Siampi Laibu 19
19
Thukham Tuamtuamte
1TOPA in Moses tungah, 2 "Israel mipi khempeuh hopih inla amaute tungah: ‘Keimah TOPA note Pasian siangtho ka hi manin note zong siangtho un.#Sp 11:44; 1Pe 1:16
3 "‘Note a kuamahpeuh in na nu na pate uh zahtakin ka Sabbath-te na tang ding uh hi. Keimah TOPA note Pasian ka hi hi.#Pk 20:12
4 "‘Milimte lamah nga kei un, ahikeh a kisung tawm pasiante bawltawm kei un. Keimah TOPA note Pasian ka hi hi.#Ph 96:5
5 "‘TOPA tungah kilawmtakna biakna b#19.5 Tang ngeina-in kilemna biakna na piak uh ciangin note tanga kisang thei dingin hih bang zia-in pia un. 6 Na piak ni uh ahikeh a zing ciangin kine khin ding hi; a ni thum ni dong a val lai a om leh pel loin kihaltum ding hi. 7 A ni thumni-in a kine a om leh a nin hi-a, a kisang kei ding hi. 8 A ne mi peuhmah in ama mawhna a khu ding hi, bang hang hiam cih leh amah in TOPA tungah a siangtho na a buahsak khin hi; tua mipa a mipihte panin a kikhenkhia pelmawh ding hi.#Sp 7:16-17
9 "‘Na leitang-uah an na lak uh ciangin lonawl cin dong la tektek kei unla a sangh zong khawm siang kei un. 10 Na lenggah lo ah a sangh khawm kei inla a nuaikiate zong tawm kei in. Mizawngte leh pemtate adingin tuate nusia in. Keimah TOPA note Pasian ka hi hi.#Tp 24:19-22
11 "‘Gu kei un.#Pk 20:15
"‘Zuau gen kei un.#Eph 4:25
"‘Khat le khat kikhem kei un.
12 "‘Amaan lopi-in kei min lo-in kiciam kei unla; note Pasian min daisak kei un. Keimah TOPA ka hi hi.#Pk 20:7
13 "‘Na vengte uh niambawlin mawksuh kei un.#Pk 22:15,25-27
"‘Nasem dinga na cialte thaman zan khat zong dekbawl kei un.#Tp 24:15
14 "‘Mittawte hamsiat kei un, ahikeh mittawpa suih khak dingin na khatpeuh koih kei un, na Pasian uh kihta zaw un. Keimah TOPA ka hi hi.#Tp 27:18
15 Thutang lehhei kei un; mizawngte khentuam kei un, ahikeh a haute angvan tuam kei un; na vengte uh thu a hoihin khensak zaw un.#Pk 23:2,6
16 "‘Na mipihte uh lakah mi gensia-in kawivak kei un.
"‘Na vengte uh nuntakna a beisak thei na bangmah sem kei un. Keimah TOPA ka hi hi.#Pk 23:7
17 "‘Na lungsim sunguah na sanggampa muhdah kei un. Na vengpa uh khialhna na khialhpih loh nadingun amah kiciantakin tai un.#Jn 2:9; Mt 18:15
18 "‘Na mipihte uh khatpeuh tungah phulaknopna ahikeh lungsima langneihna nei kei un, ahi hangin nomau na ki-it bangun na vengte uh it un. Keimah TOPA ka hi hi.#Mt 5:43
19 "‘Ka thukipte zui in,
"‘Ganhing a nam kibang lote ah bah kei un.
"‘Na lo lai-uah khaici nam nih cingkhawm kei un.
"‘Khau namnih kigankhawm puan silh kei un.#Tp 22:9,11
20 "‘Pasal khat in midang khat tawh kiciam khin napi a kitankhia nai loin a suakta nai lo a sila numei khat a luppih leh a kituak zah dan kipia ding hi. Thah ding ahi nai kei hi, bang hang hiam cih leh tuanu a kisuaktasak nai kei hi. 21 Bangbang ahi zongin tuapa in Kikhopna Puanbuk lutna-a TOPA tungah khialhna hanga biak nading tuutal khat a puak pelmawh ding hi. 22 Ama khialhna hanga biakna tuutal tawh a bawlsa a mawhna tangin, siampipa in TOPA mai-ah thoihdamna bawlsak dinga, tua ciangin ama mawhna kimaisak ding hi.#Sp 5:15
23 "‘Tua gamah lutin sing nam khat peuh na suan uh ciangin agah a kikham a#19.23 Hebrew in vunat loh in ngaihsun un. Kum thum sung a kikham b#19.23 Hebrew in vunat lohin na ngaihsun ding uh hi; tuate a kine peuhmah kei ding hi. 24 A kum lina kumin a siangtho hi dinga, TOPA mai-ah phatna-a biakna khat ahi hi. 25 Ahi hangin a kum ngana kumin a gah na ne thei ding uh hi. Hici bangin na khawhsate uh gah a khang ding hi. Keimah TOPA note Pasian ka hi hi.#Pn 3:9
26 "‘Sa khatpeuh a sunga sisan omlai pi-in ne kei un.#Sp 17:10
"‘Aisanna ahikeh bumna nasepin nei kei un.#Tp 18:10
27 "‘Note in na basam uh met kei un, ahikeh na khamul mongte uh zong na theu kei ding uh hi.#Sp 21:5
28 "‘Misite hangin na pumpi uh kuikek ahikeh na citung uh gialsak kei un. Keima TOPA ka hi hi.
29 "‘Na tanute uh kizuaksakin a vaang uh kiamsak kei un; tua hi kei leh tua gam kizuakna suak dinga gitlohna tawh a dim ding hi.
30 "‘Ka Sabbatth-te tang unla ka mun siangtho zahtak un. Keimah TOPA ka hi hi.#Sp 26:2
31 "‘Ai siamte zuan kei un, ahikeh dawi lawm zong kei un, ahang in, tuate-in na kibuahsak kha ding uh hi. Keimah TOPA note Pasian ka hi hi.#Sp 20:6; Isa 8:19
32 "‘A teekte mai-ah ding unla, a upazaw peuhmah zahtakna lakin, na Pasian uh zahtak un. Keimah TOPA ka hi hi.#Job 32:4; 1Ti 5;1
33 "‘Na gamuah pemta khatin nang hong belh ciangin amah bawlsia kei in. 34 No tawh a tengkhawm pemta khat, no tualsuakte khatmah bangin kibawl pelmawh ding hi. Nangmah na ki-it bangin amah it in; ahang in note zong Egypt ah pemta na hi uh hi. Keimah TOPA note Pasian ka hi hi.#tg 18; Pk 12:48; Tp 10:19
35 "‘A sau tehna, a gik khaina ahikeh a lian tehna na teh uh ciangin thumaan loin hih kei un. 36 Amaan-a tehna, a maan-a khaina ephah c#19.36 Ephah khat in phazah nei lo hi. maan le hin d#19.36 Hin khat a tui lamsang tehna hi. maan zang un. Keimah TOPA note Pasian Egypt pana hong paikhiatpihpa ka hi hi.
37 "‘Ka thukip khempeuh le ka thukham khempeuh zui-in tangun. Keimah TOPA ka hi hi, ci hi,’ ci un," a ci hi.#2Ku 17:37
Chwazi Kounye ya:
Siampi Laibu 19: ZIV
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Copyright 1994 Myanmar Center for World Mission