Ñwed Mbon Rom 4
4
Ebraham Akenen Ato Mbuọdidem
1Nsoo ndin ke ñnyịn idiibo, ke Ebraham, akpa ete ñnyịn ke ikpọkidem, akeyaara abaña ñkpọ ami? 2Akpedo, ke akpanikọ, ekenam Ebraham anen ye Abasi ato utom amọ, anye amaanie ñkpọ se anye akpedat awọk inua, ado idooho ke iso Abasi. 3Nsoo ke ikọ Abasi atañ? “Ebraham amaanịm Abasi ke akpanikọ, ndin emaebat enọ anye nte adinenido.”
4Ke aditʌm ntañ, awo amaanam utom, awo ibatta akʌkutom amọ inọ anye nte enọ, ado edat nte unen amọ. 5Ñko, awo a-mmiinamma utom, ado anịm Abasi a-atoppoke mme andidue ikpe ke akpanikọ, ebat mbuọdidem ammọ nte adinenido. 6Ukem-ukem ami ke Defid abo idaha a-anye atañña abaña adidiọñ awo a-Abasi adatta nte adinenido ke esioho mme utom efep:
7“Afọfọn anọ mbon
e-efeene mme ukwañido ammọ,
e-enyʌññọ efʌk mme ndiọiñkpọ ammọ.
8Afọfọn anọ awo
a-Abọọñ imiidibatta idiọọkñkpọ amọ inọ anye.”
9Nte adidiọñ ami ana anọ mbon e-efọọrọke edʌd ikpọọñ, me ana anọ mbon i-imiifọọrọke edʌd ñko? Ñnyịn isʌk ibo ke emaebat mbuọdidem Ebraham enọ anye nte adinenido. 10Ke nsoo ntak ke ekebat enọ anye? Me ke emaekefọọrọ anye edʌd me mbemiso ekefọọrọ anye edʌd? Ikidooho ke emaekefọọrọ anye edʌd; akedo mbemiso! 11Anye akebọ ufọọrọ edʌd nte idiọọñọ ye adisọọñọ adinenido a-anye amaakenenie ke mbuọdidem ke ini awo imiikifọọrọke anye edʌd. Ke ntak ado, anye ñko ado ete afịd mme andinịm ke akpanikọ, akpesʌkado a-awo imiikifọọrọke ammọ edʌd nọ ato do ebat adinenido enọ ammọ. 12Ndin anye ñko anyʌñ ado ete mbon e-emaekefọọrọ edʌd; idooho ado ikpọọñ, ado ado ete ñko anọ mbon e-esañake ke ñkpad isañ mme andinie mbuọdidem e-ete ñnyịn Ebraham akenieghe mbemiso ekefọọrọ anye edʌd.
13Ikitooho ke mbed ke Ebraham ye mme nditọ amọ ekebọọ ikọ enwọñọ ete ke anye adiido adiaakpa ederimbod, ado ato adinenido a-asañake ke mbuọdidem. 14Sia adieke mbon e-edotto anyen ke mbed edoññoke mme adiaakpa, mbuọdidem inieghe ufọn, ado ikpu-ikpu, ñko enwọñọ iwuọñọke ñkpọ. 15Sia mbed adat ifiobesịd adi. Ndin, itie nte mbed imiibaaha ubiad mbed ñko ibaaha.
16Ke ntak ami, enwọñọ asaña ye mbuọdidem nọ ato ke mfọn anyʌñ ana anọ nditọ Ebraham, inaaha inọ mbon e-enịmme mbed ikpọọñ, ado ana ñko anọ mbon e-enieghe mbuọdidem Ebraham. Sia Ebraham ado ete afịd ñnyịn. 17Kpa naña ewet: “Ami mmenam afo ado ete uwak mme idịd.” Anye ado ete ñnyịn ke iso Abasi, a-anye akenịmme ke akpanikọ, Abasi a-anọọhọ mme akpañkpa uwem anyʌñ akoot asịn ke uwem mme ñkpọ i-imiikibaaha.
18Ke ini idodanyen imiikibaaha, Ebraham ke idodanyen amaanịm anyʌñ akappa ado ete uwak mme idịd, kpa naña emaeketañ enọ anye ebo, “Ntoro ke ubon mfo adiiba.” 19Ke unana adinam mbuọdidem amọ amem, amaanwaña Ebraham nte ke ikpọkidem amọ akeba nte ikpọkidem amaakekpa, sia anye akedo ñkpọ nte awo isua ikie, ndin idịb Sera amaanyʌñ akpa. 20Kpayeado anye ikiyịkke enwọñọ Abasi ito ke unana adinịm ke akpanikọ, ado amaasọọñọ ada ke mbuọdidem amọ anyʌñ anọ Abasi ubọọñ. 21Anye amaanekke anịm ke esịd amọ ate ke Abasi a-anie adudu adinam se anye akenwọñọ. 22Ami ado ntak “ekebatta enọ anye nte adinenido.” 23Mme ikọ e-ebooho, “ekebatta enọ anye” idooho anye ikpọọñ ke ekewet enọ, 24ado ñnyịn ñko, a-Abasi adiibat adinenido inọ, ñnyịn i-inịmme ke akpanikọ ke anye akenam Abọọñ ñnyịn Yisọs aset ke ñkpa. 25Ekeyaak anye enọ ñkpa ke ntak idiọọkñkpọ ñnyịn enyʌñ enam anye aset ke ñkpa adʌk uwem ke adinam ñnyịn inen ye Abasi.
