Vèsè popilè nan Bib la ki soti nan Mateo 13

Pataje

Ila mbeyu jenaa jalejagweela mo oloongo mosoga, a mofwano wa vantu vanaa vakhotegeela Mpola ya Matuunda ne kholemanya. Nanevo vakholela viligi, yomwii kholela igana no yoonge kholela makomi sita no yoonge kholela makomi gatato.”

Mbeyu jenaa jalegweela kho miyaa, jekhopyanekelwa no muntu yunaa khotegeela Mpola ya Matuunda. Ila kho nguno ya khotungumala khougela opanga, no khopepelwa ne matamanelo ja nsawo. Olebananga mpola ne vakhakhowola kholela viligi.

Muntu yeyensi yunaa khotegela mpola khougela owami wa khochanya pa Matuunda, ila akhakhomanya, muntu oyoo khwipyana ne mbeyu yenaa yaleyagwela mo njela. Papenee Khatawe akhwija ne khosola eloo lenaa Matuuunda atulagaa mokhate mwakwe.

Mbeyu ejoo jenaa jalejaminjwa kho oloongo wonaa nkha mwinki, a muntu yunaa akhotegeela Mpola ya Matuunda, ne apaponye akhopokeela khwa otogwi. Ila olewamba mpola eyoo kho ituungo ikupe topo, kho nguno akhaikhotwiina modugo mokhate yawe. Epo magayo ne magayanjo panaa gakhovijela kho nguno ya mpola eyoo, apaponye vakholekhaa khoyegoomba.

“Owami wa khochanya pa Matuunda, opyanilwe ne kento cha mpia nkolo kenaa alechaswekhaga momogoonda. Muntu yomwii aleakewona ne akakeswekhaa khanke. Aleasekelela modugo, apenee aloma khopeta khogolya vento vyakwe vyensi venaa angile atite, ili agole mogoonda ogoo.

Jiinge jalejagweela mo oloongo mosoga, jaleemba, jalela, yeenge yalela nsanka igana ne yeenge yalela nsanka makomi sita ne yeenge yalela nsanka makomi gatato.

Moleke vyensi vekole palomwi mpakha ituungo la khokungula. Ituungo eloo ndavaweela vakunguli kete, vakungan'ye taali ndagu ne khogatuunga ne khogatuula kho maloondo ili vagatime. Ila vakungule ogosi, vaituule mo keyenge.’ ”