Misimna 1
1
Mi Kisimna
1Israel-te Egypt pana a paikhiat khit uh a kum nihna, a kha nihna a ni masa ni-in Sinai Sehnel gam-a Kikhopna Puanbuk ah TOPA in Moses a hopih hi. Amah in: 2 "Israel mipi bup a bawng’ le a innkuan zui-in simin, pasal peuhmah a min uh khat khit khat gual in. 3 Nang le Aaron in kum sawmnih pan a tungsiah, Israel-te khempeuh pasal paltan tum thei ding peuhmah amau kikhenna bangin na sim ding uh hi. 4 A beh, simin pasal khat ciat, a innkuan lutang pen ciat in nang hong huh ding uh hi. 5 Nang hong huh ding mite min hihte ahi hi:#Pk 30:11-16
Reuben panin, Shedeur tapa Elizur;#Kil 7:5
6 Simeon panin, Zurishaddai tapa Shelumiel;#Ms 25:14
7 Judah panin, Amminadab tapa Nahshon;#Pc 29:35
8 Issachar panin, Zuar tapa Nethanel;#Pc 30:18
9 Zebulun panin, Helon tapa Eliab;#Ms 10:16
10 Joseph tapate pan:
Ephraim panin, Ammihud tapa Elishama;#Ms 2:18
Manasseh panin, Pedahzur tapa Gamaliel;#Ms 10:23
11 Benjamin panin, Gideoni tapa Abidan;#Ms 10:24
12 Dan panin, Ammishaddai tapa Ahi-ezer;#Ms 2:25
13 Asher panin, Ocran tapa Pagiel;#Ms 2:27; 10:26
14 Gad panin, De-u-el tapa Eliasaph;#Ms 2:14; 10:20
15 Naphtali panin, Enan tapa Ahira," ahi hi.#Ms 2:29; 10:27
16 Hihte mihonpi pana kiseh pupa beh pana makaite ahi hi. Amaute Israel bawng’ lutangte ahi uh hi.
17 Moses le Aaron in a min kipiasate tonpih uh a, 18 a kha nihna a ni masa ni-in mihonpi bup a kikhawmsak uh hi. Tua mite in amau pupa bawng’ le innkuan zui-in ciamteh uh a kum sawmnih leh a tungsiah a min a banbanin a khum uh hi; 19 Tua pen TOPA in Moses a thupiak bang ahi hi. Tua hi-a Sinai Sehnel gamah tuaci-in mi khat khit khat a sim uh hi.#Ezr 2:59; Heb 7:3
20 Israel tapa upa pen Reuben suante panin:
Kum sawmnih pan a tungsiah paltan tum thei ding pasal khempeuh amau bawng’te le innkuante ciamtehna tawh kizui-in a min uh a kigual ahi hi. 21 Reuben beh panin mi 46,500 a pha hi.
22 Simeon suante panin:#Ms 26:12-14; Kil 7:7
Kum sawmnih pan a tungsiah paltan tum thei ding pasal khempeuh, amau bawng’te le innkuante ciamtehna tawh kizui-in kisima a min uh a kigual ahi hi. 23 Simeon beh panin mi 59,300 a pha hi.
24 Gad suante panin:
Kum sawmnih pan a tungsiah paltan tum thei ding pasal khempeuh, amau bawng’te le innkuante ciamtehna tawh kizui-in a min uh a kigual ahi hi. 25 Gad beh panin mi 45,650 a pha hi.
26 Judah suante panin:
Kum sawmnih pan a tungsiah paltan tum thei ding pasal khempeuh, amau bawng’te le innkuante ciamtehna tawh kizui-in a min uh a kigual ahi hi. 27 Judah beh panin mi 74,600 a pha hi.
28 Issachar suante panin:#Ms 26:23-25; Kil 7:7
Kum sawmnih pan a tungsiah paltan tum thei ding pasal khempeuh amau bawng’te le a innkuante ciamtehna tawh kizui-in a min uh a kigual ahi hi. 29 Issachar beh panin mi 54,400 a pha hi.
