Travay 4

4
Pyè ak Jan devan Gran Konsèy jwif yo
1Antan Pyè ak Jan t'ap pale ak pèp la, prèt yo, #4.1: prèt yo: Gen maniskri ki bay chèf prèt yo. kòmandan lagad #Lik 22.4,52 tanp lan ak sadiseyen yo vin rive. 2Yo #Tra 23.8 te fache anpil dèske apòt yo t'ap moutre pèp la anpil bagay, dèske yo t'ap anonse yo moun mouri kapab leve menm jan Jezi te leve sòti vivan nan lanmò. 3Yo #Tra 3.1 arete yo, yo mete yo nan prizon pou jouk nan denmen paske solèy te fin kouche. 4Men, #Tra 2.47 anpil moun ki te tande pawòl la te kwè. Lè sa a, te gen senkmil (5.000) moun konsa ki te kwè.
5Nan denmen, chèf jwif yo, chèf fanmi yo ak dirèktè lalwa yo sanble nan Jerizalèm. 6Ladan yo te gen: Àn, granprèt la, Kayif, Jan, Aleksann ansanm ak fanmi granprèt la. 7Yo #Mat 21.23 fè mennen apòt yo devan yo, epi yo mande yo:
— Kote n pran pouvwa pou fè bagay sa a? Ki moun ki ban nou dwa fè sa?
8#Mat 10.19,20 sa a, Pyè vin anba pouvwa Sentespri, li di yo:
— Mesye chèf pèp la ak chèf fanmi yo: 9Jòdi a y'ap poze nou kèsyon sou yon byen nou fè pou yon enfim, y'ap mande nou ki jan nonm sa a fè geri. 10Nou #Tra 3.6,13-16 tout ki la a ansanm ak tout pèp Izrayèl la, nou fèt pou nou konn sa: si nonm sa a kanpe devan nou tou gaya, se gremesi Jezikri, moun Nazarèt nou te kloure sou kwa a, men ki leve vivan sòti nan lanmò ak pouvwa Bondye. 11Se #Mat 21.42; Sòm 118.22 Jezi menm yo t'ap pale nan pawòl sa a ki ekri nan liv la:
Wòch nou te voye jete lè nou t'ap bati a,
se li menm ki tounen wòch ki kenbe kay la.
12Se #Mat 1.21 li menm sèl ki ka bay delivrans paske Bondye pa bay non okenn lòt moun sou latè ki kapab delivre nou.
13Manm Gran Konsèy yo te sezi anpil lè yo wè ki jan Pyè ak Jan te gen konviksyon nan sa yo t'ap di, paske yo te vin konnen mesye sa yo se moun ki sòti nan mas pèp la, ki pat resevwa okenn enstriksyon. Chèf yo te rekonèt yo tou pou moun ki te toujou avèk Jezi. 14Men, #Tra 3.8,9 yo pat jwenn anyen pou reponn yo paske nonm ki te geri a te kanpe la devan je yo bò kote Pyè ak Jan. 15Yo mande apòt yo pou yo sòti nan pyès kote Gran Konsèy la te reyini an, epi yo pran diskite bagay la yonn ak lòt.
16Yo #Jan 11.47 t'ap di konsa:
— Kisa pou n fè ak mesye sa yo? Paske, tout moun nan Jerizalèm konnen byen pwòp se yo ki te fè gwo mirak sa a. Nou pa ka di se pa vre. 17Men, #Tra 5.28 pou nouvèl la pa gaye plis nan pèp la, n'ap kraponnen yo, n'ap defann yo pale ak pèsonn nan non Jezi.
18Apre sa, yo fè rele apòt yo, yo pase yo lòd pou yo pa janm pale ni moutre pèp la anyen nan non Jezi.
19Men, #Tra 5.29 Pyè ak Jan reponn yo:
— Jije nou menm kisa ki pi bon devan Bondye: Obeyi nou osinon obeyi Bondye? 20Pou nou menm, nou pa kapab pa pale sa nou wè ak sa nou tande.
