Ñwed Mbon Rom 5
5
Emem ye Idodanyen
1Do ndin, sia emaekenam ñnyịn inen ato ke mbuọdidem, ñnyịn iminie emem ye Abasi ato ke Abọọñ ñnyịn Yisọs Krais. 2Ato ke anye ñnyịn imidʌk ke mbuọdidem, inie mfọn a-ñnyịn isọọñọke ida idahami. Ndin ñnyịn iminam inua ke idodanyen ke ubọọñ Abasi. 3Idooho ado ikpọọñ, ado ñnyịn ñko imikop idadesịd ke ukuud ñnyịn, sia ñnyịn imidiọọñọ ke ukuud aben ime adi. 4Ime anọ eti uduud, ndin eti uduud anọ idodanyen. 5Ñko idodanyen isịnne ñnyịn ke abuud, sia Abasi a-anwañña ima amọ asịn ke esịd ñnyịn, ato ke Adisana Sịbidịd a-anye inọọhọ ñnyịn.
6Ndufo emekịt ke adikem ini, ke ini ñnyịn imiikinieghe inweek, Krais amaakpa anọ mbon i-imiidiọọñọke Abasi. 7A-asọñ eti-eti awo adikpa nnọọ adinen awo, ñkọm a-adooho ke iwuod eti awo, awo akeme idomo adikpa. 8Ado Abasi i-iwọt ñnyịn ima amọ sia naña ñnyịn ikisʌkkọ ido mme anam idiọọkñkpọ, Krais amaakpa inọ ñnyịn.
9Sia emaekinam ñnyịn inie unen ato ke iyiib amọ, anye ñko ayainyaaña ñnyịn asio ke ifiobesịd Abasi! 10Sia adieke adooho ke ini ñnyịn ikikappa ido asua ye Abasi, ekenam emem ke ufọọd ñnyịn ye Abasi ato ke ntak ñkpa Ayịn amọ, kap se idahami ndin a-ñnyịn idooho keed ye anye, adinyaaña ñnyịn adiikpon die ito uwem amọ! 11Ikweeñeke ke ado, ñnyịn iduaak inua ke Abasi ato Abọọñ ñnyịn Yisọs Krais, a-anamma ñnyịn inie ewuana ye Abasi idahami.
Ñkpa Ato Adam, Uwem Ato Krais
12Ke ntoro, kpa naña idiọọkñkpọ aketo awo keed adʌk ederimbod, ñkpa anyʌñ ato idiọọkñkpọ, ke utọ usʌñ ami ñkpa amaasịm afịd awo, sia afịd awo emaenam idiọọkñkpọ.
13Ke adinekke ntañ, idiọọkñkpọ amaababa ke ederimbod, mbemiso enọ mbed, ado awo ibatta idiọọkñkpọ inọ awo ke ini mbed imiibaaha. 14Kpayeado, ñkpa amaakara tọọñọ ke ayio Adam tutu asịm ini Moses, anyʌñ adoro kpa mbon i-ikidiinamma idiọọkñkpọ ke adibiat mbed, naña Adam akenam, a-akedooho uwọdñkpọ awo a-adiidi.
15Ado enọ ami ibaaha nte adinam idiọọkñkpọ. Sia adieke uwak awo ekekpaññake eto ke awo keed adibiat ewʌhọ, adaña die ke mfọn Abasi ye enọ a-akesañake ye mfọn awo keed, a-adooho Yisọs Krais, akpefiọrọ asịm uwak awo! 16Mfen, awo ikemeke iben enọ Abasi ndomo ye utịb idiọọkñkpọ awo keed: Ubiireikpe akekeene idiọọkñkpọ keed ndin adat ubiomikpe adi, ado enọ ado akekeene mme uwak ndudue anyʌñ adat unen adi. 17Sia adieke atooho ke idiọọkñkpọ awo keed, ñkpa akara ato ke awo keed, die ndin ke afịd mbon se ibọ uwak mfọn Abasi ye enọ adinenido ediikara ke uwem ito awo keed ado, kpa Yisọs Krais.
18Ke ntoro, sia aketooho idiọọkñkpọ awo keed, ubiomikpe asịm afịd awo, ukem ado ñko ke utịb adinam etiido keed akedat utoppo ikpe ye uwem asọk afịd awo. 19Sia aketooho ke ntịdutọñ awo keed emaenam uwak awo edo mme anam ndiọiñkpọ, ntoro ñko ato ke nsuukiwuod awo keed, eyaenam uwak awo enen.
20Ekedat mbed edi nọ ndudue atọt. Ado naña idiọọkñkpọ atọt, ntoro ke mfọn adọdiọñ atọt, 21nọ ato do, kpa naña idiọọkñkpọ akekara ke ñkpa, mfọn ñko akpekara ato adinenido a-adiidat nsi-nsi uwem a-atooho Yisọs Krais Abọọñ ñnyịn idi.
