Vèsè popilè nan Bib la ki soti nan Mt 12

Pataje

Yuj cha, tzwal 'ayex, at yic 'oj jawc jun c'u yic b'eyc'ojlal, jantcn̈ej jun tzo'n̈ paxti may yopiso tzlaj eyala', c'uxn 'oj e b'eyc'ojlax yu'uj. Yujto a Dios 'oj e b'eyc'ojlan yuj tas tzeyal cha. Ata 'oj yal 'ayex toto may e mul, mto 'ay e mul, xchi Jesucristo.

Ax tic, caw 'ixtm 'anma 'ex, lajn ex 'icha no chan. Yuj cha, ¿tom 'ay jac tas wach' tz'el eyalni? Yujto an̈j tas 'ay 'a e nab'en, an̈j chi tzeyala.

A eb' wach' snab'en, wach' tzyutj sb'a eb', yujto an̈j tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj sb'a eb', yujto an̈j maysch'olnil 'ay 'a snab'en eb'.

Yuj cha, tzwal 'ayex, tzann̈j smul eb' 'anma', tzann̈j b'uchwal paxti tzyal eb', 'oj stac' yajx lajwc yuj Dios. Palta a mach tzb'uchwj 'a Yespíritu Dios, a jun smul eb' cha, toxn ma'oj 'ajxc can lajwoc.

Nac si'mb'il, toto 'ay junc snun te wach', wach' sat tzyac'a. Toto 'ay junc te maysch'olnil, maysch'olnil sat tzyac'a. Yuj sat cha, tzcojcan 'eli, tas yaj te snun cha.