21Manm Gran Konsèy yo fè yo menas ankò. Apre sa, yo lage yo. Yo pa te kapab fè anyen paske, pou sa ki te rive a, tout pèp la t'ap di: Beniswa Letènèl! 22Nonm ki te geri gremesi mirak apòt yo te fè a te gen karantan pase.
Disip yo mande Bondye kouray
23Lage yo lage yo, Pyè ak Jan al jwenn gwoup zanmi yo, yo rakonte yo tou sa chèf prèt yo ak ansyen yo te di. 24#Egz 20.11; Sòm 146.6; Eza 37.16; Lik 2.29; Rev 6.10 disip yo tande sa, yo tout mete tèt ansanm pou lapriyè Bondye konsa:
— O Mèt, se ou menm ki fè syèl la, tè a, lanmè a ak tout sa ki ladan yo. 25Pa #Sòm 2.1,2 pouvwa Sentespri, se ou menm ki te pale nan bouch sèvitè ou, David, zansèt nou, lè l te di:
Poukisa moun lòt nasyon yo t'ap toumante kò yo konsa?
Poukisa pèp yo t'ap fè plan ki p'ap sèvi yo anyen konsa?
26Wa latè yo pran pozisyon,
chèf yo mete tèt yo ansanm
sou do Bondye ak sou do Moun li chwazi a!
27Se #Lik 23.12 sa menm ki rive nan lavil sa a lè Ewòd ak Pons Pilat mete tèt yo ansanm ak moun lòt nasyon yo ak tout moun pèp Izrayèl la sou do Jezi, sèvitè ki t'ap viv pou ou a, moun ou te chwazi a. 28Yo #Tra 2.23 fè tou sa ou menm, nan tout pouvwa ou ak pwòp volonte ou, ou te deside davans ki pou te fèt la. 29Kounyeya, Bondye, #Ef 6.19 gade ki jan y'ap fè nou menas. Bay sèvitè ou yo fòs pou yo ka fè konnen mesay ou a avèk konviksyon. 30Lonje men ou pou yo ka fè gerizon, mirak ak lòt bèl bagay nan non Jezi, sèvitè ki te viv pou ou a.
31#Tra 2.2,4 yo fin lapriyè, kote yo te ye a pran tranble. Yo tout te anba pouvwa Sentespri, epi yo pran anonse pawòl Bondye a avèk konviksyon.
Disip yo mete tout afè yo ansanm
32Tout #Tra 2.44 moun ki te kwè yo te fè yon sèl kò, yo te gen menm santiman yonn pou lòt, yo te gen yon sèl lide yonn anvè lòt. Pèsonn pat di byen li yo te pou tèt pa l ase, men tou sa yonn te genyen te pou tout moun. 33Se #Tra 2.47 avèk anpil pouvwa apot yo t'ap bay prèv kijan Bondye te resisite Jezi nan lanmò. Bondye menm te vide benediksyon li ankantite sou yo tout. 34Pèsonn #Tra 2.45 nan mitan yo pat nan nesesite. Sa ki te gen jaden, sa ki te gen kay, yo vann sa, yo pote lajan an 35renmèt apòt yo. Apre sa, yo te separe lajan an bay chak moun dapre nesesite yo. 36Se #Tra 11.22,24; 13.4; 15.39 konsa, te gen yon nonm yo rele Jozèf, yon moun Levi ki sòti lil Chip. Apòt yo te ba l yon ti non Banabas, ki te vle di: Nonm k'ap ankouraje a. 37Enben, li vann yon jaden li te genyen, li pote lajan an renmèt apòt yo.

Chwazi Kounye ya:

Travay 4: HAT98

Pati Souliye

Pataje

Kopye

None

Ou vle gen souliye ou yo sere sou tout aparèy ou yo? Enskri oswa konekte

YouVersion sèvi ak cookies pou pèsonalize eksperyans ou. Lè w sèvi ak sit entènèt nou an, ou aksepte itilizasyon cookies yo jan sa dekri nan Règleman sou enfòmasyon privenou an