Sam 101
101
Laxakaape At Loorong
1O Leeme Silok. Loxompixan tarak i paase mumu loxokok la levelinga mokmokso ram la ana vixan i ru. 2Loklok tarak nabap sepse. Ningisa ba unaba vot posiga ia? Lorooro rak naba dadat to xeneng at loogu rak, 3la a noxo esuuxun mi laxapmek. Nia ak lox angtungun ti leveloklok atnedi dim taba arulu ne Moroa; nia a noxot kis esogo rinotno eburu minedi. 4A noxo babala vukpuk, la a noxo emu mi limixin kapmek. 5Anaba riki xepe nege di, di vepaase siksikma xapmek mumu lentaba vetpes. A noxo esuuxun mi taradi loklox aaso la im simi aurur i.
6Anaba lox asuusu i at laxasep tinedi di ruturun amisik ti ne Moroa la anaba siam abeles nedi xusu dinabak lok eburu minia ro xeneng at loogu at loorong. La nedi ua dixo babala vukpuk, anaba siam ka di xusu dina gugu ria.
7Naba xopmen tetadi xaxarang naba nemen eburu minia ro xeneng at loogu at loorong; ba xopmen tinotno tetadi aatu naba nemen saparav ia. 8At levenaleng amisik anaba sesele utut limixin ua dik lok leveloklok kapmek keneng at lenep kangka atnedik. Anaba saksu minedi lorooro atdi i bilinga rino uto xamang basinge lemenemen silok at Leeme Silok.
Chwazi Kounye ya:
Sam 101: mmx
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2011, Wycliffe Bible Translators, Inc. All rights reserved.