Vèsè popilè nan Bib la ki soti nan Sáŋa 15

Pataje

Inyɛ ndiín ya bɔdɛ́d, banuá bɛgas. Ewe unyá aladán agamia, yaŋuá aladán agagá, ugómo bɛsamɔ giod, gágual ká, kand yaŋuá, nudɛbá bágual ta onkól.

Ɔ́nulɔbɛ́n babɛ́gɔ́dán nám, anyɛ́ yaŋuá inyá gubɛ́gɔ́dɛ́n nanɔ. Gɛgas gɛ́diábáná gɛbɛ́gɔ́dɛ́nán agá ndiín dibá bóguóm biínd. Nɛnama niád nímoom nudiábaná bóguóm numén nudɛbɛ́gɔ́dɛ́n nam.

Númɔ́lɔbɛn babɛ́gɔ́dɛ́nán nám, gugál gám lɔ́bɛn aganuá, ubú nugonuófún, nugabia bú.

Saá banuá numɔ́ɔndɔ́bɔn, yaŋuá imɔ́ɔnúdɔ́bɔn, iyanúdɔ́m sɔ́n ká núbɛ́dɔ́gaan biínd bídiámanáná, ány buanda gidigid nugonuófún Babá agá ɔfɛ́n wám, uganúfá bú.

Mɔnd mégú góbúsió bá begúl bág, anaány gúnyá ká unyɛ na gianta gá ɛlɛ́ga gudúmbídenyi.

Bɛgas bám bídiómónó, ugúsána bɛ́, ebie biómonó, ugayɛŋaan bɛ́ ká biánd guómo giod.

Gisele gám egie, ánulɛ́gánɛ́n banuá na banuá, anyɛ́ yaŋuá nnúlɛ́ganá.

Buanda buéŋené Babá wam nugúm nyɛ ká núbídúgaan biínd giod, núbá sɔ́n bafɔ́nɔfɔ́n bám.

«Yaŋuá inyɛ mbanda ndiín ya bɔdɛ́d, Babá wam ugɔ́lɔnɔ́ gɛsɛgɛl na bɔ́.

Mɔnd udiɔ́lɔbɔ́nɔ́ abɛ́gɔ́dán nám, béguétenyi wɔ́ agá ɔɔ́nd anyɛ bɛgas bɛsɔ́mbán. Bɛgas ibiány máman gukɔ́d, bábád bɛ́, béti bɛ́ agá yoóg, bɛ́bɛ́ga.

«Ngúnuɔ́yɔɔn ubuány ká bɛdɔdɛn bám bá aganuá, nuónd nuɔ́bɔɔn bese taá.

Númábɛ́dɛ́gaan bisele bám, nugɔlɔbɛn babɛ́gɔ́dɛ́nán agám gá ɛlɛ́ga. Kɔɔ́kɔ anyɛ́ yaŋuá imáalá nŋɔ́bɛnɔ gá bisele bá Babá wam iyond iyɔlɔbɛn agág gá ɛlɛ́ga.

Imɔ́nuɔ́yɛ́dɛ́n ká: Ánulɛ́gánɛ́n.

Núbánán band bá gus egue, gesí band bá gus gúnúbíléne gágual ká nunyɛ bɔ́b. Nudɛbá band bá gus egue gágual ká imenuéyíd agá gadágadá wa band, buád buanda bánúfɛ́maná.