Vèsè popilè nan Bib la ki soti nan Exutu 3

Pataje

Ynara tykase Ritonõpo: — Ywy ase. Jesety Ywy Ase, tykase. Mame ynara tykase roropa: — Ynara ãko mase eya xine: “Ywy Ase jenehpoase oya xine.

Ynara tykase Ritonõpo: — Amaro exĩko ase. Ypoetory tõ enepyryhtao oya Ejitu poe, sero ypy pona oehnõko matose jeahmase. Morara toehse ahtao tuaro exĩko matose ywy roro kuenyohno.

Ynara tykase Ritonõpo eya: — Oetypohko moroto! Asãtajã tõ touko. Sero osa jesaryme kurã nase. Mame ynara tykase Ritonõpo eya

Mame ynara tykase Ritonõpo: — Ypoetory tõ tuarimapory tonese ya Ejitu põkomo a. Toto omiry totase roropa ya typynanohnekõ ekaropory, toto rohmanohponanõ pokoino. Zuaro ase toto etuarimary poko. Morara exiryke tyhtose ywy toto pynanohtohme Ejitu tõ wino, toto arotohme Ejitu poe nono konõto pona, nono kurano. Moroto nono kure mana, otyro zamaro mana. Moroto kananeu tõ nae te, heteu tomo te, amoreu tomo te, perizeu tomo te, heweu tomo te, jepuseu tomo, enara.

Moroto tõsenepose Ritonõpo nenyokyhpyry Moeze a, apoto samo. Pika zatyry tonese Moeze a tororo ãko, yrome ezehpyra kynexine.

Seromaroro aaropõko ase Ejitu tuisary a, ypoetory tõ enehtohme oya Izyraeu tomo, Ejitu poe.