Lizsij dih Gaihcij 36
36
Ranz Hijsauj dih lizsij
1Laj neix dwg ranz Hijsauj dih lizsij. (Hijsauj caemh dwg Hijdungh.)
2Hijsauj aeu song dah lwgsau dieg Gyahnamz ma guh yah. Meh he dwg Yaqdaq, dwg dah lwgsau Hijlwnz (Hijlwnz dwg Hwz cuz vunz he); meh he dwg Ahhozliqbahmaj, dwg dah lwgsau Yaqnaz, caemh dwg dahlan Giqbenq (Giqbenq dwg Hihveiq cuz vunz). 3Gajlaeng de caiq aeu Bahsizmaz, dah lwgsau Hijsizmajliq ma guh yah. Bahsizmaz caemh dwg dahnuengx Nizbaiqyoz. 4Yaqdaq seng Hijliqfaz hawj Hijsauj; Bahsizmaz seng Liuzwj hawj Hijsauj; 5Ahhozliqbahmaj seng Yeh'uhswh, Yajlanz caeuq Gojlah. Doenghheij lwg neix cungj dwg gij lwg Hijsauj, cungj dwg youq Gyahnamz seng he.
6Gajlaeng, Hijsauj daiq doenghheij lwg heij yah de caeuq ndaw ranz de sojmiz dih vunz hah, cwz hah, yiengz hah, doenghduz hah, caeuq sojmiz dih gyadangq, couh dwg youq dieg Gyahnamz soj ndaej soj miz hih, cungj buen bae daixlingh mwnq dieg, mbouj caeuq daegnuengx de Yajgoz doxcaeuq youq lo. 7Aenvih song ranz de gyadangq lai raixcaix, yiengz hah, cwz hah, mwnq dieg mwnq cungj mbouj gaeuq coengq, mbouj gaeuq gyoengqde youq, sojhij mbouj ndaej doxcaeuq youq. 8Yiengq Hijsauj couh buen bae Sih'wj, mwnq dieg bya he youq.
Hijsauj dih doengh daih gajlaeng
9Hijsauj couh dwg gij vunz Hijdungh youq Sih'wj dih cojgoeng. Laj neix dwg Hijsauj youq Sih'wj dih doengh daih gajlaeng de.
10-12Hijliqfaz dwg daeglwg Hijsauj caeuq Yaqdaq seng he. [11]Gyoengq lwg Hijliqfaz dwg Dizmanq, Ahmaz, Sijboh, Gyahdanj caeuq Gihnazswh. [12]Hijliqfaz caemh miz meh yahnoix he; de heuh Dingznaz. De seng miz Yaqmajliz. Gyoengq lwg neix cungj dwg gij lan Hijsauj caeuq mehyah de Yaqdaq.
[10b]Liuzwj dwg daeglwg Hijsauj caeuq Bahsizmaz seng he. 13Gyoengq lwg Liuzwj dwg Nazhah, Seqlah, Cahmaj caeuq Mijsaj. Seiq daeglwg neix couh dwg gij lan Bahsizmaz.
14Mehyah Hijsauj Ahhozliqbahmaj dwg dahlan Giqbenq, caemh dwg dah lwgsau Yaqnaz. Hijsauj caeuq de seng miz sam daeglwg: Yeh'uhswh, Yajlanz caeuq Gojlah.
15Laj neix couh dwg gij lwglan Hijsauj dih gak aen cuz dih cuzcangj.
Hijliqfaz dwg daeglwg daeuz Hijsauj. Gij lwg de faen miz Dizmanq, Ahmaz, Sijboh, Gihnazswh, 16Gojlah, Gyahdanj caeuq Yaqmajliz; gyoengq neix cungj dwg gak aen cuz dih cuzcangj. Cungj dwg youq dieg Hijdungh daj Hijliqfaz soj ok dih cuzcangj, caemh dwg doengh daih gajlaeng mehyah Hijsauj Yaqdaq he.
17Daeglwg Hijsauj Liuzwj dih gij lwg de faen miz Nazhah, Seqlah, Cahmaj caeuq Mijsaj. Gyoengq neix cungj dwg youq dieg Hijdungh daj Liuzwj soj faen okdaeuj dih cuzcangj, cungj dwg gij lan mehyah Hijsauj Bahsizmaz he.
18Gij lwg mehyah Hijsauj Ahhozliqbahmaj faen miz Yeh'uhswh, Yajlanz caeuq Gojlah. Gyoengq neix cungj dwg dajlwh mehyah Hijsauj Ahhozliqbahmaj faen okdaeuj dih cuzcangj. (Ahhozliqbahmaj couh dwg dahlwg Yaqnaz.)
