Vèsè popilè nan Bib la ki soti nan Matayo 6

Pataje

Mira kune rongadaani Udilao wa Kiumbi nakuboi huyo edumu yaboike, naka makhabuna mnesusuwe.

Kwato musitoti kwa mburi ya lhenu, kwaite lhenu inekunyamarikia salaghe. Kunyamarika kwa iaze iwe kumuagha.”

Kwato nimubaya, musibughenu mburi ya mifufuire kaghu ite munea kiakhoni hile munewaha kiakhoni hile muneoro kiakhoni. Ho, mifufuire simikulhosha kutakho viaghu na msa sikutakho gomae?

Mira kune mkuaresi, buuni za he minda kaghu naho mulhati maluhige mumuaresi Aba kaghu esiakhoika. Naka Aba kaghu eakho yematuike, enemuo vitumulilo kaghu.”

Kwato mkumuaresi Kiumbi, muba to, “Aba kanu uaha are ana, Ilhe kechi likowe. Udilao kechi ulita, Hucho udumu nachikhwa wato, ii he idi saare ana.

Utuo viaghu kanu kira muaze.

Utukaaie makusa kanu, Sakigi nne tuvakaaiya vakusa kanu.

Usituro tukagaliwe Mira utukaa hehu mkusa. Kwaite Udilao ni mkechi na umuruisho na ugiru, maaze makhabuna. Nachikhwa to.”

Kwaite mkuvakaaiya vahe makusa kini, Aba kaghu eaha ana enemukaaya na kune.

Wesiani vuhimeno tevulha mbeyu, naho tevuloja naho tevulo mami'a yakukea, mira Aba kaghu waare ana eyao viaghu. Ho, kune temvakulho kutakho mahimeno?

“Musikukeiye uzuri kaghu he idi kwaite vunyongole na nkanga vineoni, naho vagwalo venebuu na kugwa. Kukeiyeni uzuri kaghu ana he Kiumbi areho vunyongole na nkanga tevimuru kuoni neri vagwalo tevemuru kubuu kugwa. Kwaite ho uzuri kechi unekhwa uaha niho na swaho kechi ho inekhwa iaha.”

“Tehelo neri muhe muwe emuru kunyamarikia madilao vanu, enemsanuiya muwe naho enemdumu mhali, enekhwa mkulho he muwe na kukhwa na kumfwa mhali. Kune temkamuru kumnyamarikia Kiumbi na uzuri.”

Mira chikukhwa Kiumbi eyaoroija kikulho to ya mahako he mbuva yeaha wai na lhenu yetabibiwe he mwalha, ho tekamuoro kikulho kune musilo kudarisha kufurue?

Mira ari mkumlhaari mhuye, boini kwa kumatu neri muharegha kechi wa hina usiile hucho muharegha wa sughano uboi, kalo kivulu kechi chisiiliwe ni muhe mhali. Niho Aba kechi waare ana eakho vimatuike enekuo kitumulilo.”

Wesiani musirezaboi miboire kaghu mikulho he vahe kalo ite vamuakho. Kwaite mkuboi to, Aba kaghu eaha are ana neri tekamuo kitumulilo.

“Mukulhati kusaa kigi, musiaije uhuye sacho veboi vahe vakusa vekuboi vakulho. Kwaite vo vekoma vubasa kini kalo vamuru kuakhoika he vahe ite tevae. Nimubaya kweri, kavo vaafiriti kudoria vitumulilo kini. Mira kune mukulhati kusaa kigi, muonhi vubasa kaghu naho mulhomi malhoma he mia kaghu, kalo kulhati kaghu kusaa kigi kusiiliwe ni vahe vahali, mira Aba kaghu bi waare ana esiakhoika niu edumuwa aile, naka Aba kaghu eakho mburi jo muboi jimatuike enemuo kune vitumulilo kaghu.”