Job 25
25
Bildad Job yöa̧laja̧ öpöjödö atadina jawa
1Job jejenö yöa̧liökwe, Bildadma atadinobe baikwö:
2—Isabenö okobe deinö inesö la'aka tjuluwo̧ma Diosda, isabenö okobe deinö yetjabo jö̧tja̧lökwema, jo̧bada. Diosda juluwo̧obetjö, mölejȩ ju̧kwadö angeledöma Diosnö yebabinö omukwatö, ölakwabikwawökönö tju̧ju̧kwobe. 3Isabenö inesö la'aka luwo̧ Diosma, iteda ömöayedö ölakwabikwawadöma, ba̧ja̧dakwawökenanö tjö̧ba̧jȩkwachobe, isabenö juluwo̧obetjö̧. Ju'wibi yöta̧la, isabenö dejatinö juluwo̧obetjö, iteda dewi̧ma, bö̧jȩ ba̧kwemeachibanö dejatobe.
4—Isabenö yöta̧laja̧danö jo̧be Job, jo̧kwajabetjö̧ baikwö abebö cha̧ja̧kwakwö: Bö̧jȩ jojodötjö, bakwo̧bi Dios öba a'otjö wene jwibo̧ ö̧jenaji̧? Bö̧jȩ ya̧dö tjeminawö̧tjö, bakwo̧bi bakwainö otiwo̧ ö̧jenaji̧? 5Deobe Job, baikwö yötawa: Diosma inesö dewinö jo̧, ja̧danö jo̧ba öba a'otjö, yö̧te jawo̧bi, si̧li̧'idöbi dejatöködödanö ichejekwadö, jö̧tö? 6Ja̧ jawa omukwatö, bö̧je jojodö Dios öba a'otjö mikwawadö tjö̧jenaji̧? Mikwawöködö yelösöda, Dios öba a'otjö sule sa̧dö tji̧mikwawöködanö mikwawaöködö bö̧jȩ jojodöma, —jö̧ba̧lö yöa̧linobe Bildadma, Jobnö.
Chwazi Kounye ya:
Job 25: WPC
Pati Souliye
Pataje
Konpare
Kopye
Ou vle gen souliye ou yo sere sou tout aparèy ou yo? Enskri oswa konekte
©2021, All Rights Reserved