Vèsè popilè nan Bib la ki soti nan MARKUSI 13

Pataje

Guŋ pɔ awɛ gɔ sɔ' pɔ wɔ nə tso tsɑ̌. Tə́ mo yə ě tɔm tə nə miŋ a gɔ sɔ' vɔk.

Po pɔmtə́, po ti tə tǐ nə pa' po ka zhyə cwə yə́ a gɔ sɔ' pɑ yá a.

Pu sɔ' bɑ dɑ́ wɔ nə gɔ m nə hɑ po'o, ka lam tsɔ wuŋ sɔ́ nə ywə yə pǒ gɔ kó ghɔm a; nə pa' ywə yə pu gɔ sɔ' hɑ bi po cwə o bɔ a, po ghɔm ya bɔ; nə pa' tə wɔ nə gɔ sɔ' ghɔm pɑ́, Zhwenyə Dɔlɔ̌ nə gɔ sɔ' ghɔm nə yɔ tsʉ'.

Kɛbəŋ pu cǎ' gɔ sɔ' mi, tə mghɔm mə tə́ gɔ sɔ' mi pɑ́.

Da' gɑ́ sɔ' m nə tyɛ'dzʉ́ bɔ, kɑ cwə dzʉ̌ bɔ̌ lə, sɔmmo ka zhyə, ba pɑ aŋgəle kɛbəŋ, ba Mú, tə ně da' Tá.

Po gɔ sɔ' yu' shù, pu pìŋ bɑ gɔmnwə nə shù. Po kɑ pwɔk. A puŋ gɑ tsə bɔ təm awɛ, da' gɑ a lə wuŋ bɑ nə mìŋ.

Po ti tə tǐ nə pa' po ka zhyə cwə yə gɛ lǎ' gɔ sɔ' a: Kɑ bwadzʉ̌, kɑ tə́ŋ mtsʉ̌', kɑ cwə yə ko' nthuŋ, kɑ fɔkdzʉ̌ lə. Po pɔmtə gɑ e kɑ vo'nyə wɔ vo'nyə, nə sɔ' po pɑwə dí. Ywə yə gɑ̌ gɔm bi po a, gɑ gɔm bi gùŋ pɔ̀ awɛ: Po ti tə ti.

Nə pa' mu' guŋ gɔ sɔ' pɑ lo' yə mu' guŋ. Mu' Nəfo pɑ do' tsyə mu' nəfo. Cǎ' pɑ shʉ'nyə́ nə mtsʉ' jɔmyɔ̌m. Kəya' pɑ jɛ́; a gɔ sɔ' pɑ pɑ́ nə to' go' nə dzə́.

Nə pa' a bɑwə shəŋ gɑ pu ləŋdzə siŋ Cùŋ pɑpuŋ bi gùŋ mgùŋ awɛ.

bo'gwyə pɔ gɔ sɔ' lɑ tso tsɑ̌ sɔ', pɑ ghɔm gɑ: A bɑ a, ghə̌ pɔ jɔmyɔ̌m hɔ́jyə̀.

Po pɔmtə́. Pu gɔ sɔ' pɑ hɑ wɔ nə mdyə́ fyɛ' pu a msinagogə, pu pɑ shwɔ wɔ, bɑ fyɛ' wɔ dzə̌ mgɔpna' pu a mfomfo po'o nə thə́ a. A pɑ mtiŋ nə ŋkwithɛ bi pu.

Pɑ mkristo nə fʉtə pu a pɑ mghɔm ghɔm Si nə fʉtə gɔ sɔ' təm jyəjyə̀, pɑ ghə mtíŋ pu a nthinthi msya, nə ghə pɔ jɔmyɔ̌m hɔjyə, ba shɑ pɔ pyə pu lě shi wap a.

A gɔ sɔ' pɑ nə mtyɛ'dzʉ bɔ, tə bɑ ghəghʉɔ yə̌ŋ cyə, a nam sonyə́, mɑŋwə́ pi, msɛ́ to' nə pɑ fɑ kɛbəŋ bvʉtə́ si, mtʉ̀ɔ kɛbəŋ cʉ'nyə́.