Vèsè popilè nan Bib la ki soti nan Mata 24

Pataje

Dadawar a navas ŋ la mambaza. Mavəday anta, laɗaw kusam mala hejəye vəram, a nesef anta. Cemey, ɗala ma sew gef aza hwas ata laŋtakw ca, a nereh.

Əy naghwalza Ma Mewe ma Taŋtaŋ mala Lazam bay mala Gazlavay aza ŋ manhayak tewtew, ndar hejəye tewtew ma kasan Gazlavay səkwaw ege, əy zləme ma anta aza. Aya, a təwse ca, laŋtakw manhayak a nandaha.»

Hune nezləme zlap ata laɗa gham ege ma mbermber ey ma gədak gədak ege. Hune sla aka, hune ɗaw ŋ lalak səkwaw, mavəday səy səkan ŋghe anta ege, əy mala tata. Cemey, ara laŋtakw manhayak kwagwa səkwaw.

Hejəye ma ŋ hayak wende ege, əy naɗa gham a hejəye ma ŋ hayak wende ege. Bay wende a naɗa gham a bay wende. Metes ma dakal a nalaha leŋ hayak a nahəɓal ata la ege vedəye vedəye. Cemey, səkan ŋghe ege tewtew əy nala ca, ana ledew lambal ma mala wala ma kaɗaw ŋ mbaw.»

La ma ata uzlaf ey hayak, əy natuwaɗ, cemey, zlap naka ege ca, əy kanatuwaɗ, askwaw kaw vepey.»

Cemey, hejəye vəram əy nandaha a zlam naka, aya, kaw vayay, a nazlap ca: “Mbe ca, ara Almasəyhu!” Əy nabaɗzata hejəye vəram.

«Aya, hejəye, əy navalzahune aka ŋ sa gef dakala, əy najahune aza. Hejəye ma ŋ manhayak ege tewtew, əy kanaɗawahune, səkwaw, mavəday sa. Ata vah anta ca, hejəye vəram ma lemzekey aza ege, əy neyekzekey aka, əy navalza ha tata ege, ŋ taba tata, əy kenececefza ha tata ege, askwaw. Uzəye ma zlap ma metəwle ege vəram əy nandaha, əy nabaɗzata hejəye vəram.

Yesu a zlepetene, a ŋgaya: «Hune sla ka! Hejəye əy ɗaw ŋ baɗzahune, səkwaw.

Cemey, hune yam, hune sla ka kadak kadak, mavəday, Mba Ɗala a nandaha ca, ata vah maa hune kasan səkwaw.»

Ana ebe ŋghe, hune sla aka, hune ɗaw ŋ wan ŋkune səkwaw, mavəday hune kasan pes maa Bay Madakal ŋkune, a kanandaha, səkwaw.

Yesu a zlepetene, a ŋgaya: «Cemey, kaw ɗala a kasan pes anta, askwaw ca, la tete maa a kanandaha ca, askwaw. Kaw malaɓ Gazlavay ege ma mgba ata uzlaf, kaw Mba Ɗala yam, səy Vana teŋguleŋ anta ma kasanaw.

Mavəday, hejəye ma kazlap, əy ŋgaya, tata Almasəyhu ege, askwaw ca, tata uzəye ma zlap ma mala Gazlavay ege, əy nandaha, əy nala zaɓəla ege vəram ŋ baɗzata hejəye maa Gazlavay a mayata aza ege.

Ata vah maa Mba Ɗala a kanandaha ca, səkan ege, əy nala ana səkan ege ma laha ata vah mala Nuhu. Cemey, ata vah wese ca, mar van ma dakal mambaza a naɗaha ca, hejəye əy kazam səkan, əy kasa səkan, əy kaca weləye, askwaw ca, əy kavalzata heldəməye tata ege asa mawal, ha hwas a pes maa Nuhu a dam anta ŋ kwambawal. A təwse ca, kaw hejəye, əy kásanɓa səkan wende a nendewzetene ca, askwaw, ha van ma dakal mambaza a ɗaha, a fətekzata aza tewtew tata. Vah ma Mba Ɗala a kanandaha ca, a nala ana mbe yam.