Vèsè popilè nan Bib la ki soti nan Ichedendik 9

Pataje

Ibinọkpaabyi obir oben bẹ́, “Ma wọ ode ẹkọhka ch'echekẹ chaam ọmaana bọnga, ọmaana ọttọhk kpenamkpen f'orukọ akpen f'oning ọmaan-ọ, kw'ode echekẹ chaam ọmaana iva p'iva pọ maphyir p'mm'ammaana z'ogbe ororo. Kaam kk'esidibhada chaam nsoka z'ebonọ ch'ọrọngkpakpa, dẹ dọ im'ede ẹkọhka ch'echekẹ chaam ọmaana iyagbin.

Ogbe kpenamkpen kw'esidibhada eyinẹ ny'ebonọ, kaam m'nze chẹ, njima echekẹ chaam ch'ttattampe ch'nsi mmaana ekpo k'akira k'akira maphyir py'eruk akpen m'iyagbin.”

Ọnọng kpenamkpen kw'ọfhọ oyokinọng, oyokinọng m'obir ọfhọ kẹ ọdọk, okurọ bẹ́, Ibinọkpaabyi osi oyokinọng okerẹ kẹ.

Nya o, Ibinọkpaabyi osi Noa ọttara iva pẹ ittabọhng, oben bẹ bẹ́, “Tte ojibh ọnang bọnga. Tte iva pabọnga masaabh, mabir anyaamẹ m'iyagbin.

Ọttọhk kpenamkpen f'oning akpen, obir oninga m'iyagbin, m'ode ọchattọhk ọnang bọnga. K'ose kw'uwa nchi eden nnang bọnga eborakpo, minna kw'nnang bọnga ekpo maphyir bẹ́, machi.

Tọma ma china ororo, nten maphyir s'ining m'iyagbin, ọmaana ọnọhn maphyir, ọmaana ekpo maphyir py'ening ny'ogbin, ọttara nten maphyir s'ining z'ọraanga, ekpo mbyo maphyir, m'eyena ojora kwiden k'abọnga k'ifor. Kk'bọnga ẹfa nnanga ch'mm'atima abaabha bẹ.

“Ṉ́nòde bọnga, màsi ọmaan k'ọsaabh, mànyaamẹ k'ibyi kpenamkpen m'iyagbin.”