30 Zebulun suante panin:#Ms 26:26-27; Kil 7:8
Kum sawmnih pan a tungsiah paltan tum thei ding pasal khempeuh amau bawng’te le innkuante ciamtehna tawh kizui-in a min uh a kigual ahi hi. 31 Zebulun beh panin mi 57,400 a pha hi.
32 Joseph tapate pan:
Ephraim suante panin:
Kum sawmnih pan a tungsiah paltan tum thei ding pasal khempeuh amau bawng’te le innkuante ciamtehna tawh kizui-in a min uh a kigual ahi hi. 33 Ephraim beh panin mi 40,500 a pha hi.
34 Manasseh suante panin:#Ms 26:28-34; Kil 7:6
Kum sawmnih pan a tungsiah paltan tum thei ding pasal khempeuh, amau bawng’te le innkuante ciamtehna tawh kizui-in a min uh a kigual ahi hi. 35 Manasseh beh panin mi 32,200 a pha hi.
36 Benjamin suante panin:#Ms 26:38-41; Kil 7:8
Kum sawmnih pan a tungsiah paltan tum thei ding pasal khempeuh, amau bawng’te le innkuante ciamtehna tawh kizui-in a min uh a kigual ahi hi. 37 Benjamin beh panin mi 35,400 a pha hi.
38 Dan suante panin:
Kum sawmnih pan a tungsiah paltan tum thei ding pasal khempeuh, amau bawng’te le innkuante ciamtehna tawh kizui-a a min uh a kigual ahi hi. 39 Dan beh panin mi 62,700 a pha hi.
40 Asher suante panin:
Kum sawmnih pan a tungsiah paltan tum thei ding pasal khempeuh, amau bawng’te le innkuante ciamtehna tawhzui-in a min uh a kigual ahi hi. 41 Asherbeh panin mi 41,500 a pha hi.
42 Naphtali suante panin:#Ms 26:48-50; Kil 7:6
Kum sawmnih pan a tungsiah paltan tum thei ding pasal khempeuh, amau bawng’te le innkuante ciamtehna tawh kizui-in a min uh a kigual ahi hi. 43 Naphtali beh panin mi 53,400 a pha hi.
44 Hih mite pen Moses Aaron le amau innkuan ciat tanga a sem Israel makai sawm le nihte misimna ahi hi. 45 Israel mi paltan tum thei ding khempeuh kum sawmnih pan a tungsiah a innkuan zui-a kisim ahi hi. 46 A vekpi-a kigawm mi 603,550 a pha hi.#Ms 2:32; 26:64
47 Tuate lakah Levi beh innkuan teng adangte tawh a kisim khawm kei hi. 48 TOPA in Moses tungah: 49 "Na misimna ah Israel dangte tawh Levi beh na simkhawm peuhmah kei ding hi. 50 Tua tangin, Levi-te Tecipanna biakbuk - a nazat khempeuh le tua tawh kisai na khempeuh uk dingin seh in. Amaute in biakbuk le a vanzat khempeuh a pua ding uh hi; amaute in cing ding uh a, a kimkot ah giahphual sat ding uh hi. 51 Biakbuk a kiphualsuan peuhpeuh ciangin Levi-te in phel ding uh a, biakbuk a kilam peuhpeuh ciangin Levi-te in a sem ding uh hi. Midang khatpeuh a kiangah a pai leh kithat ding hi. 52 Israel-te in a pawlpawlin a puanbukte uh lam ding uh a, amau satsa giahphual-a dialkhai nuai-ah a om tek ding uh hi. 53 Levi-te in ahileh Israel mipite tungah thangpaihna a tun loh nadingin biakbuk kimkot ah a puanbukte uh a lam ding uh hi. Levi-te in Tecipanna biakbuk kep ding tavuan a la ding uh hi," a ci hi.#Ms 2:33; 18:2-4
54 TOPA in Moses a thupiak bang tektekin Israel-te in hihte khempeuh a sem uh hi.
Chwazi Kounye ya:
Misimna 1: ZIV
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Copyright 1994 Myanmar Center for World Mission