Chwazi Kounye ya:
Ñwed Mbon Rom 5: ICB
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Ñwed Mbon Rom 5
5
Emem ye Idodanyen
1Do ndin, sia emaekenam ñnyịn inen ato ke mbuọdidem, ñnyịn iminie emem ye Abasi ato ke Abọọñ ñnyịn Yisọs Krais. 2Ato ke anye ñnyịn imidʌk ke mbuọdidem, inie mfọn a-ñnyịn isọọñọke ida idahami. Ndin ñnyịn iminam inua ke idodanyen ke ubọọñ Abasi. 3Idooho ado ikpọọñ, ado ñnyịn ñko imikop idadesịd ke ukuud ñnyịn, sia ñnyịn imidiọọñọ ke ukuud aben ime adi. 4Ime anọ eti uduud, ndin eti uduud anọ idodanyen. 5Ñko idodanyen isịnne ñnyịn ke abuud, sia Abasi a-anwañña ima amọ asịn ke esịd ñnyịn, ato ke Adisana Sịbidịd a-anye inọọhọ ñnyịn.
6Ndufo emekịt ke adikem ini, ke ini ñnyịn imiikinieghe inweek, Krais amaakpa anọ mbon i-imiidiọọñọke Abasi. 7A-asọñ eti-eti awo adikpa nnọọ adinen awo, ñkọm a-adooho ke iwuod eti awo, awo akeme idomo adikpa. 8Ado Abasi i-iwọt ñnyịn ima amọ sia naña ñnyịn ikisʌkkọ ido mme anam idiọọkñkpọ, Krais amaakpa inọ ñnyịn.
9Sia emaekinam ñnyịn inie unen ato ke iyiib amọ, anye ñko ayainyaaña ñnyịn asio ke ifiobesịd Abasi! 10Sia adieke adooho ke ini ñnyịn ikikappa ido asua ye Abasi, ekenam emem ke ufọọd ñnyịn ye Abasi ato ke ntak ñkpa Ayịn amọ, kap se idahami ndin a-ñnyịn idooho keed ye anye, adinyaaña ñnyịn adiikpon die ito uwem amọ! 11Ikweeñeke ke ado, ñnyịn iduaak inua ke Abasi ato Abọọñ ñnyịn Yisọs Krais, a-anamma ñnyịn inie ewuana ye Abasi idahami.
Ñkpa Ato Adam, Uwem Ato Krais
12Ke ntoro, kpa naña idiọọkñkpọ aketo awo keed adʌk ederimbod, ñkpa anyʌñ ato idiọọkñkpọ, ke utọ usʌñ ami ñkpa amaasịm afịd awo, sia afịd awo emaenam idiọọkñkpọ.
13Ke adinekke ntañ, idiọọkñkpọ amaababa ke ederimbod, mbemiso enọ mbed, ado awo ibatta idiọọkñkpọ inọ awo ke ini mbed imiibaaha. 14Kpayeado, ñkpa amaakara tọọñọ ke ayio Adam tutu asịm ini Moses, anyʌñ adoro kpa mbon i-ikidiinamma idiọọkñkpọ ke adibiat mbed, naña Adam akenam, a-akedooho uwọdñkpọ awo a-adiidi.
15Ado enọ ami ibaaha nte adinam idiọọkñkpọ. Sia adieke uwak awo ekekpaññake eto ke awo keed adibiat ewʌhọ, adaña die ke mfọn Abasi ye enọ a-akesañake ye mfọn awo keed, a-adooho Yisọs Krais, akpefiọrọ asịm uwak awo! 16Mfen, awo ikemeke iben enọ Abasi ndomo ye utịb idiọọkñkpọ awo keed: Ubiireikpe akekeene idiọọkñkpọ keed ndin adat ubiomikpe adi, ado enọ ado akekeene mme uwak ndudue anyʌñ adat unen adi. 17Sia adieke atooho ke idiọọkñkpọ awo keed, ñkpa akara ato ke awo keed, die ndin ke afịd mbon se ibọ uwak mfọn Abasi ye enọ adinenido ediikara ke uwem ito awo keed ado, kpa Yisọs Krais.
18Ke ntoro, sia aketooho idiọọkñkpọ awo keed, ubiomikpe asịm afịd awo, ukem ado ñko ke utịb adinam etiido keed akedat utoppo ikpe ye uwem asọk afịd awo. 19Sia aketooho ke ntịdutọñ awo keed emaenam uwak awo edo mme anam ndiọiñkpọ, ntoro ñko ato ke nsuukiwuod awo keed, eyaenam uwak awo enen.
20Ekedat mbed edi nọ ndudue atọt. Ado naña idiọọkñkpọ atọt, ntoro ke mfọn adọdiọñ atọt, 21nọ ato do, kpa naña idiọọkñkpọ akekara ke ñkpa, mfọn ñko akpekara ato adinenido a-adiidat nsi-nsi uwem a-atooho Yisọs Krais Abọọñ ñnyịn idi.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.