Vèsè popilè nan Bib la ki soti nan Ichedendik 15

Pataje

Abram ochera ọmaana Ọvaar Ibinọkpaabyi. Ofona nya, Ibinọkpaabyi ọtọk-ẹ mach'ọnọng kw'otor-otor.

Nwonya ọsa nya o, Ọvaar Ibinọkpaabyi oyin okebha Abram, oben-ẹ bẹ́, “Abram, oning-ọ ojor, kaam m'nkker-ọ ọfha ọttọhk oning-ọ osi, kaam m'mbira nsi ẹtaam chiden nnang-ọ.”

Pira Ibinọkpaabyi otima Abram oyin k'iyaan, ọkọhk-ẹ ndidorọ z'ọrọngkpakpa, oben-ẹ bẹ́, “Kk'aza k'ose kw'ndidorọ isaabhẹ za, ọnọng kode kw'im'okpo obhik. Minna kw'kwuna iva p'iva pọ mm'asaabh.”

Pira Ọvaar Ibinọkpaabyi obir ọgbaak odik, oben Abram bẹ́, “Mma e, minna mòde. Ọtọhmnọng nwa azang wọ im'ochi obo kwọ. Nnwa kwọ oyene, kw'ofon ny'ikọ k'adima, kẹ wọ im'ochi obo kwọ.”

Nya o, Ọvaar Ibinọkpaabyi oben Abram bẹ́, “Zonga k'odik ọkkọkka bẹ́, iva p'iva pọ, mm'ade akikennọng k'ẹkọma ch'anọng. Bẹ mm'aninga k'ebira, mm'abir anang bẹ irem, k'icho minna ẹnọhna.

Abram ọbhaang nya o, oben bẹ́, “O Ọvaar Ibinọkpaabyi kw'Ẹfa maphyir, bọng-ọttọhk f'ikọ im'anang-m ch'kaam ina nnwa nyen? Ọnọng kw'im'ochi obo kwaam ode Eliyeza kw'ofon Damaskọs.”

Ny'ewu ndo, Ọvaar Ibinọkpaabyi osi echekẹ ọmaana Abram. Oben-ẹ bẹ́, “Iva p'iva pọ bọ p'm'nnang izek nja, tọma z'ọraanga kw'Ijip maa, pyirẹ z'ọraanga kwiden kw'Yupharetes.

K'ipemaanitor s'ittong nna, iva p'iva pọ m'akpa nnam m'izek nja, okurọ bẹ́, ogbe otima opyira kw'im'nkwubh anọng p'Amọr okurọ mpyibha sabẹ.”