Mak 15:16-20

Sòlda yo mennen Jezi anndan bèl lakou a (sa vle di, nan kay kòmandan an). Yo rele tout rejiman sòlda yo vini. Yo mete yon gwo rad koulè wouj vyolèt sou Jezi. Yo trese yon kouwòn pikan, yo mete l nan tèt li. Epi yo pran salwe l konsa: — Bonjou, wa jwif yo! Yo ba l kou nan tèt avèk yon baton wozo. Yo krache sou li, yo mete ajenou, yo bese tèt yo devan li. Apre yo fin pase l nan betiz kont kò yo, yo wete gwo rad la. Yo mete rad pa l sou li ankò. Epi yo mennen l ale pou yo kloure l sou yon kwa.