ɖúù-cèè-ɖɛ̀ɛ̀ múɛɛ, ɖɛ ɓě ɓɛ́ Jízɛ̀ nyu maa kè ɖɛ ɓě ɓɛ́ ɔ tɛ̀mɛ̀ìn ma nyɔǔn wɛ̃ɛ jè céè nɔ̄.
Cɔ́cì-nyɔ̀ ɓě nì ma kĩ́ín nyɛɛ ɖá Ɖúù mɔ̀ nyɔ céè ma céè-ɖɛ̀ nìà kɛ. Ɔ dyi ná nìǐn, nìí, nyɔ séín ɓě céè céè-ɖɛ̀ tɔ̀ɔ̀ ɓěɔ̀ kɛɛ wáún wɛ̃ɛ, ɔ ɖòùn mɔ̀ nyɔ se Júù-nyɔ̀. Nyɔ ɖò se nyɔ ɓɛ́ Tìɔ́féɖɛ̀ mɔ̀ nyɔ ɓɛ́ wa zàìn ma kà céè-ɖɛ̀ nìà kɛ xwáɖáún wɛ̃ɛ jǔɛ dyuò. Nyɔ ɖíɛ́ ɓě poìn hwìɖǐi kà ɔ mɔ̀ ma Wóɖóùn-nyɔ̀ vɛ̀nɛ̀ ɖò kɛ. Ké nyɔ ɖíɛ́ ɓě ɖá ɔ mɔ̀ ma Kɛ́ɖɛ́ì ɖeín-sí-nyɔ̀ vɛ̀nɛ̀ ɖò.
Céè-ɖɛ̀ɔ̀ dà ɓě m̀ ɓɛ́ìn ɖɛ kò-kò ɓěɛ̀ dyéɛ kɛɛ kɛà kɛ̀
1. Ɖúù zàìn ɔ céè-ɖɛ̀ɔ̀ Tìɔ́féɖɛ̀ da. 1:1-4
2. Jɔ̃́ɔ́ nyɔ-níɔ-po-nyɔ̀ɔ̀ kè Jízɛ̀ wóɖó-wóɖó ɔ kè waà dyú-gbɔ́ɔ́-tìǐn. 1:5–2:52
3. Jɔ̃́ɔ́ nyɔ-níɔ-po-nyɔ̀ɔ̀ kũ̀à. 3:1-20
4. Jízɛ̀ɛ̀ níɔ-po-po kè ɔ mú-dɔ̃̌-dɔ̃̌. 3:21–4:13
5. Jízɛ̀ nyu kũ̀à ɖé Gáɖàɖíì-ɓòɖòɔ̀ kɔ̃. 4:14–9:50
6. Jízɛ̀ sɔ̀ Gáɖàɖíì-ɓòɖòɔ̀ kɔ̃, ké ɔ mu ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. 9:51–19:27
7. Wíkì hwɛ̀ìn-gbɔ Jízɛ̀ nyu maa. 19:28–23:56
8. Jízɛ̀ wóɖó gĩɔ, ké ɔ wóɖóìn nyɔ ɓě dyí, ké ɔ mu dyɔún. 24:1-53
Chwazi Kounye ya:
Ɖúù Ɖúù-cèè-ɖɛ̀ɔ̀ jè kɔ̃in-zaìn-zaìn: ƁB02
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Bassa Bible © Bible Society Liberia, 2002.