2 Tesalonika 1
1
1Mi Pɔɔl ale ŋmarisi gbaŋka de ayen mi ale Silas ale Timoti a puusi nama baai ale a va Yeezu Tesalonika tɛŋka po la. Ti Kowa Wen ale ti Nyɔnɔwa Yeezu Kirisita ale soa ni. 2Bala ale ba a niak ni abe ba basi ate ni boro ale suiyɔgni.
3Ti suata, daa meena ku a fɛ kama ayen ti a te Wen jiam ni nyiŋ. Ku be magsi kama ayen ti a nye dila, dii nyiŋla ni siaka a kasim a zuak ka nna yegayega ate ni yaalika ale chaab mɛ a zuak nna yegayega. 4Dila ale soa ate ti a weeni Yeezu ŋaaŋviirɔma jigi meena ate ti a cheŋ la ayen ti ta kanjanta ale ni kama. Dii nyiŋla nuruba nye kama ate ni a nya ninam nna yegayega alege ni diem yik nidek kama a ta siaka nalimnyiini ale Wen. 5Wieŋa de meena a sak kama ayen Wen buusaŋa ka wensie buusa. Ni be yik nidek nalimnyiini ni ninammu po diila, Wen le weeni kama ayen ni yaa magsi wa naam buui nyiŋ ate nuruba basi ate ni a nam la po joka kama. 6Wen wensie buusaŋa ale nna. Ti Nyɔnɔwa Yeezu Kirisita le nyini wenŋmazuk Wen jigi a siŋ a pai wadek a sak nuruba. Dila powa Wen yaa le basi ate ni namka ale tama namka a nueri ate ti nya vuusum. 7Wa le pai waalika a te nuru baai ale jam soa ate ni a nam la. Wa ale wa maarɔ pagrɔma ale maa chaab 8a jam ale bolim ŋiak.#1:8 Nyinika 3:2 Nya kude a dan nye Wen yaa le basi ate baai ale a zɛri Wen ale kan va wa wamaŋsaŋa ŋaai ale a biisi ti Naawenni Yeezu wie la, a nya waalika. 9Wen le yeeri ba wa boka jigini ale wa zuli pagrika jigini ate ba nya ninam buui ale kan ta kpeglimka la.#1:9 Azaya 2:10, 19, 21 10Wieŋa de le nye ka da dii danni ate ti Naawenni ayen wa ŋman pilim jam la. Baai meena ate wa lueri ate ba ta siaka ale wa la, le te wa ka zula nna yegayega abe ba nya wa ase nuru kperikaliik la. Nama mɛ le jam bo ka ba po a te wa zula dii nyiŋla, ni ta siaka ale Wen wamaŋsa ŋaai ate ti jam sak ni la kama.
11Dila ale soa ate daa meena ti a puusi Wen ayen wa gomsi ni a magsi nye bo kaai choa ate wa wi ni ayen ni boro la. Ti a puusi mɛ a te wa kama ayen wa le pai wa pagrimu a nye ate ni popola ŋaai ate ni a poli ayen ni chim nuru maŋsa la, ale ni siak kaai ale a basi ate ni a tom tuimaŋsa la meena a ŋmasi chim wensie nalimnyiini. 12Suik kula po ti Nyɔnɔwa Yeezu Kirisita yuei le nya zula nama nyiŋ ate nama mɛ a nya zula wa nyiŋ. Nya kude ale nye kama dii nyiŋla, ti Wen ale ti Nyɔnɔwa Yeezu Kirisita a ta ŋmanteka ale ni kama.
Chwazi Kounye ya:
2 Tesalonika 1: BWU
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2023, Ghana Institute of Linguistics, Literacy and Bible Translation
2 Tesalonika 1
1
1Mi Pɔɔl ale ŋmarisi gbaŋka de ayen mi ale Silas ale Timoti a puusi nama baai ale a va Yeezu Tesalonika tɛŋka po la. Ti Kowa Wen ale ti Nyɔnɔwa Yeezu Kirisita ale soa ni. 2Bala ale ba a niak ni abe ba basi ate ni boro ale suiyɔgni.
3Ti suata, daa meena ku a fɛ kama ayen ti a te Wen jiam ni nyiŋ. Ku be magsi kama ayen ti a nye dila, dii nyiŋla ni siaka a kasim a zuak ka nna yegayega ate ni yaalika ale chaab mɛ a zuak nna yegayega. 4Dila ale soa ate ti a weeni Yeezu ŋaaŋviirɔma jigi meena ate ti a cheŋ la ayen ti ta kanjanta ale ni kama. Dii nyiŋla nuruba nye kama ate ni a nya ninam nna yegayega alege ni diem yik nidek kama a ta siaka nalimnyiini ale Wen. 5Wieŋa de meena a sak kama ayen Wen buusaŋa ka wensie buusa. Ni be yik nidek nalimnyiini ni ninammu po diila, Wen le weeni kama ayen ni yaa magsi wa naam buui nyiŋ ate nuruba basi ate ni a nam la po joka kama. 6Wen wensie buusaŋa ale nna. Ti Nyɔnɔwa Yeezu Kirisita le nyini wenŋmazuk Wen jigi a siŋ a pai wadek a sak nuruba. Dila powa Wen yaa le basi ate ni namka ale tama namka a nueri ate ti nya vuusum. 7Wa le pai waalika a te nuru baai ale jam soa ate ni a nam la. Wa ale wa maarɔ pagrɔma ale maa chaab 8a jam ale bolim ŋiak.#1:8 Nyinika 3:2 Nya kude a dan nye Wen yaa le basi ate baai ale a zɛri Wen ale kan va wa wamaŋsaŋa ŋaai ale a biisi ti Naawenni Yeezu wie la, a nya waalika. 9Wen le yeeri ba wa boka jigini ale wa zuli pagrika jigini ate ba nya ninam buui ale kan ta kpeglimka la.#1:9 Azaya 2:10, 19, 21 10Wieŋa de le nye ka da dii danni ate ti Naawenni ayen wa ŋman pilim jam la. Baai meena ate wa lueri ate ba ta siaka ale wa la, le te wa ka zula nna yegayega abe ba nya wa ase nuru kperikaliik la. Nama mɛ le jam bo ka ba po a te wa zula dii nyiŋla, ni ta siaka ale Wen wamaŋsa ŋaai ate ti jam sak ni la kama.
11Dila ale soa ate daa meena ti a puusi Wen ayen wa gomsi ni a magsi nye bo kaai choa ate wa wi ni ayen ni boro la. Ti a puusi mɛ a te wa kama ayen wa le pai wa pagrimu a nye ate ni popola ŋaai ate ni a poli ayen ni chim nuru maŋsa la, ale ni siak kaai ale a basi ate ni a tom tuimaŋsa la meena a ŋmasi chim wensie nalimnyiini. 12Suik kula po ti Nyɔnɔwa Yeezu Kirisita yuei le nya zula nama nyiŋ ate nama mɛ a nya zula wa nyiŋ. Nya kude ale nye kama dii nyiŋla, ti Wen ale ti Nyɔnɔwa Yeezu Kirisita a ta ŋmanteka ale ni kama.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2023, Ghana Institute of Linguistics, Literacy and Bible Translation