Vèsè popilè nan Bib la ki soti nan Éxodo 11

Pataje

Nache Ñim Nataxala' 'enapega so Moisés, 'eeta': «Aỹem ñaq shecto'ot da qaltaq ñanacot qome ca lỹa seuaxanec ñi faraón qataq 'enauac na Egipto le'ecpi. Qaq qom ime camaye, nache ñi faraón qami' ỹasheetrec, qalaxaye saishet da choche qami' ỹasheetrec, chaqrata da ñimaye ỹataqta qami' ỹo'oldauec qome.

Nache ileu qome na la'auaxanec llalec na Egipto le'ecpi, ivira'a ñi la'auaxanec llalec ñi faraón ñim netagui da no'onataxanaxac, ivira'a nataqa'en nam la'auaxanec llalec ana nlatapi maye lo'o ana namaicnaxanaqte coma'. Nataqa'en ileu na la'auaxanec llalec na shiguiỹacpi. Nache imauec qome na Egipto huo'o ca na'alaxac. Damaye ỹataqta sa qaỹauanapega qataq sa lỹa qome da qaltaq qanauane'. Qaq 'era da la'aqtac Ñim Nataxala'.

Qaq co'ollaq ime, nache Ñim Nataxala' 'enapega so Moisés, 'eeta': «Ñi faraón ỹataqta saishet da qami' ỹoqocha'alo, qalaxaye yaqto' nquictec da ỹo'oxoyec souaxat da so'otec na Egipto».