19Gwnz neix sojmiz dih cuzcangj cungj dwg gij lwglan Hijsauj. (Hijsauj couh dwg Hijdungh.)
Gij lwglan Sih'wj
20Laj neix dwg youq Hijdungh youq dih Hozliq vunz, Sih'wj dih lwglan. Gyoengqde dwg Lozdanh, Cozbah, Giqbenq, Yaqnaz, 21Dijswnq, Hijcaz caeuq Dijcanh. Gyoengq neix cungj dwg daj dieg Hijdungh Hozliq vunz Sih'wj dih gij lwglan ndaw de faen okdaeuj dih cuzcangj.
22Gij lwg Lozdanh dwg Hozliq caeuq Hihmanq. (Yahnoix Hijliqfaz, Dingznaz, couh dwg dahnuengx Lozdanh.)
23Gij lwg Cozbah dwg Yaqlwzvaenz, Majnazyaz, Hijbahluz, Siqboh caeuq Ahnamz.
24Gij lwg Giqbenq dwg Yaqyaj caeuq Yaqnaz. Couh dwg Yaqnaz youq rogndoi bang daxboh de coengq lawz, raen ndaej aen mboq raemxraeuj he.
25Yaqnaz miz daeglwg he heuh Dijswnq, caemh miz dah lwgsau he heuh Ahhozliqbahmaj.
26Gij lwg Dijswnq dwg Yinhdanq, Ihciqbanh, Izlanz caeuq Gihlanz.
27Gij lwg Hijcaz dwg Bizhanj, Sajfanh caeuq Yaqganq.
28Gij lwg Dijcanh dwg Uhswh caeuq Yaqlanz.
29Hozliq vunz dih cuzcangj couh dwg Lozdanh, Cozbah, Giqbenq, Yaqnaz, 30Dijswnq, Hijcaz caeuq Dijcanh. Gyoengq neix cungj dwg youq dieg Sih'wj dih gak aen cuz dih cuzcangj.
Hijdungh dih vuengz
31Gij vunz Hijswzlez youq dieg Gyahnamz mijyaengz miz vuengz mwhde, youq dieg Hijdungh cix miz vunz guh vuengz lo. Gyoengqde couh dwg:
32Bijlah; Bijlah dwg daeglwg Bijwj. Bijlah youq Hijdungh dih Dingzhahbah Singz guh vuengz.
33Bijlah rai le, daengz Yozbah ciep de guh vuengz; Yozbah dwg daeglwg Seqlah, dwg Bohswhlah vunz.
34Yozbah rai le, daengz Huqcanh ciep de guh vuengz; Huqcanh dwg dieg Dizmanq vunz.
35Huqcanh rai le, daengz Hahdaz ciep de guh vuengz; Hahdaz dwg daeglwg Bijdaz. Hahdaz couh dwg boux youq dieg Mohyaz hoenx ndaej hingz gij vunz Mijdenq mwnq. De dang vuengz hih aen singz neix heuh Yaqveiqdwz.
36Hahdaz rai le, daengz Sanghlah ciep de guh vuengz; Sanghlah dwg Majswqliqgyah vunz.
37Sanghlah rai le, daengz Saujloz ciep de guh vuengz; Saujloz dwg Liqhozbwz vunz. Liqhozbwz dwg youq henz dah he.
38Saujloz rai le, daengz Bahlwzhahnamz ciep de guh vuengz; Bahlwzhahnamz dwg daeglwg Yaqgwzboh.
39Daeglwg Yaqgwzboh Bahlwzhahnamz rai le, daengz Hahdaz ciep de guh vuengz. De guh vuengz hih aen singz neix heuh Bah'uh. Mehyah de heuh Mijhihdahbez, dwg dahlan Mij-Cazhoz, dah lwgsau Majdwzlez.
40-43Laj neix dwg daj Hijsauj soj ok dih cuzcangj: [40c]Dingznaz, Yaqlwzvaj, Yehdez, [41]Ahhozliqbahmaj, Hijlah, Bijnaenq, [42]Gihnazswh, Dizmanq, Mijbijcaz, [43]Majgihdez caeuq Hijlanz. Gyoengq neix cungj dwg Hijdungh vunz. Gyoengqde soj youq dih dieg [40b]caeuq gyoengqde gak aen cuz dih coh cungj dwg ciuq gij coh gyoengqde ma an.
Chwazi Kounye ya:
Lizsij dih Gaihcij 36: YBNT
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© New Bridge Publishing Company Limited