Sòm 5:1-6

(2) Koute sa m'ap di ou, Senyè! Tande jan m'ap plenn! (3) Se ou ki wa mwen, se ou ki Bondye mwen. Pran ka m, Senyè, lè m'ap rele ou! Se ou menm m'ap lapriyè, Senyè. (4) Chak maten ou tande vwa m. Kou solèy leve, mwen mete lapriyè m devan ou. M'ap tann ou reponn mwen. (5) Ou se yon Bondye ki pa pran plezi nan bagay ki mal. Ou pa tolere mechan yo bò kote ou. (6) Moun k'ap vante tèt yo pa ka kanpe devan ou. Ou pa vle wè moun k'ap fè mechanste. (7) Ou detwi tout moun k'ap bay manti. Ou pa ka sipòte moun k'ap touye moun, ni moun k'ap twonpe moun.