1 Tesalonika 5
5
1Ti suata, ku an magsi ayen ti ŋmarisi a weeni ni diipo ate wieŋa de meena le nye la, 2dii nyiŋla, nama dek seba chak kama ayen dai dii ate ti Naawenni le ŋman pilim jam la, ku le nye ase ka zue ale a jam yɔk diila. 3Da dila danni nuruba le weeni ayen nyiŋyɔgsa ale jaabuuri meena a magsi kama, ate ba kan chali yɔgsum ale jaab jaaboa alege, kaasuŋ le deri jam cha ba kama nna yegayega. Danni le deri jam kama ase nipok puuk ale kan seba diipo ate puuka le dom la. Ba wanyi mɛ la a kan nyini kaasuŋku de po a nyini. 4Alege nama ti suataŋa a seba Yeezu ale wa ŋman pilim jam la kama, dila ale soa ate ku kan cha ni ase zue jamka ale a cha ni diila. 5Dii nyiŋla, tama meena ka daa legi po, ti bo ka kantueŋ po. 6Dila nyiŋla, ku an magsi ayen ti dua a goa ase baai ale kan seba Yeezu ate ba dua a goa diila. Ni basi ate ti yiti wenzuk a zaani abe ti kaa a diini. 7Dii nyiŋla, tama meena ka legi po, ti bo ka kantueŋ po. Nuru baai ale a goa la, a goa ka yɔk, baai mɛ ale a nyu daam a buk la, a nyu a buk ka yɔk. 8Alege tama ka nuru baai ale a tom ti tuimaŋa kantueŋ la. Dila nyiŋla, ni basi ate ti yik tidek. Ase tugurik tɔŋdɔba ale a gomsi badek a cheŋ kpaliŋ po diila, ku a fɛ kama ayen ti gomsi tidek ale siaka nalimnyiini ale yaalika, abe ti ta yiila ayen Wen le vari ti a basi. 9Wen an lueri ti ayen ka wa bo buusa a mini ti, alege wa lueri ti kama ayen wa vari ti tuimbaata po a basi. Wa va ka ti Nyɔnɔwa Yeezu Kirisita nyiŋ ayen wa nye dila a te ti. 10Yeezu kpi ka tama nyiŋ, ayen wa dan ŋman pilim jam, tama meena baai ale diem vua la, yaase baai ale kpi la, tama ale bala meena le ta ka nyuvuri a bo ale wa. 11Dila nyiŋ ni be a te chaab nyiŋbiiri abe ni a maari chaab ate ni siaka a pagra ase ni ale a nye dii pooma la.
12Ti suata, ti a saalim ni ayen ni a zuli nuru baai ate ti Naawenni a lueri ayen ba chim ni kpaga a tom nalimnyiini a te ni abe ba a kaam ni la. 13Ni a te ba zula yegayega abe ni a yaali ba tuimaŋa ate ba a tom la nyiŋ. Ni ta nɔiyeŋ ale chaab mɛ. 14Ti suata, ti a weeni ni kama ayen ni kaam nyiŋworuk nyama, abe ni a te baai ale a chali yɔgsum la nyiŋbiiri, abe ni a maari baai siaka ale kan soa diila, abe ni ta chichiiba ale nuru meena. 15Ni wanyi mɛ la kan tom tuimbaata a tuni tuimbaata. Ni pii nyiŋ ate ni kasim a tom tuimaŋsa nyiini a te chaab ale nuru meena. 16Ni ta suipeentik daa meena. 17Ni kasim a puusi diipo meena. 18Ni a te Wen jiam wari buuri meena ale a nye ni la. Dii nyiŋla Wen a pai nama ale Yeezu a gum ka chaab, dila abe ale soa ate Wen a yaali ayen ni a nye dila. 19Ni kan a kasi Wen Chiika tuimaŋa. 20Ni kan zɛri biisiteerɔma ale a biisi diila. 21Ni chamsi wari meena a nya. Ni yik dii ale nala la. 22Ni zɛri biem buuri meena.
23Mi a puusi a te ka Wen dii ale a basi ate ti a boro ale suiyɔgni la, ayen wa le basi ate ni chim nuru weleŋsa wie meena po, abe wa nya ni chiisaŋa ale ni nyiŋsaŋa zuk ate ni kan ta kaasuŋŋoa diipo ate ti Nyɔnɔwa Yeezu Kirisita a ŋman pilim cheena la. 24Wen dii ale wi ni ayen ni jam wa jigi la, le nye dii ate mi a juisi wa la a te ni dii nyiŋla, wa ka wensie nyɔnɔ.
25Ti suata, ni a puusi Wen a te ti meena, 26abe ni puusi ti suataŋa meena nalimnyiini. 27Mi, Pɔɔl ta ka ti Naawenni pagrimu ate mi a weeni ni ayen ni karim gbaŋka de a sak Yeezu ŋaaŋviirɔma meena baai ale bo dula la.
28Ti Nyɔnɔwa Yeezu Kirisita ŋmanteka bo ale ni.
