Jòb 10:1-8

M degoute ak lavi a. M pa ka kenbe ankò. Kite m plenn sò mwen! Kite m di tout lapenn ki nan kè mwen! M'a di Bondye: Tanpri, pa kondannen m. Fè m konnen poukisa ou leve dèyè m konsa. Eske ou gen rezon pou ou fè m tou sa w'ap fè m lan, pou ou meprize sa ou fè ak men ou, pou ou ri lè mechan yo ap fè konfyolo yo? Eske ou wè sa k'ap fèt sou latè tankou nou menm moun nou wè l la? Lavi ou pa tankou lavi pa nou. Nou gen pou nou mouri, ou menm w'ap toujou la. W'ap chache dènye ti peche moun fè. Ou dèyè pou ou konnen tou sa mwen fè ki mal. Ou konnen m pa antò. Pa gen moun ki ka sove m anba men ou! Se ak men ou ou te fè m. Se avè l ou te ban m fòm mwen. Epi se ak menm men sa yo ou vle detwi m ankò?