Chwazi Kounye ya:
Ñwed Mbon Rom 4: ICB
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Ñwed Mbon Rom 4
4
Ebraham Akenen Ato Mbuọdidem
1Nsoo ndin ke ñnyịn idiibo, ke Ebraham, akpa ete ñnyịn ke ikpọkidem, akeyaara abaña ñkpọ ami? 2Akpedo, ke akpanikọ, ekenam Ebraham anen ye Abasi ato utom amọ, anye amaanie ñkpọ se anye akpedat awọk inua, ado idooho ke iso Abasi. 3Nsoo ke ikọ Abasi atañ? “Ebraham amaanịm Abasi ke akpanikọ, ndin emaebat enọ anye nte adinenido.”
4Ke aditʌm ntañ, awo amaanam utom, awo ibatta akʌkutom amọ inọ anye nte enọ, ado edat nte unen amọ. 5Ñko, awo a-mmiinamma utom, ado anịm Abasi a-atoppoke mme andidue ikpe ke akpanikọ, ebat mbuọdidem ammọ nte adinenido. 6Ukem-ukem ami ke Defid abo idaha a-anye atañña abaña adidiọñ awo a-Abasi adatta nte adinenido ke esioho mme utom efep:
7“Afọfọn anọ mbon
e-efeene mme ukwañido ammọ,
e-enyʌññọ efʌk mme ndiọiñkpọ ammọ.
8Afọfọn anọ awo
a-Abọọñ imiidibatta idiọọkñkpọ amọ inọ anye.”
9Nte adidiọñ ami ana anọ mbon e-efọọrọke edʌd ikpọọñ, me ana anọ mbon i-imiifọọrọke edʌd ñko? Ñnyịn isʌk ibo ke emaebat mbuọdidem Ebraham enọ anye nte adinenido. 10Ke nsoo ntak ke ekebat enọ anye? Me ke emaekefọọrọ anye edʌd me mbemiso ekefọọrọ anye edʌd? Ikidooho ke emaekefọọrọ anye edʌd; akedo mbemiso! 11Anye akebọ ufọọrọ edʌd nte idiọọñọ ye adisọọñọ adinenido a-anye amaakenenie ke mbuọdidem ke ini awo imiikifọọrọke anye edʌd. Ke ntak ado, anye ñko ado ete afịd mme andinịm ke akpanikọ, akpesʌkado a-awo imiikifọọrọke ammọ edʌd nọ ato do ebat adinenido enọ ammọ. 12Ndin anye ñko anyʌñ ado ete mbon e-emaekefọọrọ edʌd; idooho ado ikpọọñ, ado ado ete ñko anọ mbon e-esañake ke ñkpad isañ mme andinie mbuọdidem e-ete ñnyịn Ebraham akenieghe mbemiso ekefọọrọ anye edʌd.
13Ikitooho ke mbed ke Ebraham ye mme nditọ amọ ekebọọ ikọ enwọñọ ete ke anye adiido adiaakpa ederimbod, ado ato adinenido a-asañake ke mbuọdidem. 14Sia adieke mbon e-edotto anyen ke mbed edoññoke mme adiaakpa, mbuọdidem inieghe ufọn, ado ikpu-ikpu, ñko enwọñọ iwuọñọke ñkpọ. 15Sia mbed adat ifiobesịd adi. Ndin, itie nte mbed imiibaaha ubiad mbed ñko ibaaha.
16Ke ntak ami, enwọñọ asaña ye mbuọdidem nọ ato ke mfọn anyʌñ ana anọ nditọ Ebraham, inaaha inọ mbon e-enịmme mbed ikpọọñ, ado ana ñko anọ mbon e-enieghe mbuọdidem Ebraham. Sia Ebraham ado ete afịd ñnyịn. 17Kpa naña ewet: “Ami mmenam afo ado ete uwak mme idịd.” Anye ado ete ñnyịn ke iso Abasi, a-anye akenịmme ke akpanikọ, Abasi a-anọọhọ mme akpañkpa uwem anyʌñ akoot asịn ke uwem mme ñkpọ i-imiikibaaha.
18Ke ini idodanyen imiikibaaha, Ebraham ke idodanyen amaanịm anyʌñ akappa ado ete uwak mme idịd, kpa naña emaeketañ enọ anye ebo, “Ntoro ke ubon mfo adiiba.” 19Ke unana adinam mbuọdidem amọ amem, amaanwaña Ebraham nte ke ikpọkidem amọ akeba nte ikpọkidem amaakekpa, sia anye akedo ñkpọ nte awo isua ikie, ndin idịb Sera amaanyʌñ akpa. 20Kpayeado anye ikiyịkke enwọñọ Abasi ito ke unana adinịm ke akpanikọ, ado amaasọọñọ ada ke mbuọdidem amọ anyʌñ anọ Abasi ubọọñ. 21Anye amaanekke anịm ke esịd amọ ate ke Abasi a-anie adudu adinam se anye akenwọñọ. 22Ami ado ntak “ekebatta enọ anye nte adinenido.” 23Mme ikọ e-ebooho, “ekebatta enọ anye” idooho anye ikpọọñ ke ekewet enọ, 24ado ñnyịn ñko, a-Abasi adiibat adinenido inọ, ñnyịn i-inịmme ke akpanikọ ke anye akenam Abọọñ ñnyịn Yisọs aset ke ñkpa. 25Ekeyaak anye enọ ñkpa ke ntak idiọọkñkpọ ñnyịn enyʌñ enam anye aset ke ñkpa adʌk uwem ke adinam ñnyịn inen ye Abasi.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.