Chwazi Kounye ya:
1 Tesalonika 5: BWU
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2023, Ghana Institute of Linguistics, Literacy and Bible Translation
1 Tesalonika 5
5
1Ti suata, ku an magsi ayen ti ŋmarisi a weeni ni diipo ate wieŋa de meena le nye la, 2dii nyiŋla, nama dek seba chak kama ayen dai dii ate ti Naawenni le ŋman pilim jam la, ku le nye ase ka zue ale a jam yɔk diila. 3Da dila danni nuruba le weeni ayen nyiŋyɔgsa ale jaabuuri meena a magsi kama, ate ba kan chali yɔgsum ale jaab jaaboa alege, kaasuŋ le deri jam cha ba kama nna yegayega. Danni le deri jam kama ase nipok puuk ale kan seba diipo ate puuka le dom la. Ba wanyi mɛ la a kan nyini kaasuŋku de po a nyini. 4Alege nama ti suataŋa a seba Yeezu ale wa ŋman pilim jam la kama, dila ale soa ate ku kan cha ni ase zue jamka ale a cha ni diila. 5Dii nyiŋla, tama meena ka daa legi po, ti bo ka kantueŋ po. 6Dila nyiŋla, ku an magsi ayen ti dua a goa ase baai ale kan seba Yeezu ate ba dua a goa diila. Ni basi ate ti yiti wenzuk a zaani abe ti kaa a diini. 7Dii nyiŋla, tama meena ka legi po, ti bo ka kantueŋ po. Nuru baai ale a goa la, a goa ka yɔk, baai mɛ ale a nyu daam a buk la, a nyu a buk ka yɔk. 8Alege tama ka nuru baai ale a tom ti tuimaŋa kantueŋ la. Dila nyiŋla, ni basi ate ti yik tidek. Ase tugurik tɔŋdɔba ale a gomsi badek a cheŋ kpaliŋ po diila, ku a fɛ kama ayen ti gomsi tidek ale siaka nalimnyiini ale yaalika, abe ti ta yiila ayen Wen le vari ti a basi. 9Wen an lueri ti ayen ka wa bo buusa a mini ti, alege wa lueri ti kama ayen wa vari ti tuimbaata po a basi. Wa va ka ti Nyɔnɔwa Yeezu Kirisita nyiŋ ayen wa nye dila a te ti. 10Yeezu kpi ka tama nyiŋ, ayen wa dan ŋman pilim jam, tama meena baai ale diem vua la, yaase baai ale kpi la, tama ale bala meena le ta ka nyuvuri a bo ale wa. 11Dila nyiŋ ni be a te chaab nyiŋbiiri abe ni a maari chaab ate ni siaka a pagra ase ni ale a nye dii pooma la.
12Ti suata, ti a saalim ni ayen ni a zuli nuru baai ate ti Naawenni a lueri ayen ba chim ni kpaga a tom nalimnyiini a te ni abe ba a kaam ni la. 13Ni a te ba zula yegayega abe ni a yaali ba tuimaŋa ate ba a tom la nyiŋ. Ni ta nɔiyeŋ ale chaab mɛ. 14Ti suata, ti a weeni ni kama ayen ni kaam nyiŋworuk nyama, abe ni a te baai ale a chali yɔgsum la nyiŋbiiri, abe ni a maari baai siaka ale kan soa diila, abe ni ta chichiiba ale nuru meena. 15Ni wanyi mɛ la kan tom tuimbaata a tuni tuimbaata. Ni pii nyiŋ ate ni kasim a tom tuimaŋsa nyiini a te chaab ale nuru meena. 16Ni ta suipeentik daa meena. 17Ni kasim a puusi diipo meena. 18Ni a te Wen jiam wari buuri meena ale a nye ni la. Dii nyiŋla Wen a pai nama ale Yeezu a gum ka chaab, dila abe ale soa ate Wen a yaali ayen ni a nye dila. 19Ni kan a kasi Wen Chiika tuimaŋa. 20Ni kan zɛri biisiteerɔma ale a biisi diila. 21Ni chamsi wari meena a nya. Ni yik dii ale nala la. 22Ni zɛri biem buuri meena.
23Mi a puusi a te ka Wen dii ale a basi ate ti a boro ale suiyɔgni la, ayen wa le basi ate ni chim nuru weleŋsa wie meena po, abe wa nya ni chiisaŋa ale ni nyiŋsaŋa zuk ate ni kan ta kaasuŋŋoa diipo ate ti Nyɔnɔwa Yeezu Kirisita a ŋman pilim cheena la. 24Wen dii ale wi ni ayen ni jam wa jigi la, le nye dii ate mi a juisi wa la a te ni dii nyiŋla, wa ka wensie nyɔnɔ.
25Ti suata, ni a puusi Wen a te ti meena, 26abe ni puusi ti suataŋa meena nalimnyiini. 27Mi, Pɔɔl ta ka ti Naawenni pagrimu ate mi a weeni ni ayen ni karim gbaŋka de a sak Yeezu ŋaaŋviirɔma meena baai ale bo dula la.
28Ti Nyɔnɔwa Yeezu Kirisita ŋmanteka bo ale ni.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2023, Ghana Institute of Linguistics, Literacy and